教育王國

標題: 應該幾時領洗? [打印本頁]

作者: difficultmom 時間: 11-12-11 23:32 標題: 應該幾時領洗?

我本身係天主教，所以希望囝囝都會信教。本來想等佢大D自己決定，但又知道小學有得加分。你係我會點?

PS 聽聞小朋友太大先領洗需要上堂??

作者: dmakcpa 時間: 11-12-12 00:05 標題: 回復 1# difficultmom 的帖子

Before 3 yrs old!

作者: 2012P1 時間: 11-12-12 08:51

我是基督徒，我們對孩童領洗意義的理解是孩童父母親要按聖經真理教育孩童，若你明白，願意，承諾，就是讓孩童接受領洗的時候，越早越好。

作者: SCKnight 時間: 11-12-12 10:21

原帖由 difficultmom 於 11-12-11 23:32 發表
我本身係天主教，所以希望囝囝都會信教。本來想等佢大D自己決定，但又知道小學有得加分。你係我會點?

PS 聽聞小朋友太大先領洗需要上堂??

如果你係教友，但你咁問得，我好相信你都唔係成日番教會。
作為一個天主教教徒，佢嘅子女係自動可以喺嬰兒嘅時候領洗作為天主教教徒。所分別嘅係未有做堅振同唔可以咁快領聖體。而作為基督徒，父母係有責任教導小朋友聖經嘅道理同帶佢地番教會過團體嘅生活。
如果小朋友超過三歲，就算父母係基督徒，正常情況下小朋友都要上主日學，直至小朋友到高小嘅時候，先可以由主日學導師同堂區神父決定係唔係可以受洗。
如果你係為咗加分而想小朋友受洗，堂區神父絕對有權拒絕你嘅要求。

作者: kitmantsoi 時間: 11-12-12 10:22

請與所屬堂區查清楚·嬰兒领洗通常不大于三歲。父母一方為教友·在教會内行婚姻聖事·而父母亦要上準備班及見神父先可以為嬰兒領洗;有部份教堂每月都有舉行。三歲以上孩子要等到五歲上完慕道班先領冼

作者: difficultmom 時間: 11-12-12 11:07

謝謝你們的回復。
囝囝現在兩歳半。我自己當時都係五歲就領洗，需要一D時間先完全接受到。起初有blame過父母無比自己撰擇。所以worry囝囝日後看法。但如果衣家唔領洗，小學好少機會入到天主教學校。

作者: 已刪除用戶 時間: 11-12-12 11:30

咁查實你自己點唸先?
天主教徒入天主教小學, 分分鐘"硬掘"要join宗教既課外活動, 我細個時覺得d同學幾慘架, 連揀都無得揀
如果你自己細個覺得慘, 又覺得應該俾個仔選擇權, 又何苦要o係呢個時候幫佢選擇, 再推佢入教會學校呢? 你可以選擇唔領洗, 又或者選擇非教會學校呀..........我自己覺得, 如果"宗教培育"對你黎講咁重要, 就唔會而家至黎唸呢個問題了

原帖由 difficultmom 於 11-12-12 11:07 AM 發表
謝謝你們的回復。
囝囝現在兩歳半。我自己當時都係五歲就領洗，需要一D時間先完全接受到。起初有blame過父母無比自己撰擇。所以worry囝囝日後看法。但如果衣家唔領洗，小學好少機會入到天主教學校。 ...

作者: kitmantsoi 時間: 11-12-12 11:45

我都係好細個領洗亦有一段好長時間無返教會。直到有小朋友既時候發覺要教好小朋友先整理好自己;我選擇再慕道重新認識教會·孩子十個月大我已同佢領洗·因為在我來說領洗係佢最大既禮物。而家亦有同孩子一齊返教會·每次見到孩子会祈禱会感恩我覺得選擇正確

作者: ericby 時間: 11-12-12 13:02

God will let u know pls stay clam

作者: w_y 時間: 11-12-12 14:27

天主教教友父母係有責任將嬰孩帶回教會領洗, 越快越好, 不存在要讓孩子選擇呢個問題.

孩子領洗之後, 宗教上引領的工作, 除了教會, 學校, 更重要係父母, 建議樓主自己都去再慕道, 咁會比較清楚作為教友的責任, 教導孩子就更得心應手.:wahaha:

相反, 現實中由孩子引領父母(無論是否已領洗) 回教會的亦甚常見, 真係欣慰.

