教育王國
標題: 民生為何已變質？ [打印本頁]
作者: kellypapa 時間: 11-12-11 00:33 標題: 民生為何已變質？
去完民生interview,感到既驚訝又失望，現在就算有offer,都唔知讀唔讀好。
事原：interview那天，我們早了十分鐘在校外排隊，我的小朋友急尿想去厠所，我便跟老師説，很難得才懇求到老師給我們入去，但行了兩步，居然給另一位把守的老師不讓小朋友去厠所，她說'今天我們厠所不會外借', 還叫我去九龍城廣場個厠所，說我仲夠時間回來interview!!!
當時校長也在旁，她完全莫視，態度冷淡，對小朋友也莫不關心，（一般inyerview日子也會掛上名牌我唔知點解佢無帶，但但之前上網巳見到她的芳容）.什麼以兒童為中心，怎可能連最基本的需要也拒人千里，interview也這樣，真不敢想像，入了去會係點？
有人有相同經驗嗎？
真心希望民生好，希望老師看到有所改善。
其實我都有去另一所龍校in,佢地有人用擴音器對學校門口排隊的學生問有冇人要去厠所，若有需要便同佢講，不用乞求。
作者: porporchi 時間: 11-12-11 00:40
我in 完ms 咁耐, 其實都冇打算上來講佢地有咩問題, 不過o係另一版見到有朋友問ms/kv/sc 點揀, 所以我o係o個度答左咀講小小, 我都copy o係呢度講下自己心聲:
我自己個人唔係太鐘意ms, 我對3間既認識都唔多, 只係靠interview, 在行政方面, 我覺得kv/sc 好過ms 好多, 最少o係interview時, kv/sc唔會好似ms咁, 以一個咁唔公平既方式去interview
我小朋友揀eng+pth班, 入到房度有2 tables, 1個係net, 1個係普通話老師, 我就係比普通話老師100%用普通話問小朋友問題
而另外一組就100%用英文! 學校根本都冇考慮過, 就算考英普既小朋友本身有普通話底子, 都冇可能好似佢地既英文底子咁好, 因為小朋友o係n班冇可能日日有普通話堂, 但係英文堂就有, 所以如果真係要用普通話interview既, 我覺得要加埋英文先至公平
就係呢一點, 我對此校既印象好唔好, 加上去另外一間kg interview時同另外1位家長傾計, 佢比我早1個星期去interview, in 完之後佢打電話去ms 投訢, 詳細情況唔講, 所以令到我對佢地印象更加麻麻
可能我對ms太唔認識, 未知佢有咩過人之處, 我總係覺得怪怪咁如果用kv/sc 去同ms 去做比較!
作者: ChristieMing 時間: 11-12-11 00:40
del~~~~~~~~~~~
[ 本帖最後由 ChristieMing 於 11-12-11 00:46 編輯 ]
作者: lemoncake 時間: 11-12-11 00:44
可能好彩, 我地interview當日覺得學校安排唔錯喎~ 我地入到學校之後, 準備入課室等老師前打算先上洗手間, 問咗佢地啲中學生helper, 佢地仲好熱心問我地係咪要去小朋友toilet, 原來課室最入面就通到小朋友厠所, 好方便。
作者: porporchi 時間: 11-12-11 00:50
間間學校都有特別好既老師, 麻麻地既老師, 唔好人既老師, 真係睇彩數! 成個interview既流程我係滿意既, 因為都唔洗點等, 就已經順利完成! 我不滿既只係佢地係唯一一間只用100%著通話去in我小朋友既學校 (我報了最少5間eng+pth)既KG, 得ms 係咁樣既安排, 佢地其實係唔係想收內地人? 我同2個唔同既朋友傾, 佢地不約而同話佢地已經keep起d位for 講普通話做母語既小朋友, 2個朋友仲話: 咩你唔知架咩?
作者: derkin 時間: 11-12-11 00:51
名大於實是我的感覺
作者: tsobaba 時間: 11-12-11 01:05
人地民生今日收信喎，關鍵時刻呀樓主，洗唔洗幫你推呀？
作者: cwymama 時間: 11-12-11 01:09 標題: 回復 5# porporchi 的帖子
我個小朋友响民生讀緊K2,咁耐我都無見過母語係普通話嘅小朋友喎。
作者: lemoncake 時間: 11-12-11 01:17 標題: 回復 5# porporchi 的帖子
delete......
