教育王國

標題: 想問下鍾意圓形/轉既野係咪一定係自閉? [打印本頁]

作者: fishcowcow 時間: 11-12-20 11:45 標題: 想問下鍾意圓形/轉既野係咪一定係自閉?

BB由幾個月開始巳經好鍾意轉動既野(抽氣扇, 風扇等), 到而家17個月大, 好鍾意去轉車輪, 睇SALON門口條轉轉, 凡係可以轉既都轉一餐(例如電筒, 水樽), 不過佢EYE CONTACT就無問題, 叫佢有反應, 有眼神接觸, 咁樣情況會唔會係自閉傾向?

作者: Torres 時間: 11-12-22 00:40

18個月應該有16個單字, 他語言如何? 有冇自殘, 固執行為? 有冇手指指?

作者: fishcowcow 時間: 11-12-22 16:17

語言方面, 佢識講DADDY, MUMMY, 爺爺, 婆婆, 波, 靚靚, 嘟, 早晨, BYEBYE, 姨, 包包, 鞋鞋等等;, 但未必係自發講, 有時係佢聽到我講, 佢就跟住講囉, 啲音唔係好正, 但係聽得明

佢自殘同固執又無, 有時佢扭計要玩某樣野, 我用另一樣野引佢都得, 唔會一定要攞到為止

手指指就一時時啦, 佢發現啲野, 例如有隻狗, 佢就會指叫我睇話"wow wow"咁囉

但係佢真係可以咩都轉一餐, 但又唔會轉好耐既, 5mins內, 但我見其他同年紀小朋友又唔會鍾意啲轉既野, 所以我就有啲懷疑囉

作者: Torres 時間: 11-12-22 23:56

又唔係好似wor, 你去e個website (自閉症症狀快速檢查表) 再check下啦! 如果再擔心的話, 可以打返去健康院說明仔仔情況, 睇下可否早些返去見下姑娘!

作者: Torres 時間: 11-12-22 23:57

http://www.prta.org.hk/chi/info/checklist.php

作者: owl_2046 時間: 11-12-23 11:20

回復 fishcowcow 的帖子

同我懷疑亞仔時好相似.
亞仔轉野好叻, 好似玩雜技.
你最好帶個仔去CHECK 下.

作者: fishcowcow 時間: 11-12-23 14:05

owl_2046,
即係你個囝都係鍾意轉野, 但其他野例如EYE CONTACT, 語言又OK??
咁最後你個囝CHECK到係咪?

作者: owl_2046 時間: 11-12-23 17:43

本帖最後由 owl_2046 於 11-12-23 17:47 編輯

回復 fishcowcow 的帖子

1.5歲前我一直認為亞仔冇問題, 佢喜歡望人, 影相幅幅望鏡頭, 講野係遲, 但未足月已"依依呀呀" 個個人都話我個仔好快會講野.
但大大下就出事啦....唔望人,唔理人,唔講野,而家一直在進步中, 但係做人做得好"hea"比佢激C.
而家係自傾+delay.

作者: fishcowcow 時間: 11-12-24 13:31

反而大大下唔鍾意望人? 我一直諗住呢個問題係天生

作者: stockmike 時間: 11-12-24 14:48

我個仔一歲到日轉夜轉嘢, 而家三歲幾, 一定唔係自閉, 鬼死嗊多嘢講, 唔使太擔心!

作者: ANNAFRIEND 時間: 11-12-25 17:39

鐘意轉東西唔等於係自閉, 小朋友唔知點解又真係好鐘意轉東西. 好鐘意圓型既野. 自閉係好容易睇得出, 大多數係對外界冇反應, 我舊同事個仔就係, 睇住佢大, 越黎越唔彩人, 佢地真係活o係自己世界中, 所以好容易發現.

作者: owl_2046 時間: 11-12-28 11:42

最緊要留意佢會否越來越差, 係就快D搵相關治療.
GOOD LUCK!

作者: BKVIP 時間: 11-12-29 14:27

我大仔bb時都會望人，影相一定望鏡頭，亦唔覺佢特別鐘意轉嘢，只係會好留意其他抱佢嘅人身上的閃令令珠片，個時完全唔覺佢同其他小朋友有咩分別，至15個月起，發覺叫佢唔認，未有單詞，鐘意用腳尖行，自轉，到18個月去cac評估只話佢delay，到19個月我認定佢係自傾，因為書講嘅特徵佢中晒。

依家我好担心細b 都係咁，佢依家快11個月，會望人同人亦有交流，基本上同我大仔bb時無分別。但佢同大仔唔同係佢咁細個已經成日轉車輪反而大仔無，無輪係學行車/車仔玩具都轉一餐，又係好留意人地衫上的樓扣，所以我好驚

作者: fishcowcow 時間: 11-12-29 16:18

我前幾日去睇兒科, 醫生話佢唔似喎, 因為一坐低BB就望住醫生, 同佢玩或者叫佢執野佢又會去做, 醫生話自閉最大特徵係無眼神交流喎, 但我話BB好鍾意轉野, 真係咩都可以轉一餐架, 不過只會轉幾分鐘, 又唔會轉成個鐘咁耐既, 我再約左健康院1月去見姑娘, 希望唔係啦~

作者: ng_tg 時間: 12-1-16 00:41

我個仔一嵗多D又係好喜歡轉野，到而家差唔多三嵗啦，學校話有D發展遲緩，於是到CAC見左姑娘（排期見醫生），同見左私家兒童精神科醫生做左評估，初步話有自閉傾向。再看左協康的書：http://www.heephong.org/webprod/ ... amp;%20P.10-17_.pdf
發現“很喜歡轉野”是自閉的一個明顯特徵。

作者: kc1016 時間: 12-1-17 11:19

我個細仔又係好鍾意轉嘢, 嘜都轉一餐, 但佢講嘢就好叻, 應對同我溝通都好好, 仲好有音樂感. 有時D情緒會差距D. 甘會唔會有問題?

歡迎光臨教育王國 (/)