教育王國
標題: 真係好勞氣，關於某類型中文科老師 [打印本頁]
作者: mrsjacky 時間: 11-12-13 16:00 標題: 真係好勞氣，關於某類型中文科老師
點解d老師唔好好教學生點樣作好文章，訓練下各種修辭技巧，一日到黑剩係捉穿唔穿頭，個鈎夠唔夠高呢d問題，如果係正字當然要學好，但問題好多字根本係年代唔同老師既要求唔同，至弊一年級個老師三十歲，二年級果個五十歲，要求就唔同，學生根本無所適從。學生要學既根本唔係個中文字點寫，而係唔同老師對果個字有咩要求，真係無聊到爆，我真係唔明呢挺中文老師個心態係咩，佢地到底知唔知教中文係要教咩﹖﹖
[ 本帖最後由 mrsjacky 於 11-12-13 08:22 編輯 ]
作者: 十月媽咪 時間: 11-12-13 17:44
嘩, 講緊我女嗰間小學呀? 咁鬼似我女一二年級時既情況既?....二年級時仲頂癮呀, 生字簿寫唔穿頭係啱, 到UNSEEN DICTATION(中文)時話你寫錯! 打電話返學校問點解會咁, 老師話: 佢多簿改, 睇漏眼!....真係即時火都嚟, 我直頭質問過個中文老師(最慘仲要係班主任, 真係有啲攞個女嚟較飛), 學中文字究竟係學嗰個字既意義, 運用等等, 抑或係要學唔同老師對同一個字既唔同要求?....一年級寫同一個字話啱, 二年級你話錯, OK, 我當一年級嗰個無料到!...好啦, 而家二年級, 寫生字時你話啱, 默書時你話錯, 咁我個女應該點跟?....睇漏眼???? 你睇漏眼就唔該畀番個分我啦, 都神經病的!
原帖由 mrsjacky 於 11-12-13 16:00 發表 
點解d老師唔好好教學生點樣作好文章，訓練下各種修辭技巧，一日到黑剩係捉穿唔穿頭，個鈎夠唔夠高呢d問題，如果係正字當然要學好，但問題好多字根本係年代唔同老師既要求唔同，至弊一年級個老師三十歲，二年級果個五十歲，要求就唔同 ...
作者: leeyin 時間: 11-12-14 02:44
我仔個一年班中文老師咪又係咁, 由朝到晚只捉字體有無特一些字出來, 又無長小小, 或有無多鈎或少鈎, 而家我們次次寫字要打開中文課本跟足寫, 因為而佢既中文科老師要求和中文課本上一模一樣, 次次做中文都成一個鐘, 我怕上到二年班中文科老師要求又會不同...
作者: mrsjacky 時間: 11-12-14 09:56
原帖由 leeyin 於 11-12-13 18:44 發表
我仔個一年班中文老師咪又係咁, 由朝到晚只捉字體有無特一些字出來, 又無長小小, 或有無多鈎或少鈎, 而家我們次次寫字要打開中文課本跟足寫, 因為而佢既中文科老師要求和中文課本上一模一樣, 次次做中文都成一個鐘, ...
書果d係印刷字，我地以前讀書老師講到明千其唔好跟書，因為印刷字多有錯失。一轉出版商，隻字又唔同左。我真係讀左幾廿年書，到而家個仔讀，我先發現原來自己好多字都唔識，剩係個女字邊同草花頭，我到今時今日都未識寫。
作者: mrsjacky 時間: 11-12-14 10:05
原帖由 十月媽咪 於 11-12-13 09:44 發表
嘩, 講緊我女嗰間小學呀? 咁鬼似我女一二年級時既情況既?....二年級時仲頂癮呀, 生字簿寫唔穿頭係啱, 到UNSEEN DICTATION(中文)時話你寫錯! 打電話返學校問點解會咁, 老師話: 佢多簿改, 睇漏眼!....真係即時火都嚟, ...
我諗好多間小學都係咁(尤其傳統小學)，教書教到本末倒置，唔知自己做緊mud。我諗將乙老師寫既字比甲老師改，一樣會改出好多錯字！
作者: 天瑜 時間: 11-12-14 10:17 標題: 回復 5# mrsjacky 的帖子
提示: 作者被禁止或刪除 內容自動屏蔽
作者: mrsjacky 時間: 11-12-14 10:34
原帖由 天瑜 於 11-12-14 02:17 發表
我囡間學校筆順都執得嚴，作句同作文要求都高，我真係好佩服老師的精明眼，我多謝老師幫我捉女女錯處。低小分數我唔mind。
失敗乃成功之母！
另外，如有時間家長不妨查詞典/字典確實筆順。 ...
