教育王國
標題: 我好唔開心! 囡囡覺得讀書好慘,好辛苦! (Thanks all of you) [打印本頁]
作者: Waiting2007 時間: 12-2-3 21:08 標題: 我好唔開心! 囡囡覺得讀書好慘,好辛苦! (Thanks all of you)
本帖最後由 Waiting2007 於 12-2-7 21:05 編輯
嗰嗰小朋友都要讀書, 要返學, 要默書, 要背書, 要測驗, 要考試...................
囡囡上學期考試不合格, 放年假同佢溫習......佢哭, 叫佢背 past tense 嗰表.........佢又哭, 同佢解釋 "讀書"的重要和責任...........佢再哭得大聲D !!!
點算好??? 我自己都就快 "痴線".............
Anyone can help me? Please! Thanks!
作者: ^曾小姐^ 時間: 12-2-3 21:12
若然會傷受雙方感情,倒不如放手給人敎
作者: Waiting2007 時間: 12-2-3 21:21
本帖最後由 Waiting2007 於 12-2-3 21:23 編輯
回復 ^曾小姐^ 的帖子
Thanks. 曾小姐
我已經打算找補習 & 巳報名, 明天是第一堂. 她又哭着說不要去, 不想去.............現在還未收聲, 爸爸在房中陪她, 我在外面也想哭..........只想有人可給我分享意見和比我呻吓. Thanks again.
作者: madscientist 時間: 12-2-3 22:01 標題: 回覆：Waiting2007 的帖子
提示: 作者被禁止或刪除 內容自動屏蔽
作者: fanwong29 時間: 12-2-3 22:15
囡囡讀幾多年級呀？
作者: 1234ats 時間: 12-2-3 22:52
我很同情楼主与女儿的境况。也很同情类似你女儿的其他学童。任何人无论学任何东西，如果有厌恶情绪，要学好就非常困难。
她对读书产生这样负面反应，是我们的教育观念的问题。个人看法，读书首要培养兴趣，只要有兴趣，就有机会追回来。一旦缺乏兴趣，基本很难翻身。
建议你暂时不要给她压力，不要太理会分数，也要帮她应付学校的压力。过一段时间，慢慢发掘她的优点，让她多看中英文课外书，多玩益智游戏，另她感受学习知识的乐趣。撇开竞争，其实小学课程不是太难。她年纪尚小，待她找回学习兴趣与信心后再发力也不会太迟。
我从不觉得小学不合格是什么大不了的事情。大家可以回想以前读书，某次默书分数对现在生活有何影响。
很多人把读书看成长跑，每圈不停追赶，生怕落后。我觉得可以换个角度，把读书看成推铅球，每位选手可推六次，头五次没成绩，只要第六次推得够远便足够。
作者: Waiting2007 時間: 12-2-4 00:00
1234ats 發表於 12-2-3 22:52 
我很同情楼主与女儿的境况。也很同情类似你女儿的其他学童。任何人无论学任何东西，如果有厌恶情绪，要学好 ...
謝謝你的回應. 你說得全對, 我囡對讀書的確是失去了興趣, 是我.............是我怕落后,令她失去了興趣. 
現在我再想問, 我應否放手??? 她今年四年級, 明年要呈分試. 我怕她會成績不好, 入了一間不太好中學, 怕那時更冇心讀書及學壞. 因我同事嗰兒子今年入了 Band 3 中學 學壞了. 還有, 要怎樣幫她和我自己應付學校的壓力呢?
大家可否再給我意見, 我應否如 1234ats 所講, 不理会分數? 不理会明年呈分試?
