教育王國

標題: 小一數學不好,可以點教? [打印本頁]

作者: yy媽 時間: 12-1-13 10:49 標題: 小一數學不好,可以點教?

小女一向對數字唔係好大興趣, 因此做加數題目時經常加錯名及不夠時間做, 佢對珠心算同公文數好抗拒,她不喜歡操練,請問可以點教或去學咩數好呢?

作者: smallfoothk 時間: 12-1-13 13:40

女是文較佳,"時經常加錯名及不夠時間做"是一般學生毛病,不論男女,不如做番書/工作紙再做一次先,看有進步?但要計時平均1分鐘ｌ題.

作者: 阿寶媽 時間: 12-1-13 21:00

操練就不要太多，最重要是上課時要專心，理解問題，多做老師的工作紙就足夠了！

作者: thomas_dad 時間: 12-1-13 21:27

hi yy媽,

方法有很多，只要願意付出，不愁幫不到女兒提升數學的興趣和能力。

我先建議兩個方向如下：

1. 從生活中找一些跟數學有關的事情，如吃飯的帳單和買東西要付多少錢，所碰見物件的形狀是甚麼形狀等。

2. 與數字有關的遊戲，坊間林林總總的，如數獨和一些數字邏輯等的遊戲，大富翁也是一款不錯的選擇。

只要幫小朋友打好基礎和提升他們對數學的興趣和信心，相信他們的數學成績已經不錯了。

thomas_dad

作者: 瑩瑩老豆 時間: 12-1-13 22:07

yy媽發表於 12-1-13 10:49
小女一向對數字唔係好大興趣, 因此做加數題目時經常加錯名及不夠時間做, 佢對珠心算同公文數好抗拒,她不喜 ...

我囡個數學老師說的, 如果"一向對數字唔係好大興趣", 就更不要迫佢去珠心算同公文數, 那只會有反效果,

作者: 瑩瑩老豆 時間: 12-1-13 22:09

thomas_dad 發表於 12-1-13 21:27
hi yy媽,

方法有很多，只要願意付出，不愁幫不到女兒提升數學的興趣和能力。

對, 同佢玩下跟數學有關的遊戲, 我囡細時常同佢玩UNO, 仲要由佢記分, 大D 就同佢玩大富翁.

作者: yy媽 時間: 12-1-13 22:20

這些我都已經有做, 不過佢係計得好慢, 而且好多時要用手指, 佢話老師唔比用手指, 好似11-15加數,佢都成日計錯, 用手指都可以數錯, 所以我都唔知仲有咩方法. 因為好快就教雙位,我怕單位加減都未識,到時仲怕左唔做....

作者: smallfoothk 時間: 12-1-13 22:30

No worry,小女p.5做加數題目時經常加錯名

作者: yy媽 時間: 12-1-13 22:35

瑩瑩老豆/thomas dad : K3 o個時比佢學珠心算,佢唔喜歡操練,結果就停左冇再學, 不過我可能之前同囡囡玩關於數遊戲唔多, 等我按排每日同佢玩20分鐘睇下有冇改善..希望可以成功啦. 多謝你哋意見.

作者: 仔仔錫錫你 時間: 12-1-13 22:47

試下捉掑玩孖骰，要加左先可以行

作者: 瑩瑩老豆 時間: 12-1-13 22:56

yy媽發表於 12-1-13 22:35
瑩瑩老豆/thomas dad : K3 o個時比佢學珠心算,佢唔喜歡操練,結果就停左冇再學, 不過我可能之前同囡囡玩關於 ...

仲有玩個位數加減的math bingo

作者: yy媽 時間: 12-1-13 23:29

好呀,我明天開始就一於同女女玩多d, 多謝大家提議.

作者: anna59 時間: 12-1-14 09:54

樓主,搵補習啦
你個女對maths冇興趣,系好難迫到佢,但求合格啦,你同你個女講你既底線系合格
好似我咁,數學唔好假,不過到會考知道maths fail左唔系咁好未計多d,結果都合格

作者: 瑩瑩老豆 時間: 12-1-14 16:47

yy媽發表於 12-1-13 22:20
這些我都已經有做, 不過佢係計得好慢, 而且好多時要用手指, 佢話老師唔比用手指, 好似11-15加數,佢都成日計 ...

