教育王國
標題: 星級爸爸﹕名校媽媽大控訴 [打印本頁]
作者: mmpong 時間: 12-1-5 18:04 標題: 星級爸爸﹕名校媽媽大控訴
http://happypama.mingpao.com/cfm/relation3.cfm?File=20120104/celb/os5.txt
文章日期：2012年1月4日
【明報專訊】幾星期前寫了《快樂紅利》和《快樂學習》兩篇文章，談快樂和成功的密切關係。一間百年老校的家長看了很感觸，來信反映事實的殘酷。她說宣傳時校長強調快樂學習，上學後卻要學習苦中作樂，把一名小朋友的上學熱情消磨殆盡，部分摘錄如下﹕
「兒子入讀小一後，發覺完全是另一回事，骨子裏原來是傳統講求校內外成績的小學。規矩好嚴，許多老師經常好惡鬧學生，常罰午飯後冇得出班房自由行。老師要班與班鬥乖，每班4個班長專摘名，轉堂時個個要低頭伏在桌上，我兒想看看手冊的時間表下一堂是什麼科，都被摘名；小息從來不准落操場，在走廊走動又有風紀摘名，三年下來，小兒性格變得退縮，冇自信。
小三開學，中文科9月已經日日有堂課或家課，都是做TSA卷，TSA閱讀理解又限時又艱深，做到8歲孩子對中文冇興趣！學校規定一人一樂器，唔理你有冇興趣。小三仲要參加校隊，放長假日日返去操練，阿仔形容音樂老師和指揮常常鬧交又好惡，結果取得校際音樂節獎項，但賠上愉快的學校生活。同學間充滿競爭比較的心理，怕輸，同情和友愛心淡薄。阿仔小三下學期變得抑鬱，自覺冇用，仲要看心理學家。
現時全港小學都是全日制，孩子6時多起趕上學，下午3時多放課，還有十樣八樣功課等住做，手腳慢，加上冇精神，功課做到9點、11點。這個教育局搞出來的中英數TSA考試，除了小三，還在小五、六等折磨孩子的心智和精神！想當年我讀小學時半日制，功課唔深又唔多，只有小六的『學能測驗』考推理能力，後來都被詬病而廢除。年代雖然不同，其實一日同樣得24小時， 小孩天性冇變，點解而家香港的教育制度會咁樣『進化』﹕加長上課時間，加多公開考試，小小年紀應付連年全港考試，令小學生要咁追趕時間、咁緊張？輕鬆愉快童年就這樣扼殺了！考試和操練沒有令孩子聰明，反而令真正聰明的孩子充滿挫折。考試制度只會培養功利和緊張氛圍。香港九成多的學生冇錢，上不了國際學校，逃不過這種教育制度，唯望各教育人員和當局局長『幼吾幼以及人之幼』。」
競爭到底 或完全放棄
這只是冰山一角，這個家長算有觀點且夠膽指出問題，大部分名校家長已患上「名校斯德哥爾摩症候群」，即被學校的名聲騎劫，不單不敢提異議，反而覺得學校不夠嚴格。
我從不同校區的家長得出一結論，學校要不就「谷」，谷成績、谷分數，總之98分和97分比較，98是勝利，97是失敗；要不就「縮」，把考試成績不好的撒手不管，當校方也認為不會考試就是人生失敗的開始時，誰會和失敗為伍呢！
新年新開始，我期望新特首要增加教育資源，但不要把資源放到官員手裏，你給他錢玩，他不能不玩；你給他權，他不能不行使。
我工作拍檔的室友是老師，她清晨在桌上哭泣，因為按教育局的進度，她肯定完成不了，因學生也完成不了，而最後只能忍心下功課的指令，先把責任卸給家長，愈名牌，家長愈不敢發難，只能往下壓，孩子受不了的跳樓，甚至會說「不明白父母為什麼生他下來受苦」的不堪話。
新年不許迎來舊痛。
和家長們互勉。
張堅庭
（著名導演，愛家爸爸，育有3名兒女）
作者: maylam2022 時間: 12-11-16 20:15 標題: 回覆：mmpong 的帖子
現今孩子及家長正是受害的一群，但也無奈！
作者: sze8 時間: 12-11-16 20:22
男拔 or 聖士提反?
