教育王國

標題: "星級爸爸﹕名校媽媽大控訴" 邊間名校呢? [打印本頁]

作者: blueblueclub    時間: 12-1-5 18:04     標題: "星級爸爸﹕名校媽媽大控訴" 邊間名校呢?


http://hk.news.yahoo.com/星級爸爸-名校媽媽大控訴-214401682.html

星級爸爸﹕名校媽媽大控訴明報 – 2012年1月4日星期三上午5:44

明報專訊】幾星期前寫了《快樂紅利》和《快樂學習》兩篇文章,談快樂和成功的密切關係。一間百年老校的家長看了很感觸,來信反映事實的殘酷。她說宣傳時校長強調快樂學習,上學後卻要學習苦中作樂,把一名小朋友的上學熱情消磨殆盡,部分摘錄如下﹕「兒子入讀小一後,發覺完全是另一回事,骨子裏原來是傳統講求校內外成績的小學。規矩好嚴,許多老師經常好惡鬧學生,常罰午飯後冇得出班房自由行。老師要班與班鬥乖,每班4個班長專摘名,轉堂時個個要低頭伏在桌上,我兒想看看手冊的時間表下一堂是什麼科,都被摘名;小息從來不准落操場,在走廊走動又有風紀摘名,三年下來,小兒性格變得退縮,冇自信。
小三開學,中文科9月已經日日有堂課或家課,都是做TSA卷,TSA閱讀理解又限時又艱深,做到8歲孩子對中文冇咗興趣!學校規定一人一樂器,唔理你有冇興趣。小三仲要參加校隊,放長假日日返去操練,阿仔形容音樂老師和指揮常常鬧交又好惡,結果取得校際音樂節獎項,但賠上愉快的學校生活。同學間充滿競爭比較的心理,怕輸,同情和友愛心淡薄。阿仔小三下學期變得抑鬱,自覺冇用,仲要看心理學家。
現時全港小學都是全日制,孩子6時多起牀趕上學,下午3時多放課,還有十樣八樣功課等住做,手腳慢,加上冇精神,功課做到9點、11點。這個教育局搞出來的中英數TSA考試,除了小三,還在小五、六等着折磨孩子的心智和精神!想當年我讀小學時半日制,功課唔深又唔多,只有小六的『學能測驗』考推理能力,後來都被詬病而廢除。年代雖然不同,其實一日同樣得24小時, 小孩天性冇變,點解而家香港的教育制度會咁樣『進化』﹕加長上課時間,加多公開考試,小小年紀應付連年全港考試,令小學生要咁追趕時間、咁緊張?輕鬆愉快童年就這樣扼殺了!考試和操練沒有令孩子聰明啲,反而令真正聰明的孩子充滿挫折。考試制度只會培養功利和緊張氛圍。香港九成多的學生冇錢,上不了國際學校,逃不過這種教育制度,唯望各教育人員和當局局長『幼吾幼以及人之幼』。」
競爭到底 或完全放棄
這只是冰山一角,這個家長算有觀點且夠膽指出問題,大部分名校家長已患上「名校斯德哥爾摩症候群」,即被學校的名聲騎劫,不單不敢提異議,反而覺得學校不夠嚴格。
我從不同校區的家長得出一結論,學校要不就「谷」,谷成績、谷分數,總之98分和97分比較,98是勝利,97是失敗;要不就「縮」,把考試成績不好的撒手不管,當校方也認為不會考試就是人生失敗的開始時,誰會和失敗為伍呢!
新年新開始,我期望新特首要增加教育資源,但不要把資源放到官員手裏,你給他錢玩,他不能不玩;你給他權,他不能不行使。
我工作拍檔的室友是老師,她清晨在桌上哭泣,因為按教育局的進度,她肯定完成不了,因學生也完成不了,而最後只能忍心下功課的指令,先把責任卸給家長,愈名牌,家長愈不敢發難,只能往下壓,孩子受不了的跳樓,甚至會說「不明白父母為什麼生他下來受苦」的不堪話。
新年不許迎來舊痛。
和家長們互勉。
張堅庭


作者: ccfa_hp    時間: 12-1-5 18:28

本帖最後由 ccfa_hp 於 12-1-5 18:29 編輯

deleted
deleted

作者: 786    時間: 12-1-5 18:50

本帖最後由 786 於 12-1-5 18:57 編輯

快樂學習的百年老,好明顯啦
作者: pigpig33    時間: 12-1-5 19:00

"一人一樂器"........係唔係個hints? 聽講有間學校出名要求學生呢樣野, 但我唔肯定它係唔係唯一一間, 所以唔敢落名喎! 係度估邊間會唔會俾版主河蟹架??
作者: bbJP    時間: 12-1-5 19:01

786 發表於 12-1-5 18:50
快樂學習的百年老,好明顯啦

which one?? Is that YW?? hints pls???
作者: chongnicole    時間: 12-1-5 19:12

而家d學校係谷得好得人驚,好多朋友家長話:「我地以前都係咁啦!」

No, 我地以前邊有K2讀P1、K3讀P2書玩超前。又邊有搏命跳級考琴,只彈考試歌以求報中一時有8級寫在portfolio。

我明白如果有家長咁做,其他人怕落後就唯有tag along, 但小朋友你可以逼佢幾多年?咁樣係米培養到優秀的孩子?真系非常懷疑。
作者: Gerard    時間: 12-1-5 19:15

提示: 作者被禁止或刪除 內容自動屏蔽
作者: fongyuen    時間: 12-1-5 19:42

我睇完之後,反而腦海即刻浮現SPCC,因為我有朋友嘅小朋友向度讀,佢講啲嘢太似我朋友啲細路嘅經歷。

不過,縱使明知自己細路會讀得辛苦,啲家長依然要用盡方法擠進去,真係悲哀⋯ 又要有幾多小朋友跳樓先醒覺?
作者: pamelaywy    時間: 12-1-5 19:51

我都係諗到YX,因為宣傳時校長強調快樂學習,另外Y記呢幾年管弦樂團好積極,幾乎人人要入隊,我朋友兩母子亦身受其害中,用好深的書和exercise,但教得好少,一切靠屋企教,有部分功課無人教,小朋友本身一定唔識
作者: moonychan    時間: 12-1-5 21:29

回復 Gerard 的帖子

我都係彈左 yx 出來.