我囡小一時也會數手指, 計得慢唔緊要, 第一係要識計, 然后要準, 最后才要快,

作者: ANNAFRIEND 時間: 12-1-14 23:39

我都係自己教小朋友進數同借位數, 學校未教, 但我想佢地識左個概念先. 我女女對數字都唔係太大興趣, 我地有個小黑板, 我咪當我係老師甘教佢地, 同佢地玩遊戲羅. 都幾有效架, 我細女好快巳識計雙位進位加數同借位減數. 呢排冇比佢做, 唔知佢會唔會巳經唔記得點計呢? 等我明天又再考下佢先. 當玩遊戲, 冇壓力下的學習, 其實小朋友係會好叻架. by the way, 我都停哂所有坊間課程, 太多練習真係會反效果.

作者: siufay1 時間: 12-1-16 10:50

我個囡都是一樣，對數學完全沒概念．連數手指也要教．先把被加數放在腦，再把加數或減數放在手，　逐一加減．　至於多與少的問題，　我把所有可以出現的情況都列舉出來，　足足重複解釋了５０次以上才明白（第－　次見到對數學如此不理解的人）．

　最近我買了數學加減卡同她玩，心算快了不少，　你可以試看．　只要有恆心就可以．

作者: jollyma 時間: 12-1-16 11:48

其實現在幼稚園如何教加數？我個女升小一前返暑期班見到其他小朋友用手指計加減數，佢就覺得奇怪，因為佢間幼稚園從來唔會比小朋友用手指計加減數，佢地有一套好work既方法，當年我都好佩服學校用呢個方法教，所以好慶幸今天小女數學成績還可以，亦好彩當時唔跟風，走去選只看重英文的幼稚園，我認為數學根基比英文更重要。講真，如要學珠心算，最佳時機已過，一般在四五歲最好，我亦唔覺得公文數有用，你唯有增加佢對數字興趣，在日常生活考下佢，試下同佢玩街市，買菜，用佢既煮飯仔玩具咁，因為計錢對小朋友好難，熟習進位，日後對佢計時間都好有用，至於文字題就真係同佢既理解力有關，要慢慢加強。

作者: babybear 時間: 12-1-16 14:52

本帖最後由 babybear 於 12-1-16 14:56 編輯

可以玩多D UNO，要佢負責計分！
可以由零分開始加上去玩。（練加法）
亦可以SET 500分開始減分數玩。（練加／減法）

作者: yy媽 時間: 12-1-17 09:49

昨天想囡囡捉棋遊戲,點知佢叫我捉象棋,我話玩數字,佢又話唔鍾意,好似對有關數学遊戲都冇興趣o

作者: ziyi 時間: 12-1-17 10:39

小一是上學期是學習2位的加數,2位的不退位減數等
最好是先做好數手指的訓練
是真正的學識,因為數手指的其中一個數是放在心裡的
慢慢才會進步至可以心算
不要心急,最緊要打好基礎

以下是由教院數學科教授那邊一個講座知道數學學習的重點:
1) 孕育適當的言語 - 數學也需要言語溝通的,代表小朋友能表達怎樣計算
2) 再創造知識 - 利用基礎的工會進一步學習
3) 耐心地學好基本的東西,學生就懂得獨自解決問題

而教授說...數學唯一死記的就是乘數表,其他應該是可以有言語去解釋的
如加減是有關係的,如:
5 + 7 = 12, 也可以說是 12 - 5 = 7

作者: 瑩瑩老豆 時間: 12-1-17 14:52

jollyma 發表於 12-1-16 11:48
其實現在幼稚園如何教加數？我個女升小一前返暑期班見到其他小朋友用手指計加減數，佢就覺得奇怪，因為佢間 ...

我覺得剛開始數手指計加減數並無不妥, 數手指可幫助更具體知道個方法, 我囡幼稚園時係用數珠仔, 2 + 3 就數2粒珠 + 3粒珠有5粒珠.

