教育王國

標題: 求助!!!!大約半個月前發現自己有ADHD....好無助 [打印本頁]

作者: Nicole55 時間: 12-1-13 21:32 標題: 求助!!!!大約半個月前發現自己有ADHD....好無助

各位好,我叫NICOLE, 自從我半個月前發現自己有ADHD....好無助真係好唔開心,
無人明白我,由細到大我都覺得自己怪怪地,
成日唔見野,唔記得野,成日遲到,自制力差,做事無條理,間房好亂,又唔記得自己約左人,
時間觀念極差...做野好衝動,成發脾氣...
以前仲成日比老師投訴唔專心係破壞王...我成日都分心,好簡單一件事都做得唔好,
明明心知好容易做到但做出黎行為就相反,成績唔好,
我一路以黎唔覺得自己比人蠢,有時唔明自己點解IQ同行為完全唔相符,
有D同學明明表達能力各方面都比我差,但成績偏偏比我好...
我鍾意講野表達自己,我啊媽聽我講野有文有路就話我自己唔肯做...
我好傷心,喊到收唔到聲,依家大個左改善左小小,但都無醫過....
琴日我所有科唔合格,我溫唔到書,同啊媽講專注唔到,
佢話我唔係讀書料叫我唔好讀書...我今年21歲啦,佢完全唔諒解我,
由細到大只係識罵我,打我,我話唔開心,比同學蝦比老師話,佢都唔幫我,
只係鬧我唔勤力,話以前教我做功課都要4-5個鐘先做得哂,
依家咁大個都係咁,讀書哂錢,
其實我知我啊媽都好錫我,但讀書唔多,又無知識,成日同我溝通唔到,
我知我媽都係ADHD患者,因為佢同我有一樣病情但唔理會,叫我唔好哂錢睇醫生...
我最近睇醫生睇左好多錢,我係攻府已經排左期睇,
但仲有一段時間先睇到,私家醫生唔肯寫醫生紙比我出去配藥,
我真係睇唔起咁貴醫生,我又就黎考試我應該點做?
呢度有無家長有利他能或者專注達既醫生紙可以幫我配到?我會比返錢你地...
自從我發現左呢個病我就有一線曙光,以前唔知當自己大頭蝦無鬼用,
我依家知道有得解決,真係唔想再咁落去,希望各位家長比到方向我....萬分感激!!!

作者: faye525 時間: 12-1-13 23:44

本帖最後由 faye525 於 12-1-13 23:50 編輯

回復 Nicole55 的帖子

呢D精神科藥物唔可以係出面買到架......就算睇政府都唔會寫紙叫你出去買的...一定係政府藥房拎藥....因為驚D人利用醫生紙做犯法事.....
除非你係黑市藥房架唧....咁樣連醫生紙都慳返添.....

不過我相信價錢會貴過你睇醫生買囉~~~~同埋咁樣係犯法架.....
千期唔好做犯法既事.....

呢度好多媽咪都係排住政府睇住私家先.....冇咩其他辨法架啦.......

係燒銀紙既病黎....因為你就算睇政府, D藥都係自費藥物黎...一個月量, 當你只係一日食一粒, 平均廿幾炆粒, 都要七百幾炆個月........

作者: 諾諾爸爸 時間: 12-1-15 22:29

本帖最後由諾諾爸爸於 12-1-15 22:35 編輯

回復 Nicole55 的帖子

我見你文字表達得有文有路, 相信都不嚴重, 努力加油. 不必太灰心, 識行識走, 有手有腳已好好了, 好多人慘過你好多, 加油o阿. 記住不要成日再想埋一邊呀.

作者: awah112 時間: 12-1-16 00:34

提示: 作者被禁止或刪除內容自動屏蔽

作者: miriam 時間: 12-1-16 00:44

我問過熟既藥房, 呢 d 藥佢地訂貨時要交醫生紙, 總之個客要買幾多就一定要有相同數量既醫生紙先會出貨.

歡迎光臨教育王國 (/)