教育王國

標題: 真係少不免有壓力! [打印本頁]

作者: hotingmum 時間: 11-12-6 12:59 標題: 真係少不免有壓力!

仔仔啱啱上小學, 剛派左第一次成績表, 總平均分有83.xx, 差1.xx分就係A, 本來我同老公都幾滿意, 但當睇左佢喺全級既名次之後就...
全級有134人應考, 仔仔竟然係第89名!!!你話冇壓力就假!

作者: kittypo 時間: 11-12-6 13:41

原帖由 hotingmum 於 11-12-6 12:59 發表
仔仔啱啱上小學, 剛派左第一次成績