教育王國

標題: 小朋友9月升小一，我覺得好大壓力，想呻下 [打印本頁]

作者: Kingkong6 時間: 12-2-12 10:33 標題: 小朋友9月升小一，我覺得好大壓力，想呻下

佢讀緊好輕鬆冇功課冇默書課程淺既幼稚園，為了舖路，我嘗試同佢默書、買練習俾佢做，而且成日同佢講小學生活同幼稚園好唔同，可是佢只掛住玩，一叫佢做練習就發脾氣。
唉，佢依家未上小學已經咁，我難以想像往後要點樣同佢拉鋸！我見佢咁既態度，我自己都好嬲好無奈，覺得好大壓力，我放工回家已好倦，我可以點呀？

作者: smallfoothk 時間: 12-2-12 10:58

不用擔心,上小一曾變,很多名校老師將子女放活動教學幼稚園,有個愉快童年

作者: jojoplanet 時間: 12-2-12 11:40

我都係好似你咁同佢補定底佢除左學校平時兩樣功課仲有公文中文同英文同埋珠心算如果個日係學校假期加埋油下顏色寫下字咁。聽落好似好多查實都ok我比佢學公文係想佢習慣每日做功課自學亦有得著。佢有時會同我講數遲點先做做少d但我好堅持架久而久之佢知道冇得講數.你一定要用呢數個月train佢。

有d小朋友可能pickup 得好快咁唔駛train 都得你要睇自己小朋友

作者: Radiomama 時間: 12-2-12 15:05 標題: 引用：佢讀緊好輕鬆冇功課冇默書課程淺既幼稚園，

原帖由 Kingkong6 於 12-02-12 發表
佢讀緊好輕鬆冇功課冇默書課程淺既幼稚園，為了舖路，我嘗試同佢默書、買練習俾佢做，而且成日同佢講小學生 ...

你越講佢咪越對小學反感囉！
有些事情只做不要講便行了。
默書可以是個遊戲，輕輕鬆入手都得嘅。

作者: YLMom 時間: 12-2-12 20:15

回復 Kingkong6 的帖子

You may try giving him some easier exercises first (e.g. for K3, not P1). When he finds that he can finish them easily, he may have more interest and confidence. Then later you can give him more "challenges".

作者: lillymarie 時間: 12-2-12 21:13

唔好未升小一就嚇壞佢啦！家長放鬆D，你讓佢讀輕鬆的幼稚園都係想佢有個快樂童年，就讓佢享受埋呢個學期啦！
summer holiday開始訓練佢自理，教定佢小學的規矩，等佢有個心理準備要自己照顧自己多D。
有些小朋友好聽老師話的，老師叫佢做功課，佢又見同學都做，就會肯做。就算你想操佢做功課默書等，可以等到6月左右。好多幼稚園個時都會訓練學生適應小學生活。
小朋友個腦未成熟，半年可以差很遠的。今天抗拒，唔代表半年後或9個月後抗拒。unless你不停嚇他，描黑小學生活啦

作者: samsamchan 時間: 12-2-12 22:41 標題: 引用：佢讀緊好輕鬆冇功課冇默書課程淺既幼稚園，

提示: 作者被禁止或刪除內容自動屏蔽

作者: kwan1981 時間: 12-2-13 02:20

唔好話幼稚園個陣時啦，阿仔依家小二，一樣成日掛住玩。

作者: lojo11 時間: 12-2-13 08:05

我個仔小一, 幼稚園時, 老師成日提佢地, 小學就唔可以點點點, 老師會鬧等等, 佢又收到風話佢間小學好多功課(可能聽到我講)... 但上左小學後, 佢話一d都唔覺.. 仲開心過幼稚園, 因為老師唔會成日睇住佢地, 起碼小息午息可以同同學去玩, 但幼稚園, 基本上係任何時候都係老師嘅視線範圍內...

功課亦唔多, 半個鐘可以做晒... 對默書同考試都唔抗拒... 算係幾relax..

唔洗太擔心... 不過我明.. 我之前都有好多擔心... 但原來係唔需要... 加油

作者: qkhui 時間: 12-2-13 09:40

不用太擔心, 你有沒有跟小朋友一起看書的習慣 ? 如果有, 我覺得不會太難適應小一生活, 如果沒有, 可以現在開始多o的同小朋友看書, 認多少少字.
其實小一上學期, 好多學校都係比小朋友及家長適應.
我記得仔仔讀幼稚園時, k2巳開始默書, k2 無問題, 但上到k3, 每次英默都不好, 當時都會擔心上小一會點, 但原來小朋友自己會去適應, 我記得仔仔小一第一次英默, 範圍都不少, 但竟然可以取得100分. 所以有時過份擔心是沒有必要.

作者: DKiu 時間: 12-2-14 13:30

回復 lillymarie 的帖子

我絶對贊同你的說法....., 因為幼稚園生活只得3年. 比佢哋開開心心, 愉快地過. 上到小學, 佢哋會慢慢適應.

作者: Kalongmama 時間: 12-2-14 13:39

身邊好多朋友啲仔女今年上小一,都話辛苦,叫我做足心理準備
我揀果間小學都係出名多功課,宜家除咗做學校功課,加珠心算,彈琴,有時間再做補充或睇書,我個仔已經習慣,希望上小一會輕鬆點

作者: Hayleymum 時間: 12-2-15 22:50

我都有些少小學驚恐症, 阿女現在k3, 我買很多練習及課外書, 因為阿女好似文盲咁, 都唔知點過度去小學

作者: ANNAFRIEND 時間: 12-2-15 23:21

Hayleymum 發表於 12-2-15 22:50
我都有些少小學驚恐症, 阿女現在k3, 我買很多練習及課外書, 因為阿女好似文盲咁, 都唔知點過度去小學:tooco ...

