教育王國
標題: 91網大家點排位呀?入來傾傾啊.. [打印本頁]
作者: yan321 時間: 12-1-5 13:01 標題: 91網大家點排位呀?入來傾傾啊..
本帖最後由 yan321 於 12-1-6 23:39 編輯
下星期要決定了,仲十五十六未唸掂.....
1&2已有心水,仲係幾熱添。但3..4..5..6..7.點排
請問以下學校應點排序?有否認識這些學校,可否比D意見
沙胡
蕭漢森
沙循
田家炳
瀝源邨崇真
如有家長曾就讀,請分享吓,THX!
作者: yan321 時間: 12-1-6 23:39
有無人呀
作者: cherry媽咪 時間: 12-1-7 00:19
你嘅1同2係咩先?千奇唔好將2間最熱的放在1同2呀!
作者: yan321 時間: 12-1-7 00:36
1.沙呂 2.梁小
兩間都好熱,不過自己都鍾意同近屋企。
但反而之後真係唔知邊排,你有無咩睇法。
你係未今屆?
作者: cherry媽咪 時間: 12-1-7 08:11
我細女係今屆,不過首輪入了沙呂(25分,因大女是沙呂畢業生)。
1.2都排得OK,近年梁小都冒升得快,不過我相信放第二都有機搏一搏。但沙胡與梁小只可2選1放第二囉!(純粹個人意見),當年(大女時)我幫朋友排:1沙呂2胡素貞3梁小,結果佢入咗2!
作者: yan321 時間: 12-1-7 13:37
咁你真係唔使煩,有家姐帶到佢入。我又係仲有個細妺跟尾,如果佢入到就可以幫埋個細。你當年係夠分入?抽入定叩門入?
我都有唸過沙胡放3位未必有機,咁蕭小與沙偱邊間好呢?
梁小其實第2都未必有機,我見有媽咪今年自行15分都入唔到。不過佢比較近屋企,所以揀佢。
作者: cherry媽咪 時間: 12-1-7 15:08
我大女當年好好彩20分首輪入咗沙呂,又係唔駛煩,所以都係幫朋友排。
其實你可以登入佢地學校網址,睇吓今年升中派位情況再決定!
作者: CherylMammy 時間: 12-1-9 09:59
我女是上屆的,我排位是(1.一胡 2.梁小 3.沙胡 4.田小),大抽獎入左田小,但後尾叩門去左梁小。
1. Cherry媽咪講得無錯梁小同沙胡只可二選一,以我所知上屆放第二的人梁小放第二入到的機會是一半。
2. 如蕭小同沙偱我個人會選蕭小。
3. 田小上年的新生講座同適應課我全部都有參與,的確是一間很有愛心的學校,校長﹑老師﹑嬸嬸都好好人。
希望可以幫到你。
作者: small-pekkle 時間: 12-1-9 11:18
CherryMammy
想問吓你囡囡讀了梁小差唔多一年, 他給你各方面的感覺如何. 另有人話扣門梁小要填一, 一至考慮, 你填第二佢哋都俾你叩門? 再想問吓他們收 profile 嗎?
作者: small-pekkle 時間: 12-1-9 11:22
有冇人知係唔係要填哂表入面 30 間學校, 冇咁多點填呢 ? 又有人話甲部填一間首選, 其餘 2 間唔填, 若唔中就入乙部第一, 即係同甲部同一間?
作者: ballbeef 時間: 12-1-9 11:50
91有16間學校,係咪可以唔揀哂?如果第一已經有心水,咁一呂,沙呂,一胡等hit學校仲放唔放入list?
作者: CherylMammy 時間: 12-1-9 15:30
回復 small-pekkle 的帖子
都只是返左半個學期(約四個月),個人覺得:-
- 校風好嚴格,小朋好大部份都好乖。
- 老師都好願意同家長溝通,緊張學生的成績,常常鼓勵學生。
- 讀書氣氛不錯,我囡常常在課堂上舉手答問題,勇踴參與,小息會去圖書館睇書、借書、搵外藉老師玩遊戲又或者去聽詩歌分享。
- 課程深與淺我無同其它小學比較過所以不比意見。
我上年甲2&乙2都有放梁小,它們是收Profile的,我放榜即日已去交Profile。 上年如果選梁小第一應該是一定入到的,所以我放第2都有機會interivew。但我上年等interview都等到好遲,上年interview時校長講收到叩門信約170幾份,當然佢地一定睇你放佢第幾位。
希望幫到你地啦!
作者: ballbeef 時間: 12-1-9 15:39
CherylMammy : 你舊年點排其他學校?我知一定唔可以將hit既學校放二,三;呢d學校係咪是但排响後面?
