教育王國

標題: 沙田嘉德麗幼兒園N班同學仔請進 [打印本頁]

作者: CBabeY 時間: 12-2-5 14:58 標題: 沙田嘉德麗幼兒園N班同學仔請進

小兒現就讀下午班, 下學期開左學, 星期五學校派左手冊但無下學期時間表, 大家有無收到??唔知N班呢個學期會唔會有親子旅行或者其他親子活動呢?

由上學期開始開左學一排, 大家覺小朋友有幾多進步呢?請分享下。

我個仔仲未戒到片, 你地小朋友返左學幾耐就戒到?我打算天氣暖返會再開始過。

作者: patty.chiang 時間: 12-2-9 12:33

雖然不同區，但同校，希望我既分享可以幫到你。
我兩個仔讀粉嶺嘉德麗，仲要十月先夠兩歲可入學，兩個星期已戒到片。你意思係咪夜晚訓覺未戒到？
讀到而家，雖然說話未識，我都未聽得明佢講乜。但書本上的東西基本都識。
比以往聽教聽話左，乖左。識唱 Twinkle twinkle little star 同校歌。
會跟禮貎寶寶點頭早晨、會自己行入課室放下書包，拉開櫈坐下等上課。放學會自行拍埋椅子、拿書包，跟老師們說bye bye。
不過我其實個人不太注重學識，滿意他們進步在聽教聽話多d。

作者: CBabeY 時間: 12-2-9 19:18 標題: 引用：雖然不同區，但同校，希望我既分享可以幫到

原帖由 patty.chiang 於 12-02-09 發表
雖然不同區，但同校，希望我既分享可以幫到你。
我兩個仔讀粉嶺嘉德麗，仲要十月先夠兩歲可入學，兩個星期 ...

多謝分享，你嘅小朋友好叻，咁快戒到片。我個仔返左學返而倒退，未返學前識表示有便意，但而家賴左唔出聲，有同老師反映過，不過而家天氣未暖，我唔會迫佢戒住。阿仔又係好鐘意唱校歌，同埋念弟子規，但禮貌尚有進步空間。

作者: CBabeY 時間: 12-2-9 19:23 標題: 回覆：沙田嘉德麗幼兒園N班同學仔請進

不過，有一點我相信，學校啲教職員都ok，阿仔早幾日放學同婆婆講要搵x姐，婆婆問佢邊個黎，佢話係帶佢去厠所嘅姨姨，佢要搵姨姨講拜拜。放假時成日話要返嘉德麗，去搵佢自己班三位老師。

作者: patty.chiang 時間: 12-2-10 10:15

開心看到你的回覆，知道你仔仔都好鐘意返學。我個仔，發燒都話要返學，稍有精神，我們便要扮同佢揹書包返學。
你可以先試試用熊公仔 + 針筒扮熊仔去厠所。熊仔小便完讚佢叻。
再問仔仔要唔要殊殊，通常佢見到人地疴，自己都會有小便意識。久而久之，便會學懂，有好多朋友都係用呢個方法，你也不妨試試看。

作者: CBabeY 時間: 12-2-10 10:17 標題: 引用：開心看到你的回覆，知道你仔仔都好鐘意返學

原帖由 patty.chiang 於 12-02-10 發表
開心看到你的回覆，知道你仔仔都好鐘意返學。我個仔，發燒都話要返學，稍有精神，我們便要扮同佢揹書包返學 ...

咁有趣

多謝分享，等我試下先。

作者: Joneswong 時間: 12-2-15 09:04

我的囡囡都是讀下午n班的，我都冇下學期的時間表，我會在家長日問問老師　的，叧外，囡囡明顯地喜歡上學，回到家都有唱歌比我們聽，雖然聴唔明，而且間中會講同學仔D野比我們聽，而且，好似和同學仔熟了，所以在學校有小小頑皮，但都okay。

作者: Joneswong 時間: 12-2-21 08:59

CBabey,
我囡囡10 月出世 ....