那你真係要快快train up佢啦, 唔知你囡囡會讀邊間小學, 但如果是要求高水平語文的學校, 真的會很吃力. 我囡囡的學校中文科要求水平高, 英數也絕不淺, 如什麼底子也沒有, 真係好難一下子追得上及適應課程. 小朋友同家長真係會好慘架.

作者: madscientist 時間: 12-2-16 00:02 標題: 引用：我都有些少小學驚恐症,+阿女現在k3,+我買很

提示: 作者被禁止或刪除內容自動屏蔽

作者: Lilo 時間: 12-2-16 18:04

其實小一上學期真係好淺，唔會追唔到，除非你要佢科科100分

作者: anna59 時間: 12-2-17 08:54

回復 Kingkong6 的帖子

唔好"空"佢啦,最緊要知道個小朋友個質數,不過,好多家長犯左一個錯誤,就系高估個小朋友既能力.唔使咁擔心佢默書,不如睇下佢記性好唔好啦

作者: anna59 時間: 12-2-17 09:01

回復 Hayleymum 的帖子

youa are not alone,唔使驚喎,大把人陪你啦,不如你擔心下佢既自理能力,因為小學只可以向小息去洗手間,如果去完洗手間"開大"的話點清潔,因為有d學校開學第一個月小息有高年級學生帶一年級去洗手間,一個月後就梗系冇啦

作者: working 時間: 12-2-17 09:06

放心啦, 上到小一時小朋友會不同了, 這是群體學習的好處. 小一學校一般會有適應期, 不用太擔心. 好好享受幼稚園的愉快生活.

作者: anna59 時間: 12-2-17 13:50

回復 Kalongmama 的帖子

你d friend講得好岩呀,系好辛苦,不過又唔使咁快驚定先,見招拆招啦,記住:佢有乜野唔惦,唔好拖,快d去搵補習,因為越大越唔想補呀,因為如果個學生唔明對下落既課程只會越黎越深同多,你唸下會點

作者: wendy_jed 時間: 12-2-17 16:53

我囝囝間幼稚園都係咁, 英文生字都唔洗串下, 認到個字樣,連下線就過關, 中文K3 仲係學緊牛羊馬.........

我响K3時幫佢搵左老師上門教PHONICS.... 可以答你PHONICS 絶對可以解決初小既英文默書串字....我地而家每個WEEK既英默只需好少時間去預備..... AND 珠心算/指心算, 亦係對初小既數學好有幫助~我覺得每個星期一兩堂時間, 可以慳回到小學每個星期去花响温英默既時間, 係幾合乎效益的.....

咁就可以花多D時間响中文科...我自己 / 眼到好多POST 都係初小較難跟得上是中文科呢~ 尤其係升小二, 升小三果個位....

作者: like_travel 時間: 12-2-18 00:35

My daughter was KV student, she could easy handle all subjects for P1-P2.

作者: happyelimme 時間: 12-2-18 00:48

女都k3, 佢底唔好. 唯有比d字佢寫下睇下書咁咋

作者: Kingkong6 時間: 12-2-18 03:05 標題: 引用：唔好未升小一就嚇壞佢啦！家長放鬆D，你讓

原帖由 lillymarie 於 12-02-12 發表
唔好未升小一就嚇壞佢啦！家長放鬆D，你讓佢讀輕鬆的幼稚園都係想佢有個快樂童年，就讓佢享受埋呢個學期啦 ...

聽完你地咁講，我都唔敢再講小學日日有功課默書等，我仲諗住俾定心理準備佢咋。佢識好少字，英文詞語識更少，都算係文盲。眼見同佢同月出世旣朋友仔讀私校，已經識默one to one hundred, 我個仔one to ten都冇學過點串。聽完仲down

, 雖然佢唔會讀直資／私小，但津校都競爭大，只希望佢好勝既心能令佢上小一後努力d

作者: haihaimom 時間: 12-2-18 10:57

樓主其實可以放輕鬆點，現在才不過是幼稚園罷了，將來還有小學、中學、大學，十多二十年的學習並不急於一時，現階段最重要是培養學習興趣，不要令他怕了學習，甚至討厭學習。試一試温習內容加一點遊戲完素，例如串子正確給他一塊積木，看看最後他的積木可以踏到多高，跨張一點稱讚他讓他有成功感，不怕串字。這個年紀的小孩，就是喜歡遊戲，利用這天性從遊戲中學習，效果要好得多啊！

作者: hoihoima 時間: 12-2-18 23:17

回復 Kingkong6 的帖子

I think whether to push the child is quite dependent on his/her personality/quality and whether him/her is push-able (or train-able). If the child is not push-able, then pushing him/her too much will have adverse impact, e.g. loss of interest in learning. On the other hand, if the child is push-able, then some pressure (not too much) may stimulate him/her to improve. Kingkong6, I note that you said you would not consider DSS/private school. However, CKY or Creative should be non-pushy schools and may be worthwhile considering.

歡迎光臨教育王國 (/)