明白你意思，但唔係講緊你講果D野。唔係話唔接受老師要求高，而係老師之間無統一標準，學生無所適從！老師理據唔一致，難以服眾！
唔講查字典尤自可，一講仲把幾火。字典得一個草花頭，唔知點解老師會有兩個草花頭，一個係十字頭，一個係唔穿頭。我查字典，同一部首，理應寫法全部一樣，但老師會認為呢個字穿頭，果個字唔穿。一年級果個穿，二年級果個唔穿。你明唔明，唔係正字問題，係老師個人喜惡問題！好似老師個老字，有人有鈎(好似U字)有人無(似L字)，但老師偏偏喜歡用自己標準去量化，如果真係有正字話應該有鈎定無鈎我地願意去學，但問題係各門各派原來都有唔同見解，唔同字典寫法都會唔同(其中有部份原因係印刷問題)，到底邊個先係權威，如果學術界無定案，老師就唔可以死話自己果套係標準LOR，根本無可能記住邊個老師鍾意鈎邊個唔鍾意！
我明白個教育制度根本就係咁，無諗過教你融會貫通D知識，只叫你記住邊個老師既喜好，我無諗過一己之力可以改變D咩，以前明週洋洋大曬十版紙討論過呢個問題，D小學中文老師既執著，連D大學中文系教授都怕左佢地。我只係呻下，我但求呢六年小學快D過，唔好再浪費時間響D無謂野上面，因為我知中學老師同大學教授都唔會care呢d野！
[ 本帖最後由 mrsjacky 於 11-12-14 02:52 編輯 ]
作者: 天瑜 時間: 11-12-14 11:47 標題: 回復 1# mrsjacky 的帖子
提示: 作者被禁止或刪除 內容自動屏蔽
作者: bbJP 時間: 11-12-14 13:21
IC.
Could you share some examples here so that we can pay attention to those Chinese words??
Thanks!
作者: mrsjacky 時間: 11-12-14 18:00
原帖由 bbJP 於 11-12-14 05:21 發表
IC.
Could you share some examples here so that we can pay attention to those Chinese words??
Thanks!
以我仔既經驗係，一眾草花頭，女字邊等字都係老師眼中常犯錯錯字，但我地至今都未攪清錯在哪裏。不過你又唔使咁早預備，或者你間學校開明，老師無咁死古古，就算係，都無謂花精神處理呢d字，用心學好中文就得，我都只係勞下氣，無謂花時間同老師爭一日之長短！
作者: mrsjacky 時間: 11-12-14 18:02
原帖由 天瑜 於 11-12-14 03:47 發表
我女中文老師又是班主任，上年一年級時，記得她是中文科科主任，應該今年也是。
我女學校沒有你仔學校情況出現，我估計這是科主任要管的事情。嘗試同科主任反應一下！
不要勞氣！ ...
已經透過意見欄反映意見(寫埋班名同學生名)，但老師無回應過我。
作者: joeyma 時間: 11-12-14 18:05
跟返課本，唔洗爭論！
作者: vincher 時間: 11-12-14 20:30 標題: 回復 6# mrsjacky 的帖子
老師太執著，真有點麻煩。不過話分2頭，有此執著的老師，可能令你0既子女寫字時也會小心，可以訓練他/她細心！未嘗不是樂事！
字典得一個草花頭，唔知點解老師會有兩個草花頭，一個係十字頭，一個係唔穿頭。
----->我以前看過一本正字的書畫(忘了)如我沒記錯：十字頭的，是艸部，例如：草 ；
唔穿頭的，不是與艸有關，是動物頭上的角！
但老師會認為呢個字穿頭，果個字唔穿。一年級果個穿，二年級果個唔穿。---->
這確是最令人頭痛的事！但沒法子，每個老師的中文水平，對錯字0既敏感度不同、批改鬆緊不同，只好每轉一位老師，適應一下！
(如果學校能統一常用字的筆劃，那麼會好些！)
作者: grace_xian 時間: 11-12-15 09:27 標題: 回復 13# mrsjacky 的帖子
一講起我都勞氣呀, 平時教嗰啲書都是書中文字書中詞語, 一到考試, 咩都出晒來, 平時很少時間學成語, 學修辭手法, 學閱讀理解, 一到考試測驗就考嗰啲題, 我都唔明, 既然中文是多方面多元化的, 點解唔係教課文時順便講下點解作者要咁寫, 記事同記人有咩分別, 作文應該點構思, 一講作文就滾水落腳只係叫你做,點做, 嗰方法又唔講, 結構又唔講, 學生無所適從, 都唔知上中文課學嗰啲來做咩???
