教育王國

標題: 我迷失...... [打印本頁]

作者: heidys 時間: 11-12-14 15:47 標題: 我迷失......

於教育理念.....
自己中意取其中庸之道,一定要開心
但對於個仔呢? 如果幫佢照揀呢條路, 唔去push佢, 佢會唔會怪我唔夠進取呢?
眾多reject 信話我知,我阿仔係未去到果個水平,我信佢係有潛質,佢絕非愚蠢
咁我係咪在讀二三線K1(唯一的offer,好多謝慧眼伯樂)之餘,再從旁報D 進修班(e.g. 學術/興趣班) 去谷下佢d潛能呢?
或者咁樣我先心安理得
但咁多樣可以學,學邊樣先呢? 就算金錢無限, 時間都有限啦...
但係...變左為谷而谷...為跟住大隊走...充滿無奈feel

作者: chloe1010 時間: 11-12-14 15:57 標題: 回復 1# heidys 的帖子

其實我都同你有相同想法！就係如果無d好既offer(我係白果黨黨員)，個女會直升返依家間K(係無學卷既，其實唔算差)，但就會報多1、2樣學術既課餘活動俾佢惡補下囉，唔可以話係跟住人行既，只係現今既教育制度下，都唔論到我地自己諗

作者: NICOLE123 時間: 11-12-14 16:00

其實都係睇你小學有咩plan者有分在手既根本唔洗太擔心

如果無.又想考直資/私小就要好好計劃

作者: thingy 時間: 11-12-14 16:03

唔明點解以家d學校好多都話要 "一體一藝"(sport同art都要有樣野學下)，話就話為培育小朋友，但其實咪苦了爸媽！因為好似要"催谷"佢咁-_-......好似已經唔可以由小朋友揀自己的興趣....

作者: ivypooh 時間: 11-12-14 16:06

其實我心態都係想佢有一個快樂的幼稚園生活，到小學先俾心機讀書，但係現今世界已由幼稚園䦕始，依家唔幫佢報，到時又唔夠競爭力，真係好矛盾

作者: gisoleung 時間: 11-12-14 16:07

我未一樣..呀仔係細仔...我好迷失..一直跟大隊走...走呀走呀...但當去到INTERVIEW時..眼見好多大B中B識講嘢同好有反應..再見自己個仔..ONLY識講少少嘢(不聽話)..唉..未多封都係REJECT LETTER..我相信唔係呀仔唔得,但當然不及大B中B勁..相差6個月便是6個月,1個月便是1個月..我相信如果我呀仔同其他小朋友一樣大時,一起INTERVIEW的話,呀仔一定唔差..可惜佢出世的月份係無得選的..

下年我會比呀仔再來一次...(聽到有人話如果佢做大B會唔會太大呀,又話D學校不喜歡收大仔)..我唔理人地點講,我會比佢試!呀仔得唔得都好,一試無妨!

各位加油呀!

作者: 開心小花 時間: 11-12-14 16:16

大家要相信自己小朋友的能力同潛力, 唔好用幾多封Accept letter去評定自己的小朋友的能力. 而課外活動,我會俾自己小朋友去試的. 小朋友咁細, 大家麼都俾小朋友試下先, 睇下小朋友的興趣係邊. 唔好一開始就去想為了考直資, 考私校. 咁大家的壓力會少D, 亦會enjoy參加課外活動的過程.

作者: baekdoosan 時間: 11-12-14 16:17

其實谷未必代表唔開心... 有些小朋友入了傳統官津一樣開心. 最緊要揀間適合自己小朋友的學校.

大家加油!

作者: NICOLE123 時間: 11-12-14 16:25

其實小朋友上興趣班唔一定係為左谷.我小朋友讀緊龍校k2
而家學enopi math, 鋼琴, 普通話, swim, 合唱團

我唔係為左谷佢.
enopi math , 琴 , 合唱團係佢要求學佢唔想停
swim 係為左身體醫生指明要佢去游冬天都唔好停
普通話真係為左小一學校普教中要準備

人地見我仔學咁多野,以為我想谷佢
實情又唔係呢

[ 本帖最後由 NICOLE123 於 11-12-14 16:27 編輯 ]

作者: chubbychu 時間: 11-12-14 16:41

最緊要係小朋友鍾意, 唔好理人哋的閒言閒語.

