教育王國

標題: 應該取消這五分 [打印本頁]

作者: cclemon2009 時間: 11-12-10 10:45 標題: 應該取消這五分

在幼稚園討論區見到有人討論，我自己睇完，覺得教育部應取消宗教五分。
http://blog.yahoo.com/_RFWE7YDRQNGVEODC7WX6HO3O54/articles/91838
我認為小朋友受洗決定權應該由自己決定

作者: atalanta 時間: 11-12-11 23:08

完全贊成!

作者: hei2222 時間: 11-12-12 00:28

取消這五分
對個宗教同對家長都係好事.

作者: Lovely_Babybaby 時間: 11-12-12 09:02

我覺得應該取消埋父母係咪舊生添.
唔通父母讀到好學校,
D 仔女就可以讀到好學校,
父母讀唔到好學校,子子孫孫就永無返身之日

我有朋友有個歲幾B,前排開始自組讀經班,
年半就可以受浸,如果無果5分,
佢地係唔會做呢D野.

作者: silviapang 時間: 11-12-12 09:14 標題: 回復 1# Lovely_Babybaby 的帖子

完完全全切切底底的贊成！

作者: cclemon2009 時間: 11-12-12 09:17

我以前讀基督教小學(村校)，我都相信神的存在，多年有上禮拜，自從返工後，再冇返禮拜，不過教義一直放心中，我都識人(家長一路以來冇信教)都諗住個五分下年k2開始返讀經班。
可能我相信和曾認識神的存在，我覺得這樣好有罪惡感。

作者: vinik 時間: 11-12-12 11:10

絕對舉腳贊成! 我更知道有些人明明係基督教, 為o左拎5分突登轉天主教, 呢種做法實在不對。

作者: 大白豬 時間: 11-12-12 11:12

我有幾個同事都係因為呢5分而去上查經班受洗, 佢地既小朋友亦如願入到心儀的小學. 之後無再聽到佢地話返教會.

唔計佢地的動機, 若果佢地係受洗前一刻係真心相信而受洗, 我覺得ok, 但若果唔係, 我覺得佢地好唔尊重這個宗教.

作者: silviapang 時間: 11-12-13 09:48 標題: 回覆 1# 大白豬的文章

我都認為相信任何宗教係冇問題，但當其用作入學的其中一種途徑，就已失去意義，唔好攪祂們吧！某程度上好似有少少出賣的成份！（本人沒有信任何宗教），但都覺唔係幾好咁樣做（計分），咁如果冇宗教背景，冇讀過好學校，爸媽冇做過教師，冇任何關係，嘩！
咪唔駛讀書！慘喇！

作者: 布希亞 時間: 11-12-13 12:54

提示: 作者被禁止或刪除內容自動屏蔽

作者: cat8141210 時間: 11-12-14 13:01

我係N無人仕,
我覺得有就有,
冇就冇,
我唔想迫個小朋友為左入乜乜乜學校去信教,
咁樣係對宗教既不敬,
更加會令你個小朋友有樣學樣,
小朋友會覺得...
"所有事都為求目的,不擇手段就會得到你想要既野"...
因為自己父母都係咁做,
咁樣只會教唔好自己既小朋友,
希望家長可以認真諗下自己係咪必要咁樣做?
我個人認為入唔到咩名校唔代表小朋友第時做乞兒,
我自己就唔會咁樣做,
入到就入,
入唔到就算,
我都唔會MIND,
但如果叫我要個小朋友去受洗為左入名校,
NO WAY,
純粹個人意見,不喜勿插.

作者: cclemon2009 時間: 11-12-14 13:10 標題: 回復 11# cat8141210 的帖子

同你一樣諗法，試咗interview ，收唔收天決定，收咗代表小朋友有能力讀名校，吾收代表小朋友天資吾夠冇能力讀名校，不強求，最緊要小朋友健康快樂

作者: HaYi 時間: 11-12-14 13:51

絕對同意, 我而家大仔面試直資私立小學已是千辛萬苦, , 就算入不了一線名校, 我亦覺得起碼是靠自己, 冇加分冇靠抽幸運, 入到的學校同家長理念都配合. 只是到以後細仔得番個10分, 想抽都完全冇咩機, 直資又不是弟妹必收..點解要我們suffer !

其實每個人是獨立的個體, 大的合的學校, 細的未必合, 所以津校個套計分法, 真是好不合理.

原帖由 布希亞 於 11-12-13 12:54 發表
要取消的話，所有父母背景、世襲、居住地址、宗教，都應取消。因為以上種種都不是小朋友生而帶來，也因以上種種，把小朋友階級化、等級化，站在不公平的起跑線上。

我覺得所有家長應聯合向平機會投訴，這是赤裸的背景歧視 ...

作者: chokbb 時間: 11-12-14 14:10

宗教辦學, 希望自己既學生有共同宗教信仰係無可口非. 而且, 一個真正虔誠既家庭, 都盡量會將自己既小朋友送去同一個宗教既學校讀書. 係完全可以理解.

但而家既事實係, 有些家長為左入呢D學校, 而利用信仰得到5分. 咁成件事既本質已經被扭曲. 我諗作為o個個宗教既辦學團體, 係應該取消呢個制度. 並唔只為左其他家庭. 而係為左佢地既宗教. 令呢個宗教再次受到尊重.

當然, 呢種咁既事, 唔會話一朝一夕就可以改變.
如果有神, 我希望佢保佑將來我仔仔會體諒我無為左5分而信教.

