教育王國

標題: 阿女好多野堅固, CUT 咩野好? [打印本頁]

作者: antia 時間: 12-2-28 17:04 標題: 阿女好多野堅固, CUT 咩野好?

女女今年五年級, 最後學期開始計分, 她現在每天的時間不夠用來溫習, 以下課外活動CUT 咩野好?

1) 公文數  (上年8月開始學, 現在才開始學份數--每天花 20-30分鐘完成)
2) 精數班  (1個星期2), 數學不嬲很差, 學完1個月後由D變成A, 唔知係公文數有幫忙定係精數班,但精數班只是1個星期1次`3-4頁的功課做同埋只學了2個月!
3) 乒乓球
4) 英文班 -- 讀了後成績不見有進步, 但成績 keep 到!
5) PIANO -- 每天要花半至1個小時練習
6) 補習 -- 每天放學後開始, 大約 6:00 才完成, 主要係完成當日的功課和默書!  如有時間才做課外練習! 不過都無咩!:cry:

總括而言 : 每天6:15前回家, 沖完涼, 食個反, 都要7:30, 之後做大約半個小時的公文數,半個小時練PIANO(最少), meme摩摩都要9:00 -9:30 才完成, 唉, 點有時間再溫習, 佢都倦啦, 未停過, 如果再拿多1個小時溫習會唔會好忙呢, 大定比些意見, 是否需要cut 些無謂的課外活動!

作者: antia 時間: 12-2-28 17:07

仲有中文班 -- 1個星期1天 ! (星期六)

作者: Ultrawan 時間: 12-2-29 16:42

提示: 作者被禁止或刪除內容自動屏蔽

作者: antia 時間: 12-2-29 16:50

Ultrawan 發表於 12-2-29 16:42
乒乓球是否一定要學?

其實係可以, 因為佢只係1個星期1次返, 無咩練, 我只想佢有做運動同埋RELEX 一下紅! 但老師未有安排她考章同比賽(學了差不多1.5年), 唔知CUT 唔CUT 好!

作者: Crabtree 時間: 12-2-29 21:30

回復 antia 的帖子

anita,

我會cut乒乓球, 已經無時間溫書, 升中當然成績行先, 課外活動後話, 若果d課外活動有比賽成績, 咁又另話!

作者: quincyren 時間: 12-2-29 22:46

運動都好緊要，不過要睇下佢對乒乓球系唔系真有興趣，如果好中意，一星期一次都ok啦

作者: feiji 時間: 12-3-1 01:18 標題: 回覆：quincyren 的帖子

Cut 一樣數學啦。既然已攞到A, 不如cut 公文數。咁每天可做少半小時功課。

作者: reei 時間: 12-3-1 06:54

Cut everything except 3 and 5. But best to discuss with your daughter

作者: 音樂人長老 時間: 12-3-1 10:26

明白樓主嘅煩惱，小五下學期及小六上學期呈分對升中好重要，尤其是中英數三科。

我有教琴同小六數學課後輔導，個人覺得學生數學基礎不足同好怕呢科，可能嘅話都keep住補，操練多啲先做到快而準。運動量不足就唔好CUT打波，鋼琴唔知學到幾多級？和琴老師商量減少上課時間及練習量，等囡囡可以隔日練半小時，多咗嘅時間做温習，教育制度係咁，有得必有失，睇樓主描述學琴只係課外活動，未必係佢嘅興趣。

作者: Saint.kwong 時間: 12-3-4 14:32

我會Cut 公文數，精數班已經夠了

作者: JOSEPHINE_LAU 時間: 12-3-5 11:53

本帖最後由 JOSEPHINE_LAU 於 12-3-5 11:53 編輯

回復 antia 的帖子

囡囡都五年班了,不如問她的意見,覺得想學那些,和她一起分析那些對她有較大幫助和較大興趣,

作者: antia 時間: 12-3-5 14:46

多謝大家的意見呀!