作者: moon988 時間: 12-2-4 00:09
我想樓主你個女不是二年級就是三年級，因為要背past tense. 如果是一年級，現在讀的學校就不太適合她。其實現在的學校學的東西，真是深了很多，如果不能適應學校的生活，她會很大壓力，有時不是她不肯努力，而是真是不能明白，其實考試唔合格有很多原因，而成績只是表示她所學的東西可能有一半不懂，你要先處理她的情緒，再處理她的成績方為上策。你要先給她休息一下，再等早上或她心情好的時候再同她討論一下怎樣才能改善她的成績的方法，而方法一定要她願意及要講給她聽合理的結果。例如：孩子想不溫習就有好成績﹣﹣﹣﹣結果是不合格；孩子想只溫小許﹣﹣﹣﹣﹣結果是她明明看到認識的題目，但因不知怎寫出來，而一樣不合格。還有，你要跟她表示，無論她是怎樣你都會愛她，叫她讀書是因為愛她，不想將來只有我識字而她不識，要多鼓勵她，你可以如果每天能背出五個字有一個sticker；或改一改你同她學習的模式，玩字遊戲，將要背的字空了幾個，再你同她比賽；又可以玩背字遊戲，誰勝利可以想去那裏食飯。要寫文章，你寫一句我寫一句都得。樓主，不要灰心，你個女慢慢地明白你的苦心，加油！
還有，如果她的情緒繼續無改善，你要轉介學校社工再討論一下，她可能是要第三者的幫助解決你不明白的地方。
作者: moon988 時間: 12-2-4 00:24
樓主：原來你個女巳經四年級，你的憂心是很現實，但有時她巳經有自己的想法，或她是無自信相信自己做得到並做得好，你真是要同她坐低討論一下你的憂心和她的看法，如果她不願意，你除了找老師幫助，還可以找你朋友親自同她講如果你繼續這樣就變成你朋友的兒子一樣，看看你個女幾時看通你的苦心。
作者: samsamchan 時間: 12-2-4 00:42 標題: 引用：嗰嗰小朋友都要讀書,+要返學,+要默書,+要背
提示: 作者被禁止或刪除 內容自動屏蔽
作者: 熙媽媽 時間: 12-2-4 08:19
本帖最後由 熙媽媽 於 12-2-4 08:27 編輯
回復 Waiting2007 的帖子
明年下學期呈分係事實，但活在今日係更現實。
小朋友讀書成績係重要，但係佢對讀書ge興趣同學習習慣，同同屋企人ge關係就更重要。我自己仔仔今年小五，我明白壓力所在，仔仔唔叻，亦唔係自動波ge人，不過佢好享受學習，好鍾意返學。
作為大人，好想小朋友入到一間好學校，但活左咁多年，明白到入到好學校，又要遇到好老師，又要有好同學，再加埋一D參加校外活動ge機遇……
實在有太多ge事唔係自己控制之內。
唔同小朋友有唔同「開竅」ge時間，有時候睇番仔仔d同學，人地大個d，好識想，仔仔仲好似好幼稚，唔太擔心將來，有時我都會覺得人生咁多煩惱，童年時開開心心咁過都唔錯(當然成績要有底線，因為成績太低，其實亦反映小朋友讀書態度 /方法出現左問題)。好老實講，當小朋友比我知道佢開始掌握溫習方法，亦比我知道佢已經盡力溫習，我就克制自己，係佢考測完番到屋企，我一定唔問佢今日考成點。如果我覺得佢已經盡力考試，未派成績我已經會獎勵佢(帶佢去食一餐或者同佢去一次冒險樂園)。當派到卷ge時候，我ge重點在於睇下邊d題目答錯，睇番原因，重點比佢知道知道點解錯比個分數更重要。
我有時都覺得自己克制得唔錯，不過仔仔都怕令我失望。小朋友其實好單純，係佢地ge世界，分數其實唔係好重要，而父母ge反應對佢地嚟講卻係佢ge「全世界」。父母亦視小朋友為自己ge「全世界」，但有時為「小朋友」前途着想，父母將「成績」看得太重要，令大家關係娛得緊張，呢d都係父母唔想見到ge……
好鐘意「循序漸進」、「循循善誘」呢2個詞，羅馬城唔係一日建成ge。試下囡囡比人教，試下自己放開手，試下真係唔好太心急，重視囡囡付出多於成績，或許你有新發現，睇到囡囡ge另一面。有人講，it's late but never too late，加油呀！為你打氣。
作者: lillymarie 時間: 12-2-4 10:10
冷靜些，不要怕。小朋友要進步可以好快，最緊要係妳同佢都相信自己做到。
邊科不及格？有沒有分析原因？不小心錯？唔識？
平時有沒有溫習？之前成績怎樣？
作者: smallfoothk 時間: 12-2-4 11:23
Same,呈分試,默書和測驗都fail,改正都錯,已放手給人敎+補習社,我就快都要去看心理医生.
