教育王國

標題: 小學生成績怎樣才要補習? [打印本頁]

作者: candytsy 時間: 12-2-7 15:17 標題: 小學生成績怎樣才要補習?

囡囡讀小二,成續在班中間,全級唔知排名,唔知要否去補習,因為囡囡話好多同學仔都有去補習,我只係怕佢咁細就要補習,大啲唔知點算?而且佢唔想去補,有家長俾啲意見嗎?

作者: lojo11 時間: 12-2-7 15:22

如果佢唔想去, 而又肯自己溫習下, 成績又ok, 其實唔一定要去...

作者: lillymarie 時間: 12-2-7 15:24

既然囡囡唔想去，就暫時唔去住啦！可否問問老師囡囡的成績如何，在同級位置如何？
如果補習是想她更上一層樓，就針對較弱科目去補，成效可能更大。

作者: candytsy 時間: 12-2-7 15:48

lillymarie 發表於 12-2-7 15:24
既然囡囡唔想去，就暫時唔去住啦！可否問問老師囡囡的成績如何，在同級位置如何？
如果補習是想她更上一層 ...

我係想用這小學幾年去等她學習自已的事自已做,唔想樣樣都要人幫.但又怕跟不上,我的要求係佢可以上到自已原校中校瑪中我就滿意了,因為我同老公每天都要返工好夜返,佢自已要自已完成所有功課等我返來改正,好多都係因為不小心錯,同唔自覺温習,要叫先會做.有時忙唔記得叫佢做或温習佢就考得好差,我要返工仲有個細老要照顧,平時工人同婆婆在家都跟唔到佢的功課.

作者: lojo11 時間: 12-2-7 16:14

我個仔小一, 都無去補習, 我都想佢學識自己負番學習的責任... 我放工返黎check佢功課... 有做就算, 啱唔啱就等老師改... 要改正咪等佢知自己錯咩...

其實好多補習社主力都係make sure佢地做好功課.. 溫習唔一定跟得足..

作者: MonkeyGirl 時間: 12-2-7 16:29

回復 candytsy 的帖子

嘩, 你個 case 咁似我既 ? 不過唔同既係我女在補習社做功課..原因係我夜收工, 幫唔到佢 . 佢又唔鍾意去補習社, 原因係太 noisy .. 我同佢講到佢三年班, 就唔去補習社啦, 不過佢自己要溫書和做功課, 希望佢可以做到.. 我都想佢靠自己唔靠別人幫, 都會自動自覺.. 可上自己既中學, 我就放心了....

你都好呀, 有工人, 我無架, 我細仔 only 6 mths.. 條路好長呢

作者: qkhui 時間: 12-2-7 16:34

我仔仔由小一開始就去補習社, 依家小四, 其實都係因為無人跟到, 放學去補習社做功課, 溫下默書, 其實大多數溫習都係要自己跟返. 不過so far 又ok.可能佢間補習社好嚴, 老師好惡, 個個都唔敢出聲, 都幾靜

作者: qkhui 時間: 12-2-7 17:01

馬鞍山,

作者: JOSEPHINE_LAU 時間: 12-2-7 17:15

回復 candytsy 的帖子

自己完成功課,又識得做,我覺得唔使補,錯少少唔係問題,最緊要肯去做,做完功課,睇吓課外書,就好好啦!

作者: lillymarie 時間: 12-2-7 17:23

candytsy 發表於 12-2-7 15:48
我係想用這小學幾年去等她學習自已的事自已做,唔想樣樣都要人幫.但又怕跟不上,我的要求係佢可以上到自已原 ...

如果要佢學習自己的事自己做，就要給她機會去犯錯，例如唔記得溫習。錯唔緊要，緊要係教佢怎樣提自己去溫習。叫佢去補習，就失去妳起初的打算了。
至於跟不跟得上，其實可以聯絡老師問問意見。
我自己就認為小朋友尚可應付到的時候，就暫時再觀察一段時間。去補習，其實都頗疲累的。

作者: vincat 時間: 12-2-7 18:05

我覺得成積60分或以下就一定要補, 唔係好難追, 因為越唔識越唔想讀, 不過一定要一邊鼓勵, 一邊補

作者: smallfoothk 時間: 12-2-7 18:58

家長冇90分都要補/不是全級頭3名都話去補,都係果句,看你决定去補定不補.

作者: jenny_wong 時間: 12-2-7 23:39 標題: 回覆：小學生成績怎樣才要補習?

