教育王國
標題: Small World小學 Island Christian Academy正式入學申請於2月15日截止 [打印本頁]
作者: elmostoney 時間: 12-1-20 11:58 標題: Small World小學 Island Christian Academy正式入學申請於2月15日截止
上網可下載報名表
http://www.generations.edu.hk/admissions/admission-procedure/
作者: iamworkingmama 時間: 12-1-20 12:10
elmostoney,
想請問你知唔知 ICA既中文比重? Thanks
作者: elmostoney 時間: 12-1-20 12:17
每日一節, 同ESF一樣. 程度未知,不過會分兩個stream,據聞搵緊design esf中文program嘅人設計課程, 但係讀任何國際學校, 如果期望小朋友有咁上下程度, 都係要自己補.
我個女以本地學校計, 今年讀k3, 我地主要靠屋企教, 暫時都唔太差, 佢都學左400+中文字, 會寫五六十個 (唔計自己個名同一至十中文數字)
作者: iamworkingmama 時間: 12-1-20 12:40
你囡囡好叻呀!
我都明白中文要自己補, 但我係擔心佢好似swck咁, 中文只佔10%, 如果每日一節我已經覺得好好
我知佢跟NIS個curriculum,等我搵日研究下先, 我擔心對升中學或大學有影響
作者: Ocean419 時間: 12-1-20 13:55 標題: 回覆：elmostoney 的帖子
一講SWCK 我又join 大家
唔知佢小學學位多唔多？收完SWCK 學生後仲會有幾多位？
我個仔已經入左k讀得好好，冇必要唔想轉，但我又擔心唔讀SWCK 以後好難入到佢primary.
作者: eneresnat 時間: 12-1-20 14:45
Will school fee be same as NIS, i.e. $76,000+?
And, capital levy of $7,000?
作者: crystalpui 時間: 12-1-20 15:27
請問小學學費包唔包埋lunch?
作者: eneresnat 時間: 12-1-20 15:37
Oh, I just saw the announcement on school fees: $85,000 per annum...
作者: elmostoney 時間: 12-1-20 22:54
我諗冇小學包lunch, 最多係可以參加佢地個lunch program, 不過我諗多數唔會提供, 同ESF小學一樣, 都應該你自己帶lunch.
我唔知將來會唔會難入, 以常理來講, 而家唔夠國際學校學額, 應該都幾hot. 不過因為冇中學, 而且係新校, 咁梗係冇esf 咁難入. 佢地幼稚園學額係比小學多, 因為暫時一年只開兩班, 但幼稚園應該有三班.
佢地有計劃開中學, 所以而家收生只收到三年班, 而唔係一開到六年班, 就係想慢慢攪埋中學, 等小學可以一路接上去, 但係呢d好難講接唔接得切.
作者: elmostoney 時間: 12-1-20 22:55
其實我個女學習麻麻, 不過我地好堅持, 唔好放棄最重要, 唔係學中文係一定唔成.
作者: elizatyy 時間: 12-1-23 21:13
是否有全新校舍? non-profit making intl school? how about the ratio of non-Chinese in KG section?
作者: reneeleung 時間: 12-1-26 01:32
提示: 作者被禁止或刪除 內容自動屏蔽
作者: eneresnat 時間: 12-1-26 09:30
係, 真係幾貴...
作者: elmostoney 時間: 12-1-26 16:42
計埋levy要$92000, 搭埋校車起碼加多$10,000. 我都兩個呀.
個人經驗, 我以前都諗緊呢間學校我自己鍾意與否, 所以只報兩三間, 跟住先發現, 學額真係好缺, 根本唔係我地可以揀. 當然, 如果純睇我個女而家呢班一年班, 我覺得辦得好好,, 所以真係好幸運. 因此我奉勸各位媽媽, 真係要報多幾間, 唔好為好多細節去左右自己決定. ICA報名費$900, 係國際學校中, 算係ok啦, 我幫兩個報左SIS, 大拿拿$2500一個, 兩個就係$5000. 有d野, 冇比較過, 唔知自己鍾意與否.