作者: waiman330 時間: 11-12-15 12:29
我都發現自己有好多字都唔識寫，以前讀書學的字和現在小學老要求的都不一樣
作者: 哥哥 時間: 11-12-15 22:01
提示: 作者被禁止或刪除 內容自動屏蔽
作者: meemeefung 時間: 11-12-15 22:59
試試從這個網頁看小學生學的中文字吧，
http://www.edbchinese.hk/lexlist_en/
這個網站是教育局課程發展處中國語文教育組製作的，可作學校教學參考。
作者: cherubic 時間: 11-12-15 23:54
想請教各家長你仔女學校教中文的怎樣的。我仔四年級，要學課文外，還有古詩，成語，作句，弟子規，作文，補充練習，讀書報告等。是否太多或太少？
作者: 天瑜 時間: 11-12-16 11:16 標題: 回復 2# meemeefung 的帖子
提示: 作者被禁止或刪除 內容自動屏蔽
作者: 十月媽咪 時間: 11-12-16 14:34 標題: 回復 17# meemeefung 的帖子
呢個網站信唔過架!
嗰陣我就係拎住呢個網站寫出嚟嗰個字, 同老師傾, (我女寫皮球個"球"字嗰一直多咗個勾)....二年級老師默書要求無勾 (一年級時默過幾次寫有勾都係剔的!
於是print呢個指引同老師傾, 老師話: 學校自己都有個指引, 係寫住"直筆無勾", 仲copy咗出嚟, 叫我女拎返屋企畀我睇!....最後老師話, 總之跟課文啦, 課文點寫就點寫!
不過我話: 老師, 呢個字係課外默(unseen), 今年課文未出過喎!
老師堅持學校自己個指引係咁, 一定唔會畀番分! 吹到啤啤聲!
作者: 十月媽咪 時間: 11-12-16 14:41 標題: 回復 20# 十月媽咪 的帖子
之後我女又錯另一個具爭議性既字"害"!
女兒寫呢個字, 嗰一直無穿落下面, 即同而家出呢個"害"字一樣, 但老師當錯, 話個"害"字嗰一直係要穿落去貼近個口...
於是我又響呢個網站度搵吓點寫, 發瘟佢....大寫時, 呢個網站係出老師要求嗰個"害", 即係穿的, 但其他配詞用既細字, 就係寫我女嗰個"害" (無穿)....咁即係點呀? 頂佢, 又扣5分!
最後, 為免再同老師爭拗, 唯有自己溫書時擘大啲對眼, 睇清楚課文係點寫, 呢啲咁既吹毛求疵既改錯字方法, 真係唔知邊條蛋散諗出嚟的....得閒就教好啲啲書啦, 教吓啲細路點樣作篇好文啦, 捉隻字有無勾, 穿唔穿頭, 真係服Q咗佢呀!
作者: Chowying 時間: 11-12-18 13:06
本帖最後由 Chowying 於 11-12-19 09:51 編輯
我囡果間, 都係咁, 激死我. 佢地唔知點解要執得咁嚴, 又唔好好統一下Ｄ工作紙同功課. 明明係作業到圈著阿囡個球字, 話個球字無鈎, ok, 我會改, 但咁都比我見到佢自己出的工作紙照用有鈎個球字, 真係想圈番比佢. 
如是者的字真係多不勝數, 咁個囡點會學得好, 點會鍾意中文!!!:;pppp:
作者: Chowying 時間: 11-12-18 13:10
十月媽咪 發表於 11-12-16 14:41 
之後我女又錯另一個具爭議性既字"害"!
女兒寫呢個字, 嗰一直無穿落下面, 即同而家出呢個"害"字一樣, 但老 ...
我好明白你講既嘢, 我都有認真查個字典, 都唔明Ｄ大字點解同細字寫法唔一樣, 究竟邊個叫啱!
作者: 十月媽咪 時間: 11-12-19 07:15
EXACTLY就係咁, 證明啲老師真係多鬼魚, 有時楷體無勾, 細明體有勾, 咁係咪有勾就錯? 無勾就啱? 我同老師講, 本身個"求"字係從水旁, 咁點解"水"有勾, 但"求"就無勾? 點解宗教課本"求天主乜乜乜"個"求"字就有勾, 但去到中文課文, 個"球"字就要無勾?....老師根本解釋唔到, 一句講晒話跟中文課文! 真係有病的!
