教育王國

標題: 小女返咗一年游泳班, 都未學潑水........ [打印本頁]

作者: Agenda 時間: 12-2-27 17:11 標題: 小女返咗一年游泳班, 都未學潑水........

你哋d仔女要學幾內才學潑水呢?

我應否比佢再學下去呢?

作者: SCKnight 時間: 12-2-27 22:24

咁你個小朋友有幾大？

作者: tracytamchunsiu 時間: 12-2-27 23:39

提示: 作者被禁止或刪除內容自動屏蔽

作者: chanwendy 時間: 12-2-28 11:09

我女 10 年八月開始學到而家, 已經係單對單的了, 到而家都未學識. 一開始係我同佢一齊學, 所以頭三十幾堂都唔係所有時間都係教亞女, 同埋亞女唔太敢落水, 即使簡單如吹波波都搞好耐. 同埋我地又只係一星期上一堂, 有時遇著旅行又要停, 雷暴又要停. 我女一停一堂就會退步兩堂, 變咗又要重覆返之前的兩堂. 而家叫學咗年半, 叫進步咗好多, 至少可以拎住板游自由式同蛙式, 但係要唔拎開板游兩步, 佢都仲係好驚. 不過見到佢有進步, 我都會繼續比佢學既, 期望暑假完前可以甩板游到自由式同蛙式啦.

順帶一講, 我見同場隔離老師帶的學生, 係鬧學生鬧得好勁架, 我見過有學生係一路游一路喊架, 我唔鍾意咁樣, 覺得咁樣反而令佢更唔鍾意, 所以即使已經洗咗萬幾二萬蚊, 我都寧願佢係游得開心, 有進步時老師會獎佢嘢食.

作者: bebelee 時間: 12-2-28 11:36 標題: 回覆：tracytamchunsiu 的帖子

請問可否pm我教練資料？summer想俾仔仔學

作者: tracytamchunsiu 時間: 12-2-28 12:47

提示: 作者被禁止或刪除內容自動屏蔽

作者: Agenda 時間: 12-2-28 15:25

請問你們的仔女都有多大呢?

我囡囡依家唔係由私人教的, 係返泳會的, 一班有四個小朋友的.

作者: chanwendy 時間: 12-2-28 16:46

睇吓你點睇, 可能有家長覺得單對單本身已經貴好多, 梗係有咁快得咁快學識最好啦, 唔洗再比錢嘛. 同我女同場有幾個小朋友, 上年女開始學時已經見到佢, 到而家都一路見到佢, 佢可能係操水的. 上年已見佢游到晒四式的, 近幾堂細意留意佢, 發現個老師返轉頭執佢的泳姿, 我突然覺得更加唔可以急, 佢學緊時你唔執佢, 到佢識游時你先話佢錯, 佢咪好 confused 囉. 我之前見人地差不多年紀游得咁叻, 都會心諗點解老師堂堂都主力執佢泳姿, 真正游自由式同蛙式的時間反而唔多. 但睇到亞女由以往拎住板隻手永遠伸唔直, 到而家伸到好直, 我就寧願佢慢慢嚟但學得啱姿勢.
其實亞女都唔係咁想學, 不過我答應佢只要學識自由式同蛙式, 唔洗再拎板, 咁佢想唔學就可以唔學, 不過佢有時見人地泳蝶式同背泳又有啲想學.

作者: SCKnight 時間: 12-2-28 22:48

其實好睇小朋友。我試過單對單，又試過上泳班，宜家喺泳會學。
單對單，我嘅小朋友覺得唔鍾意，因為覺得好悶。
泳泳班要夾老師同同學。同學間程度差太遠，學嘅嘢又唔係咁focus。泳姿停滯不前。
而家喺泳會，自己覺得小朋友有好大進步，除咗同組小朋友程度相若，又可以激起鬥心。轉咗泳會後半年，除左自由式外，開始練緊背泳。

作者: Agenda 時間: 12-3-1 16:07

多謝媽媽們的回應.

你哋都講得好啱,

1) 發現個老師返轉頭執佢的泳姿, 我突然覺得更加唔可以急, 佢學緊時你唔執佢, 到佢識游時你先話佢錯, 佢咪好 confused 囉. 我之前見人地差不多年紀游得咁叻, 都會心諗點解老師堂堂都主力執佢泳姿, 真正游自由式同蛙式的時間反而唔多. 但睇到亞女由以往拎住板隻手永遠伸唔直, 到而家伸到好直, 我就寧願佢慢慢嚟但學得啱姿勢.
2) 單對單，我嘅小朋友覺得唔鍾意，因為覺得好悶
3) 同組小朋友程度相若，又可以激起鬥心

作者: kisskissbbxd 時間: 12-4-25 14:07

提示: 作者被禁止或刪除內容自動屏蔽

作者: charblogger 時間: 12-4-25 20:06

10 年八月開始單對單學到而家都未學識仲學?
妳個女幾歲呀?
我個仔10 年四月(3歲半)開始6-7人班到而家已經識自由式、背泳、蛙式,游到成個塘,依家蛙蝶進階班.....
泳姿一定係學識游先可以執,即係所謂進階班!

作者: VaVaBaby 時間: 12-4-25 23:31 標題: 回覆：小女返咗一年游泳班, 都未學潑水........

正常3，4歲小朋友佢放到頭落水既話，我頭一期就教佢手嚕...腳個d可以慢慢執，一年既話就絕對係拖時間，不過你都勁喎，一年浮浮沉沉你都忍到@@我d家長都比較心急~^^

歡迎光臨教育王國 (/)