[ 本帖最後由 lemoncake 於 11-12-11 01:46 編輯 ]
作者: cwymama 時間: 11-12-11 01:36 標題: 回復 7# tsobaba 的帖子
如果真係好似你咁講，佢真係好可悲！用家角度，民生係一間好全面嘅學校，而我最欣賞就係佢哋真係好實質咁教個小朋友，例如教水果，老師真係切開個西瓜、橙、蘋果比小朋友睇，再比小朋友摸吓啲果皮，之後我聽到有小朋友講都切開咗，不如食咗佢啦，又有好多小朋友問咗老師好多有趣嘅問題，當時我覺得啲小朋友好開心同好有學習動機，呢啲係我做家長義工時無意睇到嘅，我興幸當初選擇咗民生幼稚園。
作者: rabbithung 時間: 11-12-11 01:41
我個女IN HK PRESCHOOL英普班，全程都是用普通話問，公不公平，好難說。這個世界根本就沒有公平。
作者: cherryird 時間: 11-12-11 07:04
提示: 作者被禁止或刪除 內容自動屏蔽
作者: marie12345 時間: 11-12-11 07:27
我囝囝又係早5分鐘想去toilet又係比個門口老師拒絕入內，叫我地去附近公園搞掂，其實個陣我好嬲，心諗你學校有寶咩，無人情味，唯有叫小朋友忍一陣。
作者: kellypapa 時間: 11-12-11 09:30
Marine,原來你也有相同遭遇，我仲以為自己係個別case,真係對學校很失望，連基本的愛心也欠缺，說什麼教學理念也是枉費了。
原帖由 marie12345 於 11-12-11 07:27 發表 
我囝囝又係早5分鐘想去toilet又係比個門口老師拒絕入內，叫我地去附近公園搞掂，其實個陣我好嬲，心諗你學校有寶咩，無人情味，唯有叫小朋友忍一陣。 ...
作者: sllau 時間: 11-12-11 09:46 標題: 回復 7# tsobaba 的帖子
哈，等我幫手推一推先。
作者: Rickylama 時間: 11-12-11 10:05
我小朋友面試當天在taxi睡了，時間未到，太太和我輪流在校門外抱着她，又不許內進，又不給椅子我們。
不過，我依然等民生offer.
作者: gskw 時間: 11-12-11 12:18
其實好簡單，你既然唔鍾意ms, 仲好唔駛煩，把心一橫唔需要考慮囉！但如果你愛佢，咁就要包容佢嘅缺點喇！
作者: marie12345 時間: 11-12-11 12:22
當日見既老師由門口到面試都很冷漠，實在不是應有態度，雖然話老師見太多人會赲所以這樣，但實在令人失望，這個社會真的越來越奇怪了。
或許是被太多人熱捧才令這些學校變了，真是惡性循環。
作者: eebabyma 時間: 11-12-11 12:29 標題: 回復 17# gskw 的帖子
又係呢d出黎插爆人地間學校嘅攻心計呀，不過插人都要講道理，唔好求其搵d野出黎嘈嘈嘈。
仲有，如果我真係咁唔like間學校，我唔會咁無聊花咁多時間打咁多野鬧人，得閒寫封求位信俾心儀果間學校好過啦，除非....閣下另有目的啦！
作者: chubbychu 時間: 11-12-11 13:02 標題: 回復 1# eebabyma 的帖子
同意。
近排睇咗好多EK 留言，好似只有見民幼的家長投訴＂老師唔借廁所、唔俾入學校借地方餵奶＂。
但唔多覺有家長投訴其他學校，有同樣情況喎！真係百思不得其解。
希望大家明白，學校係私人地方。次次面試都上千人，若俾一個人借廁所，可能會仲多人都想去。那學校就要另外安排人手引領這批人入校園，又要保證佢哋離開學校，無私自進入試場。那不是要增加學校不必要的行政負擔嗎！
[ 本帖最後由 chubbychu 於 11-12-11 13:04 編輯 ]
作者: tsobaba 時間: 11-12-11 13:13
打個比喻，我已打滾於商業社會，受盡這十幾年經濟起伏，很想考份公務員做到退休（雖然知道做公務員係唔會發達），但是競爭咁大，今日收到信話我waiting，點好？突然，諗起面試當日，樓下個part time secur冇嚟禮貌，想話上去見工，又要登記e樣果樣，入到去又唔比我去e度果度，話晒專業人士都唔比下面，麻麻煩煩，見工時果幾個interviewers樣哀到，重要考我d我唔識野，真係對我唔公平，如果我搵太陽將衣d野登出嚟，可能有人會覺得儆公務員都唔咁好，請咗佢都唔做，咁咪waiting到囉，得咗！
作者: carnationBB 時間: 11-12-11 13:19
提示: 作者被禁止或刪除 內容自動屏蔽
作者: eebabyma 時間: 11-12-11 13:24 標題: 回覆 18# marie12345 的文章
講真，我自己近期帶仔仔去in左成十間八間學校，每次收到interview時間，我都mark低，然後在當曰調校好仔仔的作息時間，俾仔仔食飽瞓夠，令仔仔有最好表現。每次到學校附近，都問左仔仔是否要飲水水，去wee wee，搞掂唒先行入人地間學校。
唔明d人，自己唔做好準備，仲處處怪人安排唔配合你，幾好嘅學校，你讀落都唔滿意人地啦。
作者: Gerard 時間: 11-12-11 13:42
提示: 作者被禁止或刪除 內容自動屏蔽
作者: marie12345 時間: 11-12-11 13:57
因為無咩學校唔比借廁所囉，何况係借比兩三歲小朋友，要佢地忍尿，唔通又岩咩？小朋友都已經在學校外面了，搵厠所又遠，又差不多時間要入去面試，咁點呀？？
作者: coupcoup 時間: 11-12-11 14:01
拒借廁所換來title ＂變質＂
我認為小小事情別放心上 更無需將其放大抹黑
作者: marie12345 時間: 11-12-11 14:08 標題: 回復 23# eebabyma 的帖子
你咁講真過份，人有三急既野有得控制既咩？更何况是不足三歲小朋友？有些人緊張都會想去厠所啦，真的很難想像會有人咁講嘢。
我自己都見左7間學校，又怎料到有學校咁樣的呢？
難道學校就無改善地方？
同埋我落車已是學校門口
[ 本帖最後由 marie12345 於 11-12-11 14:12 編輯 ]
作者: eebabyma 時間: 11-12-11 14:23 標題: 回復 27# marie12345 的帖子
我唔認同自己有幾過份，我只知我自己會盡自己能力搞好自己小朋友先送佢入去interview，大家講句公道說話姐，人家有人家規距，好多餐廳機構學校的廁所都唔外借架喎，又係人地唔啱，只可說我與閣下的價值觀有好大距離。
作者: ronniedad 時間: 11-12-11 14:28
原帖由 Gerard 於 11-12-11 13:42 發表
不是學校變質，是社會變質，一些人遇上不如自己所願的事，只懂埋怨別人，眼見社會上大小事情，永遠只有別人錯，卻從不自我反省。小兒只報考KV 和 MS，不管別人的意見，在我眼中，老師都是友善的，有禮貌的，就算她們是支薪的，本人仍然感謝她 ...
