教育王國

標題: 尾班車,首屆334白老鼠家長可以講講自己的喜怒與壓力嗎? [打印本頁]
作者: KWT    時間: 12-1-3 16:48     標題: 尾班車,首屆334白老鼠家長可以講講自己的喜怒與壓力嗎?

我仔仔是尾班車,今年3月要考AL.

今年讀F.7的學生原來壓力很大及被忽略與無助,很多學校都集中火力應付334.尾班車失敗,學生又向那裡走呢?於是仔仔很多同學都出外上補習班,希望能買個保險.而最近我仔仔12月28/29日(第一日開始接受名,)報讀補習班(忘記是英x或現x),有同學竟然要晨早5:30排隊等候報名(因為先到先得).嘩!情況竟然咁競爭大,好像不用錢讀,超乎想像,可知壓力有多大及想找水泡.


好成績的大學會優先考慮,成績差的,根本不作任何努力,放棄算數,成績中游又沒有特異功能的學生壓力最大,而仔仔屬成績中游的一份子,其所恃者唯勤力,可惜未能做到,也不敢壓迫他,而脾氣也變得急躁.

數數日子,還有百日之數,就要應戰,看看他,自己心中也感到徬徨,覺得辛苦多日,會否有預期回報?

左思右想,不如將壓力寫出來,互相交流,你地的子女又如何?



作者: smallfoothk    時間: 12-1-3 17:44

我的還未到,但朋友就是白老鼠,做家長要平常心對面,可能出來成績很好.
作者: khmama    時間: 12-1-3 20:47

回復 KWT 的帖子

補習社就冇搵過, 阿女已經唔係好多時間用, 所以都係由得佢自己搞掂. 我唔會問佢溫成點, 總之濕碎既嘢, 做下跑腿, download pass paper 咪幫下佢忙. 第日陪下佢搵centre, 俾o的正能量佢已足夠. 希望佢可以入到first choice啦.
作者: cocomints    時間: 12-1-4 10:29

我仔仔都係白老鼠, 佢都好比心機温書, 表面好似一d都唔緊張, 但內裡壓力應該都唔少, 佢最擔心通識呢一科改卷o既準則, 遇著個同聲同氣o既就最好, 翻過來遇著個異於己見的就慘啦. 萬一死於通識一科手上, 就連大學入場卷都冇埋.  所以我都唔敢成日問佢温成點, 等佢自己自由發揮. 祝所有白老鼠都順順利利, 入到自己想讀o既科目!
作者: supericeice    時間: 12-1-4 11:27

回復 KWT 的帖子

KWT

我完全明白與理解你的感受, 因為我女兒都是末屆AL考生, 壓力之大真的不為外人明白, 她的學校也是集中資源與力量面對334, 因為要取得好成績登上學校網頁, 而把AL學生忽略.

她們所有F.7的同學都出外補習, 放學後要補, 假期又要補, 真係身心疲累, 完全没有時間休息, 成績中游的學生真的是最辛苦的.  雖說辛苦可以當作鍛鍊, 但無形的壓力就真不是三言兩語可化解的.  試想想, 每年的AL都已經是學生們最大的挑戰, 但今年還要面對334的學生, 雖說入大學是有兩倍學額, 但其他配套是没有增加一倍的, 不是末屆AL的家長真是不會去了解, 才會說一些動聽的話.

眼看她們每日倒數日子, 自己心中也感到十分難過呢, 只有在可幫助的範圍內協助她, 我們家長一起努力吧.
作者: KWT    時間: 12-1-4 15:48

本帖最後由 KWT 於 12-1-4 16:46 編輯
khmama 發表於 12-1-3 20:47
回復 KWT 的帖子

補習社就冇搵過, 阿女已經唔係好多時間用, 所以都係由得佢自己搞掂. 我唔會問佢溫成點,  ...


khmama,

我對你囡囡非常有信心,入大學絕對沒有問題,只差是能否入讀自己心儀的學系.我心底裡其實很羨慕你.
作者: KWT    時間: 12-1-4 15:57

本帖最後由 KWT 於 12-1-4 16:46 編輯
cocomints 發表於 12-1-4 10:29
我仔仔都係白老鼠, 佢都好比心機温書, 表面好似一d都唔緊張, 但內裡壓力應該都唔少, 佢最擔心通識呢一科改 ...


cocomints,

我反而覺得首屆334通識,合格率會很高.何解,我相信一定會拉curve及控制有相當數量學生合格,想想如果太多人不合格,教統局要面臨多少大眾的壓力,又怎樣向群眾交代及自圓其說?反而第二,三屆白老鼠更要擔心.
作者: KWT    時間: 12-1-4 16:25

supericeice 發表於 12-1-4 11:27
回復 KWT 的帖子

KWT

supericeice,

好高興能有同道人分享感受.我真是覺得今年讀F.7的學生像孤兒仔女,學校的support太少,而學生內心面臨壓力也最大,如果考試失敗,不能像往常一樣再來一次.