作者: CherylMammy 時間: 12-1-9 15:55
回復 ballbeef 的帖子
其實hit的學校(如:一呂、沙呂)放第2、3已經無意思,因為一定入唔到。
所以建議排第四、五位一定要好穩陣。
我上年張餘下來好hit的學校放係尾尾。
作者: ballbeef 時間: 12-1-9 16:37
本帖最後由 ballbeef 於 12-1-9 16:37 編輯
乙部係咪只可以填91網?得16間,係咪填哂好d呢?但有d(例如聖華,慈航)真係唔想入到.....唔填係咪都有機會入到?
作者: yan321 時間: 12-1-9 16:47
回復 CherylMammy 的帖子
咁點解你讀咗四個月無讀既,轉了私校?
咁你IN梁小時會問你D咩嘢?你準備咩嘢叩門機會才大D?
其實我都好鍾意梁小,不過只係想博一博沙呂,因仲有個細妹跟尾。
作者: CherylMammy 時間: 12-1-9 17:56
本帖最後由 CherylMammy 於 12-1-9 17:57 編輯
回復 yan321 的帖子
令你唔會了,意思係2011 9月開學到現在只是4個月左右,我囡仲係梁小讀緊同讀得好開心。
Interview校長主耍問日常生活問題,主要問小朋友,個人認為學校比較注重家庭教育,小朋友品德同埋睇你有無誠意。
作者: yan321 時間: 12-1-9 19:09
回復 CherylMammy 的帖子
咁佢有無問你點解唔放佢第一位,咁你點答呢?我pm了你,想請教該校的叩門信,thx!
作者: CherylMammy 時間: 12-1-9 22:24
回復 yan321 的帖子
佢無問我呢條問題。
作者: small-pekkle 時間: 12-1-9 23:01
咁其實多數會問嘜嘢問題呢? 同小朋友一齊定分開問?
作者: fifionachan 時間: 12-1-11 09:08
如果排位如下會唔會穩陣?!
1)沙呂
2)梁小
3)蕭小
4)主風
5)田小
6)崇真
作者: eggplant 時間: 12-1-13 16:58
dear all:
乙部咁樣排有冇意見可參考?
1)沙呂 2)梁鉅鏐 3)田家炳 4)蕭漢森 5)沙循 6)沙胡 7)主風
作者: pineapple0983 時間: 12-1-13 19:18
eggplant 發表於 12-1-13 16:58 
dear all:
乙部咁樣排有冇意見可參考?
1)沙呂 2)梁鉅鏐 3)田家炳 4)蕭漢森 5)沙循 6)沙胡 7)主風
田雞比都好多人報架 (附近好多街坊捧場);沙呂唔駛講超熱,梁小都熱,排第二好蚊;萬一你唔好運可能中到好後嗰啲;我覺得你e個排法都幾進取吓。
作者: selina1109 時間: 12-1-13 19:20
個人分享,我個仔係兩年前,即2010-2011個屆,個時我係咁排,而家當然知衰。一、一城呂
二、一胡素
三、朱正賢
四、蕭小
五、梁小
其實而家排係知唔可以咁前又擺一城呂及一胡素,只可揀一間。朱正賢都是,個時有人話朱小可以放三,而家兩年後當然都不可以。
至於梁小我都喜歡,個時幼稚園老師話叫我唔可放一至三,因前年有人放第七都入到,叫我放後D,點知。。。後面有叩門叫我地IN,不過已經七月中,我仔已叩門入工蕭小。其實我個仔都SEC IN 入一城呂,不過好慶幸校長唔要佢,因為校長太勢利了。田小都有IN,亦收我個仔,朱校長是一個好好既校長,不過我選了蕭小了。蕭小個人很喜歡,因為
一、有獨立游泳池
二、普教中、常下學期用英文
三、傳統,(我個仔讀啟思好自由,入左呢間之後,個人成熟、禮貌左),不過D老師好老,好舊式教,會成人罰,但我BUY
四、校長好有魄力,亦對不同學生好好,唔似一城校長講明只拔尖唔補底。
所以,可以考慮下。純粹個人分享。
作者: eggplant 時間: 12-1-13 19:55
回復 pineapple0983 的帖子
thx for the comment
咁我排邊間第3好?
沙循/沙胡會唔會好d?
作者: eggplant 時間: 12-1-13 20:00
selina1109 發表於 12-1-13 19:20 
個人分享,我個仔係兩年前,即2010-2011個屆,個時我係咁排,而家當然知衰。一、一城呂
二、一胡素
三、朱 ...
其實我都想蕭小排第3
但又驚太hit
作者: yan321 時間: 12-1-13 23:49
回復 pineapple0983 的帖子
想問吓咁田家炳和沙循比較,邊間學術方面及升中派位較高呢?
作者: fifionachan 時間: 12-1-14 07:58
以今年形勢,又冇私校係手,乙部排位禁排有什麼意見呢?