作者: gskw 時間: 11-12-11 14:38
原帖由 eebabyma 於 11-12-11 12:29 發表
又係呢d出黎插爆人地間學校嘅攻心計呀，不過插人都要講道理，唔好求其搵d野出黎嘈嘈嘈。
仲有，如果我真係咁唔like間學校，我唔會咁無聊花咁多時間打咁多野鬧人，得閒寫封求位信俾心儀果間學校好過啦，除非....閣下另有目的啦！ ...
算啦！大家唔好為咗依啲嘢嘈...
Hehe... 我路過ja! 我冇報ms
作者: jlbb1 時間: 11-12-11 14:54
提示: 作者被禁止或刪除 內容自動屏蔽
作者: marie12345 時間: 11-12-11 15:13
唉，如果附近有廁所，我都唔會求你借個廁所啦，咁我帶得個小朋友去好遠既廁所定入去面試呢？仲要比人話我安排個仔去小便時間控制得唔好，唉~~
作者: Ackl1002 時間: 11-12-11 17:04
小朋友去厠所好似吾太能夠預早安排吧, 我女都成日話吾急吾肯去, 搞到好急時四圍搵厠所, 學校應該通融吓.
作者: 靚姐 時間: 11-12-11 18:30
講到學校唔肯外借廁所好似罪大惡極咁，學校對面有公園有商場，大把廁所，為何不可以早些問個小朋友去不去廁所，而硬係要到學校門口才去，如果夠鍾面試，一定比你入去，如果未夠鐘，咪行遠小小囉！唔借廁所咁大罪，影響咁深遠，咪唔好入去面試囉！
作者: adayu 時間: 11-12-11 18:34
樓主係呢個時候發帖實在好難怪其他人話你既~雖然我囡囡in時個老師都無笑容(我當時都唔開心架)不過應該係個別又或者本身個老師唔舒服啫.仲有我哋一入課室就問老師洗手間係邊老師都有俾我囡囡去架.如果民生收囡囡都會去讀
[ 本帖最後由 adayu 於 11-12-11 21:13 編輯 ]
作者: gisoleung 時間: 11-12-11 18:39
真係出結果先講..這d嘢...唉！
作者: chongnicole 時間: 11-12-11 18:46
路過。看過好多家長投訴係好無聊，但這次，學校吳借washroom比3歲小朋友，就真係吳人道。咁耐真系第一次聽有學校咁做！希望學校聽到feedback，考慮下係米有需要咁strict。
不過呢件係小事，中意學校吳應該受影響。
作者: 英俊爸爸 時間: 11-12-11 20:14
首先，點解interview完當天點解唔即時上來講呢？第二，點解樓主講到咁差，仲話收左都唔讀唔讀，而不是一定唔讀呢？
我同我小朋友，係19/11下午interview的
我好滿意當日的安排，因為好多helper帶路，我地行錯路都仲好有心機咁教返我地點去面試的班房
講開去toilet事件，我懷疑是否真的發生，因為當日我地果group有一個小朋友，老師問完問題之後，佢要去廁所，而老師好有心機咁同佢講點去，而當日個老師仲等埋個小朋友返來，先開始講故事時間
interview之後，因為自己開車，我想去埋toilet先，我當時由三樓行到去一樓，我問個helper係toilet係邊，佢好有禮貌話我知男廁係三樓，根本無唔俾我去，大人都俾去，小朋友會唔俾？
民生咁多人in, 安排都無混亂，講真仲想點，而且仲有咁多helper幫手，面試時間又咁長，大把時間俾小朋友發揮
如果要彈就要講交表要排咁長時間，而不是好似其他學校咁可以寄回，可能真係要改善下，但見佢地check文件咁細心，連出世紙號碼都對埋，我估一定有校方的原因
作者: haihaimom 時間: 11-12-11 21:16
我是現任家長，就好像下午班是1時半上課，學校也只會1時正才讓學生進校，絕對不會因為學生要用廁所讓他提早進校。假如廁所的考慮是這麼重要，那真的要好好想想了。其實學校後面的九龍仔公園內已有廁所，只需要歩行數級樓梯。
作者: cwymama 時間: 11-12-11 21:30 標題: 回復 37# chongnicole 的帖子