我感覺壓力大是因為仔仔報補習班,回來話d人真是痴線的,5:30a.m.就開始排隊等候報名,我從來沒有想到會有咁多人讀補習班,現在知道你囡囡d同學都是這樣.真是無話可說.

我希望所有F.7的同學都可入讀大學,雖然明知道不可能,但希望認識都可以入大學.實在不想見到付出努力,得不到回報(儘管現實往往如此),咁快承受挫折.

願你囡囡和我仔仔都考試成功,可以踏入大學之門.

作者: JP    時間: 12-1-4 16:29

回復 KWT 的帖子

尾班車A Level最大憂慮係咪冇得take 2重考？
補習就年年公開試都係咁...

首屆334白老鼠就驚通識...唔知點讀好、點考好，又冇past paper，又唔知大學收生成績...！
我仔係第2屆334白老鼠。我好戥首屆334白老鼠擔憂,希望大家順利大吉！
作者: KWT    時間: 12-1-4 16:53

smallfoothk 發表於 12-1-3 17:44
我的還未到,但朋友就是白老鼠,做家長要平常心對面,可能出來成績很好.

smallfoothk,

謝謝關心.已經叫自己要平常心面對,只是覺得仔仔讀得咁辛苦,忍不住在此說兩句.
作者: prettylily    時間: 12-1-6 12:10

KWT 發表於 12-1-4 15:57
cocomints,

我反而覺得首屆334通識,合格率會很高.何解,我相信一定會拉curve及控制有相當數量學生合格,想 ...

同意妳講法....我女個通識老師都是這樣說......如合格率低的話...變相政府要自打咀巴......因呢科係佢地要整出黎的.....
作者: prettylily    時間: 12-1-6 12:15

cocomints 發表於 12-1-4 10:29
我仔仔都係白老鼠, 佢都好比心機温書, 表面好似一d都唔緊張, 但內裡壓力應該都唔少, 佢最擔心通識呢一科改 ...

同我一樣....對住大女做今屆334白老鼠.....我都希望她放鬆D 面對.......壓力應該都唔少.....始終係第一次面對公開考試....加油呀................
作者: 途人    時間: 12-1-7 22:50

回復 KWT 的帖子

1) 334 無拉curve
2) 首屆334深與淺都沒有分別,因為大學學位數目仍是一樣,
     只不過是沒有pass paper 做, 尤其是通識科的改卷準則
     到現時都弄不清
作者: 701003    時間: 12-1-9 01:29

我女都係"末代AL考生"報咗3科補習衝剌班，phy長期補緊......
小朋友有壓力，大人要識得同佢減壓
我已經揾咗好多資料，佢入唔到U都仲有大把選擇，等小朋友無咁亂
作者: prettylily    時間: 12-1-9 15:25

701003 發表於 12-1-9 01:29
我女都係"末代AL考生"報咗3科補習衝剌班，phy長期補緊......
小朋友有壓力，大人要識得同佢減壓:me ...
我已經揾咗好多資料，佢入唔到U都仲有大把選擇，等小朋友無咁亂

可否講下有咩資料.......
作者: JP    時間: 12-1-9 16:50

回復 prettylily 的帖子

調 查 ： 首 屆 中 學 文 憑 試 考 生 壓 力 超 標

2012-01-09 HKT 16:26
青協公布有關首屆中學文憑試考生面對的壓力（羅詠暉攝）
[/td][tr][/tr]
青 協 調 查 顯 示 ， 首 屆 中 學 文 憑 試 考 生 ， 壓 力 超 標 ， 調 查 訪 問 了 2500 多 名 考 生 ， 以 10 分 為 滿 分 ， 八 成 表 示 ， 壓 力 達 7 至 10 分 的 極 高 水 平 。 兩 成 幾 認 為 ， 壓 力 已 達 10 分 的 頂 點 。 調 查 發 現 ， 考 生 最 擔 心 未 有 足 夠 時 間 溫 習 ； 必 修 科 成 績 未 達 到 升 學 要 求 ； 及 未 能 掌 握 通 識 科 成 績 等 。 在 備 考 過 程 中 ， 普 遍 考 生 已 出 現 容 易 疲 勞 ， 精 神 緊 張 ， 脾 氣 暴 躁 等 ， 考 生 最 希 望 得 到 的 服 務 是 各 科 的 認 試 技 巧 及 升 學 資 訊 等 。 負 責 調 查 的 社 工 形 容 ， 調 查 顯 示 ， 考 生 的 壓 力 已 達 到 警 戒 線 ， 而 他 們 希 望 得 到 的 資 源 ， 是 以 應 試 技 巧 及 升 學 資 訊 為 主 ， 忽 略 處 理 心 理 壓 力 的 重 要 。 她 提 醒 考 生 ， 如 不 正 視 問 題 ， 壓 力 會 引 致 焦 慮 、 驚 恐 及 肚 痛 、 腹 瀉 等 ， 反 而 會 影 響 考 試 表 現 ， 建 議 考 生 有 需 要 時 求 助 。