作者: helenli 時間: 12-11-16 20:41 標題: 回覆：sze8 的帖子
是英華。
作者: sze8 時間: 12-11-16 21:02
英華出晒名谷到顛。
作者: sp3014 時間: 12-11-16 21:16 標題: 回覆：星級爸爸﹕名校媽媽大控訴
做父母是一個當局者，又有幾多個做到旁觀者清呢?
作者: bbb330 時間: 12-11-16 21:21
講出事實的真相
作者: Mayandrew 時間: 12-11-16 21:23 標題: 回覆：星級爸爸﹕名校媽媽大控訴
Cheung used to tell the cons of traditional stream schools (but what's the solution then) and he still needed to follow the "usual practice" to send his sons to CIS. He claimed CIS got very good IB score lately but he did not point out many upper years' students were from local famous schools.
作者: Miss.Angela 時間: 12-11-16 21:38 標題: 回覆：星級爸爸﹕名校媽媽大控訴
我知道自己是受不到壓力的人，所以我替仔仔選了一間活動教學的學校，愉快學習令仔仔很有學習動機，充滿自信，老師與學生打成一片，每天也快樂地上課，而且功課量不多，每晚也有閱讀故事書的時間。
作者: ASamSam 時間: 12-11-16 21:47 標題: 引用：英華出晒名谷到顛。
原帖由 sze8 於 12-11-16 發表
英華出晒名谷到顛。
我覺得英華唔算谷。
作者: Parisienne 時間: 12-11-16 21:54
本帖最後由 Parisienne 於 12-11-16 22:51 編輯
好明顯係配錯對，家長有理無理，唔睇子女性格特質只顧名氣。
有人在名校讀得開心有挑戰、有人卻覺得折磨。
有人在無默書測驗的學校感到無方向，有人卻如魚得水，無限發揮，愉快學習也。
難就難在，而家父母要在K2咁細已經看出子女性格來作配對.....
咁，又點可能唔主觀？
作者: woyj 時間: 12-11-16 22:16
咁其他名校好似聖保X同女X有冇D類似既情況？睇其他家長話佢地D學生讀得好開心，唔太谷？
作者: lui 時間: 12-11-16 22:24 標題: 引用：好明顯係配錯對，家長有理無理，唔睇子女性
原帖由 Parisienne 於 12-11-16 發表
好明顯係配錯對，家長有理無理，唔睇子女性格特質只顧名氣。
有人在名校讀得開心有挑戰、有人卻覺得折磨。 ...
作者: mirage 時間: 12-11-16 22:57
普通人有幾多個讀得起漢基，何不食肉黀。
作者: Jane1983 時間: 12-11-16 23:22
吾讀係吾會sure啱吾啱讀，同埋K2就選校，好難知。
不過，家長要識得放手，名校點都吾夠自己小朋友珍貴。頂吾順咪轉校，no big deal。
作者: linushui 時間: 12-11-16 23:38
回復 Jane1983 的帖子
可以睇得甘放, 我到希望做到. 但好喜歡 學校如何都比不上孩子珍貴
作者: ChuChuChat 時間: 12-11-16 23:39 標題: 引用：吾讀係吾會sure啱吾啱讀，同埋K2就選校，好
原帖由 Jane1983 於 12-11-16 發表
吾讀係吾會sure啱吾啱讀，同埋K2就選校，好難知。
不過，家長要識得放手，名校點都吾夠自己小朋友珍貴。頂 ...