作者: banbanban 時間: 12-1-26 23:28
Dear Elmostoney,
May I ask how you would choose between ICA, SIS, KCIS & GSIS? Of course I fully understand that we may not get to choose at the end of the day given the keen competition. But do you have any comments on the curriculum etc of some of these schools? Usually, how would you compare without having attended these schools? Thanks.
作者: reneeleung 時間: 12-1-27 00:01
提示: 作者被禁止或刪除 內容自動屏蔽
作者: reneeleung 時間: 12-1-27 16:13
提示: 作者被禁止或刪除 內容自動屏蔽
作者: Ocean419 時間: 12-1-27 20:54 標題: 引用：我地只有ICA是唯一希望.+CAIS唔收,+ESF+WAI
原帖由 reneeleung 於 12-01-27 發表
我地只有ICA是唯一希望. CAIS唔收, ESF WAITLIST, RC打定輸數, 所以只有ICA. 可能係天意.
但一年成9萬, 不 ...
作者: elizatyy 時間: 12-1-27 21:10
我們家只是一般平民百姓，只可選擇国際化的本地學校。
作者: Ocean419 時間: 12-1-27 22:42 標題: 回覆：reneeleung 的帖子
Did CAIS mention why your child was rejected?
作者: Ocean419 時間: 12-1-27 22:43 標題: 回覆：elizatyy 的帖子
國際化的本地學校有咩好選擇？
作者: elizatyy 時間: 12-1-28 16:07
CKY, TSL, SMC... etc.
作者: mrshoho 時間: 12-1-29 12:05 標題: 回覆：Small World小學 Island Christian Academy正式入學申請於2月15日截止
What is SMC?
作者: reneeleung 時間: 12-1-29 21:50
提示: 作者被禁止或刪除 內容自動屏蔽
作者: Ocean419 時間: 12-1-30 10:19 標題: 引用：Quote:elizatyy+發表於+12-1-28+16:07+CKY,
原帖由 reneeleung 於 12-01-29 發表
我覺得三間都唔係國際學校和國際課程.
CKY只是唔用IB課程(我指小學),SO CALLED自己設計一套比較無咁傳統 ...
其餘兩間中文名係咩？
作者: crystalpui 時間: 12-1-30 10:57
成10萬一年
有d over 我既預算, 到我女讀時可以over 10萬
到中學點算?
係唔係小學應該轉返出去local?
讀完中學先出國讀書呢?
作者: crystalpui 時間: 12-1-30 11:25
咁帶lunch係帶d咩lunch?
作者: Ocean419 時間: 12-1-30 11:40 標題: 回覆：crystalpui 的帖子
你囡囡最後有冇in kcis 呀？
作者: Ocean419 時間: 12-1-30 11:41 標題: 回覆：crystalpui 的帖子
無計，呢幾年學費升幅只會跑贏通脹
作者: crystalpui 時間: 12-1-30 11:59
Ocean419 發表於 12-1-30 11:40
你囡囡最後有冇in kcis 呀？
有, 不過in得唔好
作者: elmostoney 時間: 12-1-30 22:11
回復 banbanban 的帖子
gsis據我所知, 中文好有限, 反而德文是必收科, 單以這點而論, 我已不會選了.
SIS其實比較接近local school, 我兩個小朋友今次也有去面試, 感覺不是太好. 以前SIS也是我的dream school, 因為我希望為孩子找一間中文好一點的 IS,但當去了面試後 (一年級及幼稚園入學試), 我相信不是我們那杯茶.
kcis如果時光倒流,我會認真考慮.
ica是新校, 這始終是顧慮.
作者: chongnicole 時間: 12-1-30 22:38
SIS有甚麼你不喜歡？佢真系做到中英並重。
作者: do123alex 時間: 12-1-30 22:45
also want to know, what make you change your view on SIS as it is strong at academic? heard that this year a lot of applications for all year levels, not easy to get in.
作者: Ocean419 時間: 12-1-31 09:45 標題: 回覆：elmostoney 的帖子
My friend's two kids are going to SIS and every night they stay up til at least 11pm doing homework and studying for quiz and etc...
I think you are right that SIS is the closest to local school teaching style in terms of workload but the major difference is their English/mandarin teaching medium vs Cantonese/English for local school.
