教育王國

標題: 分享:囡囡開始了第一次髗骶骨治療的感受 [打印本頁]

作者: wingwing2009    時間: 12-2-21 13:55     標題: 分享:囡囡開始了第一次髗骶骨治療的感受

本帖最後由 wingwing2009 於 12-2-21 13:56 編輯

囡囡今年係協康返緊, 老師曾經提議比囡囡試針灸同埋髗骶骨.  囡囡好抗拒針灸, 做了兩次已落不了針(因囡囡反抗得好緊要).

其實我地排緊協康既髗骶骨治療, 但一直沒有消息.  最近我見bk 有人試了亦recommend 左幾個治療師, 我地就就揀左一位女治療師.

今日終於同囡囡去做了.....開頭囡囡入到房一直都好開心...仲自己爬上床, 之後個治療師開始同囡囡做頸位...囡囡就開始黎料, 狂喊....個治療師便問我在懷孕時有沒有甚麼特別事發生...講講下我地才記起囡囡在我肚內時有臍帶圍頸既問題, (3個圈), 但出生時一切正常等等...治療師說她可能在這個階段時令到佢一d 神經出現了紋亂訊息, 導致囡囡有語言問題...一直囡囡都係度反抗, 喊, 叫...治療師話由得佢抒發佢既不安情緒, 還同囡囡講, 你唔舒服可以大喊, 不用怕 (聽到這裡我已眼淚在心裡流....)  但還要裝作平靜, 我只好緊緊拖住囡囡隻手安慰佢...

之後, 治療師帶上手套及手指圈, 準備幫囡囡做口..., 囡囡仍然不停地叫喊...(真係心痛死), 但冇幾耐, 囡囡居然靜了下來, 還睡著了...治療師話好多少朋友放鬆左情緒之後會訓著...但囡囡成身已濕晒, 出晒汗...

全程50分鐘既治療叫做完結, 她安慰我說, 每個小朋友, 就算大人做這種治療也會出現情緒不安同哭鬧, 叫我不用擔心.  佢仲話囡囡第一次做這種療程表現得已很好...還說, 通常一般呢類小朋友做一兩次後我地會發現佢說話會多左..叻左...但同時情緒可能會大左,然後會慢慢會平靜下來.  叫我們給多點耐性.

我地約左下個星期一再做...睇下做多幾次效果如果, 會再來分享一下..

在這我亦多謝bk 的有心家長們給予我很多有用既資料!  希望大家一同努力!
作者: pollybell    時間: 12-2-21 16:13

個個都問呢些問題?????響肚裡面係人都有些少問題,你答佢一切正常,佢又會問你是否開刀,開刀又話嚇親個B,所以就點點點,順產又可能過程又唔太順利,所以就噤噤噤...........
作者: Olympian    時間: 12-2-21 16:33

臍帶圍頸跟說話能力有咩關係?﹗有無做過研究先﹗要有evidence base 先可以信﹗
作者: wingwing2009    時間: 12-2-21 16:49

其實我都唔知, 但係上次去做針灸時, 個醫師又係問我類似問題, 咁我都冇講比佢知臍帶圍頸問題, 但佢又問我囡囡有冇跌親or 受到驚嚇...醫師同我講, 如果bb 曾受到外來既事而受過驚就好易會咁喎...咁囡囡係我肚入面有冇受過驚, 我真係唔會知lor...今日個治療師話如果(佢只係話如果..) 囡囡有可能係肚入面因臍帶緊左而受過驚嚇, 會影响到佢腦神經可能出現錯亂訊息...(好似係咁既意思).  不過, anyway, 我只係覺得佢都係想知會有乜可能性才會有咁既結果啫, 我又冇乜特別feeling.  不過佢話治療可以刺激腦神經重新生長, 咁都冇壞掛...不過我會試多幾次再觀察下囡囡既進度再作決定...唔得既, 咪又諗下其他可行既方法...無論點都要堅持, 令囡囡可以有進步為目標.

作者: Chaochao    時間: 12-2-21 17:17

提示: 作者被禁止或刪除 內容自動屏蔽
作者: wingwing2009    時間: 12-2-22 10:02

我見個治療師好溫柔, 個囡係驚多過痛LOR..如果痛, 我估呀囡唔會做做下訓著左..做完口之後, 我見好多痰出左黎..個治療師話係正常喎...

之後佢仲同囡囡做左一陣頭位, 呀囡已經無反抗得咁緊要..

希望下個星期囡囡會好D無咁抗拒啦..

作者: apple~y    時間: 12-2-23 14:49

髗骶骨治療係咪好貴呀??係咪即係按摩??
髗骶骨即係咩意思??

作者: why-me    時間: 12-2-23 17:42

另類療法亦有可信性, 我仔做左成年, 真係一直有進步, 唔只我感到, 老師都認同.
當初都係協康PT姑娘建議, 佢地都係專業並且想幫個小朋友, 我仔治療時情況同你個女一樣. 我很BUY髗骶骨.
作者: wingwing2009    時間: 12-2-24 10:05

why-me 發表於 12-2-23 17:42
另類療法亦有可信性, 我仔做左成年, 真係一直有進步, 唔只我感到, 老師都認同.
當初都係協康PT姑娘建議, 佢 ...
想問咁你囝囝現在講野進度係點呢? 可以分享下嗎?  我還是很肉赤個囡受皮肉之苦....

