教育王國

標題: 鋼琴一級,考唔考好? [打印本頁]

作者: littlecook 時間: 12-2-20 16:24 標題: 鋼琴一級,考唔考好?

囡囡剛4歲,學左鋼琴10個月.
佢都學得几好,老師話佢天資唔錯,佢又肯日日練琴,又好鐘意彈琴.
老師話佢今年8月考1級應該無問題,叫佢試吓.
依家書已經買左,又練左几堂.
但我其實心大心細,希望佢實實在在打好基礎先考.
其實PIECES有D技巧都未學到,同佢TRAIN PIECES都好花時間.
為左個考試提早半年預備,如果出年想考2級,咪加埋要成年時間預備考試?
唔知遲一年一考考二級會唔會好D?
同埋,一級與二級,對幼兒嚟講,係咪真係差好遠?
煩各位家長老師比D意見!

作者: sheep_le 時間: 12-2-20 16:49

你好～

我都係教琴的。。。
其實覺得考１級同２級分別都不太大。。。

２級當然係難Ｄ架啦。。。佢咁細個，考個易ｄ既都好～佢肯練，可以短期內有個目標～　１級基本上都合格的又輕鬆。。當拿個經驗，簡單的試一次考試模式同俾小朋友有個滿足感。～

其實考１級都有助打基礎。。音階同各方面都迫著要學好一點～
之後，就唔洗每級架啦～可以一考考３級～

１級同２級睇出黎分別都不大，而且你小朋友仲細。。錢既角度來看，仲可以當平平地考個試先。

作者: sheep_le 時間: 12-2-20 16:54

還有小小意見。。。

技巧是要慢慢練出來的，只是幾堂時候，未必那麼快便達到最理想的～
當然，都要睇每個小朋友本身的條件如何～除左心理外，還有生理，如手指的發育都影響佢對手指仔既控制能力。。

如果老師覺得佢ＯＫ可以一試，都不妨試試看喔可以～

８－１１月個試還有時間，不用心急呢～加油！

作者: 小伊 時間: 12-2-20 18:23 標題: 回覆：sheep_le 的帖子

問題糸考黎冇乜用。

作者: Snoopy_Mom 時間: 12-2-20 18:39 標題: 回覆：鋼琴一級,考唔考好?

我記得琴姐姐講過, 佢教左咁耐琴, 只係一開始o係琴行教琴既時候幫一個k2小朋友考過一級, 而考既原因係個小朋友媽咪一去琴行報名就話要考一級, 琴行就3比左佢呢個新仔, 因為其他老師唔肯教

咁琴姐姐一開始就同個媽咪講明, 話要考完試之後從頭學起基本功, 個家長答應左

之後考完, 成績好好有distinction, 咁就從頭學起啦, 點知上左幾堂之後, 個媽咪話咁樣學得太慢, 就私人搵左第二個老師返屋企教

後尾間琴行續唔到約, 琴姐姐就上樓教, 有時都會撞到o個個小朋友同佢媽咪, 有次同一部電梯, 琴姐姐同佢地傾計, 先知道原來個小朋友跟新老師學左一排, 考左二級但不合格, 之後就無再學....

琴姐姐覺得好可惜, 個小朋友係有天份的, 但佢媽媽太過心急.....

越講越遠添

我覺得你唔想既, 可以唔考一級住, 二級先考囉, 我小朋友一個一考考二級, 大o個個就一考考三級, 如果你想攞下經驗既, 去考都無乜所謂, 不過最好o係準備考試期間都會彈一D唔係for考試既野, 因為有D人剩係練考試野, 考完試就剩係識彈考試歌囉, 其他野唔識彈架喇