作者: 701003    時間: 12-1-11 00:49

本帖最後由 701003 於 12-1-11 00:52 編輯

回復 prettylily 的帖子

我女理科，我揾ge資料有~~外地升學(大6、台灣)、副學士、文憑課程、政府工(衛生幫、註冊護士、化驗員、警察、牙科保健員......)
學校、傳媒只顧334學生前途，末代AL生是被忽視、被遺忘的一群我哋做父母ge就應該為佢哋揾多d出路！
作者: prettylily    時間: 12-1-11 14:59

701003 發表於 12-1-11 00:49
回復 prettylily 的帖子

我女理科，我揾ge資料有~~外地升學(大6、台灣)、副學士、文憑課程、政府工(衛生幫 ...
我女係讀 BAFS & ECON 的....但係334 的....她的學校又係ONLY 只叫佢地考好D DSE 成績....最少都要全 4 GRADE 先可以有D 機會入U 門檻........但就好少介紹其他 HD...副學士....IVE.....ETC D 資料給佢地.....我都係同阿女兩個係上網搵 HD....IVE...其他出路給她.....有D 上網報左名先.....HOLD 住位等日後DSE 成績出左...就唔駛果時先再搵就慢了遲了.......
至於外地升學.....我都有想過...但見她一個女仔會危險.....好似早前日本果兩個台灣女仔事件咁......怕怕....所以都係希望係HK 讀.....U OR 文憑課程..ETC......
作者: KWT    時間: 12-1-11 22:37

JP 發表於 12-1-4 16:29
回復 KWT 的帖子

尾班車A Level最大憂慮係咪冇得take 2重考？

JP,

Sorry,今晚才有時間上bk.

我都覺得尾班車A Level最大憂慮係冇得take 2重考(十分希望我理解錯誤),再讀334又不可能,亦即是如果今次考試失敗,以前讀左的科目全部沒有用,難道再由F.5讀起?

講起補習,原來d notes很珍貴,不像我們以前會無條件互相分享.我仔話要交換notes,沒有就沒同學跟你交換.聽說最近佢學校有同學唔見左notes,要學校幫手找尋.

唉!見到d 334模擬試卷,真是不知道怎樣考,即使考左,也不知道有多少勝算.成日改制,還一刀切咁改,攪到學生,老師,個個人心惶惶,也許現在是名校發揮最高功效時間,起碼有d信心保證.

你仔仔是第2屆白老鼠,我看到時也是一個"亂"字.經歷第一次投訴,然後再改善,到時不知道又會出現什麼模式.
作者: KWT    時間: 12-1-11 22:53

701003 發表於 12-1-9 01:29
我女都係"末代AL考生"報咗3科補習衝剌班，phy長期補緊......
小朋友有壓力，大人要識得同佢減壓:me ...

701003,

很羨慕你可以識得同囡囡減壓,我就不能.因為我只要出聲或任何一個表情,仔仔就知道我想什麼,如果扮沒事,佢會覺得我很假.除非無欲無求,不然,始終有壓力.我對仔仔說已經預左接受最差的成績,叫佢用平常心去考試就成,希望能減輕佢壓力.
作者: KWT    時間: 12-1-11 22:58

prettylily 發表於 12-1-6 12:10
同意妳講法....我女個通識老師都是這樣說......如合格率低的話...變相政府要自打咀巴......因呢科係佢地 ...

prettylily,

所以我話通識卷會是做show咁,會做到皆大歡喜.反之,其他卷就難說.
作者: KWT    時間: 12-1-11 23:02

途人 發表於 12-1-7 22:50
回復 KWT 的帖子

1) 334 無拉curve

途人,

如果334 無拉curve,是否將貨就價,視乎情況, passing mark 可上可下呢?

作者: ANChan59    時間: 12-1-11 23:38

回復 KWT 的帖子

I guess the passing mark for Chinese and English may be around 20......
作者: 701003    時間: 12-1-12 00:01

回復 KWT 的帖子

我係半個虎媽，暫時仲未俾仔女一眼看穿心事！我不斷增值自己，要知得比仔女多，咁先可以幫到佢哋！既然大形勢不利末代考生，我哋唯有靠自己！大家一齊努力啦！
亞女就快考校內模擬試，依家溫緊書我準備咗零食，煲咗菊花水俾佢，仲特登放咗隻狗入屋陪佢溫書，廢事我陣間sleep咗，佢會好悶
作者: 樂樂    時間: 12-1-12 16:47

KWT 發表於 12-1-11 22:37
JP,

Sorry,今晚才有時間上bk.
KWT
12月28日晨早5;30報名果D 係熱門名師同熱門課程,所以那天好多人報,我仔中午去排,都報到佢想報既課程,
我仔D同學就好D,佢地成日交換NOTES,有D就傾好分批去補唔同既課程,再交換NOTES.