作者: wingwing2009    時間: 12-2-24 10:10

apple~y 發表於 12-2-23 14:49
髗骶骨治療係咪好貴呀??係咪即係按摩??
髗骶骨即係咩意思??
我唔知係咪叫做貴, $750 / 50mins, 我之前請個語言治療師上門教都要$900/45mins.  咁相對呢個治療叫做平少少掛.

我都係上網睇關於髗骶骨治療, 佢同一舨按摩係唔同, 佢話小朋友頭髗係由好多版塊合成, 我地d 小朋友既問題係因為果d 版塊接洽有偏差, 導致大腦訊息傳遞得唔好引致....所以治療師係幫佢地將呢d 版塊重新再整合...



作者: jjcow    時間: 12-2-24 10:39

wingwing2009 發表於 12-2-24 10:10
我唔知係咪叫做貴, $750 / 50mins, 我之前請個語言治療師上門教都要$900/45mins.  咁相對呢個治療叫做平少 ...

我想問,我仔個頭骨歪架,又凹凸不平,係咪即係所講嘅接合得唔好呀?
作者: wingwing2009    時間: 12-2-24 11:49

jjcow 發表於 12-2-24 10:39
我想問,我仔個頭骨歪架,又凹凸不平,係咪即係所講嘅接合得唔好呀?

你呢個問題咁我又唔識答你, 我諗你最好尋求一些專業意見會好D.



作者: apple~y    時間: 12-2-24 13:26

回復 wingwing2009 的帖子

多謝你解答,
比我了解多樣治療
其實我仔仔試緊針灸,老師都有話仔仔表現有進步,我會試多排先
為0左我0地呢班細路,真係攪盡腦汁



作者: wingwing2009    時間: 12-2-24 14:42

apple~y 發表於 12-2-24 13:26
回復 wingwing2009 的帖子

多謝你解答,
呀囡完全唔肯做針灸, 反抗得好緊要, 又喊得好勁...成間醫院都聽到佢喊聲...所以我地放棄左...

作者: wingwing2009    時間: 12-2-27 10:15

今日囡囡做了第二次治療, 我今次冇去, 只有工人姐姐同daddy 同佢去, 做完老公打比我話囡囡冇上次喊得咁勁..只係叫住"媽咪" "daddad", "姐姐"..同埋做口都係訓左..聽完老公咁講, 我個心都叫做舒服d.

不過好巧合, 囡囡做完第一次治療後, 講野都係好左, 會講長少少既句子, 完整左.  不過我做治療既同時, 亦開始左食大然supplement, (差不多3個week), 所以唔知係邊樣對佢有幫助.  不過佢現在眼神接解真係好左好多, 星期六見到我哥, 佢還會主動拖我哥同佢玩, 仲會識答我哥既簡單問題..(哈..連我哥都話佢叻左), 我哥是幾個week 就會黎探我地一次..佢話佢真係唔同左喎..
作者: owl_2046    時間: 12-2-27 11:48

可否分享下你囡食咩野 supplement?
我仔都做左1年髗骶骨, 應該同你個女同一間(Causeway bay)
作者: wingwing2009    時間: 12-2-27 14:11

本帖最後由 wingwing2009 於 12-2-27 14:16 編輯
owl_2046 發表於 12-2-27 11:48
可否分享下你囡食咩野 supplement?
我仔都做左1年髗骶骨, 應該同你個女同一間(Causeway bay) ...

我之前比佢食xx肉鹼..但沒有太大效果.  所以我最近去開益x坊買野(我之前都係係佢度買), 咁同個職員講開, 同埋我係一d網站度見到一種叫”豆磷脂”既天然食品(其實係黃豆度抽取出黎), 咁我買左, 比囡囡食, 仲有一隻叫”腦磷脂”, 專係用黎修補腦細胞的..你可以去web度打呢兩樣野,會有好多資料..我都有一齊食. 仲有一直有食開omega 3 油都keep 住食...

咁啱開始見到d效果,但我都唔知係咪同食療有關定係髗骶骨有關, 但我見現在好似幾好, 會keep 住食一排睇下會唔會一直有進步..

我係台灣一個親子網站見到好多人都比a仔食呢兩樣野....所以即管一試..

補充:其實亦有可能囡囡開始大個都有可能(因為曾經我地既家庭醫生同我地講過,佢見囡囡既狀況,佢話囡囡呢d CASE 通常係五歲左右會有好大轉變喎..) 所以我都唔敢確定囡囡最近既進步係來自邊樣野..

作者: wingwing2009    時間: 12-2-27 17:16

本帖最後由 wingwing2009 於 12-2-27 17:18 編輯

各位pm 左我既家長, 我已回覆左你地, 唔好意思, 我冇留意我既pm..所以可能遲左.  (但係我既資料只供參考, 我希望大家要自己再上網搵下有關info 先好決定, 唔好心急人做你又做....因為每個小朋友反應都唔同....)

仲有, 我有樣野唔記得講, 剛才我老公去見完老師講起... 我個囡最大轉變有一樣野..就係佢又一歲開始就唔可以帶夾仔, 扎頭髮...一整佢就會立刻mung 走..所以佢一向都係短頭髮..但係上個星期做完治療果日, 工人姐姐又唔知點解無端端同佢扎頭髮, 仲夾埋夾仔....真係咁啱得咁橋, 佢又冇再抗拒..之後到現在每天佢都扎孖"邊"仔同夾夾仔返學, 連老師都驚訝佢有咁既轉變...
作者: apple~y    時間: 12-2-27 17:48

髗骶骨治療係咪一星期一次
有無話做幾耐先完成一個療程?
作者: wingwing2009    時間: 12-2-27 22:40

apple~y 發表於 12-2-27 17:48
髗骶骨治療係咪一星期一次
有無話做幾耐先完成一個療程?