好似個"害"字咁, 嗰一棟穿底定唔穿底, 唔同字體PRINT OUT出嚟又係有唔同, 如果我個女個"害"字下面個"口"寫咗"日", 我會畀佢扣分扣得心服口服, 因為個女真係寫錯字, 但嗰一棟穿唔穿而扣分, 我真係.....睇到火都嚟埋!
作者: Chowying 時間: 11-12-19 09:49
十月媽咪 發表於 11-12-19 07:15
EXACTLY就係咁, 證明啲老師真係多鬼魚, 有時楷體無勾, 細明體有勾, 咁係咪有勾就錯? 無勾就啱? 我同老師講, ...
我有個friend 係中文系碩士, 佢老公係中文系博士, 我已經三朝兩日就打電話去問呢問路. 佢地同我講, 所謂正字, 筆順原則, 係教院自己整出黎, 剩係教小學果Ｄ先讀, 真正讀中文糸都唔讀呢Ｄ嘢.
一講起, 佢老公就拍Ｓｉｄｅ抬話要投訴, 小一學乜鬼分動詞, 名詞 ... ..., 呢Ｄ係大一先學, 咁細個, 不如識多Ｄ字重好. 所以依家Ｄ中文科, 我都唔知點教個囡好
作者: gram 時間: 11-12-20 02:22
提示: 作者被禁止或刪除 內容自動屏蔽
作者: jc4358 時間: 11-12-20 14:17
is there a standard at Education Department website?
作者: Cherishvalue 時間: 11-12-20 17:07
我仔學校講明筆劃跟香港教育局出版的《香港小學學習字詞表》內的常用字字形表， 所以家長們都自備一本在家教亞仔！
作者: 天瑜 時間: 11-12-20 17:32
提示: 作者被禁止或刪除 內容自動屏蔽
作者: NKpa 時間: 11-12-21 02:30
小一小二係要執正字形筆順。字形在不同年代不同地區都有不同規範，在香港便跟現時的字形表。難得老師係細心留意學生字體，不要太緊張分數。
作者: 十月媽咪 時間: 11-12-21 10:06
回復 NKpa 的帖子
唔係緊張個分數, 而係唔同老師唔同年級對同一個字有唔同既要求, 咁樣學習, 究竟小朋友係學識寫一個字, 定係學識跟唔同中文老師寫同一個字呀? 學中文字本身係要學識個字點寫, 點用, 明白該字既意思等等, 而唔應該係花時間適應唔同老師對相同既字既唔同要求呀!
作者: mrsjacky 時間: 11-12-21 11:11
十月媽咪 發表於 11-12-21 10:06
回復 NKpa 的帖子
唔係緊張個分數, 而係唔同老師唔同年級對同一個字有唔同既要求, 咁樣學習, 究竟小朋友係 ...
exactly!!!
作者: mrsjacky 時間: 11-12-21 11:20
本帖最後由 mrsjacky 於 11-12-21 11:22 編輯
really thanks!! 相當有根dull既一個source，希望學校老師都依呢個為基礎(rather 按個人經驗)！
但都仲有d問題，我check個老字，因為曾有混淆最後果筆到底係一橫定應有小小斜，check完呢個web，佢show個大字係斜既，但下面細字又寫係橫既。咁我假設呢劃係橫又得小斜又得啦，但試過寫斜比老師紅筆lor！(其實我細個學係斜架，但阿仔返黎話老師話係橫)。如果再有下次case，要老師上呢個web睇睇先，只希望到時佢唔好話呢個web 唔係權威！
作者: 天瑜 時間: 11-12-21 14:01
提示: 作者被禁止或刪除 內容自動屏蔽
作者: wongkwanmeii 時間: 11-12-21 15:49
提示: 作者被禁止或刪除 內容自動屏蔽
作者: mokchingyin0910 時間: 11-12-21 19:53
老師都係想執正小朋友D字, 原來有好多字我做家長的都錯了廿幾年, 唔糾正咪一直都錯下去.
作者: 臭豬BUBU媽 時間: 11-12-21 22:02
"直筆無勾">>水字便沒有勾了吧?
一竹竿打死一船人......激死人!