最後一句, 唔好因為考試而令到小朋友唔鍾意學琴

作者: marcuscyrus 時間: 12-2-20 18:58 標題: 回覆：littlecook 的帖子

If she has talent, rather let her do the grade 2 or higher next year

作者: iamegg 時間: 12-2-20 19:15

本帖最後由 iamegg 於 12-2-20 19:16 編輯

回復 littlecook 的帖子

其實我覺得有冇用視乎家長, 並唔係一級定係二級嘅問題. 我唔係教琴但我開琴行, 有D學生一跳就三級. 所以如果你今次唔考等下次考二級, 你下年又可能問自己, 唔考二級直接考三級好唔好呢?
不如你諗下以下幾點:
1. 今次考試幫唔幫到小朋友建立自信
2. 今次考試幫唔幫到小朋友繼續用心學琴
3. 錢 - 考試費
4. 你, 家長, 對考試重唔重視

如果小朋友本身就有自信同埋唔駛逼都自動練琴, 我會覺得初級考試可以跳, 因為小朋友跟本未去到要幫自己去證明D咩. 反而通常都係大人嘅問題. 不如你試下問下小朋友自己想點?

作者: ziyi 時間: 12-2-21 10:41

我剛問了老師囡囡應該點安排考試
她recomment是either 2,4,6,8 or 3,5,7,8

作者: 四隻貓 時間: 12-2-21 11:15

我唔打算俾女考一級, 主要是因為我想慳考試費

不過都會先聽老師意見再決定, 可能老師有他的用心.

作者: hyatt 時間: 12-2-21 11:25

好少聽人講考一級的，最少都二級或三級。

作者: musicmissleung 時間: 12-2-21 20:26

小朋友先得果4歲, 去考一級當攞經驗. 我唔贊成等多半年考二級, 考試後可以唔駛再急考, 寧願去下比賽...下年5歲, 人仔大D去比賽會定D, 會好好玩...

作者: stinkyrabbit111 時間: 12-2-21 20:32

回復 ziyi 的帖子

我果時都係3,5,7,8

作者: lillymarie 時間: 12-2-21 20:41

主要睇下你對老師有幾信任啦！考唔考，幾時考每位老師的做法都有少許不同。信得過老師的就跟啦！

作者: 小伊 時間: 12-2-21 20:56 標題: 回覆：lillymarie 的帖子

其實我仲心急，才安排只考5和8級，以免阻礙進度。此外，每年都會參加校際。

作者: Radiomama 時間: 12-2-21 22:41 標題: 回覆：littlecook 的帖子

我個仔三歲學琴，四歲考一級，預備過程好充足，不過也好緊張（mami), 考試歌和scale都會好比心機drill. 得着是個仔嘗過努力付出和享受成果的經驗。
不過之後我只要求他學琴和練習，今年秋季會考四級。過去半年老師有教三級的scale和歌曲，也有教五級的，最後才決定考四級。
考一級最難是讓幼童承擔好沉重的壓力，自己對住個鬼佬成十分鐘，mami就乾等，都幾難受。

作者: eeyore_ada 時間: 12-2-22 03:07

如果選擇考一級，可以當係一個經驗，冇咩唔好。

作者: eeyore_ada 時間: 12-2-22 03:08

PS︰為培養孩子興趣而學和為要讓孩子多一張證書而學，兩者的結果是大有不同。

作者: littlecook 時間: 12-2-22 22:57

回復 eeyore_ada 的帖子

多謝各位意見!我仲未落到決定!
其實我想小朋友認認真真咁學,打好基礎,學得好,有興趣,就長遠咁學.
短期來講,都希望考P1時有張CERT在手,但我唔想考試合格,但基本功一塌糊塗囉!
唔知SKIP左GRADE 1,到K2暑假考GRADE 2(到時小朋友5.5YR),會唔會好難HANDLE呢?

作者: musicmissleung 時間: 12-2-22 23:23

應該同小朋友都講下, 睇下佢想唔想試, 唔好嚇親佢, 就當係一次遊戲. 小朋友一種樂器啱啱上手果陣最有熱誠, 信心都大D, 如果佢OK就好快D考一次試先, 等多半年太多變數...最弊係冇左團火, 咁就大件事.