係呀, 我地係一個星期一次, 個姑娘一開始就話每個CASE都唔同, 但佢好proud 咁話佢地好多client (自閉小孩)都一年度就可以discharge, 唔駛再返去做治療喎..不過我暫時都係觀察下先再睇下前面條路點行...
作者: xixi1218    時間: 12-2-27 23:27

我都想知相關的髗骶骨治療資料。可否PM我,越詳盡越好。麻煩曬!
作者: 陳爸爸    時間: 12-2-28 00:30

wingwing2009 發表於 12-2-27 14:11
我之前比佢食xx肉鹼..但沒有太大效果.  所以我最近去開益x坊買野(我之前都係係佢度買), 咁同個職員講開,  ...
Hi Wingwing2009, may u pm me where to buy 豆磷脂 & 腦磷脂呢? 食幾多份量呢? Thks!
作者: wingwing2009    時間: 12-2-28 09:45

陳爸爸 發表於 12-2-28 00:30
Hi Wingwing2009, may u pm me where to buy 豆磷脂 & 腦磷脂呢? 食幾多份量呢? Thks!
我一直都係係益x坊 度買supplement, 佢d 產品多數係來自美國 (有隻brand 叫now  同 swanson), 其實係online 都可以買到..豆磷脂係粉粒狀, 我每次係一茶匙溝水放一陣等d粉粒冇左or 溶放入奶比囡囡飲(因為如果就咁比佢佢唔肯食), 我食過, 其實佢係黃豆咁味..都唔難食 (我都同囡囡一齊食..嘻..補腦), 至於腦磷脂, 我比囡囡每日一粒..佢冇抗拒, 可以成粒放入口咬破個jelly shell...(其實囡囡都幾奇怪...嘻)

作者: 陳爸爸    時間: 12-3-4 01:38

wingwing2009 發表於 12-2-28 09:45
我一直都係係益x坊 度買supplement, 佢d 產品多數係來自美國 (有隻brand 叫now  同 swanson), 其實係online ...
Thanks a lot! 你所說買呢兩種磷脂產品那間是否在將軍澳新都城中心一期商場2樓嗰間呢?
作者: wingwing2009    時間: 12-3-5 09:51

陳爸爸 發表於 12-3-4 01:38
Thanks a lot! 你所說買呢兩種磷脂產品那間是否在將軍澳新都城中心一期商場2樓嗰間呢? ...
係呀..我係果間買開..

作者: 小尚    時間: 12-3-5 09:53

髗骶骨治邊度做
作者: 陳爸爸    時間: 12-3-7 01:39

wingwing2009 發表於 12-3-5 09:51
係呀..我係果間買開..
Thanks! 其實我都同時食緊乙醶加蘋果素(在Dr 那裡買), 但效果不太好, 而你話你小朋友食此兩隻都不太好才轉, 請問你是否都都係食益x坊的乙醶加蘋果素或是食Dr Ku裏買的乙醶加蘋果素呢?
Thanks

作者: wingwing2009    時間: 12-3-7 10:21

陳爸爸 發表於 12-3-7 01:39
Thanks! 其實我都同時食緊乙醶加蘋果素(在Dr 那裡買), 但效果不太好, 而你話你小朋友食此兩隻都不太好才轉, ...
我冇去過dr ku 度買野...我都係係益xx 度買架..其實只要成份一樣, 唔一定要去邊一間買....我見online 都有呢d product 賣..但見價錢差不多所以係舖頭買.  

作者: iuman    時間: 12-3-8 02:07

回復 wingwing2009 的帖子

請問有無帶女女去做第三次顱底骨治療啊?我都book咗你話果個女醫師15號去做。想試下。謝謝你的分享,希望你多啲將治療情況一起交流。謝謝
作者: FeiG    時間: 12-3-8 10:43     標題: 回覆:分享:囡囡開始了第一次髗骶骨治療的感受

四歲l做髗骶骨會唔會太遲?可以把治療師啲聯絡方式pm我嗎? Thanks




作者: wingwing2009    時間: 12-3-8 12:01

iuman 發表於 12-3-8 02:07
回復 wingwing2009 的帖子

請問有無帶女女去做第三次顱底骨治療啊?我都book咗你話果個女醫師15號去做。想 ...
有呀..做左第3次啦...情況都ok...個囡仲突然識講大話, 佢一上張床就同daddy 講, "疴尿尿...疴尿尿", 之後見daddy 唔理佢就再講"daddy 去厠所要疴尿尿...", 最後daddy 同佢去時當然係冇啦...咁行番出去時佢就指住要坐lift 走人...哈..

返到home, 夜晚老公講番件事比我聽, 一邊講一邊話個囡講大話, 個衰妹仲一直係度暗笑..真係好攪笑...這次係囡囡第一次講大話...(原來個囡識講大話我地都咁開心...痴左線..)

我現在自己會記錄晒囡囡每次做治療既情況, 等日後睇番就會睇到囡囡在治療過程中既變化....

咁你做完記得上黎分享下...

作者: wingwing2009    時間: 12-3-8 12:05

FeiG 發表於 12-3-8 10:43
四歲l做髗骶骨會唔會太遲?可以把治療師啲聯絡方式pm我嗎? Thanks
我個囡都四歲半啦...我唔知會唔會遲..但我只可以向前望, 希望可以幫到佢....

我pm 左d 資料比你.