大家應該了解吓件事先，樓主係未夠鐘入去IN但想借廁所，而唔係入咗學校而唔借比佢，其實民生個校舍真係好大，如果地下的廁所根本無可能借比樓主（廁所在班房內），因為當時interview緊，而二樓及三樓嘅厠所响樓層嘅盡頭，我諗去公園個廁所可能更快，其實當日咁多人去IN,如果各人都可自出自入，情況一定好混亂。
作者: marie12345 時間: 11-12-11 22:31
看到一些留言真的教人唏噓，原來咁多人可以崇拜得一間學校得咁緊要，只會站在學校著想。每每見到有人講學校的不是就比人圍，或者話人講大話。沒有一間學校是完美的，如果只係一味聽好聽既說話，學校就無改善空間，最終吃虧的是你們的小朋友。
如果學校有心，根本可以分批比有需要既小朋友先入內去洗手間，一間咁大既學校都不能夠通容一下，真的很有問題，而且學校附近哪裡有洗手間真的不清楚，要搵都要花時間。很多名牌學校都好多人去面試而且校舍比民生細，但都不會拒小朋友於門外。
作者: kmmum 時間: 11-12-11 22:47
變得咁差? 舊年囡囡去IN. 在大門口同老師講要VV. 便有人帶我和囡囡一去洗手間, 之後,仲有童子軍帶我地去班房.
作者: DiamondHill 時間: 11-12-11 23:00
說真的, 我本人覺得家長只是報喜不報憂, 都好維護學校, 有少少負面消息, 便容易敏感起來, 對學校是好是壞, 自行判斷.
如果樓主所說屬實, 學校就不夠貼心, 咁出名地方大的學校, 都不能割讓少許地方給小朋友同大人在一個安全點的地方等候, 如又叫小朋友去邊到好近廁所, 當面試時, 總怕有閃失丶遺漏丶遲到嘛.......
我都等緊結果, 沒有主觀批評, 只說出感受, 學校總有過人之處.
作者: simsimwong 時間: 11-12-11 23:02
我in那天又係在排队時䦓老師可否先入去厠所，因女女想去，但也是叫我去公園那边厠所，之後入到去班房，我和女
作者: WBB 時間: 11-12-11 23:02
借廁所 又唔係借錢 咁都唔借!!
作者: cwymama 時間: 11-12-11 23:03 標題: 回復 25# marie12345 的帖子
咁你個小朋友有無去廁所吖？
作者: chongnicole 時間: 11-12-11 23:12 標題: 回復 4# DiamondHill 的帖子
同意。大家表達對「可能不借toilet」的意見，出發點吳係要打擊MS校譽，而係咁做確實不人道，希望校方看到有改進。好似基督堂過往年年排隊拿form，痛苦到不得了。都係經好多年好多有心家長表達意見，今年米開始可以上網download報名表...
作者: 靚姐 時間: 11-12-11 23:15
如果小小規則都守唔到，下下要學校圍住自己走，對不起，民生唔係好適合你！
作者: 藤媽 時間: 11-12-11 23:29
面試咁重要既時刻我選擇同小朋友著番條片。講完。
唔好勞氣啦，或者當時老師有佢既原因唔方便解釋咁長盡俾家長聽，又或者學校會檢討今年既面試安排。
大家互相包容吧，一年先一次既武林大會，總有d缺點既，又唔係致命既錯，得饒人處且饒人吧 ^^
作者: sllau 時間: 11-12-11 23:45
哈....係喎,最安全係著番條片.....
算啦,每年呢個時候都會有d咁既post, 唔理真定假, 唔理新國民樓主依家先出呢個post既原因, 有offer的家長考慮過, 鐘意就讀唔鐘意就唔好讀....唔好為難自己....
不過有日到學校做義工家長先發現學校對有特殊需要的學生既包容同配合....
作者: simsimwong 時間: 11-12-11 23:59
我in那天又係在排队時䦓老師可否先入去厠所，因女女想去，但也是叫我去公園那边厠所，之後入到去班房，我和女
作者: ronniedad 時間: 11-12-12 00:09
原帖由 sllau 於 11-12-11 23:45 發表
哈....係喎,最安全係著番條片.....
算啦,每年呢個時候都會有d咁既post, 唔理真定假, 唔理新國民樓主依家先出呢個post既原因, 有offer的家長考慮過, 鐘意就讀唔鐘意就唔好讀....唔好為難自己....
不過有日到學校做義 ...