作者: Charlotte_mom 時間: 12-2-23 09:51

你報得考試, 就預左未來70%(起碼)時間都係彈考試歌+SCALE+AURAL, 有D都咪話唔悶, 彈SCALE果D, 雖然話對未來學琴有幫助, 但對一個初學小朋友黎講真係悶到喊, 新歌仔應該無咩機會學, 未來彈黎彈去都係果3隻歌

當然, 我讚成間中係應該考下比賽下, 令小朋友有個目標, 認認真真去練好一隻歌...........或者咁, 你可以同琴老師傾下, 放慢腳步教, 都俾小朋友有D時間去學下其他野, 始終彈下唔同種類既歌, 至幫助到音樂發展呀

作者: tak0clive 時間: 12-2-23 11:19

囡囡學緊琴室都只係要求3-5-7-8咁上,唔需要考咁密,等佢有機會學下唔同既歌,因為考試前都至少需要好幾個月準備嘛

作者: tak0clive 時間: 12-2-23 11:25

小伊發表於 12-2-21 20:56
其實我仲心急，才安排只考5和8級，以免阻礙進度。此外，每年都會參加校際。

...

,咁慳唔少考試費用

作者: eeyore_ada 時間: 12-2-23 13:40

回復 littlecook 的帖子

支持你^^相信你的孩子會學有所成

作者: 無氣同你講 時間: 12-2-23 15:56

littlecook 發表於 12-2-20 16:24
囡囡剛4歲,學左鋼琴10個月.
佢都學得几好,老師話佢天資唔錯,佢又肯日日練琴,又好鐘意彈琴.
老師話佢今年8月 ...

考下試並唔係想像中差，彈到考試歌所需既野，某程度上已學到唔少野，並唔係所講既成年只學識考試歌。

至於考幾級，要視乎學生既年齡，年資及目的而定。

如果我小朋友現年ＹＲ. 4, 我都會比佢試下，當年其實我都買左１級考試書，不過冇的起心肝去教，所以先冇考到。

作者: lillymarie 時間: 12-2-23 20:36

我以前都覺得考試唔使咁多次，一來好貴，二來以cert來講, 我覺得除了8級那張之外，都無乜意義。而且用半年去預備一個考試真係好辛苦。
但囝囝現在的老師是先教完一個級別的課程，才要求囝囝去考試，且要他每一級都考。我見囝囝每一級都學40＋首練習曲加樂曲，老師亦只用一兩個月去預備考試，就覺得可以接受。況且，考試的目的唔係為了那張cert, 而係給老師和學生一個考核，證明他已超過那水平。某程度上可肯定和建立孩子的信心。

作者: lojo11 時間: 12-2-25 11:35

我仔仔五歲考左一級... 雖然用左一段時間去練, 不過真係睇到佢有進步... 我要佢考試, 係因為想佢建立對琴的信心... 當日考試官同佢講, 話佢成日(佢考最後)就係等你呢個五歲的小朋友... 我同呀仔講, 考試官平時見小學生多, 幼稚園生比較少, 令佢知道, 佢自己係OK... 當然我無講主要係少人考一級啦, 哈哈...

作者: xanax1mg 時間: 12-2-27 15:02

littlecook 發表於 12-2-22 22:57
回復 eeyore_ada 的帖子

多謝各位意見!我仲未落到決定!

我認為G1同G2既CERT對考小一無乜幫助

作者: 林嗅四 時間: 12-2-27 15:48

本帖最後由林嗅四於 12-2-27 15:49 編輯

xanax1mg 發表於 12-2-27 15:02
我認為G1同G2既CERT對考小一無乜幫助

我個人覺得,睇下咩學校啦..我果時同個仔考小學,都有比埋張G2既CERT校長睇..校長問我個仔既優點係咩,我答佢專注力好..對彈琴好有興趣,校長就真係拎住張CERT睇,(果年我仔有DISTINTION).
不過我都覺得...考一級好似無乜作用..同埋幾浪費時間下...因為應付考試真係要用上好幾個月時間,到時咩歌都彈唔到.....

歡迎光臨教育王國 (/)