Josephine, 我問過啦, 佢話補習班, 以我所知,補習班對她都好嚴, 如果比佢作決定又不是好事, 現在公文數好好多了, 上次問左老師, 佢話現在升到份數, 見佢現在每天都係做15分鐘便完成, 也可以接受, 有諗過cut 補習or table tennis, 但又怕佢無動的一面, 唔想佢死讀書! 而補習就只係幫佢對下功課同默書, 考試前1-2個星期先幫佢溫下書, 做下卷! 唉, 都唔知cut 咩好, 好煩!

作者: 音樂人長老 時間: 12-3-5 18:30

而家事事講民主，但有時民主係要付出代價，跟緊一個又烟又酒失學少年case，上課時間安排在早上，如講民主徵求佢意見會要求下午6點後，因為每日下午3、4點佢先起到身！

樓主所講補習班其實可算是功課輔導班，但唔好以為督促小朋友完成每日功課係容易嘅事，否則呢類班唔會咁渴市，下學期過咗成個月仲有請人post，CUT之前樓主要諗下阿囡會唔會自動自覺做功課先，唔係就大家齊齊無得瞓

。

作者: Dearivy 時間: 12-3-6 13:34

提示: 作者被禁止或刪除內容自動屏蔽

作者: antia 時間: 12-3-6 14:52

音樂人長老發表於 12-3-5 18:30
而家事事講民主，但有時民主係要付出代價，跟緊一個又烟又酒失學少年case，上課時間安排在早上，如講民主徵 ...

多謝你的分享, 現在清楚好多, 我都係暫時唔CUT, 其實我有諗過由1對6補習改單對單, 唔知有無幫助, 一個星期補3-4天, 可以專註D WEAK SUBJECT, 咁到時可以CUT ENGLISH OR MATH(精數班), 你意見如何!

作者: prettygirls 時間: 12-3-6 17:25

其實都五年級，應該可以自已自律做功課，溫默書。吾通上到中學＋大學都要靠人幫才可應付學業，到時都會係一個大問題。10﹣11歲人都應該訓練吓！所以，cut 6。

而Maths 都有2樣，不如認真想想是什麼對囡囡有幫助。cut 其一。

作者: BBHim 時間: 12-3-7 11:45

鋼琴唔知學到幾多級？唔好蹝時間, 升中有8級都冇用, 除非有公開獎

作者: Mokilily 時間: 12-3-7 12:43

我會cut乒乓球

作者: antia 時間: 12-3-9 11:50

prettygirls 發表於 12-3-6 17:25
其實都五年級，應該可以自已自律做功課，溫默書。吾通上到中學＋大學都要靠人幫才可應付學業，到時都會係 ...

謝謝你的意見, 阿女都試過唔補習, 因我要上班,未能CHECK 每天的功課進度, 以至她常常拖延時間, 如她補習回來, 我還可以叫她溫下書, 現在公文數每天改了做15分鐘, 還好的, 我已同公文數相討過, 功課時間可以更改, 但我仍然諗熙CUT唔CUT, 若然影響她的溫習進度! 你說中學會唔適應, 我諗中學我不會幫她了, 現階段只想她搵到好中學! 我大女到了中一也能自立, 不用我去煩惱! 所以呢年半還要辛苦點呀!

作者: antia 時間: 12-3-9 11:52

Mokilily 發表於 12-3-7 12:43
我會cut乒乓球

其實想 CUT TABLE TENNIS, 因為個老師好像沒有心機教我個女!

作者: antia 時間: 12-3-9 11:55

Crabtree 發表於 12-2-29 21:30
回復 antia 的帖子

anita,

她TABLE TENNIS 學了年半, 進步是有的, 但個老師仍然沒有安排她考試同比賽, 但我又唔想佢無運動, 但我知有時要忍心的, 如學業重要過讀書!

作者: antia 時間: 12-3-9 12:00

BBHim 發表於 12-3-7 11:45
鋼琴唔知學到幾多級？唔好蹝時間, 升中有8級都冇用, 除非有公開獎

她今年年尾考5級, 但比賽都有取到"銅" 同校際取了優良成績, 好是有興趣學鋼琴, 咁CUT 左會唔會白費她多年的努力!

歡迎光臨教育王國 (/)