作者: SCKnight    時間: 12-1-5 22:10

好無奈。好悲哀。
作者: elizatyy    時間: 12-1-5 22:37

Somehow I recalled that someone has posted similar thing for YX.
作者: 2012P1    時間: 12-1-5 22:41

回復 elizatyy 的帖子

What is YX?  Do you mean YW?
作者: gooday    時間: 12-1-5 22:50

但以YX校長的講解,校園好開心架! 乜原全唔係咁咩?
作者: kochiman2004    時間: 12-1-5 22:55

回復 2012P1 的帖子

We can write it out obviously .... YX or XW ... is it too obvious ...

作者: pamelaywy    時間: 12-1-5 22:56

回復 gooday 的帖子

我親眼見到o既例子唔係囉...
作者: cykk    時間: 12-1-5 23:11

fongyuen 發表於 12-1-5 19:42
我睇完之後,反而腦海即刻浮現SPCC,因為我有朋友嘅小朋友向度讀,佢講啲嘢太似我朋友啲細路嘅經歷。

不過 ...

小女在SPCC讀小一,未聽過佢話午飯後冇得出班房自由行。也沒有轉堂時個個要低頭伏在桌上,在走廊是不能跑但絶對可以走動的。

作者: kochiman2004    時間: 12-1-5 23:12

Obvious not SPCC la ...
作者: yingval    時間: 12-1-5 23:17

"一間百年老校", I think it will not be YW, maybe SPCC

作者: chicken    時間: 12-1-5 23:20

YW是否一條龍, 要考TSA嗎? 為什麼要操paper?

聽聞KTS放學等校車個個要要低頭伏在桌上
作者: kochiman2004    時間: 12-1-5 23:26

Key points ...

校長強調快樂學習
每班4個班長
走廊走動又有風紀摘名
學校規定一人一樂器
取得校際音樂節獎項

作者: newmommy    時間: 12-1-5 23:33

Could it be LS (the boy schools in net 41)?
作者: kochiman2004    時間: 12-1-5 23:39

回復 newmommy 的帖子

LS 每班 2 個班長 ?!


作者: 786    時間: 12-1-5 23:42

一定唔係ls,從來ls無講過可以偷快學習
作者: 大頭mama    時間: 12-1-6 00:03

本帖最後由 大頭mama 於 12-1-6 00:04 編輯

回復 kochiman2004 的帖子

I think is 宣X   !

學校規定一人一樂器


作者: ha!    時間: 12-1-6 00:22

提示: 作者被禁止或刪除 內容自動屏蔽
作者: ANChan59    時間: 12-1-6 00:30

回復 yingval 的帖子

The history of YW even older than SPCC..... 160+ years
作者: NKpa    時間: 12-1-6 00:56

本帖最後由 NKpa 於 12-1-6 10:03 編輯

"轉堂時個個要低頭伏在桌上" -> 係真唔係呀? 點解咁'規定'呢?
"小三仲要參加校隊" -> 係唔係強迫你入校隊呢? 唔入校隊有咩後果呀?

究竟有無咁既學校架??!

問都哂氣, 阿名校媽媽都唔會出來澄清....
咪由得指控登報紙囉. 阿星爸又唔使查證既.

作者: cellojoyce    時間: 12-1-6 01:02

小女spcc小一,佢最鍾意午息,話番學好開心:)
作者: crystalwsm    時間: 12-1-6 01:51

chicken 發表於 12-1-5 23:20
YW是否一條龍, 要考TSA嗎? 為什麼要操paper?

聽聞KTS放學等校車個個要要低頭伏在桌上 ...

KTS沒有此安排。放學即上校車,未見過有小朋友要低頭伏在桌上............何況KTS上年才舉辦了75周年校慶!!
作者: paulmaryschool    時間: 12-1-6 02:28

不論文章所指是那間名校,我們做家長如想真的為仔女好,唔好麻目要出名學校. 有d新學校或改革過的傳统學,教学方法進步,師資及設備好,其實比好多所謂名校更好. 考試外国小朋友都要面对,但喺如果老師有料同識教,吸收容易學習自然有兴趣同無咁大exam pressure. 傳统名校以前永遠收到最好學生,好成績唔代表一定教得好,而家多咗international schools 同新學校搶走唔少好學生,要保持成績但又唔肯改革,唯有谷家長啦 (有d學校冇錢,所以想改都唔得). 其實有d新校因為師資好,學生冇咁辛苦但公開試成績都出色(先聲名我同任何學校無關係) 我唔想係度彈人,只希望大家認眞諗吓也野比仔女最好,更唔應為自己面紙or peer pressure,点都要入出名學校,最後要面对結果係我地最緊要嘅仔女,祝各位健康愉快
作者: smallfoothk    時間: 12-1-6 09:20

本帖最後由 smallfoothk 於 12-1-6 09:24 編輯

可能不是一間,他講述名店"優點"......以下是張堅庭談及教育問題,這個慈父突變憤怒中年,他三個子女均就讀漢基國際學校。他激動地說:“教育是社會的本錢,我是最緊張的。我非常非常不滿香港的教育,但幸好我仍有能力去選擇。”

“國際學校的功課不多,不用家長做衰人,鼓勵孩子去觀察、探索世界,培養閱讀興趣。學校叫學生每日不應做多於25分鐘的功課,13年來我跟進大仔做功課的時間不多於10小時。香港的教育不鼓勵小朋友分析,法律保護兒童不受虐待,但要他們做幾個小時功課就跟犯罪差不多。”

你讀了這麼多年書,用得翻的10%也沒有,社會也欠缺創意。

“資源應該掌握在學校本身,而不是在官員的手中,直資就是如此。教育官員也讓自己的子女讀國際學校,為何我不自己爭取選擇權?”