作者: josechan 時間: 12-1-31 11:02
10 萬一年真係幾貴喎, 我都有少少意料之外
Re SIS: 我記得我大學時個prof (外國人) 本來個女讀 SIS, 但係prof 話 "too much work, and they never praise students", 最後將個女轉咗去GSIS. 當然多workload 唔係bad point, 各取所需啦...
作者: crystalpui 時間: 12-1-31 11:31
josechan 發表於 12-1-31 11:02
10 萬一年真係幾貴喎, 我都有少少意料之外
Re SIS: 我記得我大學時個prof (外國人) 本來個女讀 SIS, 但係pr ...
到我女讀時10萬一定走唔甩
仲未計校車
我有d後悔冇叫我老公好好咁去in kcis
(我女in得幾好, 但我老公in得唔好.....)
作者: crystalpui 時間: 12-1-31 11:39
打左去kcis問, 我女係後備再後備....即係冇咩機會
(同一日in個d, 有d喊, 有d唔理人, 但我女同老師有交流的, 但我老公答得好差,同著得好求其)
作者: banbanban 時間: 12-1-31 11:49
回復 elmostoney 的帖子
Many elmostoney. We got an offer from KCIS. I think some other IS have better track record, so we're a bit undecided. Thanks for your kind advice.
作者: josechan 時間: 12-1-31 14:05
回復 banbanban 的帖子
Do you have other IS offer at hand? To me, I will at least let my girl stay for the primary years so as to stregthen her Mandarin. I think no IS can do better than KCIS on this.
作者: elmostoney 時間: 12-1-31 14:31
sis面試過程好傳統, 我阿仔面試py1, 老師唔會同佢地玩遊戲, 講故事, 比小朋友玩睇佢地互動反應, 而係問幾個問題, 跟住砌d blocks(應該係有特定要求).
阿女仲誇張, 考一年班, 面試兩小時四十五分! 要寫中英文, 讀一本英文故事書, 中文字卡, 做少少手工咁. 我個女出來話好多功課, 老師亦唔會好互動咁帶下佢地. 我覺得時間太長, 過程亦好唔kid friendly. 我冇法想像, 如果收左佢, 我地又入, 以後會點. 我覺得聽落去, 最緊要做到老師要求, 但係老師唔會特別去哄下小朋友. 始終都係五歲幾, 要求小朋友一埋位就perform, 同ls有物分別?
作者: elmostoney 時間: 12-1-31 14:35
仲有, 你要諗下, sis小學放學係3:20, 一般人, 除非住得好近, 返到屋企都要4:00. 好似到YEAR 2 定 3, 規定要參加課外活動, 即係返到屋企分分鐘要五點. 如果每日要做一個鐘功課, 再要溫習, 平時又上一兩樣興趣班, 其實一日下來真係冇物時間. 我唔想小朋友嘅童年咁過.
作者: josechan 時間: 12-1-31 14:40
elmostoney,
我好buy 你既睇法!
作者: crystalpui 時間: 12-1-31 14:49
我都好buy swck個教法
但佢小學要成10萬一年, 去到中學都唔變左咩樣
仲要預錢出國讀書....
作者: elmostoney 時間: 12-1-31 14:54
$的確要考慮, swck $92000, 平過佢嘅, 又有中文, 其實除左esf同kcis之外, 比較popular同真係外國d教法外, 我唔知仲有幾多間.
作者: Ocean419 時間: 12-1-31 15:15 標題: 回覆：elmostoney 的帖子
仲有，我friend 住跑馬地都要7：10上校巴先至趕得切返八點到學校。對於一個七歳嘅小朋友黎講每晩十一點後瞓每朝六點幾就起身，我覺得休息唔足夠。
作者: Ocean419 時間: 12-1-31 15:16 標題: 回覆：elmostoney 的帖子
Sis py1 即係幾歲班？
作者: reneeleung 時間: 12-1-31 15:59
提示: 作者被禁止或刪除 內容自動屏蔽
作者: elmostoney 時間: 12-1-31 16:56
py1 = ls k2
作者: chongnicole 時間: 12-1-31 18:06
不過應該有不少超齡小朋友，有d真係好似4歲幾
作者: elmostoney 時間: 12-2-3 11:32
ryan mama , ryan係咪來緊九月year 1呀? 知唔知佢地收報名表情況如何? 常理應該 over subscribe. 我都幫阿仔入左表啦, 雖然我同阿女班主任講, 真係好想defer阿仔一年, 因為佢係12/31超細仔, 但係老師猛叫我入左表先. 呢位老師將來會係收生, 設計課程有好大影響力, 而且佢真係非常好. 如果我個仔真係九月入學, 我會要求入佢個班.