原帖由 NICOLE123 於 11-12-14 16:25 發表
其實小朋友上興趣班唔一定係為左谷.我小朋友讀緊龍校k2
而家學enopi math, 鋼琴, 普通話, swim, 合唱團

我唔係為左谷佢.
enopi math , 琴 , 合唱團係佢要求學佢唔想停
swim 係為左身體醫生指明要佢去游冬天都唔 ...

作者: 開心小花 時間: 11-12-14 16:41

原帖由 NICOLE123 於 11-12-14 16:25 發表
其實小朋友上興趣班唔一定係為左谷.我小朋友讀緊龍校k2
而家學enopi math, 鋼琴, 普通話, swim, 合唱團

我唔係為左谷佢.
enopi math , 琴 , 合唱團係佢要求學佢唔想停
swim 係為左身體醫生指明要佢去游冬天都唔 ...

係, 唔好以為參加課外活動就等於谷. 我個侄升小四, 有四樣課外活動. 佢阿媽怕太多, 佢會辛苦, 又怕成績會跌, 想cut一樣. 我個侄唔肯, 仲話一定會俾心機讀書, Keep住個成績唔會跌.

作者: chubbychu 時間: 11-12-14 16:48 標題: 回復 10# heidys 的帖子

放心啦, 二、三線KG都唔緊要. 學定一、兩樣課外活動, 對將來考直資/私小, 點都有幫助. 我都會俾阿仔去學嘢, 最緊要係佢開心, 想學. 一個星期用幾小時去學嘢, 都唔太谷呀.

你唔好無奈啦, 只係我哋要去迎合這個社會. 我記得小時候, 諗點解人哋有得學琴, 我無呢. 現在自己有能力, 咪盡量培育個小朋友囉, 等佢的人生豐盛些

[ 本帖最後由 chubbychu 於 11-12-14 21:26 編輯 ]

作者: 小曳人 時間: 11-12-14 16:49

我覺得唔同人做同一件事，目的可以唔同
有人為咗cert，乜都學一餐，係比賽都去玩！
但係，我唔鍾意比賽，我唔儲cert，但我一樣可以俾小朋友學我覺得有需要嘅嘢 (游水)同埋佢鍾意嘅嘢！呢d係家長心態問題，學習唔一定係谷，學嘢當然要練習，兩過程未必悅快，但係當中亦有好多悅快嘅回憶/得着！

香港人，放鬆d啦！

作者: BBCOW2009 時間: 11-12-14 16:50

我都好迷失, 面試中見其他小朋友識A-Z,1-20, 原來現在幼稚園面試已經要考.
但我都沒有好認真教過, 我只是著重教她生活常識, 自理, 天真地想A-Z, 1-20她返學自然會識啦.
究竟是家長迎合學校要催谷小朋友, 還是學校因小朋友被過早催谷越考越深.

引述自- 小一選校 - PLK C.K.Y Primary School
[劉校長在剛舉行的家長會上亦談到這個問題。她說學校越來越多人申請，故無奈要考一些較深的問題來揀選學生。她亦留意到小一入學面試越來越深，而幼稚園則跟隨越教越深的惡性循環。]

作者: 小曳人 時間: 11-12-14 16:56

原帖由 NICOLE123 於 11-12-14 16:25 發表
swim 係為左身體醫生指明要佢去游冬天都唔 ...

係呀！唔好停！
但雖然係咁，睇見阿仔d咳未好，又唔敢俾佢落水，一轉天氣就咳，搞到得罪partner/教練，e+要單對單學呀~

作者: 小曳人 時間: 11-12-14 17:03 標題: 回復 14# BBCOW2009 的帖子

我作為一個早教媽媽，我唔認我係谷個小朋友！我相信孩子愛學習係天生本能，佢地幼兒期學習係似海綿吸水。
作為聰明嘅靈長類動物，人類同其他動物一樣，要學習生存，爸媽做乜，幼兒就會跟住做，你唔教佢，佢都會自己學懂！我大仔就係一個好例子：爸爸學緊日文，阿係未夠兩歲已經要爸爸教佢，問過好多次，爸爸終於由唔想教，到教佢少少，慢慢發現佢學得好快，越教越多~

作者: heidys 時間: 11-12-14 17:33 標題: 回復 16# 小曳人的帖子

但..小朋友主動要求又唔同, 與家長比佢學的原理唔同呢.
2歲已識表示想學日文, 真係天才!!
本來我覺得無需要咁早比仔玩課外活動
課外活動, 本來我係覺得用黎娛樂的
但而家要考慮埋會否增值

早教我都BUY, 不過我係低密度早教, 無去迫個仔一定要識咩, 只會一路INPUT比佢. 可能我太無系統又無技巧,所以無乜效果. 作為媽媽都要學, 有無人知邊度可以學到呢?