作者: muimui5    時間: 12-3-8 23:42

可否也pm治療師的資料給我呢?謝謝!
作者: 陳爸爸    時間: 12-3-9 01:01

wingwing2009 發表於 12-3-8 12:05
我個囡都四歲半啦...我唔知會唔會遲..但我只可以向前望, 希望可以幫到佢....

我pm 左d 資料比你.
Hi wingwing2009, would u mind to send me 治療師contact as well?
作者: iuman    時間: 12-3-9 02:24

回復 wingwing2009 的帖子

真系好好消息啊!識講大話既系證明巨有想達到目的的心理活動呀!我個仔都成日因為想逃避食嘢或者落地周圍走等等會借尿遁,講巨就陰陰笑。我好期待15號ge治療,希望好運都可以有進步同改善。反正只要風險低,又負擔得到的方法,只要對個小朋友有幫助都想試下。六歲前黃金期一定要多努力!到時做咗同大家分享~
作者: lambk    時間: 12-3-9 09:11

回復 wingwing2009 的帖子

wingwing2009, could you please PM me the contact?
作者: wingwing2009    時間: 12-3-9 12:30

各位要我pm 既朋友, 我諗我唔想只係介紹某一個治療師比大家, 因為一來我唔知佢係咪真係咁好..二來我唔想人地以為我係幫某人賣廣告....

其實大家上"吔烏" search 一下髗骶骨治療, 咁都會有好幾間中心有這服務...大家不防睇下佢地d 資料比較一下, or 打個電話詳細問下, 才決定....

尋日囡囡學校老師打比我地話囡囡係學校表現好多, 主要係脾氣好左, 訓午教都好左....佢都叫我地keep 住幫囡囡做這個治療.
作者: iuman    時間: 12-3-10 23:29

回復 wingwing2009 的帖子

其實你個女幾大啊?我個仔3歲9個月。應該都算適合年紀吧。
作者: iuman    時間: 12-3-16 01:58

今日也帶仔去做了顱底骨治療。因為第一次,我同爸爸都有啲驚。阿仔一入房見到張床已經自己話:唔好驚。既系好驚。跟住要巨瞓上去已經唔肯。最後都系爸爸抱巨上床。兩人合力按住巨。醫生幫巨做頸位,話巨頸後方好緊,問我仔細個是否鬧計人成日拗后,完全正確!又問下我懷孕時有何特別事發生。醫生話個頸後方緊系會壓住神經,可能會阻礙訊息傳遞,仔不停反抗叫唔好,話落黎,老公同我都忍唔住眼紅紅。過咗十五分鐘度平靜好多,慢慢好似要瞓著甘。跟住做口部,開始仔都系喊得好犀利,但慢慢就瞓著咗,不過有唔舒服又醒,醫生話仔個口唔算太實,但都需要將唔好ge嘢通返,做完仔都有唔少痰出咗黎。最後做咗頭部,仔已經瞓得好lem,冇醒。個醫生話仔仔唔算喊得勁,情況亦都唔算嚴重,做4~6周會見到效果改善,堅持下去唔會有大問題。雖然唔知真假,但系都安慰到我同老公忐忑ge心情。傍晚帶仔去咗游水,話說平時游水巨成日拉泳鏡落黎,一堂可以拉十幾次,有時還要尖叫。今日返之前同巨交代唔可以尖叫同除泳鏡。返完情況改善好多,只除咗一次泳鏡,尖叫系因為系深水區游,害怕。唔系亂來。所以帶巨去食中意ge日本嘢。今晚食量系平時一倍,我同老公都驚巨食太飽,但巨話食得落。所以,總體來講,我還是覺得呢個之類我可以接受。我已經預約咗下星期,慢慢睇下有咩改善。
作者: lambk    時間: 12-3-16 09:32     標題: 回覆:iuman 的帖子

iuman, could u pls PM me the contact of therapist pls?




作者: lambk    時間: 12-3-16 09:38     標題: 回覆:iuman 的帖子

另外想請問有否同時做針灸?
因小兒將做針灸,不知可否同時做




作者: 嘻嘻    時間: 12-3-18 15:07

提示: 作者被禁止或刪除 內容自動屏蔽
作者: wingwing2009    時間: 12-3-19 11:45

嘻嘻 發表於 12-3-18 15:07
唔係想潑冷水,我自己小朋友都有問題,亦四處尋找方法醫治,唯髗骶骨治療唔會試,因為我有親人既生意上有接觸到 ...

um...我亦知道每一樣治療冇100%一定得, 但我囡囡做左第5次, 效果又真係好好...(唔知係佢大個左, 定係真係有幫助), 佢呢幾日仲會學人八卦, 仲自己作左一D歌仔係度唱, 我同daddy 都覺得佢唔同左....

同埋學校老師都覺得佢定左好多, 脾氣好左...所以我地都會繼續比佢試...

個人覺得, 每一樣野都總有人會混水摸魚, 我地係控制唔到.  

但係髗骶骨治療係唔係就咁講就可以, 我上網睇過D 資料, 要專業治療師先可以做....而協康亦好buy 呢種治療, 覺得對小朋友好有幫助.