作者: 20020116 時間: 12-11-17 00:02
坦白講，呢位媽媽，絕對不是當名校媽媽的料子，先不說能力，一丁點名校媽媽的風範都沒有！
作者: Parisienne 時間: 12-11-17 00:03
lui 發表於 12-11-16 22:24
講真，唔入去讀都唔知適合否！所以配對常出錯
唔適合，情願轉校，長痛不如短痛。
作者: 20020116 時間: 12-11-17 00:11
sze8 發表於 12-11-16 21:02 
英華出晒名谷到顛。
你讀過英華未？何以覺得佢谷到顛？我以過來人的身份覺得佢玩到顛就真！大家試過成級同學分組制造降落傘，當中當然學習一些原理，然後計時一組組從樓上放降落傘到地下，比賽飛得最耐為之勝出。試問香港地有邊間local school可以全校總動員有咁高水平的學習活動？動手又動腦，更重要比細路歌有好難忘的童年經驗！我們已畢業，不在校，但對學校的教育心存感激！
作者: Kinkinling 時間: 12-11-17 01:35 標題: 回覆：20020116 的帖子
作者: momama 時間: 12-11-17 07:53 標題: 引用：+本帖最後由+Parisienne+於+12-11-16+22:51
原帖由 Parisienne 於 12-11-16 發表
本帖最後由 Parisienne 於 12-11-16 22:51 編輯
好明顯係配錯對，家長有理無理，唔睇子女性格特質只顧名 ...
作者: ysnmama 時間: 12-11-17 08:57
谷與不谷，深與淺，很難有標準。每個孩子能力及天資也不同。每位家長要求又不同。班𥚃有的高分，有的可以不合格。有的不用温習，成績也不俗，有的補極，教極，温極也成績不好。高分成績好就說不谷及淺，低分就是谷及深。其實最重要真的懂需要時放手，讀過不適合，不要錯下去，退一步再想，孩子其實比成績及是否名校更重要。最重要是適合。不要盲目追求。
作者: ASamSam 時間: 12-11-17 11:28 標題: 引用：谷與不谷，深與淺，很難有標準。每個孩子能
原帖由 ysnmama 於 12-11-17 發表
谷與不谷，深與淺，很難有標準。每個孩子能力及天資也不同。每位家長要求又不同。班𥚃有的高分，有 ...
因為自己個仔唔算特別叻，怕追不上其他同學的進度，之前反覆考慮過自己個仔適唔適合讀英華，不過最後都跟個仔意願㨂了。
過了兩個月，他很喜歡返學，亦比以前更主動學習。
我覺得好多英華啲負面「聽」聞與事實有出入，真係自己親身去了解清楚。
作者: MCLIAN 時間: 12-11-17 12:43
回復 ASamSam 的帖子
最弊有很多事情係要親身經歷才感受到或才知道適合與否!
未入去之前都係估估吓，入去之後又有機會當局者迷!
作者: MCLIAN 時間: 12-11-17 12:46
英華我有聽過話谷，又有聽過話唔谷，所以我估跟家長和孩子的性格和期望不無關係。
作者: ANChan59 時間: 12-11-17 12:51
MCLIAN 發表於 12-11-17 12:46
英華我有聽過話谷，又有聽過話唔谷，所以我估跟家長和孩子的性格和期望不無關係。 ...
作者: boomGi 時間: 12-11-17 12:56 標題: 回覆：星級爸爸﹕名校媽媽大控訴
個仔女讀得唔開心，最佳方法就係賴政府教育制度唔好，父母的責任即可推得一乾二淨，又方便，又可得大衆認同，還可拿來寫文章收錢，佩服佩服
作者: ANChan59 時間: 12-11-17 14:20
boomGi 發表於 12-11-17 12:56
個仔女讀得唔開心，最佳方法就係賴政府教育制度唔好，父母的責任即可推得一乾二淨，又方便，又可得大衆認同 ...