大家就積極D面對! 每個小朋友都因應現實需要, 一齊早D起步! 的確, 學習新鮮事物, 小朋友係會幾開心的.
K1/2, 我就要物識一D 中文/數學/體藝比阿仔學!!

作者: 開心小花 時間: 11-12-14 17:38

有時小朋友可能會自己同你講想學麼的. 就好似我之前帶小朋友去又一城睇人溜冰. 佢依家成日提住要學, 仲係屋企扮溜冰.

不過, 佢暫時都未夠年齡去學.

作者: KINGBB 時間: 11-12-14 19:36

好有同感, 呢排成日問自己,
"會唔會係我唔夠進取?"
"會唔會係我太懶?"
"應該比 D 乜個小朋友先啱?"
"以後既路, 應該點安排先對佢最好?"

真的迷失了方向.......

作者: Yipapa 時間: 11-12-14 19:37

唉, 人在江湖, 身不由己!
只有儘量取得一個平衡

作者: vnghk0001 時間: 11-12-14 20:46

我都係早教媽媽，阿女歳半前識晒A-Z 大小階，1-10 ，one-ten ，仲可以認到好多生字，但我唔係谷佢，而係同佢一齊用玩嘅方式進行，佢識我會好開心，佢唔識就下次再教，完全係無壓力之下進行，佢識到幾多唔緊要，因為有時間慢慢教，唔想將來係佢真係開始測驗、默書前先教，因為作為家長一定心急，當需要時先教就會影響心情，小朋友會感受到。
平日亦都有去公園，行街，食飯，去小朋友去嘅地方，比阿女睇電視，聽歌....
我啲朋友唔明白，仲覺得我係怪獸家長，因為我阿女返緊pn班，我都仲幫佢報興趣班，但我只不過報通利琴行嘅音樂班，星期六朝早上45分鐘，比佢可以唱歌、跳舞，而我亦可以學下點同佢玩，佢先開心。
而家我覺得無必要太介意人地點諗，做自己認為合適嘅就得啦。

作者: ChanKaYip 時間: 11-12-14 21:03 標題: 關係最緊要

我自認都係一位怪獸父親，想我的女兒將學業上最大競爭的仗放在幼稚園入學試，不想到小一或中一入學試才和其他人競爭。

但事總不能常如人意，幼稚園入學之爭多數都輸，入不到"好"的幼稚園。當我的女兒面試SC時發脾氣，我心裏怒火中燒，但當然只收在心裏。

過了一個月，回想這兩個月的"仗"，其實入不到有名氣的幼稚園都不代表將來她不能考入名校。我的當妹只是讀仁愛堂小學，不出名，但反而考試成績名列前矛，考入銅鑼灣的聖保羅。如果很早將小女放在激烈的競爭中，她可能好容易受挫而不喜愛學習和上學。

所以，我覺得父女關係比一切都重要，有了深切信任的關係，小女就願意跟"我"學習，我教她學好，她就學好，總好過在名校讀都一樣會吸毒。名校不是教好學生的保證!只是大多數名成利就的少數人都是來自名校!

入不到名幼稚園，便在家裏自己親手教好她，也一樣可以有好成績

作者: NICOLE123 時間: 11-12-14 21:05 標題: 回復 8# 小曳人的帖子

有無食青蛙藥呀.
我仔上星期有小小咳.我都照比佢落水.yeah!!!

作者: Sheungki0101 時間: 11-12-14 22:58

原帖由 vnghk0001 於 11-12-14 20:46 發表
我都係早教媽媽，阿女歳半前識晒A-Z 大小階，1-10 ，one-ten ，仲可以認到好多生字，但我唔係谷佢，而係同佢一齊用玩嘅方式進行，佢識我會好開心，佢唔識就下次再教，完全係無壓力之下進行，佢識到幾多唔緊要，因為有時間慢慢教，唔想將來係 ...

Agreed.....我囡囡都係未滿一歲就開始玩認字卡，佢識與唔識我都唔介意，當係一種親子遊戲，不過有時同囡囡出街，佢指住啲實物，講返出嚟，又真係好開心，不過其實識哂a-z,1-20都未必對interview有好大幫助，因為interview重要睇臨場表現，反應同專注等等.....

