教育王國
標題: 懷疑亞氏保加 / ADHD / 資優 (未知中邊樣) [打印本頁]
作者: 幸福兒童 時間: 12-2-21 22:34 標題: 懷疑亞氏保加 / ADHD / 資優 (未知中邊樣)
之前都開過 POST, 但因為私人理由, 拖了一排未幫仔仔評估......
近排又收到老師電話, 又的起心肝打電話去了解......
我仔仔, 吸收力強, 記性好, 詞彙多, 講野叻, 但因為講野叻, 遇到不平等對待會挑戰大人 (用理據去駁咀), 佢好自我中心, 愛控制, 所以同同學相處唔到 (由其同齡的), 佢好熱情, 好大動作, 有事時多歇斯底里, 周身郁, 企唔直, 上堂唔算專心, 有時會遊離, 成日跌文具, 老師以為佢玩, 所以成日罸佢冇小息, 加上一比佢小息, 佢有得玩就失失地控, 跑不突止仲唔係好識避人, 成日都響2個人中間穿插, 變相人地以為佢突登撞人.....
其實以上既問題, 最令我憂心既係佢同人相處唔到, 一班人玩緊, 佢好多時都係被杯葛果個......
我最終打左去STEP 到資詢, 響電話到, 姑娘問左我D 問題, 佢自己意見係, 有可能係加氏保加 或 ADHD, 但一定要做評估先知.
跟住我同姑娘講, 身邊朋友都話仔仔聰明, 問我係咪資優, 咁姑娘又話都有可能嫁, 有D 小朋友係資優+亞氏保加既特質都有.
最後, 我揀左做智力評估先, 如果CHECK 出來唔係資優, 就睇下心理學家建議我再做D乜野TEST.
我同C6 都未有共識, 佢堅持仔仔只係跩, 好似佢細個咁, 佢話仔仔同佢細時差唔多, 又係坐唔定, 多咀, 駁咀 ETC......
暫時而家等緊期做評估, 會做韋氏4. 好緊張....
有冇家長分享下.
作者: kmmum 時間: 12-2-21 22:42
請問你小朋友多大?
作者: 幸福兒童 時間: 12-2-21 23:49 標題: 回覆：懷疑亞氏保加 / ADHD / 資優 (未知中邊樣)
小一
作者: HaYi 時間: 12-2-21 23:51
有遺傳的可能.
作者: kmmum 時間: 12-2-22 00:08
小一,即是6歲. 真的快點找機構治療. 因為,有些機構(包括正苦) OVER 8 歲的CASE 便不會接受. 睇你小朋友狀況. 不太似ADHD. 似亞氐多一點.
http://www.creativepowerhk.com/course.htm?update_v=20090828
有個小姐四人COURSE (ADHD) 可以俾小朋友參加. 給導師觀察小朋友問題. 我囡囡AGE 2.5時上過. (N班外藉老師投訴OVER ACTIVE !). 不過,上完COURSE. 比較'ADHD' 的小朋友.. 囡囡不是那種問題. 亞氐要四歲先CHECK得. (我排緊正苦). ADHD. 你上網SEARCH 多D COURSE. 帶小朋友上去.最好是父母其中一位一齊上堂. 小朋友的固執問題, 做父母每天在家都要幫手糾正,教導.
作者: 幸福兒童 時間: 12-2-22 00:14 標題: 回覆：懷疑亞氏保加 / ADHD / 資優 (未知中邊樣)
岩岩爬完文，見有人 post 資優check list, 中8成，我已 book 左 step 做評估！
我仔仔岩岩去完學童保健，不是我帶，唔知可以請醫生寫信排政府！
而家睇左私家先，或者係我自己情緒都唔好，我可能真係遺存左比佢
作者: miriam 時間: 12-2-22 00:35
幸福兒童 發表於 12-2-22 00:14 
岩岩爬完文，見有人 post 資優check list, 中8成，我已 book 左 step 做評估！
我仔仔岩岩去完學童保健， ...
