教育王國
標題: 原來真係幾難接受到........ [打印本頁]
作者: baby_cat 時間: 11-12-7 17:52 標題: 原來真係幾難接受到........
今日同細仔去左做評估, 一早已知佢係語言遲緩, 但估唔到係自閉.
原來要接受自己既小朋友係有問題, 原來真係好難, 聽到既一刻, 腦海真係會一片空白, 我真係好無用.......
作者: Cinken 時間: 11-12-8 10:35
你的反應是好正常，並不是"無用"，需要時間接受及面對，講易做難，有時要放過自己，不用強迫自己"立即"接受，否則壓力及自咎感等不良感覺便倍增，這裡有很多同路人，可以的話可上來看看取經作參考，又可抒發情感
小朋友現排了什麼服務?
作者: fatpam 時間: 11-12-8 11:00
好明白，Add oil!
多d上來傾訴，好多同路人，心情抑鬱可試試返教會。
報私人訓練先，唔好乾等政府服務，參加努力試課程，好有用的!
作者: baby_cat 時間: 11-12-8 11:13
Cinken, 謝謝你!!!
其實我都有朋友的孩子是自閉, 之前我仲可以安慰她......而家我反而接受唔到, 所以我真係覺得好無用, 尋晚仲有D失眠........唉....想左好耐, 我都要學習面對, 否則我覺得我會歧視左我朋友同我自己.....
而家我個仔有28個月大, 因剛剛先評估左, 所以未知會做些什麼, 只知會有十堂Training 比個仔, 期間建議我排特殊學校, 仲有一D比媽咪既Training, etc.
而家我真係有D亂, 我一直都覺得個仔好乖, 除左唔識講野外, 其他自理能力都比一般孩子叻, 係公園同其他小朋友都玩得好開心..........
作者: Chaochao 時間: 11-12-8 13:32
提示: 作者被禁止或刪除 內容自動屏蔽
作者: BeBe媽媽 時間: 11-12-8 14:58
父母都要自己增值,搵多d資料,睇下自己可以點幫個小朋友...點同佢溝通...唔好只依懶學校/訓練.....只要父母明白個小朋友why會咁?會有咁既行為?點處理?...都非常緊要架!
當你明白左,知道點處理....大家既壓力都無咁大! (我係咁諗!)
作者: Cinken 時間: 11-12-8 15:31
照你所講，樓主你的小朋友可能情況不太差，起碼自理及簡單社交都有，呢點是很重要，並非是由零開始起步，或許隨着你增加對autism認識及技巧後，深信這种"亂"的思緒是會自然退減的
作者: baby_cat 時間: 11-12-31 10:23
多謝各位支持.
因為細仔有呢個問題, 我反而更加感受到大家既關心.
我同細仔既學校講左, 老師既反應好正面(我好感動), 佢支持我繼續讀原校, 不用轉特殊學校, 還說我個仔好乖, 唔拾得佢走.
跟住到聖誕聯歡會, 我見個仔表現不錯, 雖然只是出場轉兩個圈, 但都比其他小朋友做得好, 又無乜哭鬧. 完左之後, 我接返個仔, 在好繁忙既時候, 校長竟然同我講, 唔駛擔心, 佢地會幫我.
作者: musicboxjoanne 時間: 11-12-31 14:45
回復 baby_cat 的帖子
baby-cat,
其實你真幸運了, 你仔仔讀到一間肯包容佢的學校
我仔仔的學校, 一知道佢有事, 便開口叫佢轉校啦
作者: baby_cat 時間: 11-12-31 18:09
musicboxjoanne 發表於 11-12-31 14:45 
回復 baby_cat 的帖子
baby-cat,
係呀, 我都覺得好好彩, 當初無選錯學校 (我好感動, 雪中送炭)
平時我個仔係搭校車, 那天去接放學, 老師仲刻意叫我個仔望住佢對眼講拜拜.
不過我仲未想同其他人講住.........好似之後去朋友屋企開p, 朋友突然問我: 你個仔係咪啞架, 咁耐都未出過聲, 又唔講多謝...........我只係笑笑口咁教個仔, 講多謝啦. (當然, 我個仔係無理人架)
作者: baby_cat 時間: 11-12-31 18:17
Chaochao 發表於 11-12-8 13:32
傷心是一定會的, 相信这裏的mami 都曾感受過, 我的仔仔都是2個月前才確診,不過現在最重要是幫他找training. ...