作者: behappydad 時間: 11-12-15 00:48 標題: 回復 16# 小曳人的帖子

我同意
正面d
学嘢唔等於辛苦
當遊戲

大人一樣
見十間kg 好辛苦??
凡事有兩面

先甜後苦;先苦後甜
命運有時靠自己
唔駛考慮太多
快d 教阿仔多方面知識
我阿女可以中英由1數到40
一d 都唔辛苦

努力加油

作者: janettsui 時間: 11-12-15 02:13

教小朋友野唔一定代表谷佢
只要我地父母既態度正確
努力輸入不求結果
日常生活所有野一有機會就講多D俾佢知
其實小朋友充滿好奇心
你肯花心機時間講解佢就會用心聽
果一刻你唔會知道佢明唔明識唔識
但日積月累係會有成績既

囡囡只係2歲, 係不單講得出, 仲係認得我地一家3口既中英文名

我一早就教囡囡認自己個名
所有有佢既名既野, 我都會指住同佢講一次
到佢around22個月就教埋我地2個既名

囡囡好喜歡睇我地由信箱攞信出尼
我每次都指住信上面既人名同佢講一次
突然有一日, 我未講佢已經自己指住讀

分信既重任從此就交左俾佢, 佢係一次都冇錯過
而如果封信係無人名既, 佢係會話你知"冇"
千萬唔好少看我地既小朋友!
我地要努力做好輸入既工作~

大家加油!!

[ 本帖最後由 janettsui 於 11-12-15 02:37 編輯 ]

作者: CKBCHU 時間: 11-12-15 09:10 標題: 回復 22# ChanKaYip 的帖子

非常之認同！我個囝去考K1全軍覆沒，連家姐嗰間都唔得！雖然佢係細b，但係D kindergarten 都收細b。唔明點咁差。失望！唯有認命下年再接再厲。

作者: CKBCHU 時間: 11-12-15 09:12 標題: 回復 9# NICOLE123 的帖子

你不算谷，係好正常！離開谷的境界仲有75%

作者: CKBCHU 時間: 11-12-15 09:13 標題: 回復 26# janettsui 的帖子

同意，比個like你。

作者: 雪豆 時間: 11-12-15 12:42

請問，點樣先叫做好谷呢?(我知道有d家長成個經理人咁款，將小朋友個schedule編到密晒

可唔可以舉d 例子o黎聽下?)
每個小朋友o既學習能力都唔同，如果佢真係鍾意學習，而又handle到晒d功課就go ahead loh
如果本身小朋友佢普普通通，應付學校d功課都麻麻地，就唔建議再加咁多課外活動俾佢(勸下自己唔好諗住人有我有，個小朋友唔讀會蝕底過人)
咁樣會令小朋友失去學習興趣ga
讀完d o野又唔得閒做功課，唔practice，俾你同時學廿樣o野都無用

作者: 雪豆 時間: 11-12-15 12:50

另外有多樣o野想同大家分享下
我聽過我朋友提過，佢同事都幾誇張下
個仔細細個就同佢報好多班，又報游水。個小朋友得果2歲幾，arm arm學識游水，個媽媽就同游水教練講：教練，你有無d游泳比賽可以俾我個仔參加下ga?不過最緊要有獎攞wo~
我朋友日日坐佢隔離聽住佢打俾唔同興趣班o既老師問佢個仔o既學習進度，問佢個仔有無獎攞，聽到我朋友O晒嘴

作者: NICOLE123 時間: 11-12-15 12:55 標題: 回復 1# 雪豆的帖子

你講開我又講. 我知有人既小朋友個個星期都去參加不同類型既比賽. 屋企擁有既獎杯多到不得了..
不過佢學琴叫老師咩都唔洗教,只要教比賽那一首...

我自己覺得呢d就真係叫 "谷"

[ 本帖最後由 NICOLE123 於 11-12-15 13:42 編輯 ]

作者: 雪豆 時間: 11-12-15 13:19

hi NICOLE123，咁樣谷小朋友學o野真係好唔正常。
其實學琴又要彈scales，又要彈classics，我都唔係好明點解依家d小朋友可以咁快考到八級。好在我的朋友為我解迷~
佢話依家學琴唔同以前，d小朋友之可以咁快考到晒兼跳級唔係因為佢地有特異功能，而係佢地學琴只學考試歌，其他歌佢地好多都唔係咁識彈
好似失去了學琴的意義呢…

作者: marinang 時間: 11-12-15 13:24

唔怪得晒個媽媽既,風氣係gum, 佢都唔想,你估佢唔累ga??!!