"老師要班與班鬥乖,每班4個班長專摘名,轉堂時個個要低頭伏在桌上,我兒想看看手冊的時間表下一堂是什麼科,都被摘名;小息從來不准落操場,在走廊走動又有風紀摘名"........想知是邊間名店"優點"???
作者: hugub    時間: 12-1-6 09:20

我覺得係PC
作者: JadeW    時間: 12-1-6 09:57

會吾會DX呀
作者: bbJP    時間: 12-1-6 10:01

paulmaryschool 發表於 12-1-6 02:28
不論文章所指是那間名校,我們做家長如想真的為仔女好,唔好麻目要出名學校. 有d新學校或改革過的傳统學,教学 ...

問題係,如果係大家估果間,佢係標榜愉快學習,但係實際就狂谷,連d咩咩咩比賽都狂操.
家長送子女入學前,比學校"理念"欺騙了!!

作者: nofrills    時間: 12-1-6 10:22

香港有多少所百年老校小學、有男孩、校長強調快樂學習?答案呼之欲出:

    英華書院(1818年)
    聖保羅書院(1851年)
    拔萃男書院(1869年)
    聖若瑟書院(1875年)

資料:香港補助學校議會

作者: NKpa    時間: 12-1-6 10:23

請恁深一層,怎樣做到愉快學習?

如果要遷就全級能力最低的同學,將程度改到好低,大家一百分,少數八十分,大家係唔係好輕鬆愉快呢?或者不測少考,大家一條龍到中學畢業,然後各安天命,咁就愉快呢?

如果有心入校隊代表學校比賽,但係不認真操練,柴娃娃表演了事,參賽的意義係邊度?

咁既學校會培養物心態既學生,係唔係心目中的向往的學校?
作者: jeremyphlam    時間: 12-1-6 10:26

pamelaywy 發表於 12-1-5 19:51
我都係諗到YX,因為宣傳時校長強調快樂學習,另外Y記呢幾年管弦樂團好積極,幾乎人人要入隊,我朋友兩母子 ...

就我所見的英華仔,絕非人人入樂團,根本係想入都未必到你。學校教與考的也是合理程度,囝囝和所認識的同學仔每天一小時左右已可完成功課,回校見到的都是笑臉。你朋友可能真的是和學校唔夾啦。

作者: mmpong    時間: 12-1-6 10:30

本帖最後由 mmpong 於 12-1-6 10:31 編輯

其實有無現任學校家長上來分享吓, 你地見到的現況係咪真係咁樣?
作者: NKpa    時間: 12-1-6 10:35

有付出、有努力、有收穫,算唔算快樂學習?

有付出、有努力、無收穫,有挫折感,但只要及格便不影響升學,可唔可以接受?算唔算人生小磨練?

如果家長要逼小朋友計較三幾分(91同99的分別),要逼小朋友比同學高分,咁係自己取態問題。
作者: Chansautung    時間: 12-1-6 10:46

提示: 作者被禁止或刪除 內容自動屏蔽
作者: Chansautung    時間: 12-1-6 10:51

提示: 作者被禁止或刪除 內容自動屏蔽
作者: 人地既阿媽    時間: 12-1-6 10:58

chongnicole 發表於 12-1-5 19:12
而家d學校係谷得好得人驚,好多朋友家長話:「我地以前都係咁啦!」

No, 我地以前邊有K2讀P1、K3讀P2書玩 ...

係呀, 好多家長明知某些"名校"又谷又辛苦,但為左個"名份" 都千方百計要仔女入到該些"名校",以一句「我地以前都係咁啦!」來合理化。我自己係名津校畢業,小學時,老師惡,學校嚴,功課默書考試測驗都多籮籮。不過果時係返半日班,學校又無"強迫"一體一藝,又唔洗上好多興趣班,所以日日都有時間玩同睇電視。所以同似宜家D小朋友相比,真係輕鬆好多。我諗理念一套,實際推行卻是另一套的學校有好多間,真無奈!


作者: pamelaywy    時間: 12-1-6 11:01

回復 hugub 的帖子

一定唔係PC,除了符合百年老校,其他都不符。PC暫時都未要求一人一樂器(換左新校長後會唔會就唔知),另外PC從未試過用校隊名義參加音樂節(個人名義參加鋼琴小提琴就有)
作者: mscmit    時間: 12-1-6 11:04

一生一樂器,同搬咗去黃竹坑嗰間好吻合。我細路幼稚園個舊同學入咗呢間,都係要一生一樂器,此外,由於都係谷成績,谷到連家長都覺得辛苦,佢哋已決定安排第二個細路入另一間,唔入呢間,免得雙重痛苦。
作者: interview    時間: 12-1-6 11:17

SPCC 可以落操場玩ga
每班有兩個班長

一人一樂器好多學校都係啦
作者: unknown    時間: 12-1-6 11:36

我的孩子在這間学校就讀,我的看法是: 学校是强調開心学習,但從沒說過輕鬆,直到現在,我兒子仍十分喜歡上学,這點好重要。
  
打從第一天,学校已强調家校合作,所以入得去家長真的要有準備。這點我就一早預咗要配合孩子。

功課量多少完全睇下小朋友能力,我個仔做功課要花多些時間(一小時以上),但也有好多同学好快做完。  他的同學還参與好多興趣班。

我個仔屬成績不太好的一群,但我從沒將他和別人比較。  我只要求他及格及有進步就OK,縱使只是一丁點...! 但的而且確,他告訴我有些同学会比較分數,也有同学沒取得九十分就被家長打鬧,我從來不会這樣做,所以我個仔在這方面沒有壓力。

至於老師惡,也真的有些老師較惡(我想間間都有惡人啊!)。  記得我個仔試過被老師鬧得好勁(因某次quiz不及格,我和老公立刻联絡班主任及該老師反映,学校給我的感筧是積極及有跟進的,也很快作出回應及改善。  當時我這樣做,有人問我怕不怕被秋後算帳及兒子被針對,我告訴他們如有這情況出現,我毫不猶疑会轉校,不会戀棧名校生的虛名!  最後,我個仔當然沒被針對,上学也很開心!