作者: alex.siu 時間: 11-12-12 00:13
其實重點係要去廁所既係二歲多既小朋友，有時小朋友真係話去就去。(如果係小一面見，我諗樓主依個topic會俾人鬧爆)
另一方面民生校舍真係幾大，人流控制亦都係一個concern。
正如之前o既網友講，希望民生有關方面可以體諒家長o既情況，從善如流。家長亦要了解校方。
有個小小suggestion, 校方可安排校工/家長義工分批帶有需要去廁所o既小朋友。以我記憶o個日好似得兩三個職員係校學門口，如果多d人手，安排亦可以更加好。
作者: tsobaba 時間: 11-12-12 00:23 標題: 回覆 6# DiamondHill 的文章
我小朋友讀民生前，都發覺bk的民生家長係好保護學校，入讀後才明白，做民生家長係要放都幾多時間在小朋友的學習活動上，就好似自己翻校咁，係好投入間學校度，所以民生家長保護學校係可以理解，至於未到時間in唔比入學校toilet 事件上，希望大家細想，當明白需求可以好大，但資源係有限時，還去提供無限的服務，結果會更差，其實幼稚園2/F走廊盡頭d小孩廁所同九龍仔公園廁所由學校門口計，都差唔多遠，不過我都唔知果d廁所比唔比家長入，因為果d係比K2及K3小朋友自己去的，但如果要去大人可以入的廁所，最近係小學樓上，真係好遠，唔信自己睇下google map，我上次出post係針對一班，冇錯係一班，唱間學校但又好想間學校收自己小朋友的精神分裂的家長們，唔該果班家長出post後記得加多句「收我都唔讀」來declare自己的standing。
作者: gisoleung 時間: 11-12-12 00:38
我都想講...點解唔穿片呀...哈哈哈....樓主可否收信後...上來分享下呢!好有興趣想知..結果呀!
作者: trabb 時間: 11-12-12 00:40
其實羊群心理相信大家都應該明白,假若比得一個去,會否更多人都要去呢?那時候,可能更難控制人流.
就以我interview當日為例,我女係第一個係part one in完,阿女忽然同我講想去wee wee,我心想死喇,點算?第一,老師in緊其他考生,冇可能打擾別人面試.第二,仲有等二part要in點算?但我都問左女女可否忍到,佢都話可以.後來,其如兩個考生in完後,居然考最後一個考生話要去wee wee,結果羊群心理,同組的全部都去晒.老師自己都笑了出來,interview中途全部去晒厠所.等齊晒人先再考part two.呢個老師都算唔話得了!
作者: simsimwong 時間: 11-12-12 01:06
Why my post not complete!!!下文是，當我同丫女入班房後未面試前即刻去了廁所，所以我又不覺得在校园外不比去校內廁所有䦖题！始终怕亂！
作者: ICbaby 時間: 11-12-12 01:22
我小朋友幾年前in已對ｍｓ無好感。
作者: chili_li 時間: 11-12-12 07:27
社會不斷進步，好多多人的要求亦不斷提高，因為呢個香港乜都可投訴，投訴，投訴再投訴
作者: cwymama 時間: 11-12-12 08:17 標題: 回復 53# alex.siu 的帖子
小朋友只有兩歲多點解唔幫佢包條片片呢？其實今年等入班房嘅時間不多放15分鐘（好多人話唔駛等多於5分鐘），安排已經唔錯啦。至於toilet問題，如果已進入學校，學校一定會借，但我諗唔需要為咗個別幾個未夠鐘入去，而又想借廁所嘅家庭專登安排人手，因為當日已經夠忙了。至於義工家長,學校只係想家長多參與活動，從而更了解學校，並唔係想家長做免費勞工。
[ 本帖最後由 cwymama 於 11-12-12 08:28 編輯 ]
作者: 23102009 時間: 11-12-12 09:31
原帖由 藤媽 於 11-12-11 23:29 發表
面試咁重要既時刻我選擇同小朋友著番條片。講完。
唔好勞氣啦，或者當時老師有佢既原因唔方便解釋咁長盡俾家長聽，又或者學校會檢討今年既面試安排。
大家互相包容吧，一年先一次既武林大會，總有d缺點既，又唔係致命既錯，得 ...
我同你一樣, 我都係幫小朋友著返條片~
不過唔同既係, 我小朋友唔識叫vv......
作者: 藤媽 時間: 11-12-12 09:43
原帖由 23102009 於 2011-12-12 09:31 發表
我同你一樣, 我都係幫小朋友著返條片~
不過唔同既係, 我小朋友唔識叫vv......
係啦~ 好簡單之嘛~
我小朋友識講去vv又戎左片，但我只係覺得做多一步，方便人方便自己，何樂而不為呢。與其咁多抱怨，不如上黎換個topic，"去面試記得同小朋友著片片吖，有可能學校唔俾去廁所架！"
換個角度，利人利己，唔會更好咩？
作者: porporchi 時間: 11-12-12 09:58
wa....著番條片? 我小朋友都仲要著片既,我反而驚老師見到佢仲著片而唔收佢
都有好幾間既kg 係會問小朋友仲洗唔洗著片, 所以坊間既intervierw已經講左可以既唔好著片去in, 我朋友做幼師, 佢都識講, 一眼就可以睇得出佢地行路既姿勢就知佢地有冇用片片
每間學校都有佢既fans, 都會話自己既kg 點咁好, 不過上得來呢求都係想law 多d 料, 如果係對間kg 有咩不滿既, 客觀既意見我覺得要接納, 多d 包容先會有進一步
作者: boboapril 時間: 11-12-12 10:10
When I see the post subject, I just think maybe the quality is the same from the beginning to now. So, not the problem of declining quliaty...(I declare that I did not apply this kg)
作者: Lachesis 時間: 11-12-12 10:22 標題: 回復 63# porporchi 的帖子
提示: 作者被禁止或刪除 內容自動屏蔽
作者: kayleymum 時間: 11-12-12 10:30
只希望唔鍾意呢間學校既家長唔好因為冇其他學校offer而選民生,當俾機會d真心想入呢間學校既人,至於一間學校好唔好反而係聽d已入讀既家長總好過聽d去interview既家長,畢意interview所見所聞太唔客觀,因為我都信有心人想為自己小朋友増取入讀既機會,畢竟呢一兩年出生率好高
作者: JoSon0709 時間: 11-12-12 12:04
其實樓主在這時間出POST去講MS不是，係比較敏感，另人感覺別有用心，或者樓主覺得MS不是你杯茶，可以選擇唔讀，或如果有心可以寫信去學校要求下次注意和改善一下。
世界變得和平美好。
作者: kayleymum 時間: 11-12-12 12:45
既然d人講到收都唔讀仲點解去in???聰明人都明當中意思..