作者: NICOLE123 時間: 11-12-15 13:26

講開學琴. 我仔最近都轉左老師.因為之前既老師真係只教我仔彈歌
一星期30min可以彈幾首歌仔..不過我發覺我仔只係一個機器. 用眼見到咩就用手彈. 無用耳同心去彈. 對眼見唔到就咩都彈唔到...我自己唔識音樂.不過我覺得咁係好有問題最後只好轉老師.

而家我仔無樂譜比佢,只要佢識唱既歌都可以嘗試自己彈到似樣既音出來
佢自己都好開心, feel到自己進步左.
新老師執佢既手勢同基本野執得好嚴
不過我仔都好開心咁跟新老師.

我覺得咁先係學音樂基本既要素. 用心用耳.唔單只係用手.

作者: 田心 時間: 11-12-15 13:49

大仔係一間international kindergarten 讀緊k1,本來打算兩年後同細b一齊返外國定居，但唔成事。以為會去外國就從小都無特別教，所以同佢去考local k1時一間都考唔到，但而家...international school yr1讀完k2就入，但現在好難入到心個間。絶大可能讀完k3入local小學，問題嚟嗱！佢而家k1同local k1比較下，相對識得好少，只好每星期補中、數同phonics，又比佢畫畫。佢好鍾意返學，但叫佢做功課，就所有百寶都出齊。

作者: 雪豆 時間: 11-12-16 12:13

我估大家都累的…

原帖由 marinang 於 11-12-15 13:24 發表
唔怪得晒個媽媽既,風氣係gum, 佢都唔想,你估佢唔累ga??!!

作者: 小曳人 時間: 11-12-16 12:19 標題: 回復 23# NICOLE123 的帖子

無呀~
佢只係聞氣

作者: melonfans 時間: 11-12-16 13:41

我仔仔係無上過playgroup, 面試班, 興趣班!  上年in pn 4間都覺得佢表現普通. 2(offer):2(1reject, 1waiting). 今年in 3間 (1offer, 1waiting, 1unknown).

平時都係自己教佢, 我覺得小朋友最好嘅老師就係自己爸媽!  我細個, 爸爸p.1先教我phonics, 查字典.  不過佢今年in k1, 有好表現(部份啦)! 都係學校教得好, 返咗學, 真係好d.  再加埋自己教, 我覺得好足夠!  最緊要佢基本跟到同齡嘅學習水平!

因為今年in 3間, 佢都有發脾4, waiting嗰間佢喊到老師叫我地出去冷靜下!  我無去apply九龍塘嘅學校, 我覺得仔仔嘅offer都好好!

我自己都未知係咪真係要跟風, 人地學琴, 第日我又叫個仔學, 驚佢吾夠證書去in p.1.  如果仔仔真係鍾意音樂, 打鼓, 結他或者其他樂器都好好玩!  最緊要佢鍾意!

作者: w_y 時間: 11-12-16 13:55

迷失係你唔知自已做緊乜, 失左方向. 如果係虎媽, 目標好明確, 例如樓下講, 游水為攞獎, 學琴為考級.

勁谷: 都好, 有個目標, 做唔做到都叫努力左, 學習無過程都希望有個結果, 幾辛苦都一早預左;

短期迷失: 如果反思然後有修正, 又有返一個明確目標, 又未必係壞事;

長期迷失: 將來後悔的機會都幾大, 通常都係辛苦左, 但得唔到預期結果.

睇家長自己點取捨, 迷失係想針兩頭利, 唔係咁易, 要天時地利人和. Relax.

作者: 雪豆 時間: 11-12-19 13:54

本帖最後由雪豆於 11-12-19 15:02 編輯

misplace the post... already moved the post to somewhere else

作者: 雪豆 時間: 11-12-19 14:15

To w_y
依家個社會環境令到好多家長對教育小朋友的心態都唔正確。
學游水係為考獎牌，咁學游水o既意義真係失去了(唔係為了強身健體同埋必要時去保護自己先去學游水咩？)。
我細個果陣都有諗，個個家長都要迫自己子女要考頭三名，甚至考第一。若果次次個小朋友都係為了個第一而讀書，咁佢係唔係真係有興趣讀書先…讀書唔係只為了取悅父母卦~
我見有好多好聰明的朋友，細個時都會為了取悅家人而讀書，但一到青春期就反叛，仲好想脫離屋企，覺得唔想受屋企人"控制"，可見"迫"得太緊只係一個短視的策略。
讀書的真正意義係為了求學問，作為家長都有責任去引導小朋友去找尋合適自己的學習方法，令小朋友有興趣去學習。依個先係長線的策略。