至於一生一樂器,好多学校都有的!  

而樂团指揮是很有要求及很嚴格,但不是無理的要求。 学生在他指導下真的進步神速,我所見的学生大部份也很開心作為樂团一份子。  音樂老師也好愛錫及關懷学生。  操練是頗密的,但一分耕耘一分收獲,我孩子也明白這道理,從沒怨言。  明白這個道理對孩子的成長是十分重要的!!!

如果孩子真的因這樣要看心理医生,就應考慮轉校了。  因為影响深遠啊!
作者: HaYi    時間: 12-1-6 11:55

我估是 SPB .. 因為要守rules..

作者: winnietingting    時間: 12-1-6 11:59

回復 unknown 的帖子

我剩係唔想小朋友變成一部讀書機器,亳無快樂可言。
我更不想變成幫兇壓迫小朋友。
作者: JoshuaN    時間: 12-1-6 12:18

回復 unknown 的帖子

Hi unknown, pls check PM, thanks !!
作者: joeyxlma    時間: 12-1-6 12:27

好難估, 不過可以分析一下hints :

1. 百年名校 - 有時話"百年名校"可能只是指"老牌", 未必有鈿心數過, 所以歷史長如 apx, ktx 等都有可能

2. 一人一樂器 - 這個hint較大, 就是家長誇張了不是小三一定入校隊云云, 學校一定出名好看重樂器.  

3. 強調愉快學習 - 這個hint不算很大, 但最少是有簡介會的或者有推廣的.

4. 小息安排/四個班長 - 這有一定的參考價值, 因為好specific 不像胡吹, 尤其是校舍細小的更有可能. 不過文中或有以篇蓋全的可能, 即是可能只是某一段時間、某一些年級甚至班別如此, 畢竟如果一直都是如此嚴格, 精靈的kb家長怎會不報料? 早就該街知巷聞了吧?

5. 有男仔 - 當然是hard fact 了, 除非筆者故意男女顛倒混淆視聽.

當然, 分析之後不會有確切知道答案, 不過是不是可以用"排除法"把你自己擔心的那一間"掛除"出去?
作者: NKpa    時間: 12-1-6 12:30

回復 unknown 的帖子

多謝分享。

問問你意見,怎樣的學校會教出讀書機器,怎樣的學校會教出讀書人?

又,怎樣的家長會成為扼殺孩子學習興趣的主謀或者幫凶?

作者: HAW    時間: 12-1-6 13:45

其實邊間學校唔重要, 因為根本不用理會. 投訴的不是名校媽媽, 是怪獸媽媽.  小一生5-6歲, 15分鐘小息放佢落操場? 到時媽媽又投訴個仔無時間去廁所啦(因為去咗玩), 上堂返唔切課室啦, 操場人多撞倒啦等等. 小一生規矩唔嚴? 點控制班超級頑皮的男孩? 你問你做媽媽有無發惡鬧你自己個仔先啦.  轉堂伏係台又唔係罰你企, 咁都唔得? 學校有其他好多獎勵給同學, 又貼紙, 又文具, 又閃咭.  有賞有罸.  如果個仔剩係比人罰,  可能應先譣討自己.

我絕不相信學校能强迫學生参加樂團或校隊, 如果學生本身唔開心都可以攞咁多好成績, 唔怪得咁多人爭.

聰明孩子都要做功課到 9, 11點? 其他學生咪要做通宵?  TSA 又關學校事?  一條龍如果唔係包尾一樣讀12年.  家長自己迫到個仔睇心理醫生, 唔好瀨學校. 可能係媽媽睇心理醫生.  張導演寫這遍嘢唔知有無用腦.




作者: yeesumyin    時間: 12-1-6 13:47

HaYi 發表於 12-1-6 11:55
我估是 SPB .. 因為要守rules..

唔會係SPB, 雖然要守rules, 不過佢地每班得兩個班長, 小息有 prefect 不過小朋友可以去操場玩又可以去library架! 仲有故事爸爸媽媽講故事聽.
作者: kochiman2004    時間: 12-1-6 13:48

nofrills 發表於 12-1-6 10:22
香港有多少所百年老校小學、有男孩、校長強調快樂學習?答案呼之欲出:

    英華書院(1818年)

Information only:

英華書院(1818年) <= 2 ~ 4 class monitors
聖保羅書院(1851年)<= only 2 class montiors
拔萃男書院(1869年)<= only 2 class monitors
聖若瑟書院(1875年)<= only 2 class monitors


作者: sheffield    時間: 12-1-6 14:13

唉,比你估仲又如何??收左你諸亞仔,你會唔會唔唔比亞仔讀…

作者: jeremyphlam    時間: 12-1-6 14:19

kochiman2004 發表於 12-1-6 13:48
Information only:

英華書院(1818年)

四個班長的目的並不是用來摘名,是要增加每位學生參與班務的機會,還有IT長、圖書館長等等,人人有份。這是學校盡量避免出現隱形學生的理念。
作者: smallfoothk    時間: 12-1-6 14:24