好又補唔好又補，難怪而家啲補習社開到成行成市

作者: prettylily 時間: 12-2-8 13:40

qkhui 發表於 12-2-7 17:01
馬鞍山,

邊度..可否PM 我..............

作者: candytsy 時間: 12-2-8 16:10

多謝你地意見,睇來我囡囡都再可以觀察下,佢只係欠了些自覺和粗心大意,但見到同校個個家長都同仔女去補習,自已又擔心會比人差,呢個就係香港讀書小朋友讀書的壓力,我都好怕好想唔跟風,但又有誰可以?

作者: candytsy 時間: 12-2-8 16:19

lojo11 發表於 12-2-7 16:14
我個仔小一, 都無去補習, 我都想佢學識自己負番學習的責任... 我放工返黎check佢功課... 有做就算, 啱唔啱 ...

你仔都好叻,小一就會自已做功課,我囡小一時又唔識讀題又唔識做,我跟了第一學期,下學期才好些,現在小二暫時都識自已去做,有時有些唔識就等我返來或者叫婆婆幫佢讀題自已再做,係英文比較差,因為冇人幫到佢.

作者: lojo11 時間: 12-2-8 16:39

開頭我都怕佢跟唔上, 比佢去補習社, 不過過左兩個月, 佢自己話唔去, 因為大部份時間都係坐係到... 我估補習老師亦唔會下下睇住佢... 既然佢話唔去, 我咪開出我的條件... 我白交左一個月補習費...怕佢做唔到就要返去補習了... 佢為左睇多d電視, 三十分鐘就做起... 好唔好就睇下個日功課多唔多...
你女女有進步, 加油呀.. 越大應該可以handle得更好..

candytsy 發表於 12-2-8 16:19
你仔都好叻,小一就會自已做功課,我囡小一時又唔識讀題又唔識做,我跟了第一學期,下學期才好些,現在小二暫時 ...

作者: candytsy 時間: 12-2-8 17:24

lojo11 發表於 12-2-8 16:39
開頭我都怕佢跟唔上, 比佢去補習社, 不過過左兩個月, 佢自己話唔去, 因為大部份時間都係坐係到... 我估補習 ...

我囡都去過試補兩堂,結果都係同你仔一樣,坐足一個鐘,原書包回來什麽都冇做到,所以到現在我都唔敢再俾佢去,浪費時間.

作者: lojo11 時間: 12-2-8 18:34

candytsy 發表於 12-2-8 17:24
我囡都去過試補兩堂,結果都係同你仔一樣,坐足一個鐘,原書包回來什麽都冇做到,所以到現在我都唔敢再俾佢去, ...

好睇間補習社好唔好... 漏做啦, D字好核突都收貨等等... 一肚氣又要執手尾... E家自己睇番... 係就係困身D, 不過都值得... 而且補習社唔一定補到好成績... 始終佢地要睇幾果小朋友... 都係自己跟得好D..

作者: tws2010 時間: 12-2-8 22:09

回復 candytsy 的帖子

Most of my kid's classmates go to the tutorial school. They all train to do all the past exam papers of the school my kid go to (well, also his classmate go to). Since they get used to the format of the exam paper and IF they have good memory, it's not difficult for them to get good result as some of the questions will be repeated and repeated every year or once a while. My kid works very hard and he's the top 10 at school. But he does not go to the tutorial school and not trained to do the past exam paper of the school. His result was comparatively not as good as those who are always trained. I told him this was definitely not an issue. I said I want him to really learn and be outstanding (or not but at least to have independant and analytical thinking and be smart among a bigger group rather than comparing with those at his school) BUT NOT TRAINED to be working on past exam paper non-stop...To compete with those in the school is not really difficult but it's more a broader sense to compete those from different schools....

作者: lojo11 時間: 12-2-9 08:41

有d補習社只集中小朋友功課, 有d就加埋操paper. 操paper係對小朋友有即時好處, 好碼熟個format, 可能又會小心d... 所謂熟能生巧... 係會攞到好d成績, 對家長黎講, 的確吸引..

我都唔會比呀仔join呢d班... 除非成績真係唔好... 如果ok的, 唔洗咁谷法... 同埋我都想知道個仔本身能力去到邊... 暫時第一次排名都ok... 我已經非常安慰... 如果去左補習, 我就唔知有幾多成績係我個仔自己定係補習谷出黎..

