教育王國

標題: 點樣俾適當壓力俾7歲女呢？ [打印本頁]

作者: jenniferkwok 時間: 11-12-21 16:23 標題: 點樣俾適當壓力俾7歲女呢？

已經小二，點解好似....

1. 毫無進取 (是我一直話"只要盡力就可以"所致？成績不太理想佢只會唔開心1分鐘....唔會識諗下次要更努力)
2. 對金錢無概念 (唔會話"太貴LA, 唔要LA"，亦唔知要儲)，我地又唔係咩大富之家，又唔係成日買野俾佢，上小學後更加係要有條件下先買，近呢半年除節日都無買了，成績達標就直接俾$20佢入錢箱 (佢都無乜可達標....)，但佢就成日諗住可以用D錢買乜，佢覺得用剩$1都係儲！
3. 毫無自覺，唔叫係唔會溫書，唔識諗"做哂D功課放假米唔使心掛掛"

佢除左成績上有D壓力外，我真係唔覺佢有咩壓力，成績亦只限於溫書個陣同派卷個日，佢覺得合格都叫OK....！佢覺得最重要就只係玩&開心！

但我見好多同級既同學都好識諗，都唔係咁既！

作者: bbJP 時間: 11-12-21 16:34

我諗"目標"和"興趣"在現階段更重要.

作者: jenniferkwok 時間: 11-12-21 17:08

因為我見好多同學都會做到以上幾點，我怕佢好似活在另一個星球咁！當大家都好有目標既時候佢仲係度玩緊！

無異佢都算係一幾開心既小朋友，無咩壓力，但我又怕佢就係過左少少... 我開始懷疑係米我教成咁呢....

自小都鍾意帶佢地出外接觸大自然/事物 --> 依家每逢假期就叫去公園/博物館
自小每事都盡量解釋，包括我對佢地要求、自己待人接物人生觀等 --> 依家駁返我 "又係你話每個人係一個個體諗法唔一樣"、"我盡左力LA，都合格" ...

係~我一開始都係想佢地做一個開心身心健康既人，但都唔係"0"壓力架....

作者: khmama 時間: 11-12-21 23:14

回復 jenniferkwok 的帖子

小朋友要既唔係壓力, 你多o的讚賞同鼓勵, 小朋友自然會有動力.

作者: ANChan59 時間: 11-12-22 01:02

動力>>>壓力

作者: jenniferkwok 時間: 11-12-22 16:31

讚同鼓勵係有，動力都有... 只係去哂玩樂！

或者我唔應該話壓力，應該話點樣令佢責任感重D！

作者: Joshua_BB 時間: 11-12-22 18:45

我個仔都係小二, 都係咁上下, 佢係一個開心嘅小朋友, 好多野都係我緊張時佢唔緊, 要我催佢做功課佢先做, 唔算自動自覺, 不過見佢成績都OK, 又唔想push佢太緊要, 希望佢大D會好D啦.

作者: awah112 時間: 11-12-22 19:50

提示: 作者被禁止或刪除內容自動屏蔽

作者: babybabye 時間: 11-12-23 10:14

1. 成績不太理想佢只會唔開心1分鐘....唔會識諗下次要更努力，當佢唔開心既時候盡量叫佢試下做總結，定1d佢能力範圍能夠達到既目標，點樣先可以達到，咁睇的話其實可能小朋友有諗過想進步，但無咩方法實行，因面對困難大多數小朋友都會先逃避，佢有種停滯不前既感覺，所以先會講話我盡左力啦(係佢眼中既盡左力)

2. 成績達標就直接俾$20佢入錢箱 ..可能係佢眼中同無囉過係無咩分別，當佢無金錢既概念時，而成績達到標都只係放落錢箱，我聽落既動力同興趣都唔大，雖然lei個係1個好既教育概念，但係你小朋友身上就唔work喇..會唔會改變一下鼓勵小朋友既方式好d?例如積分制，達標幾多次有咩獎勵，而進步大既又會有咩更大既獎勵

3. 毫無自覺，唔叫係唔會溫書，唔識諗"做哂D功課放假米唔使心掛掛"，如果有效解決1+2，第3就自然解決。。

作者: jenniferkwok 時間: 11-12-26 23:23

Joshua_BB 發表於 11-12-22 18:45
我個仔都係小二, 都係咁上下, 佢係一個開心嘅小朋友, 好多野都係我緊張時佢唔緊, 要我催佢做功課佢先做, 唔 ...

就係見成績都仲叫可以，所以我都無迫得佢好緊！

其實態度問題....我唔係話要佢要好好成績，咁當然再好d就最好LA, 但係想佢見主動D同積極D LOR

作者: jenniferkwok 時間: 11-12-26 23:23

awah112 發表於 11-12-22 19:50
要佢做家務.