作者: vincher 時間: 11-12-21 23:34
對錯字執著的老師，一般是認真教學的老師
但「過猶不及」！作為家長，又不太接受！因試卷扣分，每字一分，如此扣法，心都寒！家長緊張，無可厚非！文字是隨時間演變+習非成是(當然有些不能)，老師可以通容一些，讓學生知道正字，又接受俗字(例：潛---正字穿頭)，那會好些！
建議老師批改時：1.把俗字打勾，另加括號(正字寫法) 或
2.有一段過渡期，告訴學生正字寫法，提醒學生下次才扣
(因每轉老師，都會對字的要求不同)
作者: 1116 時間: 11-12-22 07:39
作者: CrabPincers 時間: 11-12-22 10:43
唉, 死啦
原來我都係執著型
我都係甘執我仔D 筆劃, D 勾, 邊劃長邊劃短
還拿埋本字典黎對
如果筆順錯, 我要佢擦過再寫過, 寫到岩筆順為止............
作者: vincher 時間: 11-12-22 11:30
回復 CrabPincers 的帖子
你是好媽媽！
如此做，我覺得對初小生非常好！基礎嘛！但記住：給鼓勵孩子！孩子對的，口頭讚賞他/她
壞處：孩子被打擊太多，對語文沒興趣！
我始終認為訓練孩子的寫作能力更為重要！處處太執著錯字，何來興趣！更遑論要提升其寫作能力呢！
------> 我覺得要為長遠打算，試想：到了中學(尤其是精英班)，大家的白話文閱讀能力、記憶力、勤奮……相若，要能突圍而出的，還是靠寫作 + 文言文閱讀理解！
作者: bbJP 時間: 11-12-22 14:03
天瑜 發表於 11-12-21 14:01
回復 mrsjacky 的帖子
"老"字的最後一劃是沒有勾的例子，我在內找到"旨", "能" , "罷"都是沒有勾的。
對!但是這兩年阿仔的中文老師都有內地背景,就加了勾.阿仔照跟,仲話我錯tim, ok,算啦!
作者: bbJP 時間: 11-12-22 14:08
CrabPincers 發表於 11-12-22 10:43
唉, 死啦
原來我都係執著型
我都係甘執我仔D 筆劃, D 勾, 邊劃長邊劃短
我唔算執着型,但阿仔係,我倒欣賞他一絲不苟的attitude.
作者: mrsjacky 時間: 11-12-22 18:15
天瑜 發表於 11-12-21 14:01
回復 mrsjacky 的帖子
"老"字的最後一劃是沒有勾的例子，我在內找到"旨", "能" , "罷"都是沒有勾的。
非也！唔係講個勾，係講最後果一筆，到底係一橫定一撇！
根據你提供既官方指引查呢個字，大字show出黎同下面小字show已經係唔同寫法…
所以……其實………家長同學生根本就係無所適從！(for我自己而言，唔係分唔分數既問題)
作者: Chowying 時間: 11-12-25 01:17
本帖最後由 Chowying 於 11-12-25 17:59 編輯
mokchingyin0910 發表於 11-12-21 19:53
老師都係想執正小朋友D字, 原來有好多字我做家長的都錯了廿幾年, 唔糾正咪一直都錯下去. ...
現在討論的是不同老師之間沒有標準, 你可以去一下政府那個優質教育基金所做的網站, 標示的大字同配詞的小字寫法不一, 你認為該如何是好? 須知道那些所謂寫錯字是會扣分的. 還有應該點樣同個囡講, 你每日係學校通告, 其它功課工作紙見到果D字, 同埋係政府網站一站通入面見到果D字, 好多都唔係正字, 剩係中文科課本同埋個中文科老師講果D先係正字呢? 我好肯定咁講, e家學既所謂正字, 只係流通於香港小學中文科, 而冇流通係真正的中文世界!
作者: 十月媽咪 時間: 11-12-25 22:15
回復 Chowying 的帖子
同意到無嘢再補充! 你講得實在太好! 你講既正正就係我女經常問我的, 試問你點同佢解釋, 所有中文字, 都係你今年個中文老師至啱架咋, 出年教你嗰個, 又會有唔同既要求, 到時你今年學嗰啲, 好多都由上年既啱變成今年既錯架喇, 你好自為之啦!
天下間既中文老師, 真係好心你哋學吓點教中文啦, 就嚟畀你哋激鬼死架喇!
作者: piggynatalie 時間: 12-1-2 03:05
Is this really true? I never had this problem when I was a student!That doesn't seem right as too much focus on this will make Chinese learning less fun! IAnd it's so fun!
| 歡迎光臨 教育王國 (/) |
Powered by Discuz! X1.5 |