[ 本帖最後由 w_y 於 11-12-12 14:29 編輯 ]

作者: SCKnight 時間: 11-12-12 22:14

不過好心痛囉！作為父母為咗嗰五分，我見佢地喺慕道班上堂嗰陣，並冇真係攞個心去嘗試了解教會。最遺憾係剩係為咗領洗，真係喺度計可以走到幾多堂。除咗喺堂上需要讀經，好大膽講有好多都係冇抽時間睇福音（唔好要求新舊約都有睇）。到見神父嗰陣，有幾多會真係坦白承認上堂嘅目的？
最諷刺嘅係，領洗後自己唔番教會，但係就推個小朋友上主日學。啲小朋友同我講自己爸爸媽媽唔番教會，點解要我番呢？我真係好為呢啲小朋友難過。:pity:

作者: difficultmom 時間: 11-12-12 23:03

多謝你地意見!

可能我自己都未ready所以咁hesitate. 應該唔好急於一時。

另外囝囝有兩個kg offer. 一間天主教，一間基督教。我同老公都較喜歡基督教嗰間的教學方法，但如果將來希望囝囝信天主教，會否有點亂?

quote]原帖由 Charlotte_mom 於 11-12-12 11:30 發表

咁查實你自己點唸先?
天主教徒入天主教小學, 分分鐘"硬掘"要join宗教既課外活動, 我細個時覺得d同學幾慘架, 連揀都無得揀
如果你自己細個覺得慘, 又覺得應該俾個仔選擇權, 又何苦要o係呢個時候幫佢選擇, 再推佢入教 ... [/quote]

作者: Rickylama 時間: 11-12-12 23:57

為甚麼天主教的小朋友要這麼早領洗？

[ 本帖最後由 Rickylama 於 11-12-12 16:03 編輯 ]

作者: kitmantsoi 時間: 11-12-13 00:29

不如就今個主日返去教會·重新感受一下,行左第一步再諗。

作者: myac 時間: 11-12-13 01:06

原帖由 difficultmom 於 11-12-11 23:32 發表
我本身係天主教，所以希望囝囝都會信教。本來想等佢大D自己決定，但又知道小學有得加分。你係我會點?

PS 聽聞小朋友太大先領洗需要上堂??

Key issue here is : what is your REAL faith? Answer this and then act accordingly.

作者: 已刪除用戶 時間: 11-12-13 09:55

我都聽過有天主教家庭, 最後決定揀基督教學校, 又或者基督教家庭揀天主教學校, 亦有家庭接受唔到自己仔女讀唔係自己宗教既學校
都係果句, 你自己點睇先? 宗教既野, 好個人的, 人地講咩都無用, 最緊要你知道自己做緊咩啦

作者: vnghk0001 時間: 11-12-13 10:48

我唔係天主教徒，但我老公係，出年阿女亦都開始返天主教教區幼稚園k1, 其實我之前已經想比阿女一到歲數就上主日學，因為眼見姑奶兩個仔都有上，而佢地嘅各方面嘅發展都幾好，由其係品德及待人接物，我好希望阿女好似佢地咁，所以我亦都會嘗試去了解、感受，我自己係讀基督教中學，因身邊冇同一宗教嘅朋友，所以冇好好去理解，而家反而可以因為阿女嘅關係，令我重新開始主動去接觸天主，而咁做亦都可以係屋企實行同一信念。

作者: Gerard 時間: 11-12-13 11:07

提示: 作者被禁止或刪除內容自動屏蔽

作者: SCKnight 時間: 11-12-13 11:59

原帖由 Gerard 於 11-12-13 11:07 發表

不知道我們有否在堂區見過面？

哈哈，見過都唔定！

作者: SCKnight 時間: 11-12-13 12:06

原帖由 difficultmom 於 11-12-12 23:03 發表
多謝你地意見!

可能我自己都未ready所以咁hesitate. 應該唔好急於一時。

另外囝囝有兩個kg offer. 一間天主教，一間基督教。我同老公都較喜歡基督教嗰間的教學方法，但如果將來希望囝囝信天主教，會否有點亂?

quote] ...