作者: gskw 時間: 11-12-12 12:51
原帖由 23102009 於 11-12-12 09:31 發表
我同你一樣, 我都係幫小朋友著返條片~
不過唔同既係, 我小朋友唔識叫vv......
hahahahha... me 2
作者: rngusa 時間: 11-12-12 13:34
唔Happy，
1) 唔好鬼讀
或
2) 向學校反映
或
3) 自己幫小朋友著番條片啦
或
4) 去廣場或公園去pee ，好近
或
5) 入咗學校然後找廁所
未入學校，當然借就人情，唔借就道理
[ 本帖最後由 rngusa 於 11-12-12 13:44 編輯 ]
作者: kayleymum 時間: 11-12-12 13:35 標題: 收都唔讀,點解要interview?
唔明有d人話間學校唔好但又去報名,跟住又話收都唔讀:-? 開口埋口都話當後備...:@
作者: porporchi 時間: 11-12-12 13:36
我家會唔會真係諗多左呀? 樓主講既野我唔知真假, 我唔係當時人, 但我去in 啟幼時見到個mami同佢傾, 佢同我講佢in完都忍唔住打去學校complain, 我仲問佢唔驚人地知道佢係邊個, 而影響左人地唔比offer佢, 佢仲話已經決定收都唔會比個女去讀, 呢個係千真萬確, 學校亦一定會有呢個complaint既record!
可能樓主真係唔開心自己既小朋友有呢個問題, 上來吐下苦水o者, 亦坦白講, ms 近來真係又多左d -ve posts! 最少我小朋友in左1x間, 我間間既老師我都覺得ok, 除左ms o係操場o個個..其實我真係唔想講, 因為我覺得眼見到既又唔代表間kg 真係咁, 不過見到太多ms fans, 所以忍唔住都講, 就係我老公拖住我既小朋友, 我就行先, 我轉頭望下佢地到未, 我小朋友跌倒o係地, 我老公扶起佢, 我即刻望下老師咩反應, 個老師個眉頭一接, 之後我個女仲未起到身, 我老公又去扶一扶佢, 個老師又望多次, 又再個眉頭一接, 我feel到既係..我個小朋友阻住條路, 因為我小朋友跌到既地方就係o係佢個outdoor playgroup度
我聲明, 我唔係話佢地既不是, 只不過係我INTERVIEW之後呢間學校比我既感覺而已, 我亦聲明, 我覺得interview所見既不代表一切, 不過對我既family而言, 去左in成1x 間學校, 只得呢間我既感覺係麻麻, 所以對ms 係有d 保留!
希望鐘意ms既入到ms 開開心心, 有其他offers既小朋友都o係其他kg 開開心心!
作者: ronniedad 時間: 11-12-12 13:51
原帖由 porporchi 於 11-12-12 13:36 發表
我家會唔會真係諗多左呀? 樓主講既野我唔知真假, 我唔係當時人, 但我去in 啟幼時見到個mami同佢傾, 佢同我講佢in完都忍唔住打去學校complain, 我仲問佢唔驚人地知道佢係邊個, 而影響左人地唔比offer佢, 佢仲話已經決 ...
亦曾經聽過一個選校講座, 講者引述一名校校長所講: 內容大約是由得佢地跌落水吧, 佢地唔會浸親的. 共勉之~~
作者: bonbon1106 時間: 11-12-12 13:58
why the case of your interview experience just like this case?
http://www.youtube.com/watch?v=tk9xoP0vGMs&sns=fb
BTW, I declare that I did not apply MS ^^
作者: kayleymum 時間: 11-12-12 13:58
其實k1開學時已講明要自己着衫,大家可以話佢地冇愛心,但到小朋友識自理,不再是小王子小公主時又會認同佢地做法,畢竟大大吓都想小朋友跌倒係自己起番身.
作者: mianyang_99 時間: 11-12-12 14:05 標題: 回復 75# kayleymum 的帖子
係呀...大家都k1家長吧, ms教自理係有一套...即係學校唔會下下出通告提家長帶野, 而係要小朋友提家長.....呀仔同我都要時間習習慣, 因為我唔知佢真定講笑~~
同埋佢地有d口号歌, 成日話:"我長大了...自己的事自己做, 自已走路不用爸媽抱......"
