教育王國

標題: 唐代是否說廣東話, 甘唐詩係咪應該用廣東話讀??? [打印本頁]

作者: sanderss    時間: 12-2-22 13:19     標題: 唐代是否說廣東話, 甘唐詩係咪應該用廣東話讀???

唐代是否說廣東話, 甘唐詩係咪應該用廣東話讀???
作者: ngsmum    時間: 12-2-22 14:36

回復 sanderss 的帖子

係,廣東話的確較近古音,讀唐詩更能體會音韻丶押韻之美。有很多詩詞的詞彙廣話沿用至今,如:

"舊時王謝堂前燕"中的"舊時"
"明月幾時有"中的"幾時"

而且廣東話音義合一,單看一個"合"字,粤音讀時咀唇是合上的;普通話時開口的。用廣東話學中文,對詞義的領會更有幫助。

所以話而家好多香港學校提倡普教中,真係好可惜;在香港不用廣東話學中文係"暴殄天物",捉到鹿唔識脫角!

作者: chanwendy    時間: 12-2-22 14:42

無錯, 所以好唔鍾意而家十間有九間學校都話要普教中.
作者: sanderss    時間: 12-2-22 14:53

有無家長試過同學校講學廣東話既重要???
學校回覆???
作者: ngsmum    時間: 12-2-22 19:27

很難, 設若該校已經係普教中, 我相信就算同學校講, 會有更多家長出來話要普教中.
其實現在好像很多官津也不是普教中(可幸教育局在這方面算守得住).
反而是很多直資私校,不知是否為迎合家長要求,很多都普教中.
作者: tws2010    時間: 12-2-22 21:38

回復 ngsmum 的帖子

普通話歴史真係唔係咁長, 詞匯点亦唔係咁多, 我反而唔太buy education in Mandarin
作者: singyumama    時間: 12-2-23 10:40     標題: 回覆:唐代是否說廣東話, 甘唐詩係咪應該用廣東話讀???

我本身係官中老師,提出普教中時我和同事也就此討論過,我本身也教普通話,不怕能力問題,只問有否需要。校方考慮的只是中央指令及大勢所趨,也想増加一點賣點。咁多年來教育方面提倡的哪有一次不是賣花讚花香,過後誰會理會孩子是否有得著?好怕現在的學校誇大英文普通話的重要性,校內禁止說廣東話,偏偏竟有不少家長認同,在家也鄙視廣東話,寧願他們學菲傭英語,真奇怪。




作者: Era    時間: 12-2-23 11:53

以家長既角度來睇,普通話係講書面語,好自然學多左,作文就會順D.
我都好鐘意廣東話,同囝囝囡囡讀古詩果時,都會叫佢用廣東話,當然返到學校就要用番普通話啦.但係去到作文作句,我就叫佢地諗果時已經用普通話來諗,咁就唔會放晒D口語落去啦.
作者: Cara2006    時間: 12-2-23 12:33

chanwendy 發表於 12-2-22 14:42
無錯, 所以好唔鍾意而家十間有九間學校都話要普教中.


作者: 1234ats    時間: 12-2-23 14:36

本帖最後由 1234ats 於 12-2-28 17:47 編輯

没人知道以前唐朝人是如何发音。相比普通话,广东字的声韵与唐诗的平水韵较为接近。而平仄声调分类则完全吻合。而普通话除没有入声外,有些字的声调与平水韵不吻合的。故此现在北方很少人能按平仄声作好唐诗,甚至连对联也分不出上下句。

我是热爱广东文化。广东话既承传很多古老文化,其活泼生动的特点是其他方言无法比拟的。大家看无线剧集时,只要比较一下剧中粤语对白与字幕,便可对比出两者的差异。粤语中有太多词语是无法用其他语言或方言传神翻译的。

不用普通话学中文,只要方法恰当,一样可以学得好。饶宗颐大师,唐涤生,黄沾,还有好多好多中文根基很好的人都不是用普通话学中文。

我不反对用普通话教学,但不应忽视粤语。用普通话教中文的同时,每课的生字也应用广东话教一遍。
以前没有普通话教学,很多香港人广东话都发错音。如果我们只重视普通话而忽略粤语,一两代人以后香港便会像广东省一样,很多孩子都不懂粤语的正确发音。在广东多次听到有人将“情况”的况字读成“抗”,这明显是受普通话的影响。