作者: ASamSam 時間: 12-11-17 14:24 標題: 引用：英華我有聽過話谷，又有聽過話唔谷，所以我
原帖由 MCLIAN 於 12-11-17 發表
英華我有聽過話谷，又有聽過話唔谷，所以我估跟家長和孩子的性格和期望不無關係。 ...
我現在回想，若果有得揀，應該無學校喜歡收不「適合」的學生。經過三輪評估後，林校長從三千多人中揀得出來啲仔相信都可以在校內愉快地成長。
作者: hadwinboy 時間: 12-11-17 18:56 標題: 引用：Quote:原帖由+MCLIAN+於+12-11-17+發表英華
原帖由 ASamSam 於 12-11-17 發表
Fact 同 opinion 係唔同。其他學校我無親身體驗所以唔敢comment。以英華為例，由教學方法去到校園生活，大 ...
作者: awah112 時間: 12-11-17 20:27
提示: 作者被禁止或刪除 內容自動屏蔽
作者: ASamSam 時間: 12-11-17 21:21 標題: 引用：「名校斯德哥爾摩症候群」
原帖由 awah112 於 12-11-17 發表
「名校斯德哥爾摩症候群」
作者: awah112 時間: 12-11-17 21:26 標題: 引用：Quote:原帖由+awah112+於+12-11-17+發表「
提示: 作者被禁止或刪除 內容自動屏蔽
作者: ASamSam 時間: 12-11-17 22:48 標題: 引用：Quote:原帖由+ASamSam+於+12-11-17+發表張
原帖由 awah112 於 12-11-17 發表
第一次聽，個名好得人驚
作者: 莎莎莉莉 時間: 12-11-17 22:57
ASamSam 發表於 12-11-17 21:21
張導演曾話大部分名校家長有此症候群，但找不到任何事實根據喎！
其實學校VS家長係好多千絲萬縷的關係, 有時衰D講, 有部分係互相利用啫.
因為工作, 都去過名校觀課, 講真, 睇完, 我更堅信名校的"成就"有一半都係家長努力囉.
所以名校入學harsh唔難理解,
佢地要keep住好名聲, 必須有好學生,
有好學生, 誰去教好佢? 你真係信呢D學校真係好好好好好? 我可以話, 信五成好了.
只要靠家長, 還有靠就係果種學生之間的競爭心.
我自己都叫係地區Band 1中學出來, 果種好鬥的心, 我自己都感受到.
所以, 其實唔多想自己個仔去承受.
我覺得如果由細就訓練到佢地呢種性格, 好弊.
所以, 我對入唔到某些學校, 亦唔會失望, 人揀佢, 佢揀人.
我小朋友真係唔適合, 我都唔想佢收. 免得入左係我後悔.
作者: awah112 時間: 12-11-17 23:08
提示: 作者被禁止或刪除 內容自動屏蔽
作者: NKpa 時間: 12-11-18 00:43
個人觀察，入到小一，個個小朋友都差不多，真係無乜邊個跟唔上、升唔到班，反而好多同學都係高分（指＞７０）。有無壓力去補習，要睇家長心理。
作者: vio922 時間: 12-11-18 00:58 標題: 引用：咁其他名校好似聖保X同女X有冇D類似既情況
原帖由 woyj 於 12-11-16 發表
咁其他名校好似聖保X同女X有冇D類似既情況？睇其他家長話佢地D學生讀得好開心，唔太谷？ ...
作者: ting-ma 時間: 12-11-18 01:15
提示: 作者被禁止或刪除 內容自動屏蔽
作者: NKpa 時間: 12-11-18 01:58
其實咩叫谷? 谷除了指山谷, 就係指走唔出, 進退維谷 的意思. 係咪大家用錯字呢?
如果催促發大發高的意思, 會唔會係鞠字?
