教育王國

標題: 聽鋼琴CD對學琴有無好處? [打印本頁]

作者: frenchfries 時間: 12-2-28 00:23 標題: 聽鋼琴CD對學琴有無好處?

囡囡學了年幾琴, 唔鍾意鍊琴. 但鍾意既歌就自己研究, 唔使人教有時間就自己走去彈. 佢話唔想學琴, 但要留下個琴來娛樂. 我想她是對鋼琴有興趣的.

所以想到"通x"買100首兒童鋼琴CD俾佢聽, 等佢鍾意後會想找來彈, 增加她學琴的興趣. 或者以後彈起上來也知道自己有無錯. 但有琴老師說, 教琴時不會整首歌彈給她聽. 因為如果她聽了其他人彈的後, 就彈不出自己的神髓. 那麼聽CD究竟好不好呢?

作者: Snoopy_Mom 時間: 12-2-28 05:34 標題: 回覆：聽鋼琴CD對學琴有無好處?

我都有問過琴姐姐呢個問題, 佢話佢而家都成日會聽喎, 佢教親每首歌, 臨完堂都都一定會彈哂成首歌出黎比我地聽, 就算我去緊廁所都一定會仆出去聽

我諗參考下人地點彈無壞丫~又唔係叫你做copy cat

妨且提升到小朋友既興趣, 幾好呀

作者: 十月媽咪 時間: 12-2-28 07:20

我女晚晚聽住瞓!

作者: 四隻貓 時間: 12-2-28 07:34 標題: 回覆：聽鋼琴CD對學琴有無好處?

我自己喜歡聽，所以仔女自小都有聽開，咩種類都聽。
我覺得聽音樂是有好無壞的。

作者: lillymarie 時間: 12-2-28 09:29

其實唔會“聽了其他人彈的後, 就彈不出自己的神髓.”
就好似寫文章咁，初學時睇多D，抄下好句。到自己有返咁上下功力時，就自然會創造出自己的風格。
況且，同一首歌，不同的CD，不同的人演奏，風格亦不一樣。

作者: w_y 時間: 12-2-28 13:06

同一首歌都有好多人彈過, 我會讓孩子多聽不同版本, 我唔識, 唔會出聲, 但她有她自己的想法.

作者: hyatt 時間: 12-2-28 13:13

w_y 發表於 12-2-28 13:06
同一首歌都有好多人彈過, 我會讓孩子多聽不同版本, 我唔識, 唔會出聲, 但她有她自己的想法. ...

我分兩種，平日有時間乜歌都聽下，就算流行曲我地都聽，小朋友仲細，經驗有限，多聽不同類型的歌小朋友彈琴會expressive d。如果係彈的歌，我通常要佢自己彈哂至俾佢聽下人地點彈，人人彈出嚟都有不同的感覺，要佢自己感受下，亦避免佢因為聽過人彈過而唔係睇譜咁彈出嚟。

作者: 四隻貓 時間: 12-2-28 14:58 標題: 回覆：hyatt 的帖子

跟你相似，pop music 如Eason chan, Faye Wong , classical music 如交響樂，獨奏，協奏，歌劇，咩都俾佢聽。我覺得對音感和耳力也有幫助。

作者: ohmygosh 時間: 12-2-28 15:04

作為老師﹐我會幫助學生建立他們的個人演奏風格以及對樂曲的獨立思考和詮釋能力。在此基礎下﹐多聽別人的演奏﹐多觀摩﹐多思考﹐多分析﹐只有益並無害。恆常而全面的訓練和學習活動也使學生能自行把樂曲看懂和彈奏出來﹐不會因為聽了recordings而play by ear 以至不懂看譜。

作者: iamegg 時間: 12-2-28 15:23

回復 frenchfries 的帖子

其實囡囡幾大? 我自己覺得聽(古典)音樂CD其實同喜唔喜歡學鋼琴冇直接關係. 我由細聽到大, 好欣賞古典音樂, 媽咪係教琴ge. 結果呢? 我一級都冇. 所以其實鍾唔鍾意彈琴係有好多其他因數. 年紀, 耐性, 感覺, 環境, 等等, 都會影響. 聽音樂CD最大嘅好處其實我覺得係, 如果你信, 對右腦嘅發展. 右腦發展得好, 又唔代表佢會變成一個藝術家. 不過左右發展平衡, 諗野會全面D. 我覺得係幫到佢將來大個處理事情嘅能力幫助比較大. 講到尾, 音樂或者藝術其實冇得逼. 我眼見好多考完五級或八級嘅人完全放棄左彈琴或者音樂. 大人亦都無能為力.

我贊成你keep住比佢聽音樂, 尤其係反正佢都鐘意. 但係就唔好expect個效果係佢會好鐘意彈琴. 或者佢會鐘意上第二種樂器呢? 不如目標係比佢認識音樂先啦.

歡迎光臨教育王國 (/)