作者: prettylily    時間: 12-1-13 00:11

KWT 發表於 12-1-11 22:58
prettylily,

所以我話通識卷會是做show咁,會做到皆大歡喜.反之,其他卷就難說.
KWT

唉!見到d 334模擬試卷,真是不知道怎樣考,即使考左,也不知道有多少勝算.成日改制,還一刀切咁改,攪到學生,老師,個個人心惶惶,也許現在是名校發揮最高功效時間,起碼有d信心保證.

我女都一樣咁講.........>>>>即使考左,也不知道有多少勝算............
作者: 樂樂    時間: 12-1-21 22:33

尾班車同334現時已開始競爭自修室位了, 兩批都係3月開始考,自修室爆晒朋,要一早去才有位.
作者: zhuzhu    時間: 12-1-23 15:13

LS paper seems not so difficult and I think it's easy to get pass.
作者: 94BABY    時間: 12-1-31 21:01

My son is 1st batch 334, tight time table : Dec - half yearly exam; Jan - govt practice paper; Feb - school mock; March to April - real exam.

Meanwhile, attending the admission talks, interview of the universities ...; preparing the Jupas application with OLE, SLP, personal statement....

What's happening to our education system?!
As parent we could do nothing but just supporting in one way or the other....
作者: dailam    時間: 12-1-31 22:59

My daughter is 2nd batch while my son is 3rd batch. I have the same question as 94BABY. I understand that our children should handle their on things.  But when you see that they need to work till midnight almost every night, yet there are still piles of school work waiting for them, I feel heartbreaking to see them suffer. What's happening to our education system? How come that the workload for both students and teachers are so great? Why couldn't ED noticed the pitfall at the whole design of 334 and the syllabus before implementation? It's shocking that time is not enough for teachers to finish all the syllabus! It's not education! 334 is another form of "duck-feeding"! Is the society expecting too much from our yongsters? Time is not enough to study, how could they spare time to fulfill al the hours of doing services? How could they spare time to explore their future path? If parents give a helping hands, they have to take the risk of being labelled as "monster parents" Poor us!
作者: KWT    時間: 12-2-8 09:14

Sorry.最近有點事,有十多日沒上bk.

昨晚(7/2)看到電視專輯講334,見到及訪問各學生,個個都迷惘驚惶無助,這才覺得佢地競爭更激烈,因為少了hkee的首輪淘汰,一試定生死,一刀切,競爭白熱化,不是你死就是我亡,數數手指,有多少人能經此途徑可以入讀大學?這不是更加增長名牌效應?可惜少年人要那麼早就要投入殺戮戰場,承受現實生活折磨人的滋味,還是教統局想早早訓練少年人情緒智商,334可以一舉兩得?

我私心希望當權及策劃者有子女就讀今年的334,然後出來說說新制的好處.問題是會有嗎?
作者: KWT    時間: 12-2-8 09:31

樂樂 發表於 12-1-21 22:33
尾班車同334現時已開始競爭自修室位了, 兩批都係3月開始考,自修室爆晒朋,要一早去才有位. ...

樂樂,

好久沒有跟你聯絡,我對你仔仔有信心,數理是你仔仔強項.

我仔仔只是間中去自修室,現時佢好像日夜顛倒,晚上讀書,很晚才睡,日間11/12點才起床(因為已經不用上學),間中上網打打機,佢自己話減壓,我也由他,看得多,聽得多,對考試是否可以成功入讀大學,已經麻木,成敗得失,除了成績,還要講機遇,只能相信天無絕人之路,柳暗花明又一村.現時只要仔仔話補習,不管那一科,只要佢肯,簡直不惜腰頭錢,也只好盲目相信補習有效,用錢買信心.
作者: KWT    時間: 12-2-8 09:50

本帖最後由 KWT 於 12-2-8 12:00 編輯
701003 發表於 12-1-12 00:01
回復 KWT 的帖子

我係半個虎媽，暫時仲未俾仔女一眼看穿心事！我不斷增值自己，要知得比仔女多，咁先可以 ...

701003,

考試壓力咁大,早上考3個鐘,下午又考3個鐘,除了知識,健康都很緊要,病左就真是時不與我,再叻都冇用.有人話煲豬腦湯,但我不識煲及感覺有d不自在,還是學你煲金銀花給仔仔飲,清清心火.我覺得佢現在心火很盛,很燥,希望有點幫助,再過2個月,考完試,無論成敗,大家都鬆弛下來,我希望佢會跟同學去旅行散散心.




作者: KWT    時間: 12-2-8 10:53

ANChan59 發表於 12-1-11 23:38
回復 KWT 的帖子

I guess the passing mark for Chinese and English may be around 20......

ANCHAN59,

是否因為模擬試卷,推算這個PASSING MARK?

又坊間傳說334制,對修讀IB不是那麼有利,會影響你仔仔嗎?
作者: supericeice    時間: 12-2-8 11:26

回復 KWT 的帖子

其實大家心裏明白, 當年教育局為了配合祖國的升學制度而强行推銷334, 推翻英國植民地教育制度, 還想草率實施, 若不是當年稍有社會的反對聲音, 第一屆的334學子應是我們的子女吧.