鞠字解彎曲, 突出, 又解養育:
詩經˙小雅˙蓼莪：「父兮生我，母兮鞠我。」
作者: NKpa 時間: 12-11-18 02:35
點樣先係谷/鞠, 其實唔係易講得清, 界得定. 好似話頭髮好多,好密咁, 你好難話幾多條先叫多, 幾多條先叫少. 只係好明顯好離譜時我地會知多定少. 又或者覺得好熱, 幾多度先叫熱, 其實要睇唔同情況, 對唔同人有唔同感覺.
谷就係咁既野, 對一班叻既同學, 深一的都唔覺, 可能係覺得好玩. 淺得滯反而悶. 咁如果被大車隊拋離得好遠, 要追上去就會覺得辛苦.
除非學校有心整蠱學生, 明明係一年班, 見到成班叻到食到二年班既野, 佢畀三年班既野質佢地食. 咁就谷喇, 谷到學生個個肥佬兼失哂信心.
但是英華無呢的野. 佢都係畀一年班既書同功課. 工作紙有二年班內容, 但只係增潤, 佔考試小部分. 好叻的同學, 可以參加課外深造班. 同學的才華唔一定只在學術科目, 好多同學會擺多些時間係運動, 音樂, 興趣等.
其實係英華讀書, 爭到高分無特別大獎, 只係高興一些, 低分都無罰無怪異. 但唔合格就難升書院. 同學最開心反而係好多機會有得玩, 有比賽, 有得贏.
作者: QQee 時間: 12-11-18 08:19
講得咁嚴重.
好似睇無線劇咁, 一路睇一路駡, 一路駡又一路睇(辛苦晒).
其實讀屋企樓果間, 埋一家人開心.
作者: MCLIAN 時間: 12-11-18 09:28
莎莎莉莉 發表於 12-11-17 22:57
我又覺得唔難理解, 總之因為係名校, 所以覺得學校做的一定有道理, That's it!
其實學校VS家長係好多千絲萬 ...
同意你的說法，家長學生的努力佔很大因素，但想請問你觀察到較有名的官津vs私校/直資的教學質素是否有很大分?别
作者: oooasis 時間: 12-11-18 10:08
NKpa 發表於 12-11-18 01:58
其實咩叫谷? 谷除了指山谷, 就係指走唔出, 進退維谷 的意思. 係咪大家用錯字呢?
如果催促發大發高的意思, ...
作者: Parisienne 時間: 12-11-18 10:48
NKpa 發表於 12-11-18 02:35
點樣先係谷/鞠, 其實唔係易講得清, 界得定. 好似話頭髮好多,好密咁, 你好難話幾多條先叫多, 幾多條先叫少. ...
谷／鞠= 填鴨。
即係你唔想食或食唔落時夾硬＂質＂你食。消化不良。
學校谷，即係唔理隻鴨食唔食得落都照餵。這是教學態度問題。
學生嘛，食得落的都好打得，食唔落的就想嘔。這是本身吸收問題。
結果，留下來的都是學校想要的，阿仔吸收得好，家長四萬咁口。
但被淘汰的，個個消化不良兼心靈受創，家長駡破喉嚨，谷到阿仔不似人形。
同樣教法，食得落又覺得好味，咪唔谷囉。食唔落又難啃的，咪好谷囉。
奇就奇在，每個家長潛意識都想搏下阿仔其實谷唔谷得？因為，始終個market鍾意肥鴨多d。
作者: NKpa 時間: 12-11-18 12:00
咁關鍵係淘汰的情況, 或者接近淘汰的邊緣, 有幾多學生.
抽籤制收生, 程度不均嚴重D, 還是公平挑選下 (即學校揀人, 人揀學校) 嚴重D?
既然想入又入到, 點解擔心個仔一定比同學差, 一定追到氣咳?
一間學校如果係瘋狂填鴨場, D鴨仔肯定好抗拒返學. 準家長可以多D觀察.
作者: NKpa 時間: 12-11-18 12:37
再想一想填鴨問題. 問題在填吧. 那麼餵鴨式教育如何? 還是野鴨式(自主學習, 自發讀書求知識) 更理想??
