教育王國

標題: 想問問選擇國際幼稚園/雙語學校o既家長語言水平如何? [打印本頁]

作者: aloha_samuel 時間: 11-12-21 16:50 標題: 想問問選擇國際幼稚園/雙語學校o既家長語言水平如何?

老實講,我d英語水平真係唔多掂

,國語就不過不失啦!怪就怪自己細時唔讀書,到而家個囡要搵學校,都想搵一d可以幫到佢語言方面o既學校,我都唔想個囡同我一樣,就算唔叻都可以同d外籍老師溝通吓嗎!我哋細時讀o既邨校邊有而家咁多元化呀?試過帶佢去in一d出名學校,見到d家長滿口abc,有時都覺得自己係咪大諗頭呢?人報自己又報

,其實都係o個句,為咗個小朋友好啫~就係自己教唔到,所以想個囡可以去一d好o既學校受教育,到有國際學校收佢,自己又怕應付日後學校o既活動同埋溝通,又怕o係屋企同個小朋友配合唔到,真係好自卑.....其實我係咪諗多咗呢?大家o既睇法又係點呀?可唔可以分享吓呢?

作者: rubylairubybuzz 時間: 11-12-21 18:25

回復 aloha_samuel 的帖子

其實又唔需要咁悲觀...好多國際學校係有香港老師翻譯嫁...反而我覺得如果自己本身英文唔太好就真係需要進修一下...因為之後要參與小朋友嘅功課真係需要一定英送水準^^其實只要金錢許可就唔會係大諗頭...邊個話要家長有學識先可以比小朋友讀國際學校?!最緊要自己唔好自悲^^加油!!!

作者: rubylairubybuzz 時間: 11-12-21 18:26

自卑先對

作者: 藤媽 時間: 11-12-21 19:45

其實問題都唔大，如果父母語言底差D，可能要投放多D資源落去。

我阿媽小學未畢業，我細個讀YORK 都係靠自己，冇咩問題。

大個左幫個小朋友補習，佢讀DGS，佢個媽咪係老師，教中文，請我返去幫佢個女補英文，平時一星期補一堂 (2-3個鐘)，考試時就星期六日一日七八個鐘咁踩。

放心啦，教唔到佢語言你可以教佢自學架嘛！呢樣野仲更加可以一生受用！

作者: hei2222 時間: 11-12-22 12:14

aloha_samuel 發表於 11-12-21 16:50
老實講,我d英語水平真係唔多掂,國語就不過不失啦!怪就怪自己細時唔讀書,到而家個囡要搵學校,都想 ...

千其唔好咁唸, 我地年代父母又咪係小學/小學都未畢業. 而家又咪OK.
最緊要有好的讀書氣氛, 同埋學生本身求知欲强, 學長幫到當然好, 但係唔係一定的.
我都識D父母學歷好低, 子女讀書好叻, 做埋醫生TIM.
家教/身教唔一定要灌知識, 態度最緊要.

作者: cms_carol 時間: 11-12-30 09:53

小朋友適應力好強.... 唔係名校學生都會出到好成績..... 所以每位家長不需要擔心... 屋企, 學校環境令到小朋友開心, 小朋友就會讀書會開心!!

歡迎光臨教育王國 (/)