回復 sheffield 的帖子

能知道哪間,如知道有小朋友又乖又聰明又有天份,一定介紹佢報讀
作者: Era    時間: 12-1-6 14:30

我諗係邊間學校都唔係好重要,最緊要就係個小朋友適合間學校,例如囝囝學校都係班同班之間既操行比賽,佢好興奮架,日日返來報俾我知佢地班既分係點,咁佢咪好愉快囉.但係我諗如果個小朋友覺得咁樣都比賽,佢唔想配合,仍然想做自己想做既野,咁咪冇辦法愉快學習囉.
又例如個小朋友本身個程度同學校既配合,咁學校教既野,佢好快就做得好功課,應付測考自如,咁呢D咪又係可以愉快學習囉.但係俾著一個唔適合程度既小朋友去讀,又點會愉快喎.
學校教深幾多都唔代表係谷既,學生有咁既能力,讀得輕鬆,又點會係叫谷呢?我相信全香港冇可能間間學校都係教同一深度既野就係一件好事囉.唔同既人係要配合唔同既學校既.
只不過家長既心態就多數都係覺得,學校教深D,自己個小朋友一定學到多D,先可以唔會跑贏過人,就算呢一刻係辛苦,都有可能有日開竅,咁先會令到呢類程度較高既學校咁多人追捧啫.

作者: ilj    時間: 12-1-6 14:30

提示: 作者被禁止或刪除 內容自動屏蔽
作者: 人地既阿媽    時間: 12-1-6 14:32

smallfoothk 發表於 12-1-6 14:24
回復 sheffield 的帖子

能知道哪間,如知道有小朋友又乖又聰明又有天份,一定介紹佢報讀 ...

你好幽默呀,哈哈哈!
作者: sheffield    時間: 12-1-6 15:22

其實都唔知文章裡所說的是否100%準確,又或者規舉只是apply係某事件/時段上…每間學校都有人返得開心,返得輕鬆,有人返得唔開心,什至最終要withdraw....
現今的香港,就算唔係名校,都一樣有拔尖補底…咁咪又係一樣要谷…有時入所謂的名校,不一定係因為成績,也可能係因為該校的品德教育,有錢人不一定教到乖孩子,但某程度上能入私校,DDS等的,家庭背景都比較好,父母都比較緊張小朋友操行…
其實最緊要係父母要知道自己小朋友的能力和性格,是否適合某種學校的教法。就是進了去而發現有問題,都願意離場,不勉強…
雖說有能力選擇的可以去讀國際學校,國際學校又是否解缺了所有問題?國際學校係唔谷,但同時亦有其問題。香港有好多有能力負擔國際學校的,但都不選讀國際國校…
作者: 小曳人    時間: 12-1-6 15:42

本帖最後由 小曳人 於 12-1-6 15:43 編輯

我自己親人都有入去初時成績唔錯,但越讀越唔開心,小3轉咗校
小朋友媽媽講:入學時,校長強調愉快學習,所以俾小朋友去讀,但越讀越唔開心...比想像中傳統得多!



作者: twobirds    時間: 12-1-6 15:51

我對這文章的睇法是  " 一家之辭"; 可參考, 但不能套在每個不同的家庭和學生身上.  
作者: ysnmama    時間: 12-1-6 16:04

人家也是以自身感受去說出自己經歷. 當然一定有人仍讀得非常開心. 可能亦有唔少有共鳴的人. 只是有些選擇沉默面對. 總之名與不名的學校. 也有正反兩面. 面對不來. 有苦自己知. 只是可以讓更多人瞭解入學前. 不要一窩蜂被動聽的說話吸引. 一定要有心理準備.
作者: ha8mo    時間: 12-1-6 16:21

提示: 作者被禁止或刪除 內容自動屏蔽
作者: Glau    時間: 12-1-6 16:58

只可以講不同既學校, 不同既家長, 不同既學生, 有不同的感受.
作者: ha8mo    時間: 12-1-6 17:02

提示: 作者被禁止或刪除 內容自動屏蔽
作者: daisy17772    時間: 12-1-6 17:09

本帖最後由 daisy17772 於 12-1-6 18:46 編輯

我記得09年去黃竹坑一大名校聽 小一 admission briefing, 當時校長都話ku地是愉快學習la (我好 sure 當時校長講過, 我是有點 unexpected, 但她沒有特別強調, 只是輕輕提過).  其實黃竹坑一大名校  校   都常提到,家長沒有必要送學生去補習, ku話學校ge教師有能力教明學生.  但現實又是另一回事.  可能學校ge校長都有自己的一套理解和意向, 但事實到底都有差距 law.
作者: ha8mo    時間: 12-1-6 17:18

提示: 作者被禁止或刪除 內容自動屏蔽
作者: ilj    時間: 12-1-6 17:36

提示: 作者被禁止或刪除 內容自動屏蔽
作者: unknown    時間: 12-1-6 21:23

本帖最後由 unknown 於 12-1-6 21:24 編輯

回復 NKpa 的帖子

不敢說甚麼意見,但我個人有以下看法(純屬個人看法):


1.怎樣的學校會教出讀書機器?- 只着重操練背讀而不求思維上的啟法

2.怎樣的學校會教出讀書人?- 能令学生喜歡上学、喜歡閱讀及追求知識的学校

3. 怎樣的家長會成為扼殺孩子學習興趣的主謀或者幫凶?
     - 只求分數、喜歡拿孩子和別人比較的家長,他們都忽略了每個孩子是獨一無異的個體,而這些行為絕對影响孩子對學習的興趣。



作者: fanwong29    時間: 12-1-6 22:01

如果"愉快學習"是指小息/自由行要落操場玩,無班長/風紀摘名,無須要操卷做練習,樂器自由决定可以唔學/不參加,考試/測驗最好無,如果有到唔好計分,由朝玩到放學,玩足12年就最愉快學習,我相信這幾間百年老校都一定不是"愉快學習",
作者: ANNAFRIEND    時間: 12-1-6 22:31

bbJP 發表於 12-1-5 19:01
which one?? Is that YW?? hints pls???