清楚記得教育局當年怎樣美化334的優點, 好像完全没有缺點一樣, 什麼減少學生考試的壓力, 用一個考試代替CE和AL, 讀通識可讓學生思想廣闊, 又什麼讀書不是求分數等等, 當時已知道這些全是謊言.

其實要CE合格考到FULL CERT真的不是太困難, 但已經可以有一紙証書找工作包括政府工, 或其他途徑升學, 而334的文憑試要合格我想應該比CE難些, 如果唔及格, 中學生涯咪得個桔, 結果咪又係一試定生死, 有什麼好處真的看不見. 就算可以升大學, 又要比多一年學費四萬幾, 咁邊個係得益者.

香港正苦之無能有誰可及, 身為家長的我們真的很無奈.
作者: KWT    時間: 12-2-8 11:34

94BABY 發表於 12-1-31 21:01
My son is 1st batch 334, tight time table : Dec - half yearly exam; Jan - govt practice paper; Feb - ...

94BABY, dailam,

對香港教育制度,左改右改,看不到好處,感覺是混帳夾失望.不說大的,就以考獲等級而論,5**,5*,5,如果不看注釋,使人一頭霧水,好比說美女,又要分美女,大美女,大大美女.傳統的A,B,C,D....,有什麼不好?即使分1,2,3,4....,簡簡單單,一目瞭然,人人一看就明,花咁多心思在改grading,難度佢地的智慧眼光只得咁多?都不敢講老調,浪費納稅人的錢.

遲些還要增加國民教育,真是要教什麼?大躍進,文化大革命,紅衛兵講不講?那些年,因為....餓死多少人說不說?四反五反,破舊立新,那些沒有政治後臺,被迫湊數成為地主要跪玻璃,食樹葉要不要直說?還是揀些皆大歡喜,人畜無害的科題來教.

其實我們做父母,平平凡凡,自問沒有超人知識眼光,更重要沒有很多多餘的錢,不喜歡香港教育制度,可以瀟洒的送子女去外國讀書,什至培讀.只好逆來順受,即使做虎媽,也是出自愛,即使別人覺得方法不對,問心可無愧.



作者: KWT    時間: 12-2-8 11:57

supericeice 發表於 12-2-8 11:26
回復 KWT 的帖子

其實大家心裏明白, 當年教育局為了配合祖國的升學制度而强行推銷334, 推翻英國植民地教育 ...

supericeice,

即使我們子女不是首屆白老鼠,也是尾班車,情況一樣不樂觀,學校資源(人力,物力)都集中334,如果失手,何去何從?

同時也可以預見334放榜後,成績不好的學生又要左撲右撲看看那間學校收F.6重讀生,而且人數一定多.再者即使考得3322成績,能否入大學也成疑問,如果入讀自資大學,對家長來說也是一個沈重的負擔.總之一句話,學生苦,家長更苦.

可以問為什麼學生,家長要咁苦?苦從何來?



作者: prettylily    時間: 12-2-8 12:23

KWT 發表於 12-2-8 11:34
94BABY, dailam,

對香港教育制度,左改右改,看不到好處,感覺是混帳夾失望.不說大的,就以考獲等級而論,5**, ...
其實我們做父母,平平凡凡,自問沒有超人知識眼光,更重要沒有很多多餘的錢,不喜歡香港教育制度,可以瀟洒的送子女去外國讀書,什至培讀.只好逆來順受,即使做虎媽,也是出自愛,即使別人覺得方法不對,問心可無愧.

我十分應同......
作者: 途人    時間: 12-2-9 18:42

KWT 發表於 12-1-11 23:02
途人,

如果334 無拉curve,是否將貨就價,視乎情況, passing mark 可上可下呢?

本港2012年開始不會再有10A狀元，因為考試及評核局把三三四新學制下的中學文憑考試，應考科目上限訂為八科，而成績等級則會按「水平參照」評核，但首年的水平，會參照2011年末代高考生的成績水平，而當局指出文憑試4級，與高考D級「有得相比」，另設「等級描述」，說明不同等級典型考生的能力，院校或僱主須以「用家自決」方式，決定申請者須達到的水平。

應考科目上限八科
　    首批新高中學生，將在2012年應考香港中學文憑試，傳統的中學會考和高級程度會考則會被完全取代，考評局秘書長張永明昨在文憑試簡介會上表示，首年實行的文憑試，將採用「水平參照」方式評核考生，考生成績需要與特定的水平作比較，即以往「拉Curve」評核方法，將會被取代，只有考獲5*和5**的文憑試考生，才是在5級以上的組別內進行「拉Curve」。
　   不過，他指出，首年實行的水平，就會參照2011年末代高考生的成績水平，但只會用高考成績水平的A至D級共四等水平，作為文憑試的5級和4級兩等成績水平參考，「雖然兩個制度嘅學生冇得比較，但參考嘅話，高考D級，就同中學文憑試4級『有得相比』，但水平定咗之後，就唔會再變」。