作者: ilovematthew 時間: 12-2-9 08:44 標題: 回覆：candytsy 的帖子

我仔現小一，我已給他補習，因為我倆要上班，對補習社不太多期望，最重要完成當天所有功課

作者: candytsy 時間: 12-2-9 10:44

tws2010 發表於 12-2-8 22:09
回復 candytsy 的帖子

Most of my kid's classmates go to the tutorial school. They all train to do a ...

你另我又想起曾經有人講過讀書不是求分數,但當見到成續表差時心理即時就忘記了,在考虑分數之時都要睇下佢點解會錯.好羡慕你的小朋友可以自已咁勸力仲可以考到前10名,小朋友的性格都好緊要,我囡由出世食奶就非常慢,所以現在做事都比較散慢,但我細仔食奶好快,唔知第日會否做事都快手快腳呢?真係每個小朋友都有她的性格,家長真係要不斷學習因材施教.

作者: snwm 時間: 12-2-9 16:44

其實本人反對小學生去補習社, 除非父母未能教到他們或時間配不合到. 因為補習社只會令孩子出現更多的陋習, 或學了一些不好的行為. 如果你小朋友已學了自己做功課應繼續她自學, 免她誤會你們不理她了; 反而出現反效果. 如果你認為她還可以有上升的空間, 唯有用自己休息時間跟她每星期尾溫習.

作者: candytsy 時間: 12-2-9 17:56

snwm 發表於 12-2-9 16:44
其實本人反對小學生去補習社, 除非父母未能教到他們或時間配不合到. 因為補習社只會令孩子出現更多的陋習, ...

我都好想听多一些你這種聲音等我心理好過啲

作者: tws2010 時間: 12-2-9 22:28

回復 candytsy 的帖子

Thanks for your accomplishment. In fact, my kid is very disciplined and he is very hardworking. Sometimes, I feel sorry to push him too hard, so I decided to give him some private and play time. I watched the DVD the other night. He was 3 at that time and he's really happy and it seems that there would be no worries for him at all. Since he went to primary school, I became very nervous and push him to study this and that. He was not happy and in fact, this also affect our relationship. I decided to take it easy. As long as his academic result is ok, I don't really request him to be the top one. In fact, there will be no difference at all if you are top 1 or top 10 in future. It's rather he is interested to learn and take initiative, this is very good enough already...

Hey, you donnn't have to worry too much. My brother was also very slow in learning before he was P.4. Guess what, he really improved signifcantly when he was in P.4...It's really amazing. He did not have good result before P.4. But since P.4, he suddenly opened his mind. Eventually, he got A in his Mathes at school cert and A Level. Have faith and confidence in your kid. You never know and it's never too late to start.

Add oil.

作者: samsamchan 時間: 12-2-9 22:32 標題: 引用：囡囡讀小二,成續在班中間,全級唔知排名,唔

提示: 作者被禁止或刪除內容自動屏蔽

作者: 囝囝mama 時間: 12-2-10 00:03

回復 lojo11 的帖子

非常同意!!!

作者: lojo11 時間: 12-2-10 08:23

回復 tws2010 的帖子

你個仔真係好生性... 好難得...

作者: 大傻蛋 時間: 12-2-10 10:57

我囝係K3開始接觸公文數及英..一直KEEP住到而家小四,但發現開始作用唔大,好彩學校俾左澳數培訓他,公文英就轉為ENOPI(事緣一來他停留同一個LEVEL成半年,二來他跟我說上英文堂時外籍老師講的野他只識一半),唔知算唔算補習..但係真係可以幫補他數學及英文科..他平時成績中間..數學同英文90幾..但中文就好差(試過唔合格)..所以拉分後KEEP住平均分80分左右..中文我買左好多作業給他做..但他又懶唔想寫(特別係重組句子,改寫句子等),成日只係用口將個答案講一次俾我聽..唔知係唔係因為咁沒什麼進步..唔通真係要出去俾人補中文??

作者: tws2010 時間: 12-2-11 21:31

回復 lojo11 的帖子

Many thanks lojo11. I was once a very strict parent. I was really mad when I know he got 80 mark for his maths, I scolded him. But he was very nervous whenever I talk to him. I really gave it a second thought. I could not let this situation continue and became even worse, I decided to take it easy and not to push him too much. This really worked. Just would like to share with you guys, it maybe better if you learn to relax, your kids maybe more motivated to learn and willing to learn...Learning is a long road. One or two failures are really nothing. You never know one day, they will have drastic change that you don't expect. Add oil all parents...