我阿仔仲有一個面試, ims今個月尾. montessori 一直係我嘅夢想, 而且我覺得阿仔好合適, 不過據聞學術好, 但始終係swck最有愛心, 我個女個班就有一個小朋友剛係ims轉來, 佢話swck 真係會教小朋友做人, 對人關心, 有愛心, 老師會留意小朋友社交問題同發展.
作者: reneeleung 時間: 12-2-3 15:01
提示: 作者被禁止或刪除 內容自動屏蔽
作者: crystalpui 時間: 12-2-3 16:08
reneeleung 發表於 12-2-3 15:01
我都會入表, 但$9200真係有點...... 代價真的大.
另一方面, RYAN今個月5歲,我開始教佢中文. ...
如果一個小朋友, 一年學費10萬左右
唔駛供樓的話
你地2公婆會月入幾多先俾佢讀?
作者: elmostoney 時間: 12-2-3 16:48
我諗每個人情況唔同, 好難一概而論. 要視乎供樓/租屋開支, 洗唔洗供養父母, 其他洗費. 呢d真係要自己計數. 其實你可以咁諗, 如果入直資, 除左學費, 好多學校都要額外補中英數, 又要小朋友學好多野, 十項全能, 錢到時間都花唔少. 入is, 起碼應該唔洗補英文, 數就睇你自己要求. 中文可能要補, 或自己教都得. 我而家都有上門中文老師, 主要係keep住普通話, 寫字認字我都係自己教, 好處係冇主流學校咁癲, 我可以跟住我個女能力同性格去教, 因為佢都唔係善男信女, 肯坐定定寫字讀書.
作者: crystalpui 時間: 12-2-3 17:17
小學仲有幾年.
要睇下到時點
我地冇咩大洗費
只係唔可以事但一個失業
作者: josechan 時間: 12-2-3 17:21
回復 elmostoney 的帖子
我都係咁諗, 小囡依家將會去KCIS , 咁中英我都唔會"補" 了, 課外活動諗住一運動一術科就算了, 假日多留時間作family time!
作者: Ocean419 時間: 12-2-6 10:30 標題: 回覆：Small World小學 Island Christian Academy正式入學申請於2月15日截止
Have you looked into 蔡繼有on Kowloon side. It is a non profit private school and primary school fees are only $55000 as stated on their website. I heard that they use strictly English and mandarin for teaching which is what I am looking for.
作者: reneeleung 時間: 12-2-7 00:00
提示: 作者被禁止或刪除 內容自動屏蔽
作者: elmostoney 時間: 12-2-7 10:00
蔡繼有我有親友讀過, 曾幾何時我都有諗過, 不過佢地都有一定要求, 教法可能生動d, 語言上係英普, 但對小朋友要求學術程度會比較接近本地學校. 如果你個小朋友係要時間慢慢先perform到, 學校未必太配合, 因為 LS就係要小朋友埋位就做到野. 我位親戚個小朋友唔係行為有問題, 就係學術上跟唔上, 比佢地迫住退學.
作者: elmostoney 時間: 12-2-7 10:05
reneeleung, 你真係好媽咪. despite everything, 有d野我都hold out唔到, 都有後悔要阿女太早做. 而家對阿仔我鬆好多, 但係現實真殘酷, 佢去考ESF, 要佢提筆寫自己個名, 佢而家先係四歲一個月左右, 去 面試時佢剛四歲咋. 不過我又咁睇, 小肌肉係可以訓練嘅, 係我唔訓練佢. 其實我好想佢係montessori完成幼稚園, defer一年做大仔先入year 1.
作者: reneeleung 時間: 12-2-7 13:55
提示: 作者被禁止或刪除 內容自動屏蔽
作者: Ocean419 時間: 12-2-7 14:12
回復 elmostoney 的帖子
以我所知cky 在學術上已經唔係要求最高果隻, 當然同IS 要求會有一定差別, 不過我冇諗過佢地會因為學術進度要求小朋友退學 as the school prides itself as a place where "every child is good at something".