新增設「等級描述」

  　  他又指出，考評局另新增設有「等級描述」，說明不同等級典型考生的能力，包括知識理解、綜合分析和表達見解三方面，院校或僱主須以「用家自決」方式， 按其需要，決定申請者須達到的水平，因此僱主日後招聘時，可按工作崗位所需，聘請符合該等級的人才，他強調，「等級描述」並非是對個別學生的描述，學生仍然有可能會因為一次失手，而獲與其不相稱的等級。
　   他又提醒僱主，刊登招聘廣告前，應要列明應考文憑試學生的等級要求，同時亦需要寫上對於中學會考、高考或大學學歷的要求。對於2012年後公務員的入職要求改變，他則表示，公務員事務局會在年底或明年初，公布有關中學文憑試學歷要求。

作者: 途人    時間: 12-2-9 18:58

基於無拉CURVE, 到時會出現比大量同分學生, 再加上大學可以自行分配JUPAS同NON-JUPAS名額, 到最後從JUPAS入到大學的學生一定競爭激烈.

所以貧富縣殊已由讀書開始, 大學所有精英科目,例如醫生,律師....等,已被一班中產或有錢子女從NON-JUPAS途徑取去大半, 這就是我不認同一些本地直資學校校長鼓勵學生從NON-JUPAS途徑入大學的原因
作者: KWT    時間: 12-2-9 22:40

途人 發表於 12-2-9 18:58
基於無拉CURVE, 到時會出現比大量同分學生, 再加上大學可以自行分配JUPAS同NON-JUPAS名額, 到最後從JUPAS入 ...

途人,

所以話新grading幾煩瑣,沒看「等級描述」,真不代表什麼.如果報考外國大學,外國人更難理解.


港生能夠由JUPAS入讀醫科,律師,真是精英的精英.如果知道2012 AL尾班車,讀得壓力咁大,我都後悔仔仔小時沒有轉讀NON-JUPAS.只能說自己眼光不夠,其實做父母總想將最好的子女,可以理解家長,校長鼓勵學生從NON-JUPAS途徑入大學,學生都要付出,只是壓力競爭沒有咁大.


作者: 94BABY    時間: 12-2-10 22:08

KWT,
For UK universities, they do not based on 「等級描述」as no body knows what they are. Per HKEAA, there is an "approved tariff recommendations" for 24 HKDSE subjects so as to "level" the HKDSE grading to GCE A-level for UK universities reference.

Yes, it is really difficult for all 2012 AL & DSE students. Let's pray for them.
作者: 94BABY    時間: 12-3-21 20:42

亞仔今日話: 好想快D過, 又唔想佢嚟! (DSE -28-03-2012)
唔知係唔係其他同學同家長的心聲呢?
作者: LittleKidult    時間: 12-3-22 10:09

唉~我仔尾班車........成績中等, F5已經衰過一次(係學校爭少少入唔到理想果班, 攪到要讀2AL+2AS, 有科AL重係半放棄狀態.....)而家重晚晚打機打到2,3點........
同佢講今年水泡科都會超多人(因為以前d考生成績好既都會博多一年揀好d科, 今年唔得...)
唔知佢想點
作者: KWT    時間: 12-3-22 23:10

94BABY 發表於 12-3-21 20:42
亞仔今日話: 好想快D過, 又唔想佢嚟! (DSE -28-03-2012)
唔知係唔係其他同學同家長的心聲呢? ...

是呀!我仔仔都希望快d到4月,我更加希望無驚無險,又到4月.明天(23/3)正式開考,我現時心情都十五十六,無聊到想起明早應該給什麼早餐佢食,吃得太飽會不會考考下眼瞓,飲得水多要不要去廁所.....真是養兒一百歲,長憂99.
作者: KWT    時間: 12-3-22 23:18

LittleKidult 發表於 12-3-22 10:09
唉~我仔尾班車........成績中等, F5已經衰過一次(係學校爭少少入唔到理想果班, 攪到要讀2AL+2AS, 有科AL重 ...
,,
總之,大家努力.我仔都有打機,佢話用來減壓,成日見佢戴著耳機,邊聽邊溫書,做練習,我都有由得他,始終咁大個,佢有自己想法,唯有尊重佢的決定.



作者: KWT    時間: 12-3-22 23:20

94BABY 發表於 12-2-10 22:08
KWT,
For UK universities, they do not based on 「等級描述」as no body knows what they are. Per HKEAA ...

一句話,新grading不利我們仔仔去外國讀書.
作者: dailam    時間: 12-3-23 10:54

真是養兒一百歲,長憂99.

Can't agree more!  明年到我女兒考dse,她 現在已開始緊張，令我也緊張起來，有時見她未睡我也睡不到。最近我還積極地考慮明年辭去現時的part-time，聽起來像很可笑，但是反正做part-time 是為了消磨時間，倒不如多些時間留在家陪伴她，give her emotional support.。其實這樣做，可能我會感到好些。
作者: KWT    時間: 12-3-23 22:05

dailam 發表於 12-3-23 10:54
真是養兒一百歲,長憂99.