我的囡囡都是讀下午n班的，我都冇下學期的時間表，我會在家長日問問老師

　的，叧外，囡囡明顯地喜歡上學，回到家都有唱歌比我們聽，雖然聴唔明，而且間中會講同學仔D野比我們聽，而且，好似和同學仔熟了，所以在學校有小小頑皮，但都okay。

點評

CBabeY 我唔係18号見家長, 我要另約時間, 唔知阿仔返學表現係點呢? 發表於 6 天前

CBabeY 你囡囡幾月出世架?我個仔果班有D同學高佢成個頭, 我知有D大佢九個月發表於 6 天前

作者: CBabeY 時間: 12-2-23 18:42

Joneswong 發表於 12-2-15 09:04
我的囡囡都是讀下午n班的，我都冇下學期的時間表，我會在家長日問問老師　的，叧外，囡囡明顯地喜歡上學， ...

我覺得SUPRISE, 收到學校個評估表, 都整得幾精美, 我以為就咁一張成績表。哈哈, 聽完老師講阿仔上堂表現, 發現佢響學校同屋企係兩個人。我個仔仲有好多方面真係要認真幫佢改善, 如果唔係老師講, 我地都無留意。

作者: gamabonbon 時間: 12-2-26 14:49 標題: 引用：Quote:Joneswong+發表於+12-2-15+09:04+我

原帖由 CBabeY 於 12-02-23 發表
我覺得SUPRISE, 收到學校個評估表, 都整得幾精美, 我以為就咁一張成績表。哈哈, 聽完老師講阿仔上堂表現, ...

我小朋友黎緊8月開學，想請問你地覚得學校好嗎？

作者: CBabeY 時間: 12-4-2 14:30

家長們, 你地有無去觀課呀?唔觀唔知原來自己小朋友響屋企同學校係兩個人, 唯一好開心見到佢自己收拾用品同埋主動話去幫同學, 雖然老師聽唔到, 但我親耳聽到真係好開心, 覺得佢好乖, 肯幫助人。

作者: anixon 時間: 12-6-25 09:10

我的小朋友將入讀嘉德麗, 互相交流啦~

作者: CBabeY 時間: 12-6-28 22:33

今日湊個仔放學, 下午班有個女學生由工人姐姐帶放學, 個姐姐一路機不離手係咁傾, 一隻手拖個女仔過馬路, 慢線有架的士上緊客, 我地架車就響後面, 個姐姐一路講, 架的士開左, 望都無望我地架車就向前行, 但個頭都無拎去睇我地隔離快線有無車到, 直行直過, 真係好危險, 個姐姐今日著灰色T, 如果邊個同學仔媽咪覺得似你姐姐請留意, 睇到我地都好嬲。又係卦住傾, 機不離手

作者: anixon 時間: 12-6-30 15:44

請問嘉德麗是每月都要付雜費，還是半年收一次？

作者: anixon 時間: 12-6-30 15:45

請問嘉德麗是每月都要付雜費，還是半年收一次？

作者: CBabeY 時間: 12-7-2 15:19 標題: 回覆：沙田嘉德麗幼兒園N班同學仔請進

Once per one term

作者: CBabeY 時間: 12-7-9 21:26

今日結業禮, 原來唔係好似高班咁可以家長出席, 真係有D失望添, 仲諗住可以同阿仔最FRIEND O既同學交換CONTACT NO.

作者: szetoszeto 時間: 12-9-18 19:57

Hi, 我囡囡將會係插班生N1, 請指教我只買校服各一套, 是否須要多買一套替換呢? 另外, 請問女仔著白襪仔, 是否可著有花邊的?
抱歉! 真係多問題...!! 呵呵....一粒女係緊張d

作者: CBabeY 時間: 12-9-18 21:44

szetoszeto 發表於 12-9-18 19:57
Hi, 我囡囡將會係插班生N1, 請指教我只買校服各一套, 是否須要多買一套替換呢? 另外, 請問女仔著白襪仔, 是 ...

我個仔全年都係每樣各一件，女仔襪俾唔到意見你，因為我個係仔仔呀，唔好意思。

歡迎光臨教育王國 (/)