But the more I think about schooling for my children, the more I realized the importance of learning Chinese and I am just worried that SWCK and its related primary will not provide adequate training in this area. The only real choices among IS are: KCIS which we have no hope in getting into because I applied too late; CIS which we probably don't meet the minimum social class status and I would feel really 肉赤paying for 2 children for some 15 years; SIS which is not any less demanding than the local schools and the school fees are 2x of CKY's. I wish I could find my kids " the school" that is the most loving, caring and nurturing but at the same time I must take learning Chinese and the financial aspect into consideration.
Argh....I wish I could find an easy solution to this!
作者: reneeleung 時間: 12-2-7 14:57
提示: 作者被禁止或刪除 內容自動屏蔽
作者: banbanban 時間: 12-2-7 23:38
回復 elmostoney 的帖子
Thanks for your sharing elmostoney! Do you know if we need to put our kids on ICA's waiting list if they are not going to apply to this Sept's intake? I'll probably check with the school too.
作者: elmostoney 時間: 12-2-8 09:51
ocean419, 的確係好難決定. 唔洗為cis煩惱, 我識有人而家讀緊 (就係我鄰居), 聽返d comment好差下, that is, 當你比左咁多學費, 覺得頗不成正比. 如果只係為中文, 入cis, 不如自己係屋企教.
以前有人叫我考慮救恩, 好有愛心, 但係問題就係, 呢類學校, 真係happy learning, 將來接上ls 中學, 可能會不太達標, 變相選擇少左. 到時再話入 is, 又驚英文跟唔上. 就算港同, 據我所知, 以 ls來講, 真係好淺, 比維小仲淺. 我同一1位港同小學媽咪傾過, 大部份小朋友都只可以直升港同中學, 好難去考其他勁d中學, 就係程度接唔上.
其實大部份人我估入cky都冇問題, 可能我個親友嘅小朋友真係比較唔達標. 但我都同意, 如果中文同校風都比較平衡嘅學校, kcis真係值得諗. 中文當然係concern, 唔係我唔洗自己係屋企教. 不過我而家進度又幾ok, 所以我暫時唔覺得handle 唔到. 其實讀國際學校, 就算kcis, 如果父母係屋企唔加把勁, 多d陪佢地讀中文故事書, 小朋友最後都會揀英文.
作者: elmostoney 時間: 12-2-8 09:59
我位親友當時係cky係比佢地話iq唔達標, 後來check左冇問題, 學校又唔知用物野excuse, 迫佢留兩次班, 咁咪即係迫佢走. 所以我位親友叫我唔好諗, 佢話我個女唔係個種坐埋位就做野, 一定好聽老師話嘅, 驚佢係咁嘅環境會越來越差. 所以我話, 如果你個小朋友ok, 唔會好似我個女咁麻煩, cky其實ok. swck係特別有愛心, 每逢放長假, 我個女都會問我仲有幾多日先返學. 佢放親假, 我都有安排節目架, 但係佢都係鍾意返學, 我覺得呢樣好緊要. 當然佢今年呢位老師真係超班, 每位媽咪都同意. 今年我地嘅6700學費, 真係物超所值.
banbanban,我相信如果你個小朋友唔係今年九月入學, 唔洗入表住, 不過我唔知佢地policy點, 你可以打去問下.
作者: crystalpui 時間: 12-2-8 10:08
其實ICA個學費定得有D高
我本以為會同NIS差唔多
但結果係多左萬幾蚊一年
當我知道左後, 我心入面好亂,
因為有D OUT OF BUDGET
雖然唔係俾唔到
但我會想, 年年加價, 到左我女時差唔多10萬一個月
到中學會點?
呢個學費係唔係定得太高呢?
我好鍾意SWCK, 但KCIS尋日打來話收我女
為左現實, 我應該會俾我女讀KCIS
始終唔想為左佢讀書令我地太大負擔...
有時我真係好唔明
點解要小朋友愉快學習, 就係要俾錢?
仲要係一個比大學學費仲要貴既價錢?