Can't agree more!  明年到我女兒考dse,她 現在已開始緊張，令我也緊張起來，有時 ...

你真是好媽媽,相信你囡囡會感受到愛意,大家一起努力,向目標邁進(入大學).
作者: 94BABY    時間: 12-3-24 10:25

Listening to the AL Chinese listening exam with my kid now, quite long and dull.
作者: Mandy2002    時間: 12-3-24 18:48

已報了多間外國大學 Foundation做後備了，agent 話今年競爭很大呢，所以都很担心不收。
作者: 94BABY    時間: 12-3-27 17:44

Hi, hhma,

AL Eng listening was held this morning, sorry for the late reply.
DSE Chinese Listening 29/3 (Thur)
DSE English Listening 31/3 (Sat)


作者: anaturell    時間: 12-3-31 16:36

cocomints 發表於 12-1-4 10:29
我仔仔都係白老鼠, 佢都好比心機温書, 表面好似一d都唔緊張, 但內裡壓力應該都唔少, 佢最擔心通識呢一科改 ...

我同你一樣心情...兩日後就考了!
作者: KWT    時間: 12-7-29 16:42

一直沒有回應這個topic是因為心情低落,不想影響別人.何解?

中文口試 ;  考試當日上午及前兩日,仔仔回校拼命做試前練習,因為每次測試成績都是肥佬,無奈都要面對現實 ----  應試.希望其他試卷能扯高d成績..

中文考試當日,考完試,佢竟然在街上遊盪三個多小時,期間不接電話.回來後才知佢不識答其中的文化卷,幾乎交白卷.佢當時說中文一定會肥佬.也即是沒資格入讀香港d大學.佢非常失落,因為有盡力,結果仍然是.....

一直都是低氣壓,隔幾天考UE,見佢考試當日都不想起床,以為佢放棄不考,誰知佢最終選擇繼續考,堅持考哂所有科目.

到了放榜,成績有驚有喜,不過,都是失落多些.為什麼?因為有2科在試前做了很多測試,成績都是A,而且一直帶頭,可考試成績出來,竟然只得C.最慘是在校成績比他差的同學都攞A.反而中文以為不合格都有D,其中口試竟然是A,真是大跌眼鏡,考試變數太多,

最終佢都入左HKU,不過,不是熱門科目,希望佢可以快快樂樂享受幾年大學生活.

也希望你們子女都可以入到大學.皆大歡喜.
作者: One-Mama    時間: 12-7-29 17:22

回復 KWT 的帖子

睇到我眼都濕晒...
認識幾位如妳孩子般的考生, 中游成績背負著很大的壓力, 由升上中四後, 面上笑容近乎消失, 有些更鑑於家庭經濟問題, 令他們感到只許成功...

無論如何, 看到妳的孩子最終成功考入HKU, 真的為妳及孩子高興, 總算是獲得合理回報.

祝阿仔及各同學仔女繼續努力, 創造自己美好既人生!

作者: 94BABY    時間: 12-7-29 21:31

回復 KWT 的帖子

恭喜,　恭喜!
只要他喜歡,　讀甚麼科其實並不太重要。
很多人畢業後的工作和讀的科目毫無關係,　也很成功。
Let him enjoy the U-life!

作者: dailam    時間: 12-7-29 21:46

回復 KWT 的帖子

恭喜！恭喜！入到 U就ok 啦！
雖然明年才到我，但dse 放榜前一晚我都睡不到，眼光光，等天光！剛才一面看妳的留言，感覺到你和兒子當時的低氣壓，我也忍不住眼濕濕。現在雨後現彩虹，祝願妳兒子開開心心的踏上新的階段！
作者: Rattie    時間: 12-7-30 12:30

回復 KWT 的帖子


恭喜 恭喜
好在阿仔肯堅持，結果永遠在意料之外！
依家一天都光哂，好替你哋高興。
哥哥讀完大學，又到弟弟過關了，到時大家都要加油啊！

作者: CrabPincers    時間: 12-7-31 18:03

恭喜晒，我女如果入到hku 開心到彈起都似
作者: happypiano    時間: 12-8-1 09:19

kwt

恭喜晒你同亞仔呀! 終於都皇天不負有心人.  我全部3pages睇晒, 睇到最後真係眼濕濕, 因為我都感受到你同你仔既壓力!! 真係好似透唔到氣咁!! 幸好你仔安然渡過, 呢個summer 要同亞仔大吃大喝盡情咁release晒之前既負能量去迎接更好既將來, 再繼續努力呀!!

我地d做亞媽既, 真係無野可以幫到佢, 唯一既係少出聲, 唔好俾壓力佢, 整多d唔同既野食, 等佢可以開胃d, 有足夠既能量去應付每日大量既workload.

你之前有提及去補習社, 想問, 效果是否滿意呢? 是否可以幫到你仔呢?

過多3年就到我仔同你細仔了, 睇完你呢篇野, 我既壓力都不其然的湧至, 唉!! 一試定生死真係好攞命呀!!
作者: KWT    時間: 12-8-2 15:21

多謝你們關心.我很高興看到你地的回應及留言.