佢地既德育課真係好好嫁~~
作者: ronniedad 時間: 11-12-12 14:05
嘩, 真係好怪獸, 仲理直氣壯.............
作者: sllau 時間: 11-12-12 14:12
我囡囡係K1時已識"接被接衫"都係學校學返來的...
原帖由 mianyang_99 於 11-12-12 14:05 發表
係呀...大家都k1家長吧, ms教自理係有一套...即係學校唔會下下出通告提家長帶野, 而係要小朋友提家長.....呀仔同我都要時間習習慣, 因為我唔知佢真定講笑~~
同埋佢地有d口号歌, 成日話:"我長大了...自己的 ...
作者: mianyang_99 時間: 11-12-12 14:19
好正喎~~
作者: mianyang_99 時間: 11-12-12 14:32
原帖由 sllau 於 11-12-12 14:12 發表
我囡囡係K1時已識"接被接衫"都係學校學返來的...
你女女好叻呀....:-D
咁大家都應該係ms粉絲喎~~ :handshake
我讀左幾個月....真係覺得冇揀錯~~ :loveliness:
作者: sllau 時間: 11-12-12 14:39
你可以叫你小朋友"接"比你睇, 可能佢識嫁,不過係屋企唔做咋...以我所知, 尤其係冬天, 老師要小朋友自己除外套同"接"衫放好既...長期訓練實得!
原帖由 mianyang_99 於 11-12-12 14:32 發表
你女女好叻呀....
咁大家都應該係ms粉絲喎~~ 
我讀左幾個月....真係覺得冇揀錯~~ :loveliness:
作者: 藤媽 時間: 11-12-12 14:39
:good: 呢個"靚媽"冇得頂！
作者: mianyang_99 時間: 11-12-12 14:42
原帖由 sllau 於 11-12-12 14:39 發表
你可以叫你小朋友"接"比你睇, 可能佢識嫁,不過係屋企唔做咋...以我所知, 尤其係冬天, 老師要小朋友自己除外套同"接"衫放好既...長期訓練實得!
我淨係知佢每朝一入課室...要自己拎功課比老師, 要自已放書包入櫃咋~~
同埋佢會提我地每日比條手巾仔佢袋返學, 因為學校係好講環保...唔主張用tissue~~
作者: sllau 時間: 11-12-12 14:49
我囡囡話升上k2,大個女嫁啦, 厠所唔在係課室度嫁la, 要去厠所就攞個toilet pass,自己走過去厠所, 老師就會係課室一直望住我到厠所,而厠所門口有個姨姨睇住....
作者: tsobaba 時間: 11-12-12 15:15
哈哈!理直氣壯!
原帖由 bonbon1106 於 11-12-12 13:58 發表
why the case of your interview experience just like this case?
http://www.youtube.com/watch?v=tk9xoP0vGMs&sns=fb
BTW, I declare that I did not apply MS ^^
作者: tsobaba 時間: 11-12-12 15:20 標題: 回復 2# sllau 的帖子
原來係咁，我上次接佢放學都係佢自已入去廁所，我在門外等佢出來。
作者: viandes 時間: 11-12-12 15:20
原帖由 sllau 於 11-12-12 14:39 發表
你可以叫你小朋友"接"比你睇, 可能佢識嫁,不過係屋企唔做咋...以我所知, 尤其係冬天, 老師要小朋友自己除外套同"接"衫放好既...長期訓練實得!
等我今晚返屋企叫阿囝接比我睇先！之前我成日見到佢攞張紙巾接，我仲成日閙佢唔環保！
作者: mianyang_99 時間: 11-12-12 15:22 標題: 回復 87# viandes 的帖子
鬧錯人啦你
.....by the way,你仔仔k1x??
[ 本帖最後由 mianyang_99 於 11-12-12 15:23 編輯 ]
作者: JoSon0709 時間: 11-12-12 15:26
內容好正呀, 多謝bonbon1106的提供.
原帖由 bonbon1106 於 11-12-12 13:58 發表
why the case of your interview experience just like this case?
http://www.youtube.com/watch?v=tk9xoP0vGMs&sns=fb
BTW, I declare that I did not apply MS ^^
作者: keroro113 時間: 11-12-12 15:35 標題: 回復 13# marie12345 的帖子
我入到班房後,仔仔先要求vv,老師ok,可能入校前同入校後唔同掛...
但我不滿嘅係,今日仲未收到信,好明顯reject左,但都唔應該咁遲通知
作者: viandes 時間: 11-12-12 15:48
原帖由 sllau 於 11-12-12 14:49 發表
我囡囡話升上k2,大個女嫁啦, 厠所唔在係課室度嫁la, 要去厠所就攞個toilet pass,自己走過去厠所, 老師就會係課室一直望住我到厠所,而厠所門口有個姨姨睇住.... ...