你打去學童保健中心問下, 講明依家學校懷疑小朋友有問題希望見醫生, 睇下可唔可以排到期見醫生再轉介.
我囡囡 12 月尾學童保健, 1 月中見醫生, 咁岩第二日藍田有位做評估, 即刻同學校請假去做, 3 月頭正式做評估, 我都估唔到可以咁快架.
如果真係要去私家做資優評估去中大喇, 我之前係另一 topic 同其中一位媽咪傾都係叫佢去中大, 佢話解釋得真係好詳細, follow up 亦都好好.
作者: 幸福兒童 時間: 12-2-22 09:32 標題: 回覆：懷疑亞氏保加 / ADHD / 資優 (未知中邊樣)
Tks Miriam Mami~~~~ 其實學校老師一直都冇開聲叫我 check, even 我仔冇乜同學同佢玩，我同註校社工傾過下叫佢得閒同我仔傾下計，佢都冇提示我要 check , 我幫仔仔 check 都係擔心越大越難跟進！至於去 step, 是朋友介紹，有姓朱心理學家唔錯，我再上中大 web 睇睇先，或者將來有用，tks
作者: kmmum 時間: 12-2-22 13:05
回復 幸福兒童 的帖子
資優check list ? 請問在那裡睇到 ?
我個囡中亞氐都不少...唉
作者: 幸福兒童 時間: 12-2-22 14:23 標題: 回覆：懷疑亞氏保加 / ADHD / 資優 (未知中邊樣)
多才多藝
只在某一個範疇或整個課程都有好成績
藝術或體育天分
高能力但欠積極
行為壞,是班中的小丑,會隱藏技能,降低自己 安靜、內向,有時甚至沮喪
善於言辭但寫作技巧欠佳
書寫困難
社交及情感技巧問題
交友困難
偽裝自己的能力
傲慢、無禮、早熟
察覺到被批評十分容易生氣
對世界大事、大的聲音和不公平事敏感
自尊心低,沒自信
過份追求準確性
完美主義者,賣弄學問
專注的時間很短
可能不去採用學習技巧
既敏銳又多變的幽默感
比大多數人睡得少
未能充分發揮學習潛力,不懂面對失敗和錯誤
像這樣的清單需要小心詮釋和使用,因為有些人會以為孩子有以上幾個特點就一定是資優兒童。資優 兒童顯露多種特點,通常以群組的形式出現,而任何一個孩子的特徵不一定會在其他資優兒童身上重 複出現。
作者: kck_88 時間: 12-2-22 17:30
提示: 作者被禁止或刪除 內容自動屏蔽
作者: 幸福兒童 時間: 12-2-24 21:57
HI KCK_88
響另一個 TOPIC 見你開POST.
唉, 我仔仔就K2 時老師開始投訴, 衰在佢唔係話衰D乜野大野, 好多時都係D MINOR 野, 老師又冇話要做D乜野ACTION, 總之就成日收電話......
前日又收到老師電話, 話佢自己唔知自己錯咩喎, 我返到屋企, 問仔仔做乜, 佢答我 "老師問我有冇錯, 我心諗, 答有錯, 又罸嫁啦, 答冇又唔係, 要我答乜姐, 咪答唔知囉" 
我真係好激心,
近個星期, 唔知做乜鬼, 個仔突然脾氣好差, 佢一向唔係好脾氣, 但近幾日突別差, 成日一唔鍾意就又叫又"谷到面都紅埋"
自從我生左個細既, 佢就呷醋呷足3年, 佢唔係唔錫個細, 但成日比較, 已經刻意公平, 但佢始終都覺得唔夠, 細妹由工人湊大, 又呷工人醋, 成日想個工人走, 我話工人走左都解決唔到佢同亞妹既爭竉問題, 佢都係成日同妹妹比較, 妹妹行快一步又唔得, 沖涼沖先又唔得, 一唔如意就發巔.