作者: 天瑜 時間: 11-12-19 14:23

提示: 作者被禁止或刪除內容自動屏蔽

作者: 天瑜 時間: 11-12-19 14:27

提示: 作者被禁止或刪除內容自動屏蔽

作者: heidys 時間: 11-12-19 14:44

「根基」是甚麼？
是他對學習的興趣，良好的學習習慣、好奇心、喜歡閱讀、喜歡自我探索，這些才是人生的根基。他懂得管理時間，有社會和情緒發展，有良好的家庭，這些才是小孩子成功的根基。

好同意!! 家長要做o既, 就係身教同誘導小朋友. 不過呢d 根基, 都唔容易建成.

作者: 雪豆 時間: 11-12-19 15:14

hi heidys,
我諗好多幸福o既小朋友都會有管理時間的問題。因為家長係佢地o既「經理人」，同佢地管理晒所有o野，而小朋友經常處於被動狀態。
呢個根基真係唔易去建成呀~要通過好多testing，放好多耐性+愛心先可以建成。

作者: himuimui 時間: 11-12-19 16:13

提示: 作者被禁止或刪除內容自動屏蔽

作者: lewyip 時間: 11-12-19 18:10

回復 heidys 的帖子

呢Ｄ「根基」係不形態化，具體化的，所以家長會選擇音樂第幾級，游水第幾名等等來衡量小朋友，比較具體。學校用呢個具體化的形式來選擇學生，會比較有效率。

等於大部份的以前，或少部份當今的見工方式，有證書或有學歷的優先。呢個方式會比起要應徵者即場寫個電腦程式或即場ｓａｌｅ件貨物為有效率，節省人力。而現今亦有公司選擇應徵者的溝通技巧來做選擇（Ｏｕｔ　ｏｆ　ｏｕｒ　ｍｉｎｄｓ　－　ｋｅｎ　ｒｏｂｉｎｓｏｎ）。邊個方式應徵者係無得選擇的，只有應允的。所以以前肯讀書就搵到工作。

現今都有學校用呢個方式，因為現在的工作的入職要求，見工的方式唔多唔少就反影到現今入學的要求。

迷失或許是迷失了點樣找尋「根基」嘅標準。當單一迷失，會驚，自然會跟同類一齊行。點樣從迷失尋找出路？觀察那群同類嘅信念，跟住一齊行？還是信自己，自己行？呢個決擇同迷失一樣咁驚，更加會遇到後悔的時候。如果個「根基」係有指標，而學校又會引用呢個指標。會比起用「喜歡」，「習慣」，「興趣」來得令家長感到公平，安心。

作者: yfchoy 時間: 11-12-21 16:47

回復開心小花的帖子

你小朋友幾大？我囡囡都喺見到溜冰場簡直唔願走，話要溜冰。最後我問晒全港九的所有溜冰學校，終於有一間肯收我囡囡，但他們最少的鞋碼都要25號，好在小女剛剛腳仔夠大隻 (一般來說要夠三歲，但當時我囡囡只有兩歲八個月)。跟她的表哥(大佢一年和學了一段時間)一起試堂後就一直學落去，上堂後才發現佢哋唔肯收太細喺有原因，因為佢哋只顧自己玩而不聽指示。囡囡很多時上堂都唔專心(已經一對一)，常常搗蛋貪玩。但看到佢既進度很好，學了差不多廿堂既佢，現在在冰上步行絶對難不到她，正學滑溜。其實溜冰可以訓練小朋友的膽子，好似我囡囡，一向膽大，第三堂己嘗試自己行(但不穩，會向後跌)。既然小朋友主動想學，喺一件好事。但個人認為最好一對一比較安全(由其愛搗蛋的小朋友)，教練也很重要，要細心，識得哄小朋友聽話。最長曆史嗰間溜冰場唔錯，佢會設定一個時段只供上堂人仕使用，避免一些少男少女的橫衝直撞，當值人員和教練見到小朋友跌底亦會盡快上前扶起或阻擋後隨的人撞到。小朋友上堂前可入場內玩也安全(家長只可在場外觀看，不能入內，免生意外)，我遲些待小女再穩定啲都俾佢自己入去玩。

歡迎光臨教育王國 (/)