宣道家長們, 你地覺得宣小有咩優點/缺點?

puibpuib

小兒有幸獲宣小取錄, 由於另有kts的offer, 想向大家請教一下你們覺得宣小的優點和缺點(或者講有咩可以好d)是什麼, 希望大家advise一下, 謝謝!

puibpuib

有無家長可以share下? Thanks!

magtam0520

其實在小一選校區已有不少討論，大致可歸納為

優：派位好，學習及音樂水平出色，重視品德教育，校長有領導能力...
缺：校舍空間不足，沒有直升中學(變相重視派位)，外籍英語老師不多，學  
       生必須不停練習樂器，再加上學業要求，變得相當忙碌, 另外當然是要交
       學費啦！

GOGGBB

我嘅情況同妳一樣，在我啲朋友心目中兩間學校水平差不多，一間強在音樂，一間體育比較出色，如果不介意校園環境，我會問小兒喜歡音樂或體育多些，等佢都有份參與做決定。

puibpuib

magtam0520 發表於 11-12-29 12:16
其實在小一選校區已有不少討論，大致可歸納為

優：派位好，學習及音樂水平出色，重視品德教育，校長有領導 ...

如果係校舍空間不足呢d硬件我都接受到, 無直上中學係差d, 但我手上雖有一條龍的offer,但中學未必好得過宣小派到的。
反而, 我想多了解宣小學生的語文水平, 包括普通話及英文, NET很少, 少成點? 但佢有RWI, IPA學, 英文基礎應該也不錯吧?普通話又如何?
另一擔心的是, 佢大班教學, 成40人一班, 唔知點照顧個別有需要的同學。
仲有, 佢7:45上堂, 估計第時阿囝6點就要起身.....

myac

puibpuib 發表於 11-12-31 22:18
如果係校舍空間不足呢d硬件我都接受到, 無直上中學係差d, 但我手上雖有一條龍的offer,但中學未必好得過宣 ...

Your question is my question too.....

gogoweb

升中派位 :  睇往績, 宣小好似比九龍塘略勝一籌

音樂  :  其實宜家好多小朋友都會學樂器, 就算唔讀宣小, 一樣會學!

體育  : 情況同音樂一樣, 讀得私校, 個個都總有一體一對傍吓身!

gogoweb

回復 puibpuib 的帖子

宣小全校只得一個NET, 同埋佢只教Phonics部份, 其餘英文課都由本地老師任教. 學校無英文教科書, 只有自家設計既工作紙, 可以講係教你大概範圍, 然後當你明咗, 考時就無限大! 不過全港好多學校都係咁, 根本老師無可能樣樣慢慢教到小朋友明. 不過又係同一原因, 讀得私小的小朋友, 家長都會跟得較貼, 所以水準又點會差呢?

大家都知道宜家啲老師有幾多嘢要做, 小班教學既都多嘢做成咁, 何況大班呢? 老師改簿改卷都多三分一啦! 所以會要求小朋友主動積極兼自律, 有問題的學生, 跟唔上既好多都會自動退學!

joeyxlma

puibpuib 發表於 11-12-26 22:39
小兒有幸獲宣小取錄, 由於另有kts的offer, 想向大家請教一下你們覺得宣小的優點和缺點(或者講有咩可以好d) ...

very same situation to me.

I have do some research but still not yet decided. The following is some of my research result:

Discussion target:  talked with several persons as follows: Those I know are quite close friends and I believe they are not giving "standard answers".

Results:
1. 教育界人士，包括：
一位開專教英文的學校：APS - 原因: APS 派位比KTS強

一位現任中學老師: APS - Very much demand. 她大女3年前都考到宣小/good hope/HK True Light 之後抽獎, 但由於覺得宣小/good hope過於demanding, 寧願選 HKTrue Light. 不過結果她女兒派了第一志願, 沒有讀私小.


2. Parents from KTS
他們都異口同聲大讚KTS. 小孩也十分喜歡學校. 包括他們的第2個小孩, 都是讀KTS.
他們認為KTS的成績不比宣小差, 在KTS考全級頭10名的很多名校都會收.
KTS有一個很獨特之處是老師和家長非常close.
不過我認識的2位家長的子女都是在學校名列前茅的.

Unfortunately there is no partent from APS also I do not have access to the homework of APS for comparison.

don't know anyone can help.

luiluimama

我近排同一個有2個小朋友既家長傾過計, 佢大女讀KTS, 細女讀APS, 我問佢覺得邊間好D, 佢答我APS, 佢話以學術計, APS會好D, 佢話佢細女喺APS讀小一時, 覺得APS教學比較有條理

不過我覺得2間都係好學校, 我對仔女係讀APS, 我個人覺得APS唔係教得深, 係教得快, 好似以上家長分享咁講, 考試果時真係比平時既exercise既題目形式同程度都深好多, 因為學校主張融會貫通, 即係話, 平時做exercise做得到, 並唔代表考試會考得好, 所以樓主你要好好考慮清楚

ChiChiPaPa

宣小的優點是學生能力差異較少。超高比例的畢業生能升上知名中學正反映這優點。囡囡畢業的那一屆,有同學考七十幾,都能入讀女拔。囡囡當年在宣小是包尾的一群,今天讀中二,卻是全級最top的學生。宣小給了她最好的學習基礎。

DiamondHill

ChiChiPaPa,

想問英語水平是否容易CATCH UP ?

ChiChiPaPa

DiamondHill,
你想問升英中後是否容易適應？

宣小的英文，IPA和phonics幫了很多。因此，囡囡中一英語科的全級排名能取得第一。

SUNWONG9861

ChiChiPaPa 發表於 12-2-22 19:32
宣小的優點是學生能力差異較少。超高比例的畢業生能升上知名中學正反映這優點。囡囡畢業的那一屆,有同學考 ...

考70幾入DGS？單憑考70幾名，DGS應該不會收，除非音樂或體育上，十分出色或是她的父母擁有高尚的職業。

此外，請問你囡囡現在就讀那一所中學。

ChiChiPaPa

大部份的宣小畢業生都有一定的音樂水平。

囡囡讀保良局羅氏基金中學。

金毛B媽

睇一間小學好唔好, 不只睇學業成績, 升中派位, 仲要睇埋學校俾唔俾到溫暖, 有愛心既學習環境俾小朋友, 畢竟小學生都只是10歲8歲小朋友, 仲需要愛心既學校陪伴佢地成長

我剛剛深深感受得到, 學校真的很好, 很包容, 很愛小朋友

bgmame

相信英文一定不用懷疑了. 另有沒有外語學?

不知中文和數的水平如何? 升中後銜接到嗎?

學校多唔多雜費/捐獻等?

多謝分享!

ChiChiPaPa

無其它外語科。
小五,六有課後補課,教文言,英數,為學生準備升中。囡囡在宣小中文和數學都屬於較差的一群,數測還多次不合格。但到中一,中文是全級第一,而數學是全級第二。宣小的中文和數學水平都是很高的。
無乜雜費和捐獻。除學費外,最大的支出應是樂器學習。

DiamondHill

ChiChiPaPa,

是否只教不考的 ?