我已經叫自己唔好動氣, 同佢講道理, 但谷到我自己都好辛苦.
有時真係唔知可以點, 可以既話, 唔通要我消失? 2個都唔湊??
心胸咁窄, 都唔知可以點再教好佢.
其實你地面對咁激心既仔/女時, 激到乜野程度?? 好似好冇盼望咁, 睇私家真係貴, 但都李預左比錢, 點解GOV 幫咁多窮人但編編幫唔到我地呢一群??
作者: miriam 時間: 12-2-25 01:06
幸福兒童 發表於 12-2-24 21:57
HI KCK_88
響另一個 TOPIC 見你開POST.
我囡囡都被懷疑係 ADHD, 但經多好多人睇過 (有 CP 同社工) 都覺得佢係 attention seeking 多, 佢為左想引人注意就搞好多古靈精怪野出黎, 搞得多老師覺得佢跩............
主因其實都搵左出黎.............因為我爸爸呢年幾經常出入醫院, 加上我自己又病, 顧得老爸時就理唔到囡囡咁多, 囡囡收收埋埋好多野唔識減壓, 變左係學校上堂時發洩出黎, 係屋企真係好正常架.
你可以試下一齊去買本簿, 話呢本係屬於你同囝囝專用既簿, 有咩開心唔開心既事大家都可以寫係度, 寫完之後另一個有回應時寫係下面, 等大家可以傾下偈.
我用左呢個方法之後囡囡情況係有好轉, 我睇完佢寫既野會回返佢, 佢睇完又會捉我傾偈, 大家溝通既機會多左, 囡囡係學校 "玩野" 情況亦少左.
作者: kck_88 時間: 12-2-25 09:01
提示: 作者被禁止或刪除 內容自動屏蔽
作者: 幸福兒童 時間: 12-2-25 13:30
TKS MIRIAM
我本身都病過一排, 我已經將我90% 專注比晒佢.
其實, 因為我本身情緒都唔係好, 有時比佢見到我同C6吵架, 我覺得影響左佢D, 呢方面, 我估有排攪.
我叫佢做野, 冇即時應我, 我就大聲左D, 佢就好大聲話 "洗唔洗咁大聲呀? 人地D媽咪唔會咁樣講嫁....." 蝦, 我真係好扯火, 我都壓低把聲, 同佢講, "如果你聽話既, 我就唔洗大聲, 你細聲D講野, 我就細聲D講"..... 佢都係唔順氣嫁, 但我死忍, 冇鬧佢, 佢整整下都唔敢再大聲, 但脾氣就真係差. 郁 D 都啦嗌定先.
唉, 我個仔, 人見人讚靚仔嫁, 做乜鬼佢會咁複雜, 諗既野好複雜, 一D唔似6歲的小伙子 
作者: miriam 時間: 12-2-26 01:12
幸福兒童 發表於 12-2-25 13:30
TKS MIRIAM
我本身都病過一排, 我已經將我90% 專注比晒佢.
我依家畀囡囡係荃灣 YMCA 上緊一個課程, 負責既社工跟小朋友有 3x 經驗, 佢會同好多唔同方法去幫小朋友.
呢個課程係一個雙向既課程, 家長同小朋友都要分開上堂, 家長個 part 會教點樣同小朋友相處, 點樣控制自己情緒去教導小朋友, 並唔係單單要小朋友上堂架.
小朋友既情緒好受父母影響, 當我情緒唔穩定時囡囡係學校表演會好差, 同樣地情緒穩定, 囡囡係學校好合作, 所以唔可以剩係單單搞小朋友, 一定要父母配合先得.
作者: kmmum 時間: 12-2-26 14:51
回復 miriam 的帖子
你個YMCA COURSE,可否PM 給我多些資料.
我好有興趣.