有用？

但係.... 其實我自己都唔多做....

作者: jenniferkwok 時間: 11-12-26 23:34

babybabye 發表於 11-12-23 10:14
1. 成績不太理想佢只會唔開心1分鐘....唔會識諗下次要更努力，當佢唔開心既時候盡量叫佢試下做總結，定1d佢 ...

1. 好！下次就捉住佢唔開心個1分鐘，叫佢做總結，叫佢諗下點改善！其實一直定既目標我都覺得係佢能力範圍之內....可能係我一相情願....

2. 達標幾次先有獎，咁佢都應該要等好耐下.... 依家除左默書外，測驗佢都好少會有9字頭！默書又唔係個個星期有！不過進步大有大獎都可以考慮下

唉~我都唔識講，你話佢唔明道理又唔係，佢係知要努力溫書要儲錢，但就總係未夠積極行動！

作者: smallfoothk 時間: 11-12-27 10:41

想你其實要佢"自動自覺"嗎?

作者: khmama 時間: 11-12-27 15:49

回復 jenniferkwok 的帖子

獎勵可以有好多種, 唔一定要同成績掛鈎. 例如平時佢做功課慢, 今日做快咗已經可以讚, 又例如平時佢都做唔齊功課, 今日做得齊, 又或者佢作句做得好, 又或者書包執得整齊, 全部都已經可以獎勵. 獎勵唔應該用錢, 小禮物已足夠, 甚至係一o的佢喜歡既食物或活動. 有時真係要花o的心思.

作者: jenniferkwok 時間: 11-12-28 16:46

smallfoothk 發表於 11-12-27 10:41
想你其實要佢"自動自覺"嗎?

Yes! 同埋識諗D LOR....

作者: smallfoothk 時間: 11-12-28 16:49

回復 jenniferkwok 的帖子

大家都咁話,要佢自動自覺+識諗D LOR

作者: jenniferkwok 時間: 11-12-28 17:12

khmama 發表於 11-12-27 15:49
回復 jenniferkwok 的帖子

獎勵可以有好多種, 唔一定要同成績掛鈎. 例如平時佢做功課慢, 今日做快咗已經可 ...

獎勵可以有好多種, 唔一定要同成績掛鈎. 例如平時佢做功課慢, 今日做快咗已經可以讚, 又例如平時佢都做唔齊功課, 今日做得齊, 又或者佢作句做得好, 又或者書包執得整齊, 全部都已經可以獎勵. 獎勵唔應該用錢, 小禮物已足夠, 甚至係一o的佢喜歡既食物或活動. 有時真係要花o的心思.

其實讚就成日都有架La.... 一讚佢地動力會大好多, 邊敢唔讚丫！而好多時都唔係學業上架LA, 因為平日學校既野佢都算做足，功課補習社做哂、書包日日自己執(只會想偷懶唔執)，所以讚既好多時都係課外既野，例如無同妹妹嘈、有禮貌、幫上忙、興趣班有進步等！

至於學業上，為左真係獎勵佢，所以除左讚就會有實質既獎勵。最初開始都唔係獎錢既，係獎小禮物，但到依家佢小二，未必次次諗到要獎D乜，之後就叫佢用簿仔記得欠佢幾份小禮物，但欠得幾份又開始唔記得&亂，就開始改為俾錢佢儲，一心係想佢開始學儲錢概念同點安排，因為每次$10，好多時係買唔到佢鍾意既野！

心思我真係無乜！

作者: smallfoothk 時間: 11-12-28 17:54

本帖最後由 smallfoothk 於 11-12-28 17:58 編輯

市塲上教育書"讚"好處多,傳统教法己少用,如3日一少打,5日一大打.我都是用錢來獎勵佢,佢儲起D錢買心愛東西,我的時日無多.要呈分試,家長提供好多有效方法來考試,要用有更效方法推動力,就是佢的要求,只要佢考得好,就要....,我話ok,方法就不正確,有效便好,為有將來慢慢教反好佢

作者: jenniferkwok 時間: 11-12-29 15:48

smallfoothk 發表於 11-12-28 17:54
市塲上教育書"讚"好處多,傳统教法己少用,如3日一少打,5日一大打.我都是用錢來獎勵佢,佢儲起D錢買心愛東西, ...

慢慢教.... 我係怕大左仲難教啫！其實道理&正確觀念係從小都有同佢講，佢係明亦都記得(因為偶然講故事都會重溫呢D道理，佢今年會識話"知LA, 你由細講到大講左好多次LA", 所以我知佢係記住)，只係佢難實踐LOR....

我係見有D同佢一樣大甚至細佢一年既都識諗過佢，所以我先會擔心！

歡迎光臨教育王國 (/)