我都係諗呢間喎!
作者: 786    時間: 12-1-6 23:21

回復 ha8mo 的帖子

ha8mo,

畀D資料你.....

英華書院一開始是有英華小學的. 英華小學後來在196X年停辦(我地好多人都未出世), 彩虹村基華小學接收了它的師生.
英華書院從九龍塘搬去大D既深水涉地皮.
吉左既九龍塘地皮, 為了感謝而畀返彩虹村基華小學下午班用, 成為今日既基華小學九龍塘.
所以基華小學九龍塘意義上是舊英華小學.
呢段歷史在基華小學九龍塘校門有牌石刻好清楚.

後來, 英華書院在2008年跟另一所深水涉津校結龍, 改名變成英華小學. 意義上就是新英華小學.  
再後來, 英華覺得深水涉津校收生欠理想. 搵左協恩林校長, 把它改造, 成為直資; 又叫D老師影D好似名補習社既相去"宣傳".

咁DBSPS 新小拔係唔係老校? 佢都係200X年先開. 但舊小拔已有50多年歷史.

勿論這篇文章是否論英華, 英華的確是香港最長歷史的學校之一.

作者: J_D74    時間: 12-1-6 23:38

smallfoothk 發表於 12-1-6 09:20
可能不是一間,他講述名店"優點"......以下是張堅庭談及教育問題,這個慈父突變憤怒中年,他三個子女均就讀 ...

好BUY, 好BUY, 不過.........
1) 若讀唔起國際學校, 只可以繼續玩香港式的教育遊戲~~~~
2) 我地負擔得起, 但我家的是女兒家, 外子不喜歡國際學校的趨熟劑~~~~

作者: myhappyfamily    時間: 12-1-7 00:05

本帖最後由 myhappyfamily 於 12-1-7 00:07 編輯

絕對係講緊yw 小學,超過百年, 一生一體藝.  記得入學時 snoopy仲話求學一定求分數.

作者: chongnicole    時間: 12-1-7 00:13

國際學校確實係愉快學習好多,但就算吳講錢,國際學校亦有校風、中文吳得等問題, 同埋你接吳接受到下一代可能無曬你的heritage。

朋友聽過張學x的一個訪問,佢話好後悔比兩個女讀德x。兩個女完全吳講廣東話,佢英文又麻麻, 親子有障礙。佢係King of canton pop,但下一代對他做的野一d都吳理解同無興趣...都係遺憾
作者: freeman108    時間: 12-1-7 00:29

本帖最後由 freeman108 於 12-1-7 00:30 編輯

回復 sheffield 的帖子

同意, 其實選擇學校我會以學風為最主要考慮因數, 同學朋輩對小朋友實在太重要, 至於成績及快樂都會因人以已, 要上過學返常才知。
作者: NKpa    時間: 12-1-7 01:14

回復 unknown 的帖子

unknown

多謝你回應。

很同意你看法,讀書人是有種素質--愛學問,愛思考;有知識、明是非之餘,也有道德勇氣:不作假、敢說真話、肯捍衛公義。

小兒是YW學生,他喜歡學校。

他成績一般,明白學校對學生有要求,他對自己也有要求。他關心自己的成績,卻不去跟同學比高下。
他積極參加課外活動,為比賽努力鍛鍊,目的是追求卓越,若有幸為校爭光,亦與有榮焉。
團隊老師要求是嚴格的,做不好挨罵早有心理準備,罵得有理也心服。

他說所遇到的老師是關心同學的。不是關心分數,是關心他們的成長、做人的態度,是肯支持、肯給予機會給同學。

學校的程度是按年級整體能力調節。直資生的課程,尤其在英文,是比以往高的。他說不感到吃力。他不怕挑戰,學校教他們擁抱挑戰。

學校是刻意培養學生閱讀興趣,例如撥出課堂時間讓他們閱讀,獎勵他們課外閱讀,但都本於自願,不會反映在成績表上而造成壓力。

他很忙,但沒有被嚇怕了讀書,沒有很緊張為考試操練,也從沒有補習過。但作為父母,我們要每天去查看他的手冊,去簽他的默書和測驗,亦十分了解他的學業程度。

個人分享,算反映一些事實吧。

作者: cornelius    時間: 12-1-7 02:40

本帖最後由 cornelius 於 12-1-7 03:24 編輯

作為英X小學家長,讓我也分享點滴。

孩子是個小一生,上學才幾個月,但一向喜愛上學,就是經過了第一次評估及現時正在考試中,他也是說喜歡。似乎他懂得這是他的責任(按:別家小學頭幾年可能還未需要考試)。校長也常常鼓勵學生,像前幾天小兒收到校長的回信(一張卡),校長也不忘激勵小兒加油及擁抱挑戰,對小孩而言,確實非常真實和具體。

音樂方面,小兒也非常享受學習鋼琴及另外一種樂器,因我們沒有給予他壓力,由得他按他的進度去享受、學習,學校暫時亦沒有給予任何壓力。

功課的數量,其實與官津學校的相比也許差不多,亦不會是抄寫、背誦那種。默書方面,除了課文範圍外,會增添所為"Fun Dictation",就是事先給了一主題(例如衣服種類或學校裏的東西),在三分鐘內任寫,以每個/組字詞多兩分計算,有次他拿了140多分滿心高興回來呢。