作者: 嘻嘻    時間: 12-3-19 22:47

提示: 作者被禁止或刪除 內容自動屏蔽
作者: FeiG    時間: 12-3-20 08:52     標題: 回覆:分享:囡囡開始了第一次髗骶骨治療的感受

作為父母,我地為咗小孩就咩都會試,只要係自己能力做得到,和對小孩有用,我亦想信髗骶骨有一定的功效,由於自閉症的小朋友的頭骨是很硬的,會影響腦部發育,這是治療治師講的.因此家長可以試試,但必須做其他行為治療。




作者: iuman    時間: 12-3-21 22:32

回復 lambk 的帖子

already pm u
作者: lambk    時間: 12-3-21 23:52

Thanks very much, iuman
作者: hcily    時間: 12-3-22 00:48

想問做髗骶骨對專注力不足有幫助嗎?
作者: iuman    時間: 12-3-24 00:37

回復 lambk 的帖子

冇做針灸啊。
作者: iuman    時間: 12-3-24 00:48

回復 wingwing2009 的帖子

今日帶阿仔做咗第二次治療。話出發帶巨去銅鑼灣巨就扭扭擰擰,(因為幾日前曾經話過幾日要帶巨去按摩)。忽然間話唔好去銅鑼灣,不如去西環(因為有playtown)。我話去銅鑼灣維多利亞公園呀,巨就勉為其難跟住去。落車行過去,經過公園,巨就話去公園呀,宜家去邊啊?一路問,我話晚些去公園玩啦,“甘宜家做乜嘢先啊?”,終於我話帶你去瞓一陣,巨已經知道真系去治療就喊啦。不過今次只系開頭喊小小,雖然好唔情願都做到完,好多痰。跟住去玩,下午返學。老師話巨好興奮,不受管教,其實巨早上7點起身未瞓晏覺,治療師話過做咗幾次系會特別百厭,情緒差,及精神好好,話系正常,幾個禮拜后會看到改善,且持續改善。我暫且相信巨,做多幾個禮拜先。事關呢兩個禮拜情緒差咗,脾氣大咗。之前唔會亂發脾氣ge。唔知系大咗定其他問題。
作者: hcily    時間: 12-3-24 01:36

iuman,
麻煩你也pm治療師的名字及資料給我好嗎,謝。
作者: BKVIP    時間: 12-3-27 13:58

我上星期都帶阿仔去做第一次髗骶骨,好奇怪我個位治療師只係摸住佢個肚,合埋眼hold 住差唔多半個鐘,隻手無郁過,間中問我問題,又係出世有無咩唔妥個d。我見佢hold 咁耐都係個肚仔,問佢係咪做緊,佢話做緊架啦 -_-" 跟住就轉位用對手一隻放在佢頸上面,一隻手放頸背,直至做完都只係呢2個動作喳   佢話我仔唔係自閉,因為佢問我仔要唔要xx,我仔答佢,佢話自閉係唔會答到喎   我好懷疑呢50分鐘既治療.... 究竟係咪咁就做左?

做完後2日內,發現阿仔講嘢係好左,eg. 我放工返黎,佢問︰媽咪你頭先去左邊呀? /  又會話︰媽咪一齊玩煮飯仔丫 / 食晚飯我分飯菜,佢走黎指住話︰呢個細佬嘅…呢個媽咪嘅…

不過佢一樣會無啦啦講車no. 仲有佢做完後成日大叫,好似好high咁。
作者: FeiG    時間: 12-3-27 22:00     標題: 回覆:分享:囡囡開始了第一次髗骶骨治療的感受

我都有差唔多情況,個治療治又係按住我個女個肚好耐,話佢啲腸胃好差,又話佢個頭骨唔似自閉症個頭,我個女做完之後又好hyper,你可唔可以話俾我知你喺邊度做療程,請pm我交流下




作者: 陳爸爸    時間: 12-3-28 00:09

BKVIP 發表於 12-3-27 13:58
我上星期都帶阿仔去做第一次髗骶骨,好奇怪我個位治療師只係摸住佢個肚,合埋眼hold 住差唔多半個鐘,隻手 ...
Hi BKVIP,
睇完你的描述, 真的有啲滴汗...., 因我都幫我兒約了今星期五第一次做此治療,  請問你兒在那裡做治療呢, 真想知是否同一間...我驚如果到時情況同你兒的情況一樣時, 我會忍不住問佢到底有冇認真做.....

可否pm你做髗骶骨那裡的contact address 給我呢?

作者: BKVIP    時間: 12-3-28 13:37

陳爸爸 發表於 12-3-28 00:09
Hi BKVIP,
睇完你的描述, 真的有啲滴汗...., 因我都幫我兒約了今星期五第一次做此治療,  請問你兒在 ...

我個間在銅鑼灣。但佢好有信心話6-7堂都無改善可以唔駛黎,但呢2日又真係覺得阿仔講嘢有進度,唔知係咪心理作用。都會俾佢再試。

作者: FeiG    時間: 12-3-28 14:50     標題: 回覆:分享:囡囡開始了第一次髗骶骨治療的感受

BKVIP

似乎你個治療師好好,可pm 我個聯絡方式嗎?




作者: 陳爸爸    時間: 12-3-29 00:49

BKVIP 發表於 12-3-28 13:37
我個間在銅鑼灣。但佢好有信心話6-7堂都無改善可以唔駛黎,但呢2日又真係覺得阿仔講嘢有進度,唔知係咪心 ...
Hi BKVIP,
我諗我兒做那間同你係同一間, 是否近保良局呢? 請問你兒的治療師係男定女呀? 我兒是女的

作者: 陳爸爸    時間: 12-4-3 02:30

我仔上星期第一次按, 因治療師大部分時間都係伸手指入口內按壓, 我個仔哭左大半粒鐘, 最後十五分瞓著左(我相信係因為哭得太耐無哂力), 有些安慰的係, 治療師話我個仔雖未有任何單字, 但自閉程度並不嚴重, 做二十至三十次就應ok, 佢話做一兩次我仔就會明顯發多好多唔同的音, 所以我同太太都會密切留意阿仔BB話的變化..
作者: BKVIP    時間: 12-4-3 14:08