作者: kc1016 時間: 12-3-2 11:24
回復 miriam 的帖子
我個仔同你女女都好似, 成日係學校做D古怪嘢, 老師話會唔會係過度活躍/亞士保加/專注力弱,
佢成績係中上, 會唁會專注力弱???
但佢鍾意D堂又無甘喎, 會唁會過度活躍???
我只覺得可能係社交差, 可能係亞士保加.
我已經同佢報咗D社交班, 4月中開始, 在X德夫人排了期, 仲有D咩可以做和留意呢?
作者: kmmum 時間: 12-3-2 14:03
回復 kc1016 的帖子
KC,你報了什麼社文班 ?
作者: kc1016 時間: 12-3-2 21:12
我報咗青蔥計劃的社交班.
作者: kmmum 時間: 12-3-4 00:32
[呻幾句]阿囡既行為,真係令人困擾.佢唔多望人講野. 你越叫佢望,佢越逃避. 然後大叫, 在公共場所,叫佢叫D 親戚, 佢會叫. 但未必望人. 遇著D 親戚話[你望住我叫]. 但阿囡唔合作, 便大叫及反抗. 當然,換來的批評是. 父母不教. 父母不管. OR 唔識教, 唔識管. 還差幾個月, 便四歲, 希望快一點去做評估. 然後努力跟進問題所在. 能改善得幾多就幾多. 不過,真係好心UP. 坐唔定. 便給當作'過度活躍', 眼不望人, 便當'自閉' . 大人都有自己性格. 難道小朋友一定要似PR OR 木頭公仔. 才叫正常 ?!
作者: kmmum 時間: 12-3-4 00:34
回復 miriam 的帖子
MIRIAM 你的小朋友讀既小學. 有無CP / EP 駐守 ?
作者: manicheung 時間: 12-3-9 22:47
好都好想我仔小一,7歲,已有過度活躍,專注力不足,而家又懷疑有亞氏保加(其實社工都話多數係)......唉呀,我就黎頂唔住喇
作者: 幸福兒童 時間: 12-3-11 22:21
kmmum 發表於 12-3-4 00:32 
[呻幾句]阿囡既行為,真係令人困擾.佢唔多望人講野. 你越叫佢望,佢越逃避. 然後大叫, 在公共場所,叫佢叫D ...
唉, 係呀~ 有D , 身邊既人, 個個都當自己係心理學家. 我有D 朋友, 當我o申時, 佢地話 "細路係咁嫁啦, 唔跩你先驚, 寧生敗家仔, 莫生蠢頓兒呀....." 但係, 當我仔仔跩時, 比佢地見到, 又係另一翻說話.............
我老公都堅持仔仔係性格問題, 不過我不勝其他人既批評, 所以佢都附和我, 帶仔仔去做評估.
加油呀!!
作者: 幸福兒童 時間: 12-3-11 22:22
manicheung 發表於 12-3-9 22:47
好都好想我仔小一,7歲,已有過度活躍,專注力不足,而家又懷疑有亞氏保加(其實社工都話多數係)...... ...
你仔仔有d乜野情況令你咁頂唔住, 大家分享下, 上來o申下, 抖下氣.
作者: kmmum 時間: 12-3-11 23:06
回復 幸福兒童 的帖子
星期六好唔開心, 阿囡上LETTERLAND 時, 捐'桌底' ,負責人打電話問我阿囡係咪玩得太癲,太夜訓. 上左三堂,堂堂都坐不定. 但阿囡好LIKE 上堂. 夜晚返屋企,捉住我一齊聽曬26首字母既歌. 上堂坐唔定.但記得曬.
其實,我好驚帶佢上'正常'的興趣班. 12月,1月.上左繪畫班,公文英文. 老師話阿囡OK. 公文老師仲讚佢聽話又叻.
我先放心俾佢上'正常'堂. 點知好似打回原形.