作者: 2001Parent 時間: 12-2-4 22:04
最壞的情況是可以選擇留班或轉校，以便恢復她的信心。勉強繼續挨下去，差距只會越來越大，得不償失！正所謂寧爲雞口，莫為牛后。
作者: 1234ats 時間: 12-2-4 23:31
同意楼上所说，留班或转校都是可行的选择。
今天不是考不考虑分数的问题，而是优先次序问题。楼主你女儿连温习都哭，可能非常害怕辛苦温书后还是要面对失败，面对挫折。你需要耐心了解她的感受与想法，才能对症下药，先解开心结，恢复信心，才能从新起步。搞错次序，可能翻不了身。
如果暂时不考虑分数，读书每学识一样东西都是正面的。 但如果受分数牵制，经常给别人比下去，那么每次读书都是负面的。她最需要的是正能量，发掘她的优点，多鼓励。
作者: Waiting2007 時間: 12-2-4 23:49
本帖最後由 Waiting2007 於 12-2-4 23:50 編輯
熙媽媽 發表於 12-2-4 08:19
回復 Waiting2007 的帖子
明年下學期呈分係事實，但活在今日係更現實。
謝謝 熙媽媽 的意見, 很詳細 & 有幫助. 我完全同意及有些在上年至現在我都做緊, 如 叫她不用太緊張, 只要盡力便可, 又有獎勵給她的努力和進步, 但結果只是成績(分數)越來越差, 差不多已到我的底線了. 我正等囡囡「開竅」, 但希望快D能趕到呈分試前. 我都很喜歡「循序漸進」、「循循善誘」呢2個詞, 我會努力, 不會放棄的!
可否再分享多些你囝囝讀書 or 你如何協助他預備考試, 尤其呈分試 呢? 另外, 我覺得自己 EQ 低, 可否教我如何克制自己呢? 如不方便公開, 可 pm 我.
在這裹, 多謝咁多位, 我現在心情好了很多! Thanks.
作者: vincher 時間: 12-2-5 00:05
大前提是先找社工或心理医心...幫她解決心理問題,再和她商量留班問題!
勉强升班,打不好基礎!影響升中
作者: Waiting2007 時間: 12-2-5 00:08
1234ats 發表於 12-2-4 23:31
同意楼上所说，留班或转校都是可行的选择。
今天不是考不考虑分数的问题，而是优先次序问题。楼主你女儿连 ...
你說的 我都覺得有可能, 她當然希望付出後有所收獲, 但每樣都不能 盡如人意. 她覺得辛苦後都得不到好成績所以唔想温, 那好難啊.........要有正能量? 我都唔知她何越來越差? 她是識的, 但她把 lion 寫成 line, 結果冇分. 問她 why, 她哭着說: 不知道 or 可能太緊張. 叫她不用緊張, 她說知道但不能控制地又緊張起來. 老師都說她是識的但考試差, 叫她多做練習! 當時我只想到 " 求學不是求分數" 這詞現在可難到我倆呢!?
作者: 囝囝mama 時間: 12-2-5 00:41
平時小朋友有否看書或只狂做練習?英文會否拼音!!用拼音串字較容易好多!!!小時候有否伴讀?可到書局看看好媽媽勝過好老師這本書!看一看有否啟發!!!
作者: 2001Parent 時間: 12-2-5 01:32
Waiting2007 Thanks. 她不想留班 or 轉校, 只是一說就哭! 發表於 昨天 23:29
=======================================================
那就讓她哭吧。他知道你比她緊張，就會繼續哭。你要堅強和肯定地告訴她哭完，休息五分鐘就要做功課讀書。要狠心些，不然你以後的日子怎樣過？
作者: moon988 時間: 12-2-5 01:52
Waiting2007 發表於 12-2-5 00:08 
你說的 我都覺得有可能, 她當然希望付出後有所收獲, 但每樣都不能 盡如人意. 她覺得辛苦後都得不到好成績 ...
