教育王國

標題: 想從AP轉政府特殊小學，各位有無建議？ [打印本頁]

作者: lesi 時間: 12-2-14 22:18 標題: 想從AP轉政府特殊小學，各位有無建議？

仔仔已在AP讀咗6年多，學識咗坐定定和指令，但6歲入小學到現在還是畫直線和最近才寫123.但在外面的語言治療訓練中可以認到1---100和很多知識。和AP反映但都是給同樣的工課。補習先生說在AP太自由了，建議轉政府特殊小學

作者: pocoyo123 時間: 12-2-14 22:25

想問你小朋友現多大呢? 在AP讀左6年, 由幾多歲開始讀?

作者: lesi 時間: 12-2-14 22:27

回復 pocoyo123 的帖子

差不多十歲，3歲幾在AP讀一對一，六歲入小學

作者: 陳爸爸 時間: 12-2-14 22:28

is AP "Autism Partnership"? use ONLY ABA approach? how come at 6 years old still teaching 123 & draw straight line....

作者: lesi 時間: 12-2-14 22:49

仔仔2歲多開始說話(例:多多)之後就不說話了，經過評估---自閉症，入咗石硤尾幼兒中心，讀了差不多一年覺得沒進步才轉AP，希望有好的環境和資源，但自從AP從和富中心搬到跑馬地後，環境和師資都退步，訓練員流動很大，很多之前可做到的訓練都不了了之。搞到無晒信心。另外在外面請語言治療師，仔仔進步很大，起碼開口發音(因為之前仔仔是沒有音的，做過顱底骨、針疚、生物療法、中醫)什麼差不多都做過

作者: pocoyo123 時間: 12-2-15 00:28

如想轉回政府學校, 相信一定要有一封心理學家或醫生信, 去教育局同佢講返情況, 不過我相信過程會好長, 亦都好煩, 不過你不如打去教育局問左先.
如在AP讀左6年也覺得停滯不前, 轉去特殊試試也無妨, 總好過一直浪費時間,加油媽咪

作者: cheungsm1 時間: 12-2-15 06:36 標題: 回覆：lesi 的帖子

但AP 嘅one on one 確實不錯喎！咁在AP school 其實是教什麼？如小朋友已沒有行為問題而又能專心，轉回特殊學校也是不錯選擇！

作者: lesi 時間: 12-2-15 13:04

其實AP的單對單訓練真是不錯的，起碼學識咗聽指令和日常生活的自理，這方面AP是絕對OK.只是他們是以ABA為藍本，注重行為訓練，但缺乏語言訓練，因仔仔是無聲的，在家長來說當然十分緊張.到處找言語治療。試過很多，最終張老師令仔仔開聲！當小朋友的行為和語言都有進步時，我們作為家長當然希望能更上一層樓，在認知方面，AP這方面就不足了，其實准確來說是班主任的問題，之前的葉老師真是可以做到摸清每個仔仔的性格和程度，細心聽取家長的意見，所以仔仔那段時間進步神速.自從葉老師走後，隨著搬校及不斷換班主任(中文班竟然找個上MEETING都講講下用英文)，現在的班主任你告訴她仔仔在認識上不止只會劃直線，填圈圈顏色和寫123,但入咗小學三年都是這些功課.教仔仔吃藥片裝OK咗(因為葉老師之前有教)之後要試膠囊就說好難。仔仔有一兩聲咳立即叫你接回家，但工人到咗學校接時仔仔沒事，四個訓練員圍著仔仔吃茶點，課室關哂燈，其他仔仔全部無返學。如果係你，你點想？是仔仔退步？還是學校的學習計劃有誤？(每三個月會有一個總結和未來三個月的學習計劃)。學校會不斷要求做家居訓練，我無做，自已請其他的訓練員.因為聽其他家長說AP的訓練員上門三個鐘都做不足。自已不在家時叫工人拍攝存底。所以總結來說AP是一所好學校，只是訓練員的素質問題。我真是很不滿意這幾次的MEETING都沒去。

作者: lesi 時間: 12-2-15 13:27

其實好多謝各位爸爸媽媽的意見，我會為仔仔努力找尋可給他提供更好學習的地方！以後還希望各位可繼續提點。亦希望各位家長不要氣餒。不要放棄我們的小天使，上天把他們交給你，是知道你會好好愛護和保護這些小天使的。我曾經都問上天為什麼偏偏是我，我做錯了什麼？但看著仔仔天真的眼神，好像問我"是我做錯了什麼嗎？"我覺得很慚愧！

作者: pipi331 時間: 12-2-15 14:45

提示: 作者被禁止或刪除內容自動屏蔽

作者: cheungsm1 時間: 12-2-15 14:47 標題: 回覆：lesi 的帖子

其實家居訓練都是重要的！例如你可以教仔仔寫字！學校還是教寫123及直線？會否仔仔的執筆技巧未ok?? 你可試試在家比一些簡單字或copy book佢做，看看是否ok? 如可以的你便帶給老師看看！或者你對老師有意見，可直接向校長表達，看看能否改善！
因為其實ABA都好著重溝通，都會用唔同方法去引小朋友開聲及助理解！你不能不去meeting, 那更加不清楚小朋友的進度！或者你是否有觀課？可能可以了解更多！如果連你自己都放棄與學校溝通，那學校更加不著緊！

作者: lesi 時間: 12-2-15 15:09

有無邊間國際學校介紹？仔仔只能講兩個字

作者: lesi 時間: 12-2-15 15:12

cheungsm1謝謝你的意見，我會在家給他設計多些吸引他興趣的功課。唔知是不是有了心病，好想轉校。有意見參考嗎？

作者: annaanna 時間: 12-2-15 16:36

其實已經唔相信學校，應該盡快轉走... 我之前都有過2次唔愉快O既經驗.... 最好都係走人

作者: CPLau129 時間: 12-2-15 17:38

回復 lesi 的帖子

咁你打咗去教處未? 我仔在特殊學校讀,覺得資源都夠. 老師,社工和治療師都好有heart.

作者: cheungsm1 時間: 12-2-15 20:08 標題: 回覆：lesi 的帖子

你可以打去教育局的特殊教育組，將你的問題告知及請他們安排你做評估！因如想轉入特殊學校必須再做一次評估！

作者: ivybibi 時間: 12-2-20 16:48

如果已經10歲仍然係無咩進步，我都建議你轉入去特殊學校度作嘗試，總好過浪費!正常係主流小學就搵返佢地學校的心理學家做評估再作轉介去教育局特殊支援組，咁教育局收到資料後就會約見家長揀學校，需時大約一個月。但AP唔知有無心理學家可以咁做，或者你先要打去政府體能評估中心將實情同佢講再作評估多一次，或者精神科醫生都可以，等佢地評估個小朋友適合入咩程度的特殊學校，再幫你轉介去教育局，不過CAC排期真係好耐!或者你可以打電話去你心儀的特殊學校叫佢地的社工幫下手。

歡迎光臨教育王國 (/)