下星期六又係咁的話. 可能要搞退學手續. 負責人話'要搵個同事'坐係阿囡隔離, 又話影響其他人. 語大'責備'. 我當然不停SAY SORRY. 有時,同朋友親友傾, 話'K1', 大個D 會好D. 我心想[睇番BK. 小一,小二, 情況咪又一樣,
活躍果陣, 好似'幸福兒童' 你咁講[係呀,跳跳紮,先健康.] 但阿囡一來料. 嚇死人.
下葵涌話年尾先CHECK 得a仔. 所以, 我立即打去協康會排左期check智力. 乜都好,見左專家.聽下意見.
再趁暑假,搵社交training course. 再上.
我好好彩,有間包容+愛心的幼稚園收阿囡. 起碼唔洗收老師電話..話[乜太,你囡囡有xyz 問題,影響到同學.]
k2時要選學校. 頭痛緊有什麼'包容'學校. 我要包容, 唔係蹤容.
作者: Vanvans 時間: 12-3-11 23:29
回復 幸福兒童 的帖子
看完你的分享!很有同樣的感受,我好掙扎才在這裡留言,因為我都係唔知我個仔係點?
同你所講一樣,同人呻下啦!個個都話細路係咁!
我同人講,想check下個仔是否ADHD,D人覺得我太過敏!
有不同人同我講我個仔似資優,這個我真係諗都唔敢諗!!我來這裡見有很多小朋友叻過我個仔,我就放心D!我只想佢行為無問題!唔洗時時擔心!
我個仔快4歲,但這幾年已勞心,勞神!
又無錢找私家做什麼什麼驗查,我只是平常人家!
現在約了健康院今個月見下姑娘,希望可以轉介啦!否則我會同佢學校傾下.
其實學校都話佢唔守秩序,唔跟遊戲規則,老師一見唔到就多多動作!
但又話佢學習能力好!記性好!認字同早期數學都係最好果個評級!所以老師好似又唔想話佢點咁!
而家同個仔每日都好似鬥法咁,好倦!
我只想找個感受上的出路,因為朋友唔完全明!
多謝你們!講下都舒服D!
作者: miriam 時間: 12-3-12 09:52
kc1016 發表於 12-3-2 11:24
回復 miriam 的帖子
我個仔同你女女都好似, 成日係學校做D古怪嘢, 老師話會唔會係過度活躍/亞士保加/專注 ...
我囡囡做左 ADHD 評估, 評估報告完全無問題.
囡囡成績都係中上, 就算 P.2 時我無同佢溫書都考到全級 2X 名, 專注力問題呢度唔關事.
囡囡又係鍾意既堂好鬼好架, 唔會郁身郁勢, 覺得悶既唔使講..........郁到老師都頂唔順.
社交問題都有, 因為囡囡思想行為畀其他小朋友成熟, 變左同同齡小朋友玩會有問題, 但對住大哥哥大姐姐真係好岩傾.
因為成熟既問題, 囡囡佢係好領袖形, 好多時就係咁令到同學仔唔鍾意, 變左有時會無人同佢玩.
作者: miriam 時間: 12-3-12 10:04
kmmum 發表於 12-3-4 00:34
回復 miriam 的帖子
MIRIAM 你的小朋友讀既小學. 有無CP / EP 駐守 ?
作者: miriam 時間: 12-3-12 10:05
manicheung 發表於 12-3-9 22:47
好都好想我仔小一,7歲,已有過度活躍,專注力不足,而家又懷疑有亞氏保加(其實社工都話多數係)...... ...
作者: miriam 時間: 12-3-12 10:15
本帖最後由 miriam 於 12-3-12 10:21 編輯
kmmum 發表於 12-3-11 23:06
回復 幸福兒童 的帖子
星期六好唔開心, 阿囡上LETTERLAND 時, 捐'桌底' ,負責人打電話問我阿囡係咪玩得太 ...