我仔做左第2次,同上次一樣都只係摸肚同頸。但今次做完唔覺有咩進步,甚至有D退步...
作者: 陳爸爸    時間: 12-4-4 01:08

BKVIP 發表於 12-4-3 14:08
我仔做左第2次,同上次一樣都只係摸肚同頸。但今次做完唔覺有咩進步,甚至有D退步... ...
咁驚, 我仔都剛做第二次, 可能因病喉嚨唔妥, 所以無做口, 只做頸位, 同你所講的差唔多, 一個鐘裏面只有三至四次移動位, 都圍繞在後頸同頭, 每次放好位置後治療師會合上眼(好似閉目養神般), 我同我太太望住阿仔瞓係治療床上的眼神都有啲忍不住笑(因阿仔又唔敢陏, 隻眼又間唔中斜望過治療師, 好似說"請問你做乜鬼呀, 又合埋眼好似瞓, 又好似定左形咁"), 都後來我同太太都頂唔住, 一齊同佢一樣閉目養神直至夠鐘....
治療師話做一兩次後會明顯多左好多唔同的音發出, 不過我就仲未睇同聽到...不過做左第一次後就明顯玩眼多左好多.....真係有啲驚....但跟著就有燒同流鼻水病了, 希望係因為作病才玩眼玩得咁多啦......
作者: BKVIP    時間: 12-4-5 13:37

回復 陳爸爸 的帖子

你講開玩眼,我個仔做完都覺佢多左玩,大叫係做完第一次後多左,做完第二次又無大叫。

你仔仔几多歲?除左做髗骶骨仲有做咩治療呢?

我呢几日同小兒戒片,初時都好担心,但估唔到3日已經得得地,不過唔關髗骶骨事。

佢由平時唔肯講,到第二日柯濕左底褲仔都唔出聲,到第三日晚上佢突然自己話︰我要柯尿呀。柯緊時又話︰柯濕左啦,我整濕左啦 (佢D 尿滴左D落腳同地)。

但都只限於表達自己需要,未會較複習的相向對話。

作者: 陳爸爸    時間: 12-4-6 00:44

回復 BKVIP 的帖子

你仔都好好架啦, 起碼有簡單語言, 請問你兒現在幾歳? 除剛開始的髗骶骨, 我兒也有每週兩次做針灸, 我仔已兩歲半啦, 但仲未有任何單字(包括爸爸媽媽)...好擔心
作者: BKVIP    時間: 12-4-10 14:37

陳爸爸 發表於 12-4-6 00:44
回復 BKVIP 的帖子

你仔都好好架啦, 起碼有簡單語言, 請問你兒現在幾歳? 除剛開始的髗骶骨, 我兒也有每週 ...

我仔已經3歲3個月,佢都係2歲半先開始講有意義的單詞(EG. 爸媽)。唔需太担心,到佢地肯講嘢就會學得好快,我仔由岩岩識講嘢到依家講到"爸爸買朱古力飲啊" 3詞 都只係9個月的時間,只要佢開始講,就可以好快,但另一個挑戰又會出現。
作者: 陳爸爸    時間: 12-4-11 00:27

回復 BKVIP 的帖子

Thanks! 不過有好多時係針灸度見到有唔少自閉小孩到五六歳都仲未有單字, 真係好驚
作者: BKVIP    時間: 12-4-11 11:31

陳爸爸 發表於 12-4-11 00:27
回復 BKVIP 的帖子

Thanks! 不過有好多時係針灸度見到有唔少自閉小孩到五六歳都仲未有單字, 真係好驚 ...

其實都要睇返小朋友本身個情況,正如去做髗骶骨,治療師都講自閉都有嚴重程度,而周圍環境同人事都其實在影響緊個小朋友。

我本身比較鐘意講嘢,老公就大胆,鐘意玩埋身肉搏飛撻小朋友落床個D遊戲,所以可能不知不覺都會對小兒有D影響。

作者: 陳爸爸    時間: 12-4-11 23:43

我地都經常同阿仔講東講西, 不過唔知點才令佢肯主動溝通...
作者: BKVIP    時間: 12-4-12 09:54

如果有差唔多大的小朋友一齊玩會更好,我發覺同輩影響力大過大人好多,依家哥哥同細佬好多互動,成日鍚細佬,得閒又搞下佢,有時2個玩追逐笑到格格聲,仲模仿返細佬推車仔同BB話

你小兒是獨子嗎?可以按排多D 集體活動嗎?
作者: 陳爸爸    時間: 12-4-13 00:31

我囡囡現9m, 十分精靈, 好希望阿囡快啲講嘢等佢可以影響阿哥就好啦
作者: BKVIP    時間: 12-4-13 11:31

陳爸爸 發表於 12-4-13 00:31
我囡囡現9m, 十分精靈, 好希望阿囡快啲講嘢等佢可以影響阿哥就好啦

有兄弟姐妹一齊玩好好多架! 加油!
作者: 陳爸爸    時間: 12-4-14 00:29


作者: 陳爸爸    時間: 12-4-14 00:30

Yeah!!! 大家一起努力
作者: HgI    時間: 12-4-16 14:52

請問可否PM我髗骶骨治療的資料?  謝謝!
作者: BKVIP    時間: 12-5-4 14:18

你地小朋友做完髗骶骨個頭有無變得好敏感?EG 好驚用花洒洗頭,但以前唔會?
作者: 陳爸爸    時間: 12-5-4 23:11

BKVIP 發表於 12-5-4 14:18
你地小朋友做完髗骶骨個頭有無變得好敏感?EG 好驚用花洒洗頭,但以前唔會? ...
停左兩星期,因阿仔病足兩個禮拜, 不過就唔覺阿仔怕左洗頭喎, 但由四月開始做後, 阿仔好似成個四月係咁病, 唔知有冇関呢 ?
作者: wingwing2009    時間: 12-5-7 14:26

BKVIP 發表於 12-5-4 14:18
你地小朋友做完髗骶骨個頭有無變得好敏感?EG 好驚用花洒洗頭,但以前唔會? ...

