教育王國

標題: 究竟囡囡有冇讀障？ [打印本頁]

作者: 好命婆 時間: 12-1-15 22:23 標題: 究竟囡囡有冇讀障？

本帖最後由好命婆於 12-1-15 22:23 編輯

自小阿囡都被人讚佢叻，聰明，幼稚園老師全部叫我唔洗擔心佢。我就發覺佢k2一3有時會寫鏡字，啲字係分開晒寫例如：月月「朋」和頭大身細，筆劃錯晒，英文b，d成日錯，有時連c都寫錯方向，串字成日串唔倒。呢啲嘢直到升小一都會發生，問過老師是否讀障，老師話唔係。現在小二問題有改善，啲字係靚咗，無寫過鏡字，但偶然會抄少或抄多劃，成日唔記得啲字點寫，就算今日識聽日會唔記得，有幸默書冇大問題，但試驗考試唔識理解題目，閱讀理解唔係好得，認字好慢，會將詞彙掉轉認，「該」當應字等。最差數學，時間，日期這些我覺好易，佢反以覺得難，文字題唔識解，但如果讀俾佢聽就識，但其實啲字佢識，唉好多•••••數之不盡。我以家唔知點算，問過幾次老師話佢無問題，只識得叫佢俾心機溫習。其實我哋已經早一個月同佢溫書，但成績都強差人意。我已經有補習老師幫佢，個個老師都話佢乖巧，好叻囡，但唔點解成績都係麻麻。

作者: prmama 時間: 12-1-16 11:55

你試試找學校的輔導老師傾，請他安排學校社工幫佢做評估看看得唔得。

作者: 好命婆 時間: 12-1-16 13:30

thanks prmama.

作者: JOSEPHINE_LAU 時間: 12-1-17 11:06

回復好命婆的帖子

我仔仔情況和妳囡囡差不多,但即使是讀障又如何,我相信只要比別人更用功,花更多時間學習,將來一定會克服到的,加油!

作者: 好命婆 時間: 12-1-17 14:14

回復 JOSEPHINE_LAU 的帖子

多謝你鼓勵! 我已經用盡很多方法去幫她, 但成效唔顯著。其實她比小一時好好多, 只是因為小二課程又深咗, 她的閱讀能力只達K2-3水平, 所以好像永遠都追唔上, 加上她讀那班又是精英班壓力比較大, anyway其實她成績唔達標好可能都要出局, 對她來說可能是好事。

作者: JOSEPHINE_LAU 時間: 12-1-17 14:33

回復好命婆的帖子

她可以讀到精英班,應該唔會差的,不要給障礙自己,我相信妳的囡囡是可以的,可能要比別人付出多一些吧了.

作者: lingling_mum 時間: 12-1-20 09:05

回復好命婆的帖子

要去做評估先知, 我個女初時都係咁,容易掉亂D字(潔讀成清), 越高年班D字越深就越亂, 帶佢做評估, 原來有輕微讀障,好彩揾到個有經驗專做讀障既治療師, 教佢認字方法, 以家真係好好多. 所以都係早D做評估好, 唔好等佢個問題嚴重左先諗辦法。我可介紹治療師給你。可PM 我。Ling Ling

歡迎光臨教育王國 (/)