作者: lojo11 時間: 12-2-12 19:09

tws2010 發表於 12-2-11 21:31
回復 lojo11 的帖子

Many thanks lojo11. I was once a very strict parent. I was really mad when I k ...

你係一個好SMART的家長... 我個仔小一, 一直唔會為成績話佢, 怕佢會對考試, 分數有壓力感... 上左小學已經半年, 好彩佢好喜歡上學, 每日都會係佢自己特定時間內完成功課, 我好感恩..

作者: sophielau 時間: 12-2-15 22:36 標題: 回覆：candytsy 的帖子

提示: 作者被禁止或刪除內容自動屏蔽

作者: Hoho8 時間: 12-2-17 00:34

现在好多家长把孩子的读书都推到外面的补习社。小1是孩子一个新的学习阶段, 家长应该陪同孩子建立自我学习的习惯。家长应该尽量自己来教, 除非像英文口语可以到外面。自己教可以知道自己孩子的能力和缺点, 及时矫正。小1课程不算难, 大部分家长都可以应付。

孩子的成绩不要看的太重, 每个孩子有自己的特点, 多鼓励和陪同他一起面对并解决问题, 要有耐心和毅力

作者: Heima04 時間: 12-2-17 11:15

樓主,你想找的補習社目的是甚麼? 有的只是做功課, 有的是補專科。
小兒在過去一年到補習班做功課, 但發覺作用不大, 功課未能完成, 壞嘢學足一籮筐。
由於小兒P2, 中文差, 亦曾到補習社每星期二次專科補中、英(1對2), 補了3個月,發現成效不太大, 但私人時間無哂, $又無埋, 仲經常頻頻撲撲去上堂, 彼此都很疲倦。
故現在所有補習都CUT哂, 現正訓練他自已做, 其他的教得幾多得幾多, 不過都好勞氣架, 努力中。

作者: candytsy 時間: 12-2-17 17:07

Heima04 發表於 12-2-17 11:15
樓主,你想找的補習社目的是甚麼? 有的只是做功課, 有的是補專科。
小兒在過去一年到補習班做功課, 但發覺作 ...

你的經驗正是我問這問題的原因,因為我就係擔心補習幫不了她太多,而時間金錢都花去了,正如你所講大家都很疲倦.我相信我囡囡到外面補習較果都會係咁,試過找補習老師上門一對一,但見到老師哭了很耐唔肯要老師幫,十問九唔應老師,結果補不成,取消了.

作者: candytsy 時間: 12-2-17 17:09

Hoho8 發表於 12-2-17 00:34
现在好多家长把孩子的读书都推到外面的补习社。小1是孩子一个新的学习阶段, 家长应该陪同孩子建立自我学习 ...

看來我都係自已跟好啲,但每晚收工八九點先來同佢對功課,改得來都成十點幾,已經冇時間揾習.

作者: lojo11 時間: 12-2-17 18:44

candytsy 發表於 12-2-17 17:09
看來我都係自已跟好啲,但每晚收工八九點先來同佢對功課,改得來都成十點幾,已經冇時間揾習.
...

唯有星期六, 日溫多D... 我閒日都同唔到呀仔溫太多... 仲要練樂器.. 九點就要瞓..

作者: fanwong29 時間: 12-2-17 21:34

睇家長想孩子在學業上進展快定慢,(補)字可=補充,/補救,(習)=學習/練習/習慣。

作者: kwan1981 時間: 12-2-18 01:54

candytsy 發表於 12-2-17 17:09
看來我都係自已跟好啲,但每晚收工八九點先來同佢對功課,改得來都成十點幾,已經冇時間揾習.
...

我從來都唔會幫阿仔改功課，錯我都由佢交，我會抄低佢做錯既題，有時間就教返佢，教到佢明，再出差唔多既例子俾佢做。

作者: leeyin 時間: 12-2-20 05:47

回復 qkhui 的帖子

我又住馬鞍山, 可唔可以PM我講我知邊一間?