作者: chanwendy    時間: 12-2-23 15:07

我女九月升小一, 學校就係堅持唔用普教中的.  記得一次簡介會, 有個家長問老師點解唔行普教中, 個老師回覆係校長唔認同普教中, 校長本人都冇經歷過普教中, 普通話都係另外學習的, 一樣講得流利, 所以唔認同普教中.  同埋校長覺得學中文唔係單單識讀個字咁簡單, 當中有好多其他深嘢, 所以用母語去教去學, 小朋友吸收會仲好.  我就超 buy 校長的理念了.

我成日都問, 到底家長係想小朋友中文堂學中國語文還是普通話呢? 如果連老師講乜都唔知, 咁又點會學得好呢? 我女幼稚園都有普通話堂, 佢發音都幾好, 但要全堂都聽普通話, 要全部聽得明, 一定要講得好慢, 但小學課程唔容許教得咁慢.  仲有, 如果大家贊成普教中的話, 咁有啲學校會用埋普通話教數學, 常識的, 咁你又接受到嗎?
作者: 喵媽    時間: 12-2-23 15:33

我唸普教中最大得著係作文唔會有口語化, 普通話係講咩寫咩, 廣東話就講一套, 寫一套...好似細時讀故事書比亞仔聽, 每一句讀完一次都要用口語解釋番一次...如果唔係佢完全唔明...
作者: ngsmum    時間: 12-2-23 17:20

其實普通話也不一定是我手寫我口,比如說現在普通話也會說"開心","減肥",這些詞語還是少見於書面。我覺得這是習慣問題。女兒三歲,我每晚都跟她講故事,以前她一定要我用口語講,現在我會漸漸用書面語講。講多了她也開始習慣了。小兒六歲,現在講故事我會全用朗讀形式,遇有他不明白的詞彙,才用廣東話口語解釋。
作者: torunpoland    時間: 12-2-23 17:28

sanderss 發表於 12-2-22 13:19
唐代是否說廣東話, 甘唐詩係咪應該用廣東話讀???

不用甚麼理論, 你只需拿出幾首唐詩, 用粵語及普通話各讀一次, 你便會領略到唐詩, 乃至宋詞元曲, 都係粵語動聽得多.

學普通話是大勢所趨, 但學普通話不代表與粵語"勢不兩立".

學好中文, 靠看書, 不是靠普通話. 也許, 普通話較粵語 "我口寫我心", 問題是, 若然無心, 有口若何 ?

作者: tracylin2002hk    時間: 12-2-23 18:27

提示: 作者被禁止或刪除 內容自動屏蔽
作者: Charlotte_mom    時間: 12-2-24 10:18

chanwendy 發表於 12-2-23 15:07
我成日都問, 到底家長係想小朋友中文堂學中國語文還是普通話呢? 如果連老師講乜都唔知, 咁又點會學得好呢? 我女幼稚園都有普通話堂, 佢發音都幾好, 但要全堂都聽普通話, 要全部聽得明, 一定要講得好慢, 但小學課程唔容許教得咁慢.  仲有, 如果大家贊成普教中的話, 咁有啲學校會用埋普通話教數學, 常識的, 咁你又接受到嗎?

如果推得得好, 小朋友成堂係普通話, 根本唔係問題, 要做到呢個程度, 只有靠浸, 你越怕學得唔好, 就越學唔好.

就你以上問題, 我唸起一個例子:
我小朋友學校, 有位中文老師, 本身係北京人, 教左幾年中文, 但其實佢心裡最想做既工作係視藝(老師本身係北京美術學院畢業的), 幾年後, 老師終於有機會教視藝了, 根據學校規定, 佢用廣東話教, 但其實家長都覺得奇怪, 既然佢係普通話人, 以往幾年都係用普通話故中文, 佢識講, 學生識聽, 點解唔直接用普通話教? 最後終於有家長忍唔住向校長提出左要求(廣東話同普通話對我地黎講唔係問題)

所以你問接唔接受到, 對我地一班家長黎講,, 接受到有餘啊! 我女而家書法單元, 都係由一位北京黎既教授教, 全程普通話的

(我唔討論歷史問題了, 我係廣東人當然重視廣東話, 但同時學普通話, 共存有問題嗎?)

