教育王國

標題: 日日返學都喊, 可以有冇方法 [打印本頁]

作者: gm2811 時間: 12-1-9 11:48 標題: 日日返學都喊, 可以有冇方法

自呀囡上左小一, 一路都無問題, 但由去年12月中開始, 每朝呀囡都想喊, 放完聖誕假後, 情況更嚴重, 前一晚上床前已經喊, 朝早係學校門口又喊, 近日連上堂都喊, 同佢講左好多次, 佢明唔應該喊, 但佢話忍唔住, 佢好掛住我, 咁可以有乜方法另佢諗開D, 唔好諗咁多呢?

作者: Unclejt 時間: 12-1-9 13:40

最老套亦是最必要的是攪清楚她在學校是否發生了甚麼事情...

作者: Laputa 時間: 12-1-9 13:46

一定有一些事情在十二月發生了, 才會有此情況, 有同老師傾過嗎? 試下問下. . .我細果最鍾意上數學堂, 因為數學好有趣, 最唔鍾意xx堂, 因為老師(同學)好惡, 成日鬧人, 咁你呢, etc, 睇下阿女點答.

作者: gm2811 時間: 12-1-9 14:55

本帖最後由 gm2811 於 12-1-9 14:56 編輯

其實我同囡囡已經傾過好多次, 我自己初時覺得係因為攞成績表嗰日, 老師係佢面前同我地講佢講野態度好大人, 唔似小朋友, 同老師講野就似同朋友講野咁, 即佢話佢無禮貌, 由嗰日開始佢就係每日都喊, 初時我都每日提醒佢, 要佢做返好D, 但眼見情況越黎越嚴重, 所以係假期我都無刻意再提. 以為過左假期會好D, 但點知比放假前更差. 最後上星期, 佢又同我講覺得上中文堂好悶, 時間過係好慢, 所以好掛住我, 想快D見到我, 跟住上堂又喊. 我已同佢解釋小學已經唔同幼稚園, 時間係會長左, 但有好多同學仔同佢玩, 都好開心架. 但情況都未見改善, 我仲有乜可以幫佢呢?

作者: fanwong29 時間: 12-1-9 15:58

一句講哂「要面,唔話得/唔嚇得」,因小兒在K2下半年時亦有同樣事情發生,直至升K3轉咗班主任,就開心哂。

作者: gm2811 時間: 12-1-9 16:03

本帖最後由 gm2811 於 12-1-9 17:03 編輯

fanwong29
我同老公都係咁諗, 我已經同佢講左老師已經話佢有改進, 而老師自己都有同佢講, 不過未見成效, 但依家先係上學期尾咋, 仲有成個下學期, 有D乜可以做呢?

作者: fanwong29 時間: 12-1-9 17:58

本帖最後由 fanwong29 於 12-1-9 18:01 編輯

回復 gm2811 的帖子

一句講哂「要落台」!比d實質d嘅鼓勵佢,就是"禮物",書本,玩具,甚至一張card,都好work!!

作者: gm2811 時間: 12-1-9 18:03

本帖最後由 gm2811 於 12-1-9 18:04 編輯

回復 fanwong29 的帖子

都已經做晒, 連愛心頸巾都織埋, 佢情況係連工人行開一步去煮飯都喊, 我估佢覺得好lonely, 唔想自己一個人.

作者: lillymarie 時間: 12-1-9 20:21

有無睇醫生？或者心理學家？

作者: fanwong29 時間: 12-1-9 21:39

從以上的情況所見,學校原本令她高興的地方,但這件事情令她感覺到學校令她有所不快,對自己的做法有所疑惑,而對學校缺乏了安全感,這種不快的壓力,令她出現負面情緒的反應,如:憂慮,沮喪,激動.,的行為,最好盡快與班主任/校內社工傾談,尋求解決方法,「心病還需心藥醫」,小朋友好快便會像以往一樣歡喜快樂。

作者: chaap 時間: 12-1-9 23:03

似是有焦慮的徵狀！快些找專業人士幫忙吧！

作者: 人地既阿媽 時間: 12-1-10 11:47

fanwong29 發表於 12-1-9 21:39
從以上的情況所見,學校原本令她高興的地方,但這件事情令她感覺到學校令她有所不快,對自己的做法有所疑惑,而 ...