合理餵食, 營養均衡, 基礎扎實, 但不利培養學習興趣, 窒礙創意/發掘, 損失廣泛課外閱讀層面.
自己搵食, 對被動疏懶的同學, 或者根底差的同學, 造成營養不良, 得過且過.
有辣有唔辣, 咁邊套岩你多D? 咁邊套岩香港小學生多D?
作者: Parisienne 時間: 12-11-18 13:15
坦白講，如果子女被動疏懶，無論邊套教學都死。
填鴨式係餵食法，最低限度唔會餓親，但有機會患厭食証。
野鴨式自行覓食，有自主權，但是龍是蟲，家長要花大量精神。
無論邊類學校，入到唔代表讀到，但讀唔到都未必關學校事，始終仲有大把人讀緊兼好enjoy。
野鴨填鴨，人人價值觀有別，子女特質不同，自行判斷也。
作者: NKpa 時間: 12-11-18 13:34
咁有無均衡D既養鴨方法? 我想英華係求呢方面發展的: 唔係催鞠, 又唔係放任.
過去家長透露英華面試情況, 主要有兩關, 老師會考仔仔基本中英文,簡單推理等, 林校長會觀察仔仔品性同記性. 但關鍵是仔仔在說話同行為中流露出的家教: 有無尊重別人的禮貌, 有無合群守紀律的能力, 有無活潑自信的個性, 有無喜歡閱讀的家庭. 對幼稚園生這些特質遠比懂加減乘除,曉多少生字重要得多.
從這個取向, 學校是相信主動閱讀比操練重要, 相信家教比校教重要, 相信德育比成績重要. 學校不是鞠成績的學校, 學校不期望家長只是鞠成績的家長. 學校一方面要守著學生基本的程度, 另一方面更著重鼓勵同學對學習的興趣, 對閱讀的興趣, 同時製造各種機會把學習溶入在學校生活裡(例如學生大使, 小司儀, 各類表演, 比賽等), 甚至搞主題學習鼓勵同學找資料,寫報告, 做簡報講解.
同學不願意參與這些活動, 不投入, 不出力, 沒有問題. 沒有懲罰沒有責罵沒有勸告的. 只是越投入越付出越有收穫而已. 而眼見同學大都很喜歡這些活動.
擺事實, 說意見, 鞠不鞠呢?
作者: Parisienne 時間: 12-11-18 14:06
英華唔清楚，因無親身經驗。但只看你以上分析，當然不鞠。
但質疑林校長，人哋為教育出心出力，我都覺得很無奈，只嘆人怕出名豬怕肥！
有朋友仔仔斯文有禮，不是特別出眾，也不特別主動，但勝在夠淡定。最後入到英華的原因是觀察力強。校長問他枱上某擺設同剛進來時有什麼不同，他想了想就答對，之後就收了。
均唔均衡就真係人人胃口唔同，好難話食幾多碗飯先叫啱。
我想帶出的是，配對有無錯先係重點。
作者: thomas07 時間: 12-11-19 16:13
..........
作者: ctcheung 時間: 12-11-19 16:59 標題: 回覆：thomas07 的帖子
另有一說，催“谷“應為“催穀“，催促穀物生長之意。穀的簡體字為“谷“，故又寫成“催谷“。簡化文字之後，又簡化口語，將“催谷“簡讀成“谷“，將名詞作動詞用。此說有理，但信不信由你。
作者: ASamSam 時間: 12-11-19 19:08 標題: 引用：英華唔清楚，因無親身經驗。但只看你以上
原帖由 Parisienne 於 12-11-18 發表
作者: kck_88 時間: 12-11-19 19:48
提示: 作者被禁止或刪除 內容自動屏蔽
| 歡迎光臨 教育王國 (/) |
Powered by Discuz! X1.5 |