作者: Yanamami 時間: 12-2-5 09:47
小女已升F1, 講講過來人的感覺....
小學時排得密密麻麻的補課, 補習, 操水, 練笛, 朝7晚11, 就是成年人也會虛脫, 生厭. 而且是由P4開始為期3 1/2的長期抗戰. 我心痛.
她只是個平庸的學生, 任憑多努力, 也只是中游. 你囡把lion寫作line. 我女總寫漏/錯字, 失無謂分. 問她也是不知為甚會這樣.... 那幾分足以影響十數位排名.....但, 見他明白是為自己負責, 自己為自己努力, 態度正確, 我阿Q的跟自已說: 足矣. 我不想做制度的幫兇. 她1st呈分十分好, 但壓力令她一次比一次差. 我欲哭無淚, 但心痛她朝7晚11, 一星期7日營當役役的生活, 心想只要她認真努力, 後果我們一起來面對吧! 我會為她找到合適的學校.
其實升中以後, 孩子進入青春期, 找一所校風良好的中學遠比成績重要. 就是讀書不成, 但品格良好, 態度正確, 孩子長大了亦自有他的出路. 其實還有很多校風不俗的band2女中.
努力吧! 為母的與女兒並肩作戰, 別做制度的幫兇, 不竟她才是你的寶貝. 當她出生的那一刻, 你的心願只想她健康, 快樂.
作者: madscientist 時間: 12-2-5 10:20 標題: 回覆：Waiting2007 的帖子
提示: 作者被禁止或刪除 內容自動屏蔽
作者: smallfoothk 時間: 12-2-5 10:41
Many do not want to go補習 , only say that if Good result maybe not go補習, give a time to handle, but now go first.
作者: lillymarie 時間: 12-2-5 12:44
聽落似是本身識，但做卷時太緊張，所以寫錯了。
這種情況，反而不要用太多時間去溫習，因為越溫習越緊張的。
如果可以的話，查閱試卷，做個統計，看看失了分數的地方， 有幾多是唔識，有幾多是寫錯了。
定一個可以達到的目標，例如上次不及格，下一次的目標是及格。
買一兩份坊間的mock test papers 做一做。定一個較容易的目標，例如學校考試有50＋分，那就定50分為目標。
囡囡四年級，哭得那麼厲害，焦慮情緒問題比考試成績更令人担心。
作者: smallfoothk 時間: 12-2-5 17:31
應該教淺考深,咁不及格不要駡佢,坊間的mock test papers 有用,但名校定比mock paper更深,自己出題更貼題更有效.
作者: YolandaTam 時間: 12-2-5 21:55
smallfoothk 發表於 12-2-5 17:31
應該教淺考深,咁不及格不要駡佢,坊間的mock test papers 有用,但名校定比mock paper更深,自己出題更貼題更 ...
作者: qkhui 時間: 12-2-6 17:56
即係囡囡都係英文一科不合格, 是嗎 ?
慢慢鼓勵下佢, 噉其他科考得不是太差, 就多o的讚佢.
如果真係對學習無興趣, 或逃避就好慘
因為仲要讀好耐. 試下同囡囡傾下, 有咩壓力, 一齊去解決
作者: Mymaggie 時間: 12-2-6 21:23
或許跟班主任或學校社工談一談，看看真正的問題是什麼吧? 如果分數唔得，也只有接受，入讀band3是否一定校風唔好??唔好諗咁遠住，想方法讓她先愛上學，再愛讀書吧! 又會唔會傳統學校唔適合她呢?又或者她本身有些學習困難，而你又忽視咗呢?