請問你報左邊d課程? 我睇過最有用既, 應該係樂天同協康,
但d課程真係好貴呀, 唔知報咩好.
作者: autunmbb 時間: 11-12-31 23:36
baby_cat 發表於 11-12-31 10:23
多謝各位支持.
因為細仔有呢個問題, 我反而更加感受到大家既關心.
你真係在一間好學校，如果普通幼稚園係跟得上，就可以繼續，加上校長都咁講，話晒佢地對左你個仔幾個月，應該會清楚過做2個鐘的評估，加油～～～～
作者: baby_cat 時間: 12-1-1 15:49
各位, 我唔知問邊個好..... 我見好多人講A仔, A仔係咩?? 過度活躍症??
是否有自閉既都有架??? 我見個仔有時可以成日唔理人, 有時又會無時停, 但叫佢休息或停止都可以.......其實一般來說, 佢既情況會愈來愈差??定係會愈來愈好??
我仲想問大家平時有無一齊出來玩?? 可以交流交流一下??
作者: Chaochao 時間: 12-1-3 12:13
提示: 作者被禁止或刪除 內容自動屏蔽
作者: musicboxjoanne 時間: 12-1-4 14:06
回復 baby_cat 的帖子
其實係呢板都有好多野學, 當然搵到同路人傾下會更開心啦, 
你好, 有興趣交個朋友嗎
其實我都想有一D同路人一齊分擔下
作者: 諾瑤爸爸 時間: 12-1-6 02:31
妳好.
我的女兒諾瑤在去年10月証實有自閉症,
其實到現在我也未能完全接受.
她在唸學前班, 但她的學校知道事情後,
已經立即建議我們退學,
結果我們也在12月退學了...
但我也明白, 給孩子正確的教導方法是越快越好的,
現在已報讀了不少課程, 像協康, 努力試等等,
作為父母, 是孩子一生之中最能依賴的,
所以我們一定要振作呀!
共勉之!
作者: baby_cat 時間: 12-1-11 11:54
musicboxjoanne 發表於 12-1-4 14:06 
回復 baby_cat 的帖子
其實係呢板都有好多野學, 當然搵到同路人傾下會更開心啦,
唔好意思, 因為我好少上呢邊既網, 所以遲左覆你.
我當然願意同你做朋友啦, 大家互相支持下, 條路都好行D.
我有時想, 帶小朋友出去玩不受控時, 就會被人岐視, 但如果是同路人一齊出去玩, 就會多一分包容.
作者: baby_cat 時間: 12-1-11 12:03
我都想報協康, 但實左太貴, 一時間都負擔不起. 真係有D唔知點算好.
幸好學校幫我不少, 而家我個仔已肯開口講野, 仲有哼歌仔, 雖然佢講既野只有我先聽得明, 但都好開心.
作者: musicboxjoanne 時間: 12-1-13 12:16
回復 baby_cat 的帖子
係家, 經濟真係一個好大既問題, 有機會真係要一齊坐低傾下計啦
作者: baby_cat 時間: 12-1-16 15:33
musicboxjoanne 發表於 12-1-13 12:16
回復 baby_cat 的帖子
係家, 經濟真係一個好大既問題, 有機會真係要一齊坐低傾下計啦 ...
係呀, 肯定有排傾.
作者: musicboxjoanne 時間: 12-1-17 19:48
我住沙田, 你係邊區
作者: baby_cat 時間: 12-1-27 23:22
musicboxjoanne 發表於 12-1-17 19:48
我住沙田, 你係邊區
呢幾日好凍, 凍到我咩都無做, 好似冰河時期咁~~~~
我住小西灣, 好似有點遠......
當傾下計........, 近來對住個仔時間多左, 雖然佢不是口齒仱俐, 但依然好可愛.
以前我諗, 如果個BB有咩天生既病, 我就會不要個BB, 所以我會產前檢查清查, 因我無經濟能力去照顧佢.
而家我都無好既經濟能力, 知道要比好多錢去教佢, 仲要係長時間作戰, 心裡真係好擔心, 抱住佢既手都有D振, 覺得好驚, 唔知點算好.............我只有向上帝禱告, 求祂可憐這個孩子..........之後, 沒有奇蹟, 但我心裡舒服一點.
大家加油!!!
| 歡迎光臨 教育王國 (/) |
Powered by Discuz! X1.5 |