教育王國

標題: 各位家長點分配時間? [打印本頁]

作者: 鋒媽 時間: 12-2-6 16:11 標題: 各位家長點分配時間?

本帖最後由鋒媽於 12-2-6 16:31 編輯

本人需全職工作. (Mon-Sat. 放工回家都要7:30)還有時間教仔溫書嗎?

作者: smallfoothk 時間: 12-2-6 18:21

方法只有一個補習為上策.

作者: MonkeyGirl 時間: 12-2-6 18:59

我都係...你小朋友讀幾年班 ? 我女現是小二, 佢放學後會去補習社做功課...原因是佢小一時, 不懂看題目, 等我放工後, 實在太晚了... 我放工後, 主要同佢溫習...而家train 緊佢自己溫. 希望三年級唔使補習

作者: Mymaggie 時間: 12-2-6 21:13

我囡囡讀小六，由小一開始已參加學校的功輔班，我六時放工接她回家，大多數都已完成功課，初小時功輔老師也會幫她溫默書/測驗/考試，我覺得功輔班幫了我很大忙呢!

作者: smallfoothk 時間: 12-2-6 22:26

回復 Mymaggie 的帖子

參加學校的功輔班?private

作者: lojo11 時間: 12-2-7 08:55

我放工返到屋企約7:00, 抽30分鐘同佢對功課同另外30分鐘溫默書or練樂器, 有兩晚要學野, 得番個30分鐘, make sure佢做齊功課就算........ 星期六, 日就會溫多d..

作者: 鋒媽 時間: 12-2-7 10:02

回家7:30 p.m. 先開始蔒飯約8:30 p.m.食, 食完約9:00, 未計洗澡/洗碗等等. (老公幫妳唔到, Just 可以培小朋友看電視.....)仲可以點?本人當然希望10:00小朋友可以上床Sleeping.???

作者: lojo11 時間: 12-2-7 10:08

鋒媽, 你好勁... 加油呀

作者: bobo0529 時間: 12-2-7 10:51

我小朋友今年小二, 晚晚都要成11:00她才可以睡. 我放工返到去6點幾,唔算夜啦!但叫極佢放學返黎做功課先, 成果唔得多過得. 每日4:30左右回到家, 唔係要食tea,就係第二樣. 咩都等我返左去先開始(做功課,溫默書,落街食飯,洗澡等...) 做功課時間拖得好長呀. 無兩個鐘都唔駛指意完成, 如有補習老師到, 就仲要晏啲才休息.
唉! 我都唔知點樣先可以將完成時間再提早啲? 我都想請教下各位媽咪!

作者: 鋒媽 時間: 12-2-7 11:26

是否這是外出工作媽媽的悲傷.已將所有時間用盡, 仲可以點???

作者: lillymarie 時間: 12-2-7 12:05

諗返我阿爸以前勁啦！6點放工，煮飯，6點半食飯。7點半開工同我溫書溫到9點半，睇電視，10點瞓覺。
由4點至6點，打電話check我有無做功課，6點前未做完就要受皮肉之苦。現在年代不同了。

作者: bobo0529 時間: 12-2-7 12:53

我都由佢返到屋企至放工前打埋電話check住叫佢做功課呀! 但結果返到屋企都係無做!上年學期尾開始請左個工人諗住幫輕下我做下家務, 我可以全力跟進小朋友所有啦, 點知唔夠2個月就頂唔順佢操手炒左佢啦. 全家仲怕左唔肯再請過呀! 好啦! 諗辦法啦. 終於諗到請鐘點啦(熟人介紹), 諗住都可以煮下晚餐,小朋友唔駛日日出街食. 點知又幫唔到手, 現在個鐘點只係由放學時至我放工時做簡單清潔咋!
唔好意思! 我在吐苦水。