作者: ah-ho    時間: 12-2-24 15:40

從歷史角度睇,廣東話既地位當然高。
不過,從實際角度睇,普通話已成大趨勢,唔識唔得。不過2文3語可以共存,唔係話普通話/廣東話要2選其一。

作者: Charlotte_mom    時間: 12-2-24 17:11

AGREE, 就好似簡體字, 無錯佢的確唔及繁體字咁"完美", 但識就係識唔識就係唔識, 我唔介意識多樣野, 我當佢係一種工具
作者: chanwendy    時間: 12-2-24 17:29

Charlotte_mom 發表於 12-2-24 10:18
如果推得得好, 小朋友成堂係普通話, 根本唔係問題, 要做到呢個程度, 只有靠浸, 你越怕學得唔好, 就越學唔 ...

你小朋友學校的 CASE 我接受喎, 因為老師係國語人, 勉強佢去講廣東話教唔一定係好事, 正如我地讀大學時遇著外國人講師, 都係用英文一樣.  但如果明明識講廣東話都要用普通話去教數學常識, 我就唔覺有咁需要囉. 我亦唔係反普通話, 普通話當然要識啦, 只係我個人覺得普通話應讓留返普通話堂去學啫, 中國語文就應該用母語去教..
作者: ngsmum    時間: 12-2-27 10:40

廣東話跟普通話當然可以共存,普通話亦是大勢所趨,不去學是傻子。
不過也想在這普通話大趨勢中指出,廣東話源遠流長,亦是既豐富且精緻的一種語言。用廣東話教中文,亦有佢既好處,不用一定追求普教中。我相信教育的目的,除了"搵食",還有文化傳承的功能,把美好的事物一代一代流傳下去。
作者: Charlotte_mom    時間: 12-2-27 11:36

如果可以將中文科教好, 同時又有足夠時間浸普通話, 當然最完美啦, 可惜課程已經夠趕, 真係無法兩全其美, 我自己會揀"從實用角度出發"了
作者: wlc66    時間: 12-2-28 16:01     標題: 回覆:唐代是否說廣東話, 甘唐詩係咪應該用廣東話讀???

我相信要中文好,不單是文筆好,還有成語典故、遣詞造句,不是單靠普通話教學就可以做到。上面提到的都是文化,而母語正正是表現交代的最好渠道。
而本人要經常北上工作,也不見得那些國內同事中文水平較我高,很多成語,詞彙都不懂。而我的普通話都是畢業以後才自學,當然初中時也有接觸,不過當時的心態連上美術課也不如。況且廣東人怎樣後天努力都不會跟北方口音相似,如各位有機會可留意那些來自江西、湖南、四川、廣西人仕跟真正北方比較,差別真的很大。
最後,我雖無認真研究,但之前有網友提到唐朝用閩南語,有點保留。




作者: Charlotte_mom    時間: 12-2-29 09:20

YES, 寫作講修辭, 意識, 咩六元素, 排比對偶, 成語比喻運用, 點形容人點形容物, 有排學, 當然最主要仲有作者想法同講故事既能力等等, 如果單憑"普教中作文會好D" 真係錯晒 (我女學校普教中, 一班32人作文都有分高分低分啦, 我見有D同學仔真係寫得好引人入勝, 我個女....哎!!)
作者: yiyiyima    時間: 12-3-2 11:00

      由於政治經濟的因素,在學校普通話代替粵語,估計會是不可避免的大趨勢。雖然我不是粵語區長大的,但也有切膚之痛。因為我故鄉的語言,也正在淪陷。在老家,像我兒子這一代,有許多小孩只會聽而不大會講家鄉方言了。反而那些國外的華裔,由於父母刻意為之,講的似乎更好。大概到兒子的下面兩代,我都懷疑各種方言會消失了。所以支持香港人打好這場保衛戰。





歡迎光臨 教育王國 (/) Powered by Discuz! X1.5