作者: 天天譯 時間: 12-2-7 08:40
幫孩子溫習要設定時限，唔好比佢覺得永遠都溫唔完。
你囡囡的情況，同佢講溫完30-45分鐘就可以做佢想做的東西，唔好理溫哂未。
慢慢build up佢自願溫書的習慣，你仲有個暑假，唔駛咁驚。
作者: qkhui 時間: 12-2-7 09:38
真係要先睇清囡囡的困難, 考試太緊張真係會張o的字串錯晒. 我仔小一時都係噉
後來我地慢慢去練, 到現在巳沒有這問題, 我仔仔跟你囡囡一樣, 都係4年級, 仔仔都係比較抗拒英文, 我們只可以多o的鼓勵, 初初我地會比一o的較淺o既圖書同exe 比仔仔做, 做做下佢會慢慢建立返自信, 信心多佐, 就會易好多, 真係唔可以迫佢, 每日溫少少. 一定可以有進步, 我仔之前對數學都好無信心, 一見多少少就話唔識做. 後來出去補習, 好好彩有位好好老師, 另佢好易明白, 都係學佐6-7個月左右, 好明顯佢巳唔怕, 仲喜歡佐做數學, 每日都會做. 有時自己真係未知有方法引導, 只有試下向外找方法, 你可以試下幫囡囡找一位老師, 有時真係會有意想不到的成績.
加油 !
作者: ppsfung 時間: 12-2-7 11:09
Waiting2007 發表於 12-2-4 23:49
謝謝 熙媽媽 的意見, 很詳細 & 有幫助. 我完全同意及有些在上年至現在我都做緊, 如 叫她不用太緊張, 只要 ...
我自細都係屬包尾嗰班人,相反,我覺得呢個係一個訓練EQ的好機會,人總有長處短處,自己都不例外,所以儘早睇到自己的短處其實係好事. 自細我父母教我要將勤補拙, 呢個世界沒有永遠第一的人,但有永遠包尾的人-就係懶人.所以我相信只要KEEP住努力唔好放棄,我至少會叻過那批懶人,所以我的心態是要做一個勤力和知足的平凡人,我自問沒有出息的地方,但我活得知足.
我覺得你的情況也不算太壞,因為我睇得出你好緊張你個女,最珍貴的就是你地溝通得到,至少佢知道佢父母很支持佢,咁佢先有動力唔放棄自己, 所以你唔好比太大壓力比你個女,要跟據她的程度去訂立期望,咁你同佢都會開心D.
其實讀唔到書唔一定等於學壞,好多人學壞的原因係因為屋企人唔了解佢,相反班豬朋狗友明白和體諒,咁佢自然親近朋友同家人日漸蔬離...要提住自己兒女感情才是你最重要的資產,不是子女的才華...如果你覺得自女唔夠叻其實應怪自己-子女的資質由父母遺傳,子女的內在心態(是否勤力,如何面對失敗接受自己)是由父母教出來.
作者: hugub 時間: 12-2-7 12:03
回復 YolandaTam 的帖子
Yolanda:
我想請教下你點幫囡囡温習?我地溫矖所有WS及習作奈何都唔合格仲好低分果隻
Hugub
作者: YolandaTam 時間: 12-2-7 20:57
回復 hugub 的帖子
Hehe... 我記得我哋啲囡係校友?
係嘅話, pm我啦, 我哋pm傾啦, 唔好騎劫人哋嘅post, 
好唔好?
作者: Waiting2007 時間: 12-2-7 21:02
本帖最後由 Waiting2007 於 12-2-7 21:03 編輯
初時開 topic 只想發洩吓, 但估唔到我反而得益不少, 這裏有很多100分父母而又樂於助人, 我好開心, 多謝晒咁多位 ! 
作者: IntotheSea 時間: 12-2-7 21:47
你可以俾多d incentive 小朋友，例如award等等
不過最重要既都係俾佢一個有趣輕鬆愉快既讀書環境
唔知你岩唔岩補習，呢個係一個option
作者: qkhui 時間: 12-2-8 09:18
其實真係無100分o既父母, 只係大家一起分享大家的經驗
因為每一個小朋友都唔同, 唯有大家鼓勵, 大家勉勵 !
在香港的教育制度, 真係好多野唔到父母去想. 去擔心, 所以好明白做父母的心情
加油 !