雖然功課、活動俱忙,小兒仍喜歡閱讀(在校或在家均是)。這數星期以來我們一起"追"一本英文書,每晚一個Chapter(其實他之前自己以讀了一遍,但因他喜愛那書的關係,他想我跟他一起讀)。上星期有一晚,我讀到pandemonium這字時,我語結了,而他竟替我讀了,我隱藏我的驚訝時問他如何懂這字,他說是上NET老師堂時學會的,我問他這字的意思,他說是big noise。我在看書中前文後理,這樣解釋也挺通順。所以我覺得學校的NET課堂是辦得不錯的。

眼見孩子每天享受和喜愛上學,夫復何求呢?
作者: Lulu0820    時間: 12-1-7 09:54

其實點解一定要指出係邊間學校?講真一間小學幾百至上千人,梗有人適合有人唔適合,選擇自己覺得適合孩子既就可以,別人對學校既評價只可以參考,選學校同選老公一樣,外表更吸引,唔親身試過都唔知洗唔洗離婚!有D一兩年就知物事,有D可能相對一世先知錯,畢竟條路都係要自己去行!

個人意見,不喜勿插!
作者: SCKnight    時間: 12-1-7 10:27

其實學校同小朋友嘅關系好似男女朋友,都要睇夾唔夾。如果一個願打,一個願捱,好難用自己嘅標准去衡量。喺某人眼中嘅臭狐,喺第二啲人嘅眼中可能係香氣。
咁如果臭狐變毒氣,做家長就應該要帶小朋友撤退。不過當局者迷,當毒氣變成The K in my eye,家長索上隱,則另作別論。
(我都喺度索緊

作者: smallfoothk    時間: 12-1-7 10:28

本帖最後由 smallfoothk 於 12-1-7 10:34 編輯

不如咁講,是張先生個人多年前的經歷,老師有D和藹可親,有D嚴厲,現英x小學家長講孩子都ok,想一知中學部是否同一個校長?學習都改變了?有否教師出來講佢地學校有相同地方?
作者: fanwong29    時間: 12-1-7 11:04

本帖最後由 fanwong29 於 12-1-7 11:31 編輯

小兒也是就讀[百年老校]其中一間(YW),可分享小兒在學校的學習生活,每天早上,我們都是送兒子上學,到了學校,小兒總是帶着笑臉回校,我看得出他很喜歡這學校,每週學校會設有早操/早會,我本人亦層觀賞過他們的早會,真是十分開心。
每年學校都會設計不同的主題,今年是"阿拉斯加"為題,在校內大堂擺設了一隻各叫(阿拉斯加蛋),給各級學生觀賞,還需學生要搜集一d關於這題目的資料/書藉,做幾篇相關的閱讀報告,小兒都非常之投入參與,從而得到歡樂。
學校是需要每位學生起碼要學一種樂器(除鋼琴),小兒揀選咗小提琴,學校亦無規定要在學校學,我便為兒子在外邊學,時間可分配適合自己,已學了幾個月,看他對樂器都有基本的掌握,應可繼續下去。
我曾經問過他:「老師們惡唔惡?」,他話有時都會,都因為我哋傾偈好噪或者排隊行到斜哂啊!我立即想起他有兩次受罰都是這原因,但之後近排已發覺有所改善,我明白到父母惡未必會聽,老師惡先可得到改善。
小息時侯是不準落操場,因衹得15分鐘,但可以去洗手間,吃點零食,孩子最鍾意就去圖書館借書/還書,佢哋真是很喜歡看書。到了午飯時,如已完膳可有自由行,他說可落有蓋操場,打保齡,打康樂棋或去圖書館睇書。
學校的家課通常約1小時可完成,我覺得到不是太淺,但他也可自己明白完成,因此為配合學校的程度,我都有去書局給他一點補充練習。
今年小兒亦有參加校際朗誦,須然未有什麼獎,但他都十分享受,我們都明白各式各樣的比賽,都需要時間訓練和給受經驗的,相信有好表現的同學已付出不少努力。
現在正進行上學期考試,早前已完成校內的評估測驗,須然升小學都是幾個月,但他對各種默書,測驗/考試也當作學習過程需要,我們都不想給他太多壓力,順其自然温習就可。
我覺得經過校方的面試挑選,每位學生的程度是相約的,我們做家長的;首先要認同自己所選學校,對校方有信心,家校配合,世上事情不可樣樣都可達至完善,但在這刻我們是愉快和懷着感恩的心情。
作者: smallfoothk    時間: 12-1-7 11:27

不一定是百年老校,有其"優點',有一次經過band 1中band 1私校,午飯時間,只見大約有10個小學生在操場玩,其學習風氛相信十分濃厚,大家都不想浪費一分一秒,咁好學校一定要介紹給家長.
作者: silvia_ng    時間: 12-1-7 11:38

其實果位媽媽咁唔滿意, 點解仲可以比小朋友讀到3年級而唔轉自己心水既"愉快學習"既學校呢?

又要complain, 又要做"名校媽"...為乜? 難道行出黎真係威d?
咪咁膚淺啦....
作者: fanwong29    時間: 12-1-7 13:10

silvia_ng 發表於 12-1-7 11:38
其實果位媽媽咁唔滿意, 點解仲可以比小朋友讀到3年級而唔轉自己心水既"愉快學習"既學校呢?

又要complain,  ...