你講既野我家小姐一早出齊晒
玩到無野好玩時玩埋嗌交添...............
其實有無諗過你囡囡上得太多堂呢?????
我唔知係咪所有野都谷晒係星期六上, 試問一個 3 歲幾小朋友邊會有咁好專注力一日上幾堂.
想當年我囡囡畫班係閒日上, 英文係星期六, 基本上所有活動都係打散唔會同一日, 係到小一時先至集中星期六上, 但星期日係全日休息乜都唔上, 完完全全係家庭日.
智力...........咁早 check 真係唔準, WISC-IV 最早都要 6 歲先可以做, 不如等 6 歲足晒或打後先做啦,
作者: kmmum 時間: 12-3-12 10:37
回復 miriam 的帖子
阿囡現在其實得三樣東西上. 2(繪晝) 3(公文英文). 4 (一個鐘 letterland) .
之前所提及都是上年上的. 我的方法是一步一步來.
我唔係擔心智力問題. 係想搵方法針對情緒/社文. 如果上堂影響到別人,我會立即退學.不上PHONICS. 改上社交班.
作者: kmmum 時間: 12-3-12 10:38
回復 miriam 的帖子
中左招 ? 即係小朋友根本唔係咁. 但對方都當左係?
我都有DD 擔心. 所以. 搵些有信譽的結構.
作者: miriam 時間: 12-3-12 10:42
kmmum 發表於 12-3-12 10:37
回復 miriam 的帖子
阿囡現在其實得三樣東西上. 2(繪晝) 3(公文英文). 4 (一個鐘 letterland) .
之前同學姐弟都話唔收, 因為佢地父母唔會去上堂, 我同佢講晒情況之後都收左.
作者: miriam 時間: 12-3-12 10:44
kmmum 發表於 12-3-12 10:38
回復 miriam 的帖子
中左招 ? 即係小朋友根本唔係咁. 但對方都當左係?
去完藍田做完一份我聽完都嚇親既評估, 最終證明唔係 ADHD, 唔係我真係有排愁.
作者: miriam 時間: 12-3-12 10:56
囡囡當日做既評估係一份有 36 條問題既卷.
做既時候 CP 一路會觀察囡囡係點, 到底有無心機做, 係咪求奇寫, 做完之後會問返囡囡點解咁答, 成個過程 CP 話囡囡係非常之專注同有條理, 就算有字唔記得點寫都盡量去諗, 有問題 skip 左之後會補做返, 最終只係有兩個唔記得既字要問 CP, 之前 CP 見佢諗好耐有話教佢架, 但囡囡答等佢諗下先, 最尾都有問返 CP 點寫.
CP 話做呢份卷好少小朋友好似囡囡咁, 可以有條理去做, 唔會做做下停手, 係呢方面睇得出囡囡專注力好強, 亦都唔會話係有過度活躍症, CP 話有既做幾題已經放棄唔做四圍郁, 但囡囡絕對無, 甚至乎會做完複一次份卷睇下有無寫錯字同做漏, 真係無乜小朋友會係咁架.
其實囡囡性格同能力好強, 不容騷擾, 有人搞佢就會發脾氣, 當佢覺得悶時就會搗蛋, 呢一樣係佢天生特質無得改, 只可以同老師講係佢既 character, 唔可以因此斷定佢係 ADHD.
情緒方面係家庭問題影響, 係上左情緒課程同我多返時間理佢時已經有明顯改善.
係上情緒課程既社工都話囡囡唔係 ADHD, 因為一叫停就會停, 好明白社工既要求同指示, 若果係既唔會係咁.
依家著手要處理就係家庭引伸出黎既情緒問題, 呢度其實都處理左好多, 囡囡係學校都有改善到.
作者: kmmum 時間: 12-3-12 11:02
回復 miriam 的帖子
下, 好得人驚. !! 睇完你個post .你囡囡同我囡囡好似. 我無研究 '為'生. 點解佢可以寫到咁 ? 害死人乜.