作者: berthanokching 時間: 12-2-7 13:11

找補習，起碼做晒功課，你回到家就溫習得唔得？

作者: smallfoothk 時間: 12-2-7 13:45

回復 bobo0529 的帖子

不是教人迷信,找出文昌位來讀書,可能有幫助

作者: berthanokching 時間: 12-2-7 17:20

我都找到文昌位唻！我唸都系要訓練佢地快手快腳！

作者: berthanokching 時間: 12-2-7 17:27

怎樣找文昌位？

作者: smallfoothk 時間: 12-2-7 19:00

本帖最後由 smallfoothk 於 12-2-7 19:07 編輯

回復 berthanokching 的帖子

請不要迷信,但一試無妨

話說風水：文昌位讀書事半功倍

有些家長相信努力之餘可以借助風水，為孩子在家中找到文昌位來讀書，會有事半功倍的效果。風水上一般推算文昌位有三種方法： 1、住宅文昌位坐北向南：文昌位在東北方。坐南朝北：文昌位在南方。坐東向西：文昌位在西北方。坐東南向西北：文昌位在東南方。坐西北向東南：文昌位在東方。坐西南向東北：文昌位在西方。坐東北向西南：文昌位在北方。坐西向東：文昌位在西南。

　這種方法較容易找出房子的文昌位，但假若文昌位剛好落在廁所、廚房或不利使用的地方，就要考慮使用下列方法。

作者: Mymaggie 時間: 12-2-7 22:40

回復 smallfoothk 的帖子

學校提供的，要付錢，但平過外間的

作者: janicetsang 時間: 12-2-7 23:38

我放工返家多數9時後，阿女9-1030pm上床，所以好少時間可以溫書。她放學後吃茶點、看電視、沖涼，然後自己做功課。如唔識就打電話比我問功課（好少需要問我，大概每月才問我一次）。如電話教不到，叫佢放低，我放工才看，趁明早上學前佢食早餐時用5-10 mins搞掂佢。
如要默書，盡量在星期六幫佢默一次，默書前一日叫佢自己重溫，在公司打電話提佢溫書。

作者: janicetsang 時間: 12-2-8 00:37

本帖最後由 janicetsang 於 12-2-8 13:30 編輯

考試果幾天，盡量放假陪佢溫習。樂器，每星期星期六陪佢練一兩小時。

作者: janicetsang 時間: 12-2-8 00:45

本帖最後由 janicetsang 於 12-2-8 13:31 編輯

delete...

作者: janicetsang 時間: 12-2-8 00:49

又試過考體育筆試，明知放工後她已要睡沒時間溫習，於是用iphone影低她的筆記，放工後搭地鐡時打電話考她。我和她溫習的時間，就是這樣擠出來。

作者: janicetsang 時間: 12-2-8 00:56

本帖最後由 janicetsang 於 12-2-8 13:29 編輯

delete...

作者: janicetsang 時間: 12-2-8 00:58

本帖最後由 janicetsang 於 12-2-8 13:29 編輯

delete...

作者: bobo0529 時間: 12-2-8 09:34

我都返去搵一搵個文昌位先. 希望可以改善下啦.

作者: karen55407 時間: 12-2-8 14:10 標題: 引用：+本帖最後由+鋒媽+於+12-2-6+16:31+編輯+\

原帖由鋒媽於 12-02-06 發表
本帖最後由鋒媽於 12-2-6 16:31 編輯

本人需全職工作. (Mon-Sat. 放工回家都要7:30)還有時間教仔溫書 ...

我都係在職媽媽，有兩個孩子，由工人湊，孩子每天放學到補習社做功課個半小時，之後去課外活動一個小時。我放工回家會檢查功課，吃飯後温書或玩，暫時都OK，不過孩子每天都好忙。