點解要PUSH D小朋友咁"行"
唉....
作者: elmostoney 時間: 12-2-8 11:32
crystal, 我都明白你嘅心情. 都係讀書, 點解要咁重負擔. 我只能講, 我對SWCK有信心, 佢地幼稚園亦唔會不停加費或者大幅加費. 始終開一間新校, 佢地校址唔算太細,比nis絕對有規模,而且地段租金同租成間校舍係吃力 (前身係一間中學校舍), 但係一開只係得五班, 始終有fixed cost. 我反而諗, 佢地未來應該唔會連連加費住.
作者: reneeleung 時間: 12-2-8 21:14
提示: 作者被禁止或刪除 內容自動屏蔽
作者: reneeleung 時間: 12-2-8 21:16
提示: 作者被禁止或刪除 內容自動屏蔽
作者: crystalpui 時間: 12-2-9 10:22
reneeleung 發表於 12-2-8 21:16
最麻煩係如果唔讀ICA， 咁即係要搵間學校讀K3.
不過我又無諗得咁灰，好多時好多野都係天父早已安排。 ...
咁你有冇考kcis?
我以家有kcis offer, 雖然我好鍾意swck
但我都要向現實低頭
放棄swck
始終10萬一年for 小學真係有d over budget
kcis只係6萬幾, 仲要唔駛搭架唔到我家既校車(可以坐巴士返學)
唉.......要好既, 就要俾多d錢.....
我同我老公份工都冇咩升職機會
冇法下要放棄了......
作者: eneresnat 時間: 12-2-9 10:41
真可惜, 如果學費稍調低一點(接近NIS), 可能大家都會容易接受一些。原打算明年讓仔仔入SWCK, 一直上ICA, 現在都有點猶豫...
SWCK校車確實也是問題... BTW, 請問大家知不知中環一帶有沒有上校車地點? 我們住奧運, 如果讀SWCK要爸爸上班時順道帶他去中環再轉校車或小巴...
作者: crystalpui 時間: 12-2-9 10:50
eneresnat 發表於 12-2-9 10:41
真可惜, 如果學費稍調低一點(接近NIS), 可能大家都會容易接受一些。原打算明年讓仔仔入SWCK, 一直上ICA, 現 ...
對我來講, 佢話冇車入KENNEDY TOWN
要我去POK FU LAM上車
即係我要個女行好多路OR搭車去搭佢架校車
中環區你要問下校車公司
但過海一定冇
作者: hollymama 時間: 12-2-9 14:43
eneresnat : 有架No,.9綠van 由畢打街上到SWCK門口。
作者: crystalpui 時間: 12-2-9 14:56
hollymama 發表於 12-2-9 14:43
eneresnat : 有架No,.9綠van 由畢打街上到SWCK門口。
只得呢架
作者: eneresnat 時間: 12-2-9 15:13
我知NO.9呀...之前去過SCHOOL VISIT都係搭呢架... THANKS:)
作者: elmostoney 時間: 12-2-10 10:00
well, 你可以咁睇. nis 都要比$7000 levy, 即係一年$83300, 同ica 差不足$9000一年. 相差其實唔係太多, 唔洗比debenture.
作者: crystalpui 時間: 12-2-10 10:21
elmostoney 發表於 12-2-10 10:00
well, 你可以咁睇. nis 都要比$7000 levy, 即係一年$83300, 同ica 差不足$9000一年. 相差其實唔係太多, 唔 ...
如果冇kcis offer, 我就一定會俾亞女入swck
但92000同66500比, 差左2萬幾一年,
kcis對我既負擔真係細d
同埋, 讀swck就冇可能生多個..........
作者: eneresnat 時間: 12-2-10 12:26
but the queue for KCIS is REALLY long......
作者: crystalpui 時間: 12-2-10 12:57
eneresnat 發表於 12-2-10 12:26
but the queue for KCIS is REALLY long......