1)沙呂
2)蕭漢森
3)胡下
4)田家炳
5)沙循
之後都唔知點排了
作者: yan321 時間: 12-1-14 08:54
回復 fifionachan 的帖子
我都無私校係手啊
作者: fifionachan 時間: 12-1-14 09:45
Yan321,
我仲未排好丫~
我1-1-1都係沙呂
3打后好似間間都好難排丫!!
作者: pineapple0983 時間: 12-1-14 12:22
eggplant 發表於 12-1-13 19:55 
回復 pineapple0983 的帖子
thx for the comment
2間相比我估沙胡會冷d。
如果對自已小朋友有信心可以排進取d;如果唔得等叩門博高d lev 的學校~
但,如果冇間稍好的揸手,叩門的心情真係好難受。
作者: 幸福藍妹 時間: 12-1-14 14:47
本帖最後由 幸福藍妹 於 12-1-14 14:52 編輯
而家內心好掙扎, 又想小朋友愉快學習(唔催谷的活動教學), 又想佢都有好成績(好派位)~ 我個仔專注力唔太好, 唔想比佢讀谷同爭崩頭的學校.....我有的心水如下(排名不分先後), 請大家比D意見啦~
- 朱小
- 梁小
- 沙循
- 黃耀南
- 蕭小
- 田小
我心水的學校是一定要普教中..... 唔知邊間好呢......
作者: 3cats 時間: 12-1-16 13:28
selina1109 發表於 12-1-13 19:20 
個人分享,我個仔係兩年前,即2010-2011個屆,個時我係咁排,而家當然知衰。一、一城呂
二、一胡素
三、朱 ...
selina: 我想問一呂校長係親口1對1 私下講過拔尖唔補底? 但上次OPEN DAY 時, 佢話會拔尖補底.
請問你覺得田小有什麼優點? 因我對田小唔係太熟.
作者: 3cats 時間: 12-1-16 13:30
幸福藍妹 發表於 12-1-14 14:47 
而家內心好掙扎, 又想小朋友愉快學習(唔催谷的活動教學), 又想佢都有好成績(好派位)~ 我個仔專注力唔太好, ...
幸福藍妹: 我想問點解你會將黃耀南放第四, 他有什麼優點?
作者: 3cats 時間: 12-1-16 13:32
我囡囡現讀K2. 出年就要選學校
1) 一呂
2) 蕭小.
3) 主風
4) 田小
5) 沙循
6) 崇真.
請問這樣排又如何?
作者: 3cats 時間: 12-1-16 13:33
請是沙循是一間怎樣的學校?
作者: selina1109 時間: 12-1-17 14:42
是,SEC In 佢咁講。又話自己七成學生入英中,一定要家長配合,唔配合就唔好考慮我地呢間學校。佢不斷講點PUSH D細路,我問佢如果PUSH唔掂咁點,佢話呢個係家長既問題。不過,其實佢咁講,我仲覺得好直接,知道亞仔係呢度實死。我只知亞仔個朋友抽獎只填五間,入左第一志願-一城呂,而家小二,出去補習,什麼時間都要,放假、暑期、星期天..都要補,因為佢既課程比出面深半個學期,要有心理準備。
你係教友或者收機會大,因叩門見佔7成都係教友,個個可SAY HI,我唔係教友。
田小其實我都唔熟,只不派位唔好,什麼學校都試。但就問野,同見校長,職員有禮貌。校長似有教冇類,有愛心,唔HARD SELL。感覺良好。
而我最終選蕭小,係因為呢間除左我上面個D原因,最重要係佢入英中都有47%
作者: pineapple0983 時間: 12-1-17 15:21
selina1109 發表於 12-1-17 14:42 
是,SEC In 佢咁講。又話自己七成學生入英中,一定要家長配合,唔配合就唔好考慮我地呢間學校。佢不斷講點PUSH ...
的確一呂 ed 係自行有嗰幾分宗教分真係爭好遠,如果小朋友諗住輕輕鬆鬆,hea 下就畢業,千其唔好報 e 間;到時比學校勸退就瘀啦~
蕭小升中算唔錯,但應該冇 47% 咁高喎~
作者: yanyanma2007 時間: 12-1-18 00:23
其實我想問你哋系邊度睇升中情況嘅呢??
作者: tam 時間: 12-1-18 14:31
我係一呂家長,又唔覺學校無補底,坦白講,我同識得既家長都話學校做補底做得仲勁過拔尖。暫時亦無聽過有同學被叫退學,岩岩考完試,有d同學得1x分,但佢地日日都好開心咁返學啵。
而我識得兩個退左學既同學,佢地都係搬屋先轉校。不過可能我識人唔多,了解唔夠深。
歡迎光臨 教育王國 (/) |
Powered by Discuz! X1.5 |