我囡囡冇喎...佢一向唔鐘意夾夾同扎"邊", 但佢做完第一次治療後, 到現在佢冇再抗拒夾夾同扎"邊", 呢樣野係我地覺得最神奇既一樣野....

作者: BKVIP    時間: 12-5-16 08:31     標題: 回覆:分享:囡囡開始了第一次髗骶骨治療的感受

做完第四次無耐,發現個仔除左洗頭超驚之外,仲多左需要感覺刺激,同多左玩眼。但神奇嘅係,佢呢排無乜跟人口水尾,仲多左表達不同需要,例如佢會話痕、痛、唔舒服(可以指出邊度)、唔開心。仲會引申因果關係,例如我話爸爸要返工啦。佢就會話:爸爸返工搵錢錢俾xx(佢個名)同yy(細佬個名)食呀。  可以講到咁長嘅句子我係第一次聽到,雖然唔係好通,但收貨啦




作者: Shan_1016    時間: 12-5-18 14:05     標題: 回覆:分享:囡囡開始了第一次髗骶骨治療的感受

我都想知~可以pm




作者: lyw105    時間: 12-5-31 17:15

我都想知相關的髗骶骨治療資料。可否PM我。麻煩曬!
作者: ppmommy    時間: 12-6-1 08:55

我都想要啊吾該!
作者: lyw105    時間: 12-6-6 01:21

回復 wingwing2009 的帖子

can you pm the info to me ? many thanks !
作者: candyctk    時間: 12-6-6 18:30

請問可否都pm我。 仔仔就24月,懷疑有自閉,正安排健康院同私家驗。之前成日撞到額頭腫晒,唔知會唔會同此有關,亦唔知髗骶骨治療有冇對此幫助,不過所有方法也想試
作者: Surveyor    時間: 12-7-16 01:38

why-me 發表於 12-2-23 17:42
另類療法亦有可信性, 我仔做左成年, 真係一直有進步, 唔只我感到, 老師都認同.
當初都係協康PT姑娘建議, 佢 ...

where you are done in 協康 or by other?
作者: vivi12    時間: 12-7-17 11:57

我囡囡都有做髗骶骨治療, 排唔到協康鮑姑娘, 所以跟佢細妹, 都系鮑姑娘做, 我囡囡無喊無反抗, 但開頭做仲郁身郁細, 但做做下又靜左, 4次之後已經有明顯改善...而家KEEP 住週週做, 我囡囡大約第4堂先做口, 第一次做口就喊喇, 但做完之後一兩日又發現佢講野好左, 好神奇!!   鮑姑娘$650一個中, 健腦操+髗骶骨, 系咪算平??
作者: KarenKoo    時間: 12-8-27 21:46

回復 wingwing2009 的帖子

可否pm資料比我?謝謝!
作者: wingwing2009    時間: 12-9-4 15:20

嘩原來我個post 到現在還有人回應....

各位, 我已幫囡囡停左骨治療了..做了廿幾堂, 到後黎已沒有特別改變..現在佢肯開口講下野, 但唔多...但都有一定進步...

大家努力加油呀!!


作者: wingwing2009    時間: 12-9-4 15:22

vivi12 發表於 12-7-17 11:57
我囡囡都有做髗骶骨治療, 排唔到協康鮑姑娘, 所以跟佢細妹, 都系鮑姑娘做, 我囡囡無喊無反抗, 但開頭做仲郁 ...

點樣排鮑姑娘個細妹呀?可否告訴我? 我排協康鮑姑娘排左半年了..仍未有消息, 如果協康有機會排到, 我都會比囡囡試下..
作者: apple~y    時間: 12-9-4 15:43

回復 wingwing2009 的帖子

鮑姑娘個細妹主要係私人市場做唔使係協康排
都有係協康幫手只係part time形式
她主要健腦操+顱胝骨治療,兩者結合做


作者: Surveyor    時間: 12-9-6 15:45

回復 apple~y 的帖子

Dear Apple-y

Whether you have find both of Ms Pau to do some treatment, any comment?

作者: BKVIP    時間: 12-9-7 10:36

wingwing 你好勁呀,個post 仲未沉
原來你已經停左做,請問小朋友有無倒退現象呢?因為我已經做左9次,下個月起又幫大仔報左playgroup,細佬又要開始上playgroup 己經要2頭騰,加上每次出港島好幸苦無左成日(搭車來回4小時),停左睇下會唔會倒退。

講到成果,我覺得已經比我預期的多,想打資源放在多社交的小組活動上。這半年,在語言改善方面尤其名顯,由未做時只講單字,到識表遠自己想要的東西,再會答yes no question,再長d的句字,到依家可以用短句描述圖咭及對答。

社交方面亦顯著進步,主動打招呼&同陌生人講嘢,主動叫小朋友一齊玩,會讓玩具(間中都唔肯架),當然我相信s位在這方面下了不少功夫(只返左半個月)佢好鐘意返學,感恩

情緒方面比當初開始時已隱定好多,但有時都係心急易喊,希望大大下會好d。
作者: wingwing2009    時間: 12-9-12 11:17

本帖最後由 wingwing2009 於 12-9-12 11:20 編輯
BKVIP 發表於 12-9-7 10:36
wingwing 你好勁呀,個post 仲未沉
原來你已經停左做,請問小朋友有無倒退現象呢?因為我已經做左9 ...

