教育王國

標題: 有無中文閱讀理解補充介紹 [打印本頁]

作者: mickychow 時間: 12-2-9 11:40 標題: 有無中文閱讀理解補充介紹

小兒現讀小一，但係唔知點解中文科閱讀理解真係好差好差，有無補充練習可以介紹一吓？
謝謝！

有無過來人都好似我咁？可唔可以教吓我點做？
千萬個唔該！

作者: YolandaTam 時間: 12-2-9 12:21

有兩個疑問:

1.令郎學校嘅閱讀理解係出填充, 選擇題, 是非題定係問答題?
2.你認為令郎失分係因為詞彙唔夠, 理解力唔夠定係答案組織得唔好?

作者: SnowWhite.hebe 時間: 12-2-9 13:54

Same! 我女嘅中文科閱讀理解都係好差, 相信和認識詞彙唔夠. 最重要係平日小閱讀小睇書...不過知道個point都冇用, 除非媽媽冇做工未有時間同小朋友一齊閱讀先有效.
以上只是個人見解, 因為我發覺, 當做中文科閱讀理解時, 如果我坐係旁邊讀比佢聽, 佢會識答..但test or exam就total lost la

作者: mickychow 時間: 12-2-9 14:04

Yolanda Tam,

1 填充+問答題
2 理解力+組織

之前我嘗試同佢一齊做，都唔覺有大問題，但一到自己做就好似唔知點做咁，

。我又教過d矛招，叫佢試吓搵返題目嗰d字附近就會找到答案，但每次估評或考試失分實在太多，令我好失望。

作者: mickychow 時間: 12-2-9 14:15

SnowWhite.hebe,

我 case 同你一樣同佢一齊做真係識答。講真，我仔仔的確係認識詞彙唔夠。

作者: YolandaTam 時間: 12-2-9 15:51

填充題: 問題應該係詞彙唔夠.  睇多啲書會有幫助.
問答題: 問題係答句做得唔好.  多啲練習重組句子同作句會有幫助.

如果家長陪做就識做, 自己做就唔知點好, 即係信心唔夠. 可以叫小朋友自己揾個答案大約喺文章嘅邊度, 括住佢, 由家長教佢點寫答句, 慢慢建立信心.  現階段唔好心急要小朋友自己做啱晒.

補充練習方面, 唔知小朋友學校出題有幾深, 如果仲係fact finding, 推介樂思學科評估系列同統一出版社.  但係如果好似我囡間學校, 出巻重思考性嘅, 可能要用坊間啲文, 自己再針對性出題至得.  長遠嚟講要語文好, 重要嘅唔係補充練習而係培養閱讀習慣.

作者: snwm 時間: 12-2-9 16:24

你跟囝囝做時會否出現太多提示他呢? 請勿給他太多提示, 寧願用多些時間讓他自己想再回答給你. 我知會很煩及浪費時間, 但為了他好一定要有耐性. 還有, 你可不可給他每晚或隔晚跟他看中文書, 但不只是你讀, 而是一路讀一路問他問題, 啓發他想多些. 還有學校有沒有參加"每日一篇"上網活動, 真很有用雖然每日都要做但真的幫到他的.

作者: mickychow 時間: 12-2-10 10:28

多謝各位靚媽意見！

Yolanda Tam 你講得好啱！佢真係詞彙唔夠，我都覺得佢唔夠信心

補充練習都真係要買定，希望自己都可以了解更多答題方面。
snwm ：你的意見又真係幾好！我又唔怕煩，等我試吓你的提議，陪佢一齊讀多d文章或者較短故事先，等佢有多d興趣，希望真係可以啟發得到佢。
唔知點解仔仔唔係好鍾意中文字？講真佢真係唔多鍾意睇圖書，就算睇佢都多數揀睇英文圖書或者漫畫類型。

作者: SnowWhite.hebe 時間: 12-2-14 13:19

我認為大家嘅意見都啱, 只不過實行嘅時候有困難姐. 唉! 而家小學讀書已經好忙, dict. quiz不再話下, 重有參加課外活動, 一有時間已經用嚟溫習校內嘅嘢, 又好少玩嘅時間...重邊有extra time同佢暢讀呢?? 所以小朋友有時complaint吓都好normal. "無奈!"

作者: YolandaTam 時間: 12-2-14 16:36

個人認為讀好書, 令小朋友在小學階段愛上閱讀, 培養自學精神, 比參加課外活動更重要.

作者: CrabPincers 時間: 12-2-14 16:50

SnowWhite.hebe 發表於 12-2-14 13:19
我認為大家嘅意見都啱, 只不過實行嘅時候有困難姐. 唉! 而家小學讀書已經好忙, dict. quiz不再話下, 重有參 ...

DICT 我只會幫佢默一次
識就識, 吾識就罷
返黎佢自己改正者

反而看書真係好重要
我屋企無野多
係書多
還要四圍都有書櫃/書架
要令到佢地隨手都可以拿起一本書

如果吾是為左佢地視力著想
我真係好想係廁所都放書......

作者: chumamma 時間: 12-2-16 00:09

YolandaTam 發表於 12-2-14 16:36
個人認為讀好書, 令小朋友在小學階段愛上閱讀, 培養自學精神, 比參加課外活動更重要. ...

完全同意, 我囡囡平日無參加比賽等操練, 純粹玩票性質去學各式各樣的運動, 保持身體健康。

除了功課, 囡囡就是睇中英文小說, 這一年中文成績進步了很多, 由中游升呢為頭三甲 (中文科), 所以我舉腳贊成睇書, 放棄定期性參加課外活動或操練。

睇書最有效, (不是漫畫書, 係多字的書本)

歡迎光臨教育王國 (/)