作者: Hengying 時間: 12-2-21 12:23

如果功課不會做，就要補！

作者: wister 時間: 12-2-21 22:42

你覺得有需要嘅時候就係時候。而家開始差不多啦，早總比遲好。

作者: jy0212 時間: 12-2-23 17:31

其實都好睇間補習舎。我之前補果間，真係又求其，d字寫到打風都收貨。默書常期得七十幾！
後來而家轉左第二間，個阿sir好鬼惡，我個仔都惊左佢，
但而家d字寫得整齊好多，默書哩幾次，都有九十分以上，暫時都幾滿意

作者: 瑩瑩老豆 時間: 12-2-26 22:39

本帖最後由瑩瑩老豆於 12-2-26 22:41 編輯

candytsy 發表於 12-2-7 15:17
囡囡讀小二,成續在班中間,全級唔知排名,唔知要否去補習,因為囡囡話好多同學仔都有去補習,我只係怕佢咁細就 ...

又唔一定其他人補你就一定要跟, 最主要自己覺得同個囡想唔想.

我囡讀到小四都冇去補過習, 平日都係放學佢自己做晒D功課, 但書就唔會溫, 我地兩公婆要返工通常七點幾回來食埋飯八點幾睇下佢D 功課, 大意錯就唔理等先生改, 唔識做才會教, 有黙書就會同佢黙下, 測考通常都係測驗前兩三周開始衝. 以前我有問過囡囡想唔想去補, 佢話唔想就一直都再冇提了.

作者: candytsy 時間: 12-2-27 10:06

jy0212 發表於 12-2-23 17:31
其實都好睇間補習舎。我之前補果間，真係又求其，d字寫到打風都收貨。默書常期得七十幾！
後來而家轉左第二 ...

我個囡好細膽,大聲同佢講野佢都話人地好惡,怕著佢,平時老師惡佢都吓到唔想返學,我怕這種惡的補習老師對佢無效.

作者: candytsy 時間: 12-2-27 10:08

瑩瑩老豆發表於 12-2-26 22:39
又唔一定其他人補你就一定要跟, 最主要自己覺得同個囡想唔想.

我囡讀到小四都冇去補過習, 平日都係放學佢 ...

想問下你囡成績OK嗎?有沒有進步?你擔心小六派位嗎?

作者: 瑩瑩老豆 時間: 12-2-27 13:55

candytsy 發表於 12-2-27 10:08
想問下你囡成績OK嗎?有沒有進步?你擔心小六派位嗎?

我囡成績都OK, 一直都冇乜進步也冇乜退步, 我一直都冇乜迫我囡讀書又或學什麼用來入什麼名校, 所以暫時都未(識)擔心小六派位, 而且我囡讀官校有自己聯系中學, 如果keep 到目前的成績就可以入聯系中學.

作者: Heima04 時間: 12-3-1 11:17

回復 candytsy 的帖子

Hi, 樓主, 你有幫囡囡報補習班嗎? 還記得我說於2月開始已取消哂小兒所有補習班嗎.

經過一個月訓練, 小兒亦開始會在我放工前自行做工課, 昨天在我回家時還自動自覺將全部完成的工課給我對呢。

現正訓練他多看課外書, 每天都陪他閱讀中、英文故事書, 他亦看得很開心, 雖然上學期他的成績退步了, (在全級只在中間位), 但讀書的路很長的, 我決定不會再報補習班的, 正盡力提升他對閱讀的興趣(雖然起步似乎慢了), 但我覺得他好像正進步中。

所以, 樓主, 一起努力吧, 未必一定補習才會好的。

作者: Ting0329 時間: 12-3-1 13:02

亞女小六, 六年來只去過數個月補習社, 成績一直維持全級頭幾名. 我覺得小朋友一定要夠訓(10小時), 上堂才可專心及吸收到, 加上多讀課外書及報紙(建議星島出的星兒/GOODIES)就好夠, 不必去補習社.

作者: candytsy 時間: 12-3-2 11:10

Heima04 發表於 12-3-1 11:17
回復 candytsy 的帖子

Hi, 樓主, 你有幫囡囡報補習班嗎? 還記得我說於2月開始已取消哂小兒所有補習班嗎.

我到呢刻都冇幫佢報補習，還在堅持中，我都發現好了些，上學期差係因為我生了小B，小了時間跟她的功課．

作者: candytsy 時間: 12-3-2 11:15

Ting0329 發表於 12-3-1 13:02
亞女小六, 六年來只去過數個月補習社, 成績一直維持全級頭幾名. 我覺得小朋友一定要夠訓(10小時), 上堂才可 ...

我囡可能都係唔够瞓，佢每晚成10:30pm至11:00pm先瞓,第二日7:30起身,佢做事比較慢,浪費好多時間每晚9:30-10:30先可以完成功課,有時可以9:30前完成,是她自已要求自已9:30完成的.

歡迎光臨教育王國 (/)