哈...我都估唔到到現在還有家長PM 我問資料..各位家長, 唔好意思, 我唔會再覆PM 了..因為怕有人覺得我係幫某center 賣廣告, 而且我現在已冇做果度做治療, 不想給人誤會,  請見諒! (仲有就係, 我剛收到我去果間治療中心既email, 由10月開始佢地新收費, 加到去$950, 都加得幾多下....所以家長最好自己compare 下出面既相同治療才決定)

bkvip, 係呀, 我已經幫小朋友停左呢個治療, 可幸的佢冇倒退現象, 還覺得佢進步中, 可能佢開始大了, 已五歲, 雖然講野都未係可追回同齡, 但我地對佢都有信心, 只係時間問題.  我囡囡一向都唔係好抗拒新理境, 亦不怕對人, 亦唔係好stubbon, 但佢最喜愛牙膏狀既野, 就好似心愛玩具咁...每晚要搵齊佢d 牙膏(已買左好多支比佢) 先安心上床.  佢學野其實都ok, 但專注力弱, 但對音樂好敏感, 哥哥用小結他彈了一段曲目幾次, 佢便可以相同節奏彈到整手歌 (第一次我同daddy 都好surprise)....現在只希望佢持續進步, 出年要上小一了, 我同daddy 都下了決定, 只要評估出來那一類學校適會佢我地就跟專業意見走, 因為我同老公都相信小朋友有自己要走的路, 我地已盡了力協助佢, 往後的路, 我地都會支持佢, 但路始終要靠佢自己去走出新天地.  希望佢可快點打開那些未開的窗.  

不好意思, 講了太多題外話...嘻...

作者: david1031    時間: 12-9-13 18:08

$950一堂! 看你們講髗骶骨能幫助很多,我都找到以下資料,是自已上堂學的!http://www.health4u.hk/school/Info/BScHM.htm有時間我會再去探下路

作者: samantha_yuen    時間: 12-9-27 11:12     標題: 引用:另類療法亦有可信性,+我仔做左成年,+真係一

原帖由 why-me 於 12-02-23 發表
另類療法亦有可信性, 我仔做左成年, 真係一直有進步, 唔只我感到, 老師都認同.
當初都係協康PT姑娘建議, 佢 ...
可以pm資料比我嗎?




作者: why-me    時間: 12-9-27 11:40

我都收到加至$950呢個EMAIL.
停做了, 孩子亦在進步中
我都唔想幫人賣廣告了.
對不起!

作者: vivi12    時間: 12-11-5 15:51

回復 wingwing2009 的帖子

細果個鮑姑娘唔系系協康排, 系出面私人的, BOOK 到時間就上得堂, 你可以試下
作者: yauman76    時間: 12-11-5 17:12

vivi12 發表於 12-11-5 15:51
回復 wingwing2009 的帖子

細果個鮑姑娘唔系系協康排, 系出面私人的, BOOK 到時間就上得堂, 你可以試下 ...

其實我有d唔係好明, 今日有2個關於臚骶骨嘅舊post(包括呢個)又再"被"復活, 事源我中午時忍唔住喺另一個post回覆咗囝囝做臚骶骨一d bad experience
http://www.edu-kingdom.com/forum.php?mod=viewthread&tid=2362894&extra=page%3D1

, 估唔到依家又見到同一個人recommend某姑娘好, 佢應該見到我之前嘅回覆, 仲咁落力recommend佢俾其他人???  我只係想講大家選擇另類治療俾小朋友時要加倍小心, 免得浪費金錢時間之餘再令到小朋友受到不必要的傷害.


作者: vivi12    時間: 12-11-5 18:38

姑娘好唔好見人見智, 我囡囡跟佢之後, 最近有好大進步, 所以想推薦比其他人, 希望其他家長都受惠,   我唔系想幫佢賣廣告, 等於你覺得佢差, 而家叫人唔好去一樣....

其實臚骶骨治療我都試過其他治療師, 佢地都系會放隻手系一個位度15分鐘, 閉目, 好似無做野咁, 一系就整口好痛喊晒大叫

做治療既最終都系想囡囡有進步, 做家長既苦我又點會唔明, 我既樂就系見到佢進步

作者: cheung_cnine    時間: 12-11-8 14:40

我都想帶仔仔試做。
唔知九龍區有邊位自療師比較好呢?


作者: wingwing2009    時間: 12-11-9 07:22     標題: 回覆:分享:囡囡開始了第一次髗骶骨治療的感受

真估唔到我呢個post仍然有人回覆和仍然有人pm 我

其實各位不要再pm我了,我已沒有再幫囡囡做呢個治療,真的不想給人誤會我賣廣告,其實各位上網找一找,看看資料才決定,不要心急想幫囝囡而人云亦云。

其實不認同的JM亦不需要反應過激,因為一位治療師好與不好亦係每個人感覺不同,只要自己覺得好便OK. 大家都係在此分享一下。

大家一起加油吧








歡迎光臨 教育王國 (/) Powered by Discuz! X1.5