作者: MariaBraun 時間: 12-2-8 14:51
我同意上邊講
其實你又唔洗咁擔心。小朋友，一定係受軟唔受硬既。你叫佢記past tense佢一定唔肯，你都無reward俾佢，小朋友最鐘意candy、玩、打機果d，你offer d reward俾佢會好好多。最終你一定要令佢有興趣，但無話方法可以一蓋而論，因為個個小朋友既情況都好唔同。我個小朋友就變到俾唐佢食都唔做英文，我把心一橫送左佢去北角補習社俾鬼佬教RWI同Cambridge，點知佢又話個老師好好好鐘意返果邊學英文，咁個situation先慢慢好轉。唔知你個小朋友點啦，不過總之培養興趣先係根本。
作者: YoyoMai0918 時間: 12-2-9 11:13
一睇到你篇文章，我已經感覺到你小朋友很大壓力。其實小朋友真係小朋友，佢地唔識點樣幫自己解壓。如果去到一個孩子承受唔到壓力的時候，我諗個後果一定會令家長後悔，甚至係補救唔到
有一點我唔太同意樓主的係，呢個時間唔係小朋友讀書的階段。正確黎講係佢地學習的階段。讀書目的係為左增取分數，而相反學習目的就係想孩子增加知識。而且小朋友係絕對絕對需要遊戲，唔好睇下遊戲的作用，遊戲先係小朋友成長的重點。如果家長本事可以將學習內容加插係遊戲入面，如果家長做唔到，不妨比佢出去參加一些興趣班。
小朋友每日又朝到晚返學已經好辛苦，如果仲要成日補習又掛住考試，我驚佢連訓都訓得唔好，之後就更加冇心機返學。最後連學校動機都消失埋。希望家長真係試下每晚花半小時至一小時陪佢一齊玩下，相信你會孩子成長的另一個重要性
作者: qkhui 時間: 12-2-9 11:49
係,小朋友真係需要玩... 有時見到佢地返學放學做功課溫書.. 真係好辛苦.
所以通知我會比我小朋友返完補習社回家, 先自己休息, 玩下, 任佢玩咩, 抖1-1.5小時. 待我回家先再做埋未做完o既功課同溫習. 有時都好想同佢玩下, 不過真係唔夠時間,
作者: Yuki1130 時間: 12-2-9 23:33
讀書讀唔好，兩種情況
1，學習方法不對，日積月累，造成負面情緒
2，確實沒有讀書的腦子
如果是1，媽媽你需要幫助孩子找到正確的方法
如果是2，那相信你的孩子肯定會有別的興趣和特長，上帝關了一扇門必然打開一扇窗，何必只走讀好書一條路呢
所以依于仁，游于藝
讀書不是全部，健全的人格和良好的親子關係比任何東西來的重要
學會一門手藝，去到哪裡都可以很好的生存
以供參考
作者: mandy304 時間: 12-2-11 12:24
見到各位媽媽都係苦心教導, 我真係非常感動. 我自己的座右銘係, 千萬不要放棄, 無論現實係多麼殘酷, 都要咬緊牙關. 要不斷尋找正面思想, 如果連世上最偉大的爸爸媽媽都選擇放棄, 又會有誰可以沿途扶持 ? 直到永遠..
作者: smallfoothk 時間: 12-2-11 20:56
本帖最後由 smallfoothk 於 12-2-11 21:08 編輯
回復 Waiting2007 的帖子
轉間小學昰直接方法,可選有一條龍,99%可升中,不是最差便可.第2是小學是3班中學是5班100%收,還用擔心成績嗎?,第３是有錢去國際學校,愉快學習.其它有方法你去上減壓班,佢教你順其自然,天生我才必有用,另類有記憶班一起上,望有超人記憶,等開竅了.我都快"痴線",我準備放棄,順其自然....我的右銘係,都是 "千萬不要放棄",但佢唔配合,就冇計,神仙也難變.
作者: kkhon 時間: 12-2-12 02:29
不要放棄，做父母的一定要撐到底你唔幫佢更加冇人幫到，加油吧！
作者: mandy304 時間: 12-4-27 14:53
本人有個建議, 或者背tense時. 當作遊戲玩. 如 go went gone. jump jumped 分別由不同顏色的卡紙寫上, 然後混在一起玩遊戲, 將它們逐一找出來. 我諗大部份小朋友都喜歡遊戲中學習, 興趣自然番晒黎啦.....希望幫到你...
| 歡迎光臨 教育王國 (/) |
Powered by Discuz! X1.5 |