我係我女9個月(7月b)時apply kcis
都要排70(大約)
所以要好早報同大b會著數d
一係入kcs n班都有優先
作者: eneresnat 時間: 12-2-10 14:48
如果我好似你咁, 先俾仔仔讀SWCK, 再去KCIS, 係唔係5歲去KCIS RECEPTION? 定係6歲去PRIMARY 1? 之前無咩研究KCIS, 請多多指教。
作者: crystalpui 時間: 12-2-10 15:52
eneresnat 發表於 12-2-10 14:48
如果我好似你咁, 先俾仔仔讀SWCK, 再去KCIS, 係唔係5歲去KCIS RECEPTION? 定係6歲去PRIMARY 1? 之前無咩研 ...
reception = k2
你可以打電話去kcis問下
想報reception or primary 應該幾時send表
作者: reneeleung 時間: 12-2-10 23:23
提示: 作者被禁止或刪除 內容自動屏蔽
作者: elmostoney 時間: 12-2-11 09:08
琴日有朋友托我問ica面試情況:
係swck讀緊小朋友, 唔洗另外安排面試, 會係班房做觀課
有sibling嘅小朋友 (即係我個細仔), 會被安排係星期六上午面試
同swck完全冇關係嘅, 佢地未答到我. 不過以一年班而論, 如果申請超乎異常, 佢地會睇情況開多一班. 暫時整體所收嘅報名表係超額嘅.
作者: reneeleung 時間: 12-2-11 13:36
提示: 作者被禁止或刪除 內容自動屏蔽
作者: crystalpui 時間: 12-2-13 11:24
reneeleung 發表於 12-2-11 13:36
ICA P1一班只是22 STUDENTS, ESF就有30個. 其實ICA無收多學費, 他們只是學生比例上少了, 所以家長要比多D. ...
咁你不是會俾ryan讀ica嗎?
我見其他n無人士都入到qbs
你有冇qbs reply?
你住係東區
如果rc收你, 你會搬過去個頭?
ica係好學校, 但學費我地負擔得好辛苦
所以只有放棄了
作者: elmostoney 時間: 12-2-14 11:03
據聞year 3開始kcis會多功課, 都幾demanding, 因此有小朋友會轉走. year 1 同 year 2就好輕鬆, 所以長遠學校對學生要求如何, 家長要衡量下自己能否接受.
作者: gm0824 時間: 12-2-14 20:06
由於ICA只得小學，咁到時有什麼中學可選擇呢?請指教
作者: reneeleung 時間: 12-2-15 22:57
提示: 作者被禁止或刪除 內容自動屏蔽
作者: crystalpui 時間: 12-2-16 10:04
reneeleung 發表於 12-2-15 22:57
上年ryan同學都入有得qbs interview 讀swck同3無人士，我諗qbs有無得interview都是random的。 我都覺得920 ...
係呀, 我都知
所以我會take kcis個offer
worst case 我都可以升返上kcis primary
作者: 227d 時間: 12-2-21 16:58
大家好！我囡囡係SWCK K1的後備生，請問Crystal會幾時知會學校放棄個學位，我意思係學校方面要你哋幾時再交學費之類以表示你哋sure 會讀？亦想問Renee and elmostoney個小朋友請補習學中文的情況，學寫中文字之餘，國語會話能力程度如何？
作者: crystalpui 時間: 12-2-21 17:21
227d 發表於 12-2-21 16:58
大家好！我囡囡係SWCK K1的後備生，請問Crystal會幾時知會學校放棄個學位，我意思係學校方面要你哋幾時再交 ...
其實以我所知
都有好幾個人會放棄swck個位
不過我唔會以家打去講
最快都要7月
我想冇錢再要交了掛.......
作者: 227d 時間: 12-2-21 17:34
Crystal, 謝謝你的回覆！！
作者: elmostoney 時間: 12-2-21 17:57
本帖最後由 elmostoney 於 12-2-21 18:27 編輯
227d, 以前SWCK係四五月最遲就會要求家長交留位費. 我唔知會唔會再早d, 因為我個女係swck小學, 2月中已交左留位費tim, 所以有機會三四月都會要求幼稚園家長交錢, 總之唔會去到七月咁遲, 學校都放哂假啦.