以下是道聽途說故事:
媽媽為阿女可入心儀天主教學校, 早在阿女2歲時已由基督教 "轉會" 到天主教. 媽媽與阿女一同受洗, 爸爸大部分時間沒有參與宗教的活動. 可幸阿女入到該校幼稚園. 時間過去, 到了申請小學的時候, 居然無法直升同校小學~ 可憐媽媽哭訴說: "咁我做咁多野, 又信教, 又俾佢參加咁多活動. 原來都無用."

哦.... 原來宗教都要有"用途"既~

其他家長勿怒. 呢個世界咩人都有. 你做得出, 過得自己o個關, 無人會怪你. 只係我過唔得自己o個關o者. 是得是失, 閣下自理.

作者: vinik 時間: 11-12-14 14:12

原帖由 cat8141210 於 11-12-14 13:01 發表
我係N無人仕,
我覺得有就有,
冇就冇,
我唔想迫個小朋友為左入乜乜乜學校去信教,
咁樣係對宗教既不敬,
更加會令你個小朋友有樣學樣,
小朋友會覺得...
"所有事都為求目的,不擇手段就會得到你想要既野"...
因為自己父母 ...

冇錯, 其身不正, 點可以教好自己的子女, 為人父母, 最緊要教仔女正確的價值觀, 尤其而家社會好多歪風, 小朋友唔識分的。

作者: cclemon2009 時間: 11-12-14 14:14 標題: 回復 14# chokbb 的帖子

我都過吾到自己，我怕騙神，有報應，影響我仔仔健康快樂，我只希望我仔仔身體健康

作者: Lovely_Babybaby 時間: 11-12-14 15:08

五分只可以用在一時,
但正確的價值觀對仔女係受用一生.

作者: virginbaby 時間: 11-12-14 15:27

HK既教育制度畸型，成日變，今年話計呢5分...出年可能又話取消...深知HK好多小朋友連做功課既時間都唔夠，家長們不如把握時間&金錢同小朋友多啲<真正>親子活動，又或者返下興趣班~~~

作者: cat8141210 時間: 11-12-14 15:32

原帖由 cclemon2009 於 11-12-14 13:10 發表
同你一樣諗法，試咗interview ，收唔收天決定，收咗代表小朋友有能力讀名校，吾收代表小朋友天資吾夠冇能力讀名校，不強求，最緊要小朋友健康快樂

夾硬入左名校有咩用?
如果自己個小朋友根本就應付唔到...
到時辛苦個小朋友都辛苦左自己...
Main point係唔可以講大話...
對人如是,對神如是!

作者: cat8141210 時間: 11-12-14 15:36

原帖由 chokbb 於 11-12-14 14:10 發表
宗教辦學, 希望自己既學生有共同宗教信仰係無可口非. 而且, 一個真正虔誠既家庭, 都盡量會將自己既小朋友送去同一個宗教既學校讀書. 係完全可以理解.

但而家既事實係, 有些家長為左入呢D學校, 而利用信仰得到5分. ...

講得好!
真係唔明白點解會咁不擇手段咁去信教,
根本將一個信仰完全扭曲...

作者: cat8141210 時間: 11-12-14 15:39

原帖由 cclemon2009 於 11-12-14 14:14 發表
我都過吾到自己，我怕騙神，有報應，影響我仔仔健康快樂，我只希望我仔仔身體健康

小朋友既品德和健康快樂,
比入讀名校來得重要...

作者: cat8141210 時間: 11-12-14 15:43

原帖由 virginbaby 於 11-12-14 15:27 發表
HK既教育制度畸型，成日變，今年話計呢5分...出年可能又話取消...深知HK好多小朋友連做功課既時間都唔夠，家長們不如把握時間&金錢同小朋友多啲親子活動，又或者返下興趣班~~~ ...

認同...
今日唔知聽日事,
其實我最想香港政府可唔可以用返舊教育制度,
唔該唔好玩果D乜鬼野334啦...
玩死好多家長同害死好多小朋友!
好似我呢D係舊教育制度下成長既人,
你叫我日後教小朋友做功課溫書,
果科乜鬼野"通識"真係考起我,
我以前都冇呢一科...
真係"通通都唔識"

作者: summato 時間: 11-12-14 15:54

剛剛打左去平機會, 佢話呢個入學計分問題,唔屬於《殘疾歧視條例與我》、《性別歧視條例與我》、《家庭崗位歧視條例與我》及《種族歧視條例與我》...所以佢話無能為力

作者: Cutemom0808 時間: 11-12-14 16:31

原帖由 chokbb 於 11-12-14 14:10 發表
宗教辦學, 希望自己既學生有共同宗教信仰係無可口非. 而且, 一個真正虔誠既家庭, 都盡量會將自己既小朋友送去同一個宗教既學校讀書. 係完全可以理解.

但而家既事實係, 有些家長為左入呢D學校, 而利用信仰得到5分. ...

我相信以宗教辦學的學校一定會堅持這5分，因為佢地有責任協助教友培育子女信仰。至於果d受洗完而不結果的人當然不會認為影响佢地既尊嚴，他們只關心做了福傳而為何結不出果子，想辦法改善呢種情況。

作者: cat8141210 時間: 11-12-14 16:34

原帖由 summato 於 11-12-14 15:54 發表
剛剛打左去平機會, 佢話呢個入學計分問題,唔屬於《殘疾歧視條例與我》、《性別歧視條例與我》、《家庭崗位歧視條例與我》及《種族歧視條例與我》...所以佢話無能為力 ...

好欣賞你既積極...
但係都冇用架...
果D機構係咪都會話幫你唔到架啦...

作者: virginbaby 時間: 11-12-15 13:37

我唸唔遊行都未必會引起闗注!

歡迎光臨教育王國 (/)