教育王國

標題: 要求老師換位是否好過份? [打印本頁]

作者: SmartCandy 時間: 12-1-12 12:23 標題: 要求老師換位是否好過份?

老公今日又投訴佢帶呀呀仔(pn)入課室後, 見到隔離小朋友頂住佢同搶佢張椅, 其實上次老公已經話個小朋友攪佢D頭法, 其實老公已經立刻同班主任投訴, 個老師話佢地玩吓無問題, 但我想向學校主任投訴要求換位? 妳地各得合唔合理? 是否自己太保護小朋友?

作者: gwlam 時間: 12-1-12 12:35

本帖最後由 gwlam 於 12-1-12 12:38 編輯

有不滿咪同主任反映下無妨，等老師睇緊d里d比較“活潑”嘅小朋友

作者: mystique 時間: 12-1-12 14:12

回復 SmartCandy 的帖子

我覺得個其實個班主任都講得岩, 有時d小朋友貪玩, 唔知咁係唔岩, 話下佢地就會聽嫁喇, 建議唔洗咁快換位住, 再過一排個情況冇改善先再同老師傾下
同埋, 咁仲可以俾你小朋友學下如果其他小朋友唔乖時要同老師反映同保護自己

作者: vnghk0001 時間: 12-1-12 23:24

我都覺得唔好換位，只不過係搶椅啫，個班房咁細，換左位都會搶玩具，你可以教阿仔點面對及處理仲好，大啲有小朋友推人及打人，由其係男仔呢，等佢早啲知點處理。

作者: chongnicole 時間: 12-1-17 23:26

我個女兩次在學校被其他小朋友抓傷。第一次有血痕，到現在還有d印，但明白小朋友無心，心痛個女但無出聲。到第二次，老師打電話給我，我到學校查看，實在忍不住表達不滿。
班主任主動話會幫我個女換位，同d乖d的小朋友坐，自此touch wood無事。

可能太細返學、又可能而家比較縱，有時候d小朋友撒野起來真是幾恐怖。

作者: CatEgg 時間: 12-1-19 00:32

PN班...全部都係第一次離家返學的兩歲人仔,自制能力低,對是非只有概念,唔識賓行,又貪玩,今日你搞下我,聽日我搞下你,好難要佢地安定定咁坐低...
恕我直言,搞頭髮、搶(定係罷住?)張椅,係pn班真係好雞毛蒜皮,同老師投訴佐、調佐位又點?小朋友係課室總有碰頭的時間。況且,老師都會知道邊D學生比較頑皮,一定會教佢地規矩,家長成日向老師投訴,老師背後會覺得好煩。

作者: CathyChan1126 時間: 12-1-19 08:48

我會話佢知有人打你要第一時間話比老師知,同用手捉住對方隻手/被打物件.
這樣先係最好的方法.

作者: missak 時間: 12-1-20 11:34

本帖最後由 missak 於 12-1-20 11:46 編輯

我覺得要講......我囡囡都試過調左位後, 連續兩,三日都話唔鐘意坐果個位......好似好唔開心咁......咁我咪打電話同老師講囉(但唔好俾小朋友知道)...老師第二日就同佢調左位......咁佢就無話唔開心啦!
我自己認為無理由為左個座位問題, 搞到佢唔鐘意返學架麻!

但你個case我覺得你可以先問一問你仔仔覺得果位同學仔點! 如果佢都好唔鐘意佢, 我覺得你應該出聲! 但如果你仔仔覺得無咩野, 咁我覺得可能玩下姐, 可以唔駛理佢!

只係個人意見~

補充一句: 我果時打去學校, 只係問老師係咪調左位, 老師話係, 我話唔知囡囡咩事, 話唔鐘意這個位, 其實係想佢了解一下, 但老師第二天就同佢調左位了!

作者: babyislove 時間: 12-1-20 18:38

SmartCandy 發表於 12-1-12 12:23
老公今日又投訴佢帶呀呀仔(pn)入課室後, 見到隔離小朋友頂住佢同搶佢張椅, 其實上次老公已經話個小朋友攪佢 ...

可能佢個同學係好奇，先攪佢D頭髮。

至於搶櫈，可能返學前o係屋企慣o左一個人，未識得同人相處。

如果你阿仔無因為呢位同學o既行為而好唔開心，我覺得可以請老師再留意，提醒下o個位同學唔好咁做。

作者: 12345BABY 時間: 12-5-21 00:52

我同意babyislove的講法.

作者: BabyYukYuk 時間: 12-5-21 08:39

我個女本來返學返得幾好，但早排突然唔鍾意返學，原來俾隔離同學仔蝦佢，老師初頭有處理，後來以為無事，但阿女一宜唔肯返學，我要求老師調位，初頭好少少，但依家已經唔鍾意返學了。

歡迎光臨教育王國 (/)