我兩個小朋友普通話, 以一個冇普通話背景家庭來講, 算幾流利, 可以一般對答, 理解上比口語當然會再好d, 睇電視同普通話人對話都冇問題. 以下一篇文章係我最近同我兩個小朋友讀嘅 (一個四歲兩個月, 一個五歲九個月, 佢地讀中文只會普通話, 唔識讀廣東話):
北風吹 白雲飛
太陽那裏去了
樹上的葉子哪裏去了
地上的青草哪裏去了
窗外雪花滿天飛
弟弟說他好像糖
妹妹說他好像鹽
不是糖 不是鹽
雪花不甜也不鹹
成篇文章未學過嘅字只有兩個, 當然中間有一兩個唔記得左, 但以前學左, 好快pick up. 我買左套民國中文課本, 可愛生動, 文筆好. 所以有時我諗, 自己係屋企教, 未必唔好. 如果入主流學校, 時下d課本, 文筆差, 又冇幻想力, 老師無事挑骨頭, 唔想個個一百分, 教到d小朋友無所適從.
自己係屋企教, 首重恆心, 特別係開頭, 真係要日日讀, 到小朋友成左習慣, 咁偶然放一日假都ok, 我最初都唔係幾好, 開始見到有result, 就會勤力d. 呢樣真係好難, 我個女係好難教個種, 唔係品行, 係怕難, 所以唔想學, 我用左好多時間. 我個女係4歲半開始學, 阿仔見家姐學, 所以都肯跟, 所以佢三歲兩個月就認字. 我用基礎漢字五百, 而家兩個都差唔多讀哂五百字啦, 當然有好多會唔記得. 呢套教材, 文筆麻麻, 部份注音都唔啱, 不過就叫有系統d, 我覺得好過純粹讀字卡. 我阿女係四歲九個月開始學寫字, 寫筆劃都寫左三個月, 五歲就正式寫成個字, 但都係寫少少, 一星期寫兩次咁, 到五歲半, 我先開始要佢日日寫. 阿仔就未寫字.
作者: elmostoney 時間: 12-2-21 18:01
不過, 我兩個以前都係best concept montessori讀, 家姐讀左3年, 細佬而家仲讀緊, 係全普通話, 我亦有家教, 一星期來兩次, 所以佢兩個普通話係真ok, 好多人都有d surprised, 都係之前間學校功勞最大.
作者: 227d 時間: 12-2-21 18:33
非常多謝elmostoney的詳細回覆！！
我會keep住打電話去SWCK問學位的事了！！
我都有疑問，你在家教他們讀中文書是用普通話的嗎？即說你都有一定程度啦？而他們識唔識用廣東話讀中文書呢？
謝謝！
作者: 227d 時間: 12-2-21 18:46
sorry剛剛睇番原來你小朋友係只係用普通話讀中文的！我有個朋友個仔喺新加坡國際讀小學四年班，睇中文字係睇注音的，不識認字，你小朋友已經識認字（不用注音）都讀到嗎？
作者: elmostoney 時間: 12-2-21 18:47
本帖最後由 elmostoney 於 12-2-21 18:49 編輯
我跟阿女個普通話老師學左十堂左右, 學左基本拼音同睇音標, 足夠跟住本書對住音標讀. 佢地識講廣東話, 但就唔識用廣東話讀書, 我唔想佢地學兩種讀音, 驚太混亂, 亦無必要. 個人覺得, 廣東話只係香港生活方言, 識講識聽就夠
作者: elmostoney 時間: 12-2-21 20:13
227d, 我兩個小朋友都唔識注音, 我自己學係因為要教佢地, 雖則我d普通韶唔未至於廣東話講歪d, 但真係有好多音未必識讀, 所以學來方便教佢地. 我都有聽聞, is小朋友學左注音, 有時唔識睇字睇注音, 所以我反而唔太著重佢地咁早學, 當然我兩個d普通話未必係最正宗, 不過都叫ok就算. 翻查中文發展, 其實注音都係呢幾十年先有嘅事, 以前d人都冇注音, 所以我覺得可以遲d學, 等佢對中文有個底先. 再加上我驚又學英文拼音會混淆.
作者: reneeleung 時間: 12-2-21 22:10
提示: 作者被禁止或刪除 內容自動屏蔽
作者: eneresnat 時間: 12-2-22 09:29
那將來上ICA的話, 在校學簡體字, 你們會不會繼續在家教繁體字?
| 歡迎光臨 教育王國 (/) |
Powered by Discuz! X1.5 |