我囡囡發癲果下,都幾得人驚. 旁人真係以為佢有病.
但係做習作.繪晝,就好有耐性,好有心機. 同你囡囡一樣 attention seeking . 常常搵人陪. 見唔到daddy 就話要搵daddy. 總之要人陪陪陪. 其實,得幾歲大. 搵人陪,都很正常.
>>其實囡囡性格同能力好強, 不容騷擾, 有人搞佢就會發脾氣, 當佢覺得悶時就會搗蛋, 呢一樣係佢天生特質>>無得改, 只可以同老師
講係佢既 character, 唔可以因此斷定佢係 ADHD.
作者: miriam 時間: 12-3-12 11:07
kmmum 發表於 12-3-12 11:02
回復 miriam 的帖子
下, 好得人驚. !! 睇完你個post .你囡囡同我囡囡好似. 我無研究 '為'生. 點解佢可以寫 ...
假若真係評到唔係既時候個份 "report" 點見人 
作者: kmmum 時間: 12-3-12 11:22
回復 miriam 的帖子
果個ep 係乜野人來架 ? 咁都得 !
我pm 你.
作者: 幸福兒童 時間: 12-3-12 12:05 標題: 回覆：懷疑亞氏保加 / ADHD / 資優 (未知中邊樣)
今日取了 report, 仔仔做 韋氏IV, 分數=14x, 1000個資優中的 top 2, 臨床心理學家說我仔一定唔係亞氏保加或專注力不足，佢是資優，另外建議做感統評估，因我仔做 test時，對聲音敏感，平時行為肉緊，搣自己搣人好用力，怕打千秋及好高嘅 sir滑梯！
我下星期做感統評估，好在千多元
作者: kmmum 時間: 12-3-12 15:44
回復 幸福兒童 的帖子
14x 好高. 咁cp 有無話怎樣糾正/培訓,你會交報告給學校 ?
不知學校會怎樣 ?
作者: 幸福兒童 時間: 12-3-12 21:46
CP 都話好高, 佢2年做過咁多小朋友, 見過2個OVER 14X
CP 話唔介意同仔仔班主任解釋我仔仔既情況! 因為佢呢D 真係 SPECIAL 照顧, 齋罸係唔WORK.....
CP 比左2個渠道我, 一係小童群益會的資優服務, 另一個係資優教育學院.
我會同返老師講, & COPY 個報告比佢, 等佢得個知字. 我都鬆了口氣. 雖然呢份禮物唔係完美, 但係知道佢既情況係自己都唔想......
作者: HLE2005 時間: 12-3-12 23:19
回復 幸福兒童 的帖子
Hi,
請問妳同囝囝係邊間做IQ Test 呢? 因為我都想同我囝囝半年後做個IQ Test,但想知吓啲Centre 嘅Comment!
作者: 幸福兒童 時間: 12-3-12 23:47 標題: 引用：回復+幸福兒童+的帖子
Hi,請問妳同囝囝係
原帖由 HLE2005 於 12-03-12 發表
回復 幸福兒童 的帖子
Hi,
作者: manicheung 時間: 12-3-13 13:16
幸福兒童 發表於 12-3-11 22:22
你仔仔有d乜野情況令你咁頂唔住, 大家分享下, 上來o申下, 抖下氣.
作者: manicheung 時間: 12-3-13 13:22
miriam 發表於 12-3-12 10:05
真係唔好咁緊張, 放輕鬆少少, 你太緊張時小朋友都有影響.
作者: kmmum 時間: 12-3-13 23:14
回復 manicheung 的帖子
我個囡..係都成日失控,去食BUFFET. 不停出出入入. 去拎甜品. 但自己又唔食. 坐一陣,又落地. 佢咁細個. 要大人睇實. 搞到次次,我無得食. 去飲宴, 通場跑. 著住花囡裙.圍住個場跑. 一對新人影緊相. 佢係個STAGE 面前HOP HOP HOP. 好在果日係弟弟結婚.. 當阿囡'HIGH'. 拎I-PAD 俾佢玩. 先坐定一粒鐘. 到食到一半. 佢唔玩IPAD. 又食飽. 於是又HOP HOP....