作者: PhiloSophie 時間: 12-1-17 19:38

從生活出發，去到邊問到邊
it works for me.

作者: yy媽 時間: 12-1-18 14:30

聽了大家意見, 我開始從遊戲中教數,希望可以慢慢改善,現在開始建低自己要求,慢慢加上去.

作者: woodst 時間: 12-1-19 11:19

提示: 作者被禁止或刪除內容自動屏蔽

作者: yy媽 時間: 12-1-19 11:25

WOODST,

多謝, 昨天跟小女玩uno, 玩之前同佢講左輸左唔可以發脾氣,唔係就stop唔玩, 第一局佢win, 之後輸左就大發脾氣, 都唔知可以點??

作者: woodst 時間: 12-1-19 11:45

提示: 作者被禁止或刪除內容自動屏蔽

作者: yy媽 時間: 12-1-19 14:43

回復 woodst 的帖子

UNO 玩完要計分, 所以我同女女玩lor, 其實係未玩多d, 輸得多就可以控制到呢? 我都有比佢win, 不過佢一輸就發脾氣.

作者: woodst 時間: 12-1-19 16:46

提示: 作者被禁止或刪除內容自動屏蔽

作者: 瑩瑩老豆 時間: 12-1-21 19:12

yy媽發表於 12-1-19 14:43
回復 woodst 的帖子

UNO 玩完要計分, 所以我同女女玩lor, 其實係未玩多d, 輸得多就可以控制到呢? 我都有比 ...

初初玩時我囡輸左會哭, 不過始終要讓她知道會有輸贏, 最多係唔好贏咁多, 再解釋返總有輸贏, 慢慢就接受.

作者: 瑩瑩老豆 時間: 12-1-21 19:13

本帖最後由瑩瑩老豆於 12-1-21 19:14 編輯

woodst 發表於 12-1-19 11:45
個個小朋友都想贏, 如果發脾氣就無得玩, 佢想玩就要有自制能力, 如果輸得多, 有時都會讓吓比佢贏, 打擊信心又係唔得.
uno遊戲中有無需要計算?

uno 在計分時要計加數.

作者: A-Mum 時間: 12-1-21 21:15

我地用幾粒骰仔玩大富翁， #1 + #2 - #3
玩 Scrabble 都有加減同小小乘數

作者: woodst 時間: 12-1-22 22:42

提示: 作者被禁止或刪除內容自動屏蔽

作者: 1234ats 時間: 12-1-23 14:22

yy媽發表於 12-1-13 22:20
這些我都已經有做, 不過佢係計得好慢, 而且好多時要用手指, 佢話老師唔比用手指, 好似11-15加數,佢都成日計 ...

不赞成用手指计加数。计加数主要分两部分，首先要明白加数的概念，然后是熟练运算。用手指可帮助加强加数概念，但对熟练运算毫无帮助。

最直接的方法是背个位加数，从2+2到9+9，实际要背的只有36组，每天背几组，两个星期便可背完，对小孩来说应该不困难。当然跟他多玩加数游戏也可达至熟练效果。

一向认为小学数学不用太紧张。小孩发展各有不同，如儿女在某一方面发展稍慢是正常不过。只要掌握学习要点，待稍后发展起来，要追回成绩并不难。最最最重要的是不能让孩子失去学习兴趣。

问题是很多家长或老师太在意分数，致令很多学生在小一一开始分数跟不上后便被打残，从此抗拒数学。我认为大部分不是学生责任。

作者: kkhon 時間: 12-1-24 02:18

如果成日計錯數你可先教佢1-9的組合加埋是10，例如1同9是朋友，2同8是朋友，3同7是朋友等等，再教佢同樣的數字雙加，跟著就是20之內的組合例如7加8是15，6加5是11，7加6是13這些都要佢好熟咁記入腦，咁計數就會快而準。其實小學生計數真係唔可以再用手指，這部分一定要佢明白，如果唔係再計進位同借位佢會仲亂。

歡迎光臨教育王國 (/)