作者: 大傻蛋 時間: 12-2-9 16:17

我有3個小孩,大囝P.4,大囡K1,細囡育嬰園大組,我同我老公都返工,屋企無請工人,每天早上大囝自己返學,學校係活動式學校,故功課不算多,放學有功輔班去到6點半,自己返屋企,全部功課/默書/溫習學校做哂,回家完全無溫習(除左大考先會溫少少),食飯,做網上中文每日一篇,數學10題,公文數,執書包,沖涼,做完就可以上網玩,10點幾上床睡,成績中間(我地接受到,最緊要係他返學開開心心就得),大囡延展到7點,食埋飯,返屋企ONLY幫她沖涼,跟住自己睇碟同玩玩具,10點幾上床睡,細囡放工時搭車回家途中餵一支奶(在我公司附近的育嬰園),返屋企ONLY幫她沖涼,跟住同姐姐玩一陣就訓(8點幾9點),我臨訓前(11點)俾多支奶她飲(訓住飲,無醒),我地沒有煮飯,通常買飯或叫外賣係屋企食,或出面食完先返屋企..他們訓哂就係我同老公的自由時間..親朋好友都覺得我地3個會好辛苦,但其實只要唔要求太高都沒問題..最緊要一家人都開開心心..

作者: janicetsang 時間: 12-2-9 19:06

嘩！勁呀！湊三個無請工人都可應付裕如，而阿大仔又咁獨立。叻！

作者: 大傻蛋 時間: 12-2-10 10:12

haha..謝謝大家..我大囝只係自己返學這part算獨立,其他自理能力好差..全部家務都係我同我老公自己做..我地唔洗買送煮飯洗碗..洗衫有洗衣機同乾衣機..掃地幾日一次,洗地就一星期先一次..屋企係好亂,要等星期六及日先執,.每日最忙就係同2個囡沖涼...不過都習慣了..

作者: 大傻蛋 時間: 12-2-10 10:23

每日8點前全屋出門口,大囝自己返學,老公車我地,先去幼稚園放低大囡,跟住車細囡返育嬰園,我抱完細囡入去再行5-10分鐘返公司,老公就返工了。夜晚大囝7點會先返去,老公直接在育嬰園等我同細囡跟住再去接大囡跟住買野食返屋企,如果係出去食,大囝就會係學校等我地,會先接他再接大囡..時間好充實好忙..而家期待8月細囡升N班同大囡一齊返,唔洗2邊趕了..最忙其實係早上7-8..我先起床,跟住叫大囝起床,準備早餐給他食,跟住去開奶餵細囡,跟住同大囡換校服等等...好似打仗,另外就是夜晚返去5個輪住沖涼,洗衣機一日起碼要開2次..

作者: YLMom 時間: 12-2-10 11:05

大傻蛋,

You are really good at planning & hardworking! It must be very tough. But I am sure your hard work & effort will get very rich reward later! Add oil!

(And you still have time for BK. Wonderful!)

作者: YLMom 時間: 12-2-10 12:09

"返工時先係我的休息時間"

Ha ha, then you are lucky to have such a good job! {:1_1:}

作者: MonkeyGirl 時間: 12-2-10 15:04

回復大傻蛋的帖子

咁如果學校放假 or 仔女 c 但一個 sick 了咁點 ? or 自己都 sick 埋咁點萛 ?

作者: 長生不老 時間: 12-2-10 18:16

提示: 作者被禁止或刪除內容自動屏蔽

作者: kammm 時間: 12-2-10 18:18

搵補習社啦～有人教

作者: samsamchan 時間: 12-2-10 20:05 標題: 引用：+本帖最後由+鋒媽+於+12-2-6+16:31+編輯+\

提示: 作者被禁止或刪除內容自動屏蔽

作者: 大傻蛋 時間: 12-2-13 17:17

回復鋒媽的帖子

真係要找間補習社..我個囝好彩係學校有功輔班(只有雙職父母及家裡沒有工人先可以申請),有些同學無參加功輔班或補習班,放學返去成日落街玩或睇電視等,成績退步很多..最後都係參加補助班先可以追返..因為小朋友係屋企實在太多野引誘不能專心溫書..星期六及日我係屋企我個囝都係溫唔到書的..不是打機就是睇電視,上網睇卡通片,踢波打乒乓球..所以就算你有時間幫他溫都未必有用..THX!

作者: 鋒媽 時間: 12-2-14 16:04

回復 YLMom 的帖子

我都覺得係, 返工先係休息.

歡迎光臨教育王國 (/)