睇住自己嘅仔女長大，自理能力又高咗，真係好開心~~~
其實我好唔明點解個post話＂變質＂，咁大間學校，一定有佢的規矩、做法，如果家長覺得唔俾d未入得去面試嘅小朋友去洗手間，咁就收咗都唔讀，咁實在太膚淺啦！我自己n年前係民生嘅仔女，個仔而家讀民生K.1，明白到學校嘅教學理念係要培養學生自律、自愛、守規矩等等！所以點解d學校咁喜歡收舊生嘅仔女，因為家長本身都已經達到學校嘅要求！
作者: mianyang_99 時間: 11-12-12 15:54
原帖由 viandes 於 11-12-12 15:48 發表
睇住自己嘅仔女長大，自理能力又高咗，真係好開心~~~
其實我好唔明點解個post話＂變質＂，咁大間學校，一定有佢的規矩、做法，如果家長覺得唔俾d未入得去面試嘅小朋友去洗手間，咁就收咗都唔讀，咁實在太膚淺啦！我自己n年前係民生嘅 ...
前2個星期sports day, 我本來以為咁大間學校又咁多家長學生, 個趺序一定好混亂, 點知.........唔係, 好好安排而且唔亂添~~
作者: viandes 時間: 11-12-12 15:55
原帖由 mianyang_99 於 11-12-12 15:22 發表
鬧錯人啦你:happy: .....by the way,你仔仔k1x??
哈哈！我仔仔響K.1D呀！
作者: mianyang_99 時間: 11-12-12 15:57
原帖由 viandes 於 11-12-12 15:55 發表
哈哈！我仔仔響K.1D呀！
同班同學仔呀~~
作者: 靚姐 時間: 11-12-12 16:33
個youtube對話好正呀！樓主和那堆不外借廁所不人道的家長真係要聽多幾次，領略下，呢個世界講規矩，唔係只係圍住自己走架！全世界就你架！
作者: mianyang_99 時間: 11-12-12 16:43
原帖由 靚姐 於 11-12-12 16:33 發表
個youtube對話好正呀！樓主和那堆不外借廁所不人道的家長真係要聽多幾次，領略下，呢個世界講規矩，唔係只係圍住自己走架！全世界就你架！
but.....可能佢會認同個靚媽喎~~
作者: sherry_wong 時間: 11-12-12 17:18
睇完真係覺得好無聊,一間學校好唔好, 原來只係睇借唔借廁所??? 好記得一句說話: "機會係留俾有準備既人", 我小朋友interview我一定會比佢著片,因為我唔想個日有咩意外, 所以我要先作準備, 我唔會諗要去借廁所, 一來我知道學校interview好忙唔想麻煩人, 二來小朋友係個陌生環境interview, 可能驚起黎有意外都唔出奇, 所以我唔會做咁冒險既事
正如其他讀緊ms既家長所講, 學校既洗手間係要上樓梯仲要行到最遠 (K1既洗手間係班房入面), 所以計起上黎公園既洗手間仲方便, 不過有人唔鐘意聽解譯, 咁再講亦無用, 同埋我真係想知佢係唔係間間學校都去借廁所, 咁唔知St.Cat, KV, PC呢d咁多人in既學校又會點處理? 我諗出年可能會有人做埋測試黎對學校做評級都唔奇(無奈中)
我諗大家MS家長都係唔好再回應啦, 無謂幫人推高個Post, 亦都無謂俾人話我地偏幫, 我相信揀得間學校既家長都係理智既, 佢地會睇下間學校既教學方針同模式, 如果真係因為單一事件就唔讀既咪算囉, 佢地真係同間學校唔夾, 有時讀唔讀都真係要講緣份既
[ 本帖最後由 sherry_wong 於 11-12-12 17:27 編輯 ]
作者: SmartCandy 時間: 11-12-12 17:23
咁又唔好咁講, 唔通一千人一千人去廁所咩! 我見開間間幼稚園去廁所都無問題Wor
原帖由 chubbychu 於 11-12-11 13:02 發表
同意。
近排睇咗好多EK 留言，好似只有見民幼的家長投訴＂老師唔借廁所、唔俾入學校借地方餵奶＂。
但唔多覺有家長投訴其他學校，有同樣情況喎！真係百思不得其解。
希望大家明白，學校係私人地方。次次面試都上千人，若俾一個人借 ...
作者: chubbychu 時間: 11-12-12 17:42
thanks bonbon1106 for the sharing.
個家長自己錯都唔知錯, 教壞細佬呀!!! 這就是真正的怪獸家長!
身處別人的地方, 就應遵守人家的守則, 這是為尊重也.
整污嘈人地的地方, 一走了之. 仲教個囡一齊偷笑住逃走, 個囡見個阿媽咁不負責任, 下次咪有樣學樣, 重覆犯錯.
好多餐廳都不外借廁所啦, 更可況係超市員工廁所. 唔知個主持話完佢, 個家長係咪真係知道自己錯咗呢?
http://www.youtube.com/watch?v=tk9xoP0vGMs&sns=fb
作者: cwymama 時間: 11-12-12 17:44 標題: 回復 97# sherry_wong 的帖子
我剛剛响另一個有關民生post度發現咗嗰位發表偉論嘅家長，不過今次佢唔係講民生唔借廁所唔啱，而係講佢有朋友响民生教所以唔讀云云、、、
| 歡迎光臨 教育王國 (/) |
Powered by Discuz! X1.5 |