"愉快"這個詞語,或者她有所誤解,包含意思好多,分別可解;愉快,開心,快樂,滿意,滿足,豐富,喜歡,歡喜或輕鬆等等。
"學習"也可解釋為;學習,研究,教導,培訓,預習,獲取知識,填滿或修訂等等。
如果把"愉快學習"單看成得一種意思;輕鬆快樂地獲取知識來看,要無壓力,無責罰,無比較,無責任,無付出,無承擔,甚至翹住手直升讀12年(一條龍),就是最好嗎?
是真的這樣,我們的孩子的未來會是怎樣的?
共勉之。



作者: thomasha    時間: 12-1-7 15:48

本帖最後由 thomasha 於 12-1-7 15:58 編輯

小兒也是今年的英華一年級學生,他很喜歡上學,更多次強調他在小學上課比在幼稚園上課更喜愛。他很留心老師上課。雖然他起初也說過老師頗惡,甚至有一位老師在課堂上懲罰了他,但他不但沒有討厭這位老師(當然要經過我們輔導啦),反而已成為他最喜愛的老師。

樂器方面,我們沒有給他壓力,主要是按時間安排和他的進度進行,當然我們也會盡量配合老師的要求。至今為止,老師的要求亦頗合理,沒有給孩子太大的壓力。

我們替兒子參加了少量比賽,其中一些是老師挑選的,另一些是自行報名的,都是平常他較熟識的項目,我們會要求他多加練習,而他知道是比賽亦會努力一點,就算沒有取得任何獎項,校方或我們也沒有怪責他,我們知道他已盡力。英華的其中一句格言是:"Winning is not everything, but the effort is"。這句話是我們常勉勵孩子的說話,亦是他努力的動力。

其他的事,fanwong兄和cornelius兄已提及,不用補充了。^_^
作者: thomasha    時間: 12-1-7 15:57

補充一點,學校是賞罰分明的,乖或表現好的小朋友會有貼紙,甚至會寫在家課冊內,頑皮的行為也會比老師責罰,及與家長溝通。老師給我們感覺是不單對教學有熱誠,亦很關心孩子的成長。
作者: paulmaryschool    時間: 12-1-7 16:40

回復 silvia_ng 的帖子

Silvia_ng - spot on!  The kid is obviously smart enough to get into a less pressurized school so they do have a choice. They parent simply did not want to give up the 名校 status. Hope she will step back and think about what is best for her kid instead of complaining.
作者: victorf    時間: 12-1-7 22:29

本帖最後由 victorf 於 12-1-8 01:01 編輯

我個仔(佢亦個間都算係百年老校,又真係有4個class captain...)話佢覺得小息去PLAYGROUND好悶,佢情願去圖書館....
有時我地大人覺得小朋友咁咁咁就叫愉快,其實小朋友有自己享受既方法的...

再講所謂“一生一體藝”,連屋村小學都行緊,已不再是“名校”獨門秘方啦...
作者: Oscarmom    時間: 12-1-8 18:18

我仔都係YW二年級學生,我都忍唔住想發表小小意見。我仔由一年級開始已經好鐘意返學,老師雖然有時小朋友曵會惡小小,但我個仔完全唔覺老師唔好喎,賞罰分明,仲成日送貼紙和寫鼓勵説話在手冊內。有時我問個仔最鐘意邊個老師佢一定講個個都咁鐘意。仲有班長個個都有機會做有時係同學選,高票數嗰啲小朋友做。一年二測二考,除了臨近考試,否則每星期日都係郊遊日。功課每天大約一至一個半小時可完成,有好多時學校老師教完做埋返嚟,老師真係教書既。我仔唔係樂團所以唔太清楚不過學校真係好好,比好多機會小朋友,我仔都啱啱 入了學校的藍球預備校隊,等佢可以培養吓運動方面的興趣。另外,我想提一提,校長真係好錫啲小朋友,成日同佢地傾計仲有信必回,所以我個仔好鐘意寫信比佢。總之一句:感謝天主讓我的小朋友在YW讀書。
作者: smallfoothk    時間: 12-1-8 21:46

本人純粹路過,看到很多這所學校的家長,突然有感而發,名校讀得吃力;"難頂 名校 海峰大女轉漢基"
話大囡係升名校F.1 , 話以前用2hrs做功課, 升F.1後用4Hrs, 加埋補習+樂器, 晚晚12點先瞓, 冇晒親子時間,  決定轉校  .
作者: GIPW    時間: 12-1-8 23:04

Thanks for the sharing of the YW parents.  Actually, I am not quite interested to find out which school is this.  

From the above postings, I think the message that I have got is YW is a school with standard - 是一間有要求的學校。 只要小朋友不覺得辛苦+父母適當的指導,小明友都應該很容易應付。


作者: smallfoothk    時間: 12-1-8 23:18

本帖最後由 smallfoothk 於 12-1-8 23:39 編輯

你好幽默呀, but not 做家長就應該要帶小朋友撤退. pls。不喜勿插!
作者: GIPW    時間: 12-1-9 15:35

Actually I am miserable as well not over YW, it is how we should educate our kids.  國際學校 - freedom , not so much stress, outspoken , 本地 - comparatively more stress, more work, need to work under pressure.

When they grow up , who are their competitors? Mainland Chinese, 海龜派 ?  
I sometimes got lost what kind of learning attitude do I want them to end up to ?
默默耕耘 , 努力工作 - your effort will be recognized and be paid off   OR
急,快 做隻牛是冇用 最重要是一把口 , let others do the 'dirty' job

作者: chongnicole    時間: 12-1-9 15:51

最大的問題係:你谷小朋友谷到天怒人怨,但得到的教育成果是什麼?
除了少數名校生,就係中文、英文都吳得,一個不快樂童年,兼無學習initiatives。

作者: fanwong29    時間: 12-1-9 16:36

本帖最後由 fanwong29 於 12-1-9 17:49 編輯

When your children are reading in the school level and extent of child almost,will reduce the pressure of students and easier to understand. On the contrary student achievement and school have a more remote degree, will become parents and students the burden and pressure. As more and more difficult in the school taught in the future days to work harder.

作者: GIPW    時間: 12-1-9 17:20

I like the word of " more remote degree". I sometimes 想多了 like what if within the next 20 years most of the fortune 500 companies are Chinese base ?  My friend also says I am thinking too much.
傻了.




歡迎光臨 教育王國 (/) Powered by Discuz! X1.5