自從知道今年AL是尾班車,我很有壓力及自責.因為當年仔仔想學中文,所以選擇傳統小學,放棄英基.誰知道Jupas與 non-jupas入大學途徑竟然有那麼大分別.很多讀英基的去年已經入讀港大LAW, MED.幸好最後仔仔都入到U.

happypaino,

我覺得上到高中,補習班用處不太大.只不過,人在無助時,好像手裡抓著根草,勝過兩手空空,除非學習答題技巧.佢地會俾很多notes你,只要上堂講過小小,就話貼中題目,這些都是舊制情況.在334下,特別指通識,補習班是否有用,就不大清楚,希望有其他朋友可以分享經驗.
作者: csk    時間: 12-8-12 23:48

KWT

恭喜你囝囝入U。前一排和朋友聚舊，她兒子考AL時失手，好彩入到科大，但並不是首選，今年一級名譽畢業，還考入政府。希望你囝囝繼續努力，原來在大學又會從新開始，只要有能力，就有機會！
作者: 701003    時間: 12-8-13 16:20

回復 KWT 的帖子

末代AL係被遺忘的........
忘記過去，展望未來
我女都入到U
KWT~~~~你仔入邊間U？我女入BU...
作者: 樂樂    時間: 12-8-13 22:53

701003 發表於 12-8-13 16:20
回復 KWT 的帖子

末代AL係被遺忘的........
恭喜恭喜!

但我記得你之前講過話佢入唔到u ,或係我記錯左?
作者: 701003    時間: 12-8-13 23:31     標題: 回覆：樂樂 的帖子

查完卷之後入咗浸大



作者: 樂樂    時間: 12-8-14 16:58

701003 發表於 12-8-13 23:31
查完卷之後入咗浸大

我仔有個同學又係,查完卷後,成績升GRADE,入左 HKU 熱門科目,仲唔需要面試 TIM.
作者: 701003    時間: 12-8-14 18:22     標題: 回覆：樂樂 的帖子

我女都唔使面試



作者: dailam    時間: 12-8-14 19:58

回復 701003 的帖子

congraduation! 入到那一faculty?
作者: 701003    時間: 12-8-14 21:20

dailam 發表於 12-8-14 19:58
回復 701003 的帖子

congraduation! 入到那一faculty?



Pharmacy in Chinese Medicine
作者: 樂樂    時間: 12-8-14 23:28

701003 發表於 12-8-14 21:20
Pharmacy in Chinese Medicine
佢點樣簡架? 之前25個choice內面,佢成績高過任何一科既最低分那位,都可以入那科?
作者: 701003    時間: 12-8-15 07:22     標題: 回覆：樂樂 的帖子

我女偏向保守
比如，果科上年平均AL成績係9—11分，咁佢預期自己可以考取起碼10分以上，咁就可以試下
如果放榜後成績未如理想，可以更改選科次序一次
文憑試收生分数，各大學會有公佈！熱門科目肯定競爭激烈，我女偏向選冷門少少。。。。。
我女因為英文聆聽分偏低，再加上佢最有信心之bio分偏低，所以第一次聯招派唔到大學學位，所以申請覆卷，查卷後成功入U



作者: KWT    時間: 12-8-15 21:50

csk 發表於 12-8-12 23:48
KWT

恭喜你囝囝入U。前一排和朋友聚舊，她兒子考AL時失手，好彩入到科大，但並不是首選，今年一級名譽畢業 ...

CSK,

謝謝.其實我都覺得仔仔考AL失手,點解?因為放榜個日,同樣一齊派mock成績表,諷刺的是失手2科,在mock考試排頭一,二位,當日我見到成績跟他後面的同學都攞A,望著那張AL成績通知單,如果眼光可以移形換影,真是想搬左d grade落我仔仔張成績單裡,那就一天都光晒.事後想想,其實在壓力下考得好,反而更重要.我們出來工作,很多時都要面對壓力,也許考試壓力都是另類訓練.
作者: KWT    時間: 12-8-15 21:58

樂樂 發表於 12-8-13 22:53
恭喜恭喜!

但我記得你之前講過話佢入唔到u ,或係我記錯左?

701003,

我仔入左HKU.其實我都想佢報pharm or physio,可惜成績不夠,不敢摶,怕連個桔都冇埋.你囡入左PHARM OF CHINESE MED都好,希望以後能夠交換心得,互相分享.


作者: KWT    時間: 12-8-15 22:00

樂樂 發表於 12-8-14 16:58
我仔有個同學又係,查完卷後,成績升GRADE,入左 HKU 熱門科目,仲唔需要面試 TIM. ...

樂樂,

我仔都有查卷,可惜沒能升grade,白白花費了$$$$$$



作者: KWT    時間: 12-8-15 22:06

我們的尾班車都算告一段落,希望能聽到首屆334白老鼠家長好消息.盼望著......






歡迎光臨 教育王國 (/) Powered by Discuz! X1.5