好在仲係細個. 人家當佢CUTE. 但叫佢行開D. 就發老脾. 我幾驚佢大叫大喊. 不停用糖, 餅. 引佢去D CORNER .
作者: 幸福兒童 時間: 12-3-14 09:26
點評gifthoney 小女去年也在邁步做了WISC IV, 得了14X. 我不知道原來是那麼少有的. 真幸運啊! 不過資優與否不是最重要, 最重要是小朋友健康快樂成長. 努力吧! 發表於 昨天 18:12
唔通另一位得了 over 14x 分就係你?? (same centre 計)
我真的明白其實是知憂, 我的仔仔人際關係唔好, 呢一點我比較擔心, 至於成績, 佢既智商未必為佢帶來名列前茅, 我只想佢用盡佢既天賦!!
努力!!!!
作者: 幸福兒童 時間: 12-3-14 09:30
kmmum 發表於 12-3-13 23:14
回復 manicheung 的帖子
我個囡..係都成日失控,去食BUFFET. 不停出出入入. 去拎甜品. 但自己又唔食. 坐一 ...
呢 d 日子我都經歷過, 我果個係仔, 外人更加唔比面, 成日話佢跩.
最嚴重的日子, 我直程唔敢帶佢去公園的, 因為唔比佢"參與" 就唔會發生呢d 事.
出去食飯, 我都有避免去靜既餐廳, 只敢去 foodcourt...........
4歲後, 情況開始好了, 雖然都未至於乖到坐定定, 但已冇離位及打擾人.
加油呀!!
作者: hobby 時間: 12-3-14 11:06
唉, 我個囡都係, 佢知道唔可以食嘢時落地, 佢食完, 就係咁話vv, poo poo, 去多幾次, 我唔再俾佢去, 佢就開始係咁話要返屋企, 話好tired, 仲整埋個可憐樣, 再唔俾就慢慢失控, 要瞓地 ... 佢呢啲行為表現, 都唔似28個月大
作者: kmmum 時間: 12-3-14 12:37
回復 hobby 的帖子
我個囡都係咁. 總之係出面食野,就好煩. 大人好累. 你囡囡遲d. 越多野講.會越博嘴. 舉一反三.
有時,覺得好好笑. 見阿囡眼仔look look 口upup. '就眉頭' ,好似想緊計仔去博嘴.
叫佢用牙膏刷牙, 就話'聽日la', 餵佢食藥, 就話'今朝食左' 然後逃走.
有時,我激氣到'你今日夠睇左電視. 家陣仲睇'
作者: kmmum 時間: 12-3-14 12:40
回復 幸福兒童 的帖子
same same. 有時,星期日,我只係屋企食, 因為無力去睇實阿囡.
三歲果陣,同佢去魚景新城. 食日本野. 去toilet 時,經過'x險樂園', 之後就煩.
食一陣,就話去ｖｖ． 特登路過. 然後唔行走.
我都唔蠢, 兜路去另一個toilet. 阿囡就行下行下,四圍望. (我知佢想搵乜)
但佢講野唔叻, 表達唔到. 一味衣衣鵝鵝.. 我睇見覺得好好笑. 但又超煩. 因為又食唔到野 !!
作者: hobby 時間: 12-3-14 19:08 標題: 回覆：kmmum 的帖子
哈哈，我都予咗佢好快駁咀，佢都分日眼碌碌，古古惑惑，成日唔知諗咩咁；其實我個囡算唔算有問題呢？
| 歡迎光臨 教育王國 (/) |
Powered by Discuz! X1.5 |