其實天主教同基督教都係源自宗徒傳落黎嘅教會。都係用同一本聖經（雖然天主教聖經多咗七章，同基督教嘅聖經喺中文名稱翻譯上有所不同），信奉主、耶穌基督。作為天主教徒嘅家長喺教理上俾番小朋友作恰當嘅修正就應該OK。不過最理相梗係讀番天主教學校喇！

作者: lestat 時間: 11-12-14 13:48

冇睇福音, 冇每星期番教會既教友, 唔局限果D為左五分既家長, 其他教友亦大有人在, 即使家長為5分領洗, 自己唔番教會, 卻要小朋友上主日學, 起碼晌佢哋心目中認為上主日學係"好嘢", 所以先叫小朋友上, 小朋友又可藉此多認識天父, 未嘗唔係好事.

原帖由 SCKnight 於 11-12-12 22:14 發表
不過好心痛囉！作為父母為咗嗰五分，我見佢地喺慕道班上堂嗰陣，並冇真係攞個心去嘗試了解教會。最遺憾係剩係為咗領洗，真係喺度計可以走到幾多堂。除咗喺堂上需要讀經，好大膽講有好多都係冇抽時間睇福音（唔好要求新舊約都有睇 ...

作者: J_D74 時間: 11-12-15 03:09

原帖由 SCKnight 於 11-12-12 10:21 發表

如果你係教友，但你咁問得，我好相信你都唔係成日番教會。
作為一個天主教教徒，佢嘅子女係自動可以喺嬰兒嘅時候領洗作為天主教教徒。所分別嘅係未有做堅振同唔可以咁快領聖體。而作為基督徒，父母係有責任教導小朋友聖經嘅 ...

解釋得好清楚~~~

[ 本帖最後由 J_D74 於 11-12-15 03:26 編輯 ]

作者: J_D74 時間: 11-12-15 03:22

原帖由 Charlotte_mom 於 11-12-12 11:30 發表
咁查實你自己點唸先?
天主教徒入天主教小學, 分分鐘"硬掘"要join宗教既課外活動, 我細個時覺得d同學幾慘架, 連揀都無得揀
如果你自己細個覺得慘, 又覺得應該俾個仔選擇權, 又何苦要o係呢個時候幫佢選擇, 再推佢入教 ...

我個囡6個月大, 就一直同我地去教堂, 今年都8歲了, 已經成為習慣, 完全唔存在"無得揀"呢個感覺, 我地日常生活都有宗教的討論, 亦有引用宗教的教義, 宗教已經是她生活的一部份, 亦是我們的生活圈子.
"覺得慘"-->好似我細個, 父母非教友, 而我是天主教學校, 日日係學校唸經, 返到屋企無人共鳴, 要考聖經, 但屋企無人識無人教到我, 要返主日學, 但只有自己返.....我就覺得慘~~所以, 有宗教分入學是合理的, 若父母不認同辦學宗教, 小朋友也無所適從~~

作者: jc4358 時間: 11-12-15 12:55

why did you need to consider leaving the choice to your son if you believe in God??????

作者: SCKnight 時間: 11-12-15 21:48

原帖由 jc4358 於 11-12-15 12:55 發表
why did you need to consider leaving the choice to your son if you believe in God??????

非常同意呀！

民主唔係錯，不過小朋友咁細，點講民主？

作為父母只能為小朋友做自己覺得最好嘅決定。斷估小朋友出世嗰陣你唔會問佢鍾意飲人奶定Formula掛。

宗教一樣，你覺得唔好，你唔會信佢。你既然信得佢，點解對令自已小朋友信教有咁大保留？若果真係暫時無緣份，小朋友大個後，你攞支槍指住佢都未必一定願意番教會。

重有作為基督徒係有責任為主同基督做見證，連自己個小朋友都冇勇氣講道理，咁對住其他非教友唔係腳仔軟？

作者: 開心小花 時間: 11-12-16 13:49

我小朋友係9個月大的時候, 已經進行嬰兒領洗. 我先生亦是一出世就領洗. 我記得領洗前要上堂的. 有中有一堂講者有分享話: 父母愛鍚子女, 想把最好的給子女. 如果大家信天主教, 認為他是好的, 為何不把他給子女呢?

歡迎光臨教育王國 (/)