同意！心病還需心藥醫，解鈴還需繫鈴人。如果個問題係源於老師對佢既comment，令佢覺得受傷害，怕左返學，就應該同果位老師傾吓，叫個老師俾番信心個小朋友，令佢明白老師叫佢改善說話態度既出發點係為佢好，無論點老師都好喜歡佢。都搞唔掂就要找學校社工or 專業人士幫手喇。

作者: gm2811 時間: 12-1-11 11:30

多謝大家的回覆, 我地都開始覺得呀囡係應該有焦慮的問題, 昨晚同今朝情況更加嚴重, 我唔係想話學校/老師的壞話, 但班主任比我的感覺真係漠不關心, 所以我未必會揾學校社工, 我想揾街外人幫忙, 我想問係唔係帶佢睇心理醫生?或有其他專業部門可以去揾呢?

作者: 黃巴士 時間: 12-1-11 13:17

回復 gm2811 的帖子

先搵註校社工商量.

作者: Parisienne 時間: 12-1-12 08:34

上堂悶、怕輸、要面、講嘢似大人、有自己强烈諗法、難過自己個關.....
會唔會係資優 ? (只係大胆假設)

作者: miffy 時間: 12-1-12 08:53

提示: 作者被禁止或刪除內容自動屏蔽

作者: fanwong29 時間: 12-1-12 10:13

唔好咁快就揾心理醫生,唔係會嚇親囡囡,你可私底下找相屬嘅醫生/家庭醫生,問問意見,但我本人都係認為找學校老師/校內社工會較適合多d。

作者: anna59 時間: 12-1-12 13:39

下次家長日唔好帶小朋友去,就算帶埋佢去都盡量唔好比佢入課室,叫佢向出面等你,我覺得始終家長日唔好帶埋個小朋友會好d,講野方便d

作者: anna59 時間: 12-1-12 13:45

依家d 老師好似老細咁,個小朋友系伙計,學校就系社會,不過老師比老細更唔客氣,因為老細有好多野都要靠人而老師系唔使,所以唔系點解有好多家長咁唔鍾意d老師

作者: anna59 時間: 12-1-12 13:46

冇辦法,女仔多數系小氣d

作者: gm2811 時間: 12-1-12 16:24

回復 Parisienne 的帖子

有朋友都係咁講, 但我自己唔覺得佢似, 但佢自專心好強, 對自己要求好高. 如果遲些情況未有改善, 我都會帶佢去做些評估. 謝謝!

作者: gm2811 時間: 12-1-12 16:29

回復 miffy 的帖子

我都有同佢提過, 但其實我地平時唔係好就佢, 佢自小跌倒都要自己起身, 無人會扶佢, 每日佢都會幫手做少少家務, 但佢個人性格好直, 講野前無過濾過, 有時唔記得對老師要尊重D, 我時常都有提佢, 但總係唔記得. 唉!

作者: gm2811 時間: 12-1-12 16:33

回復 fanwong29 的帖子

我昨日有同班主任通過電話, 佢話呀囡係學校情況無問題, 我諗佢係學校不斷壓制自己, 所以返到屋企就好似火山咁爆晒出黎, 我自己有打電話同家庭醫生傾過, 但佢都係覺得呢D係小朋友必經階段, 又可能我地比得太大壓力佢. 醫生都係話比D時間佢, 再睇定D先算.

作者: gm2811 時間: 12-1-12 16:35

回復 anna59 的帖子

其實我都唔讚成帶小朋友返去攞成績表, 但無奈學校規定小朋友一定要返, 仲一定要一齊入班房見老師. 所以無得揀.

作者: anna59 時間: 12-1-12 18:16

回復 gm2811 的帖子

嘩,我都系第一次聽,有冇問過點解,咁同個staff同個老細做apprasial,入面坐左個同事向度,先己都唔自在啦
學校有冇顧及學生既自尊假

作者: Heima04 時間: 12-1-14 10:38

小兒是個比較獨立, 初返幼稚園時從未哭鬧要找爸媽, 亦很開心地上課, 但K1上學期尾時一天送他回課室後, 他突然跑出來抱着我的腳, 哭叫着問我: [我的雨衣係邊度?(當時無落雨), 我的筆袋係邊度??] 我被他問得一舊云, 老師也沖了出來邊哄邊拖他回課室。其後多天一早掙開眼, 他就在枕邊默默流淚問: [今天要返學嗎?], 於是我回校問老師, 原來早幾天他唱歌的時候他不肯唱, 發脾氣, 於是老師跟他鬥發:[在課室內單對單, 你眼望我眼(老師說的)], 最後老師鬥贏了(老師說的), 他認錯了。
回家後我再仔細的問他, 他說老師很惡, 將他的杯也掉爛了。
其後的K1時間裏他都不開心, 脾氣變壞了, (我已想了很多方法去改變。) 直至K2轉了班主任才好點。
當小朋友對班主任産生了抗拒, 失去信心, 有時很難改變她們的恐懼感, 只能祈望轉另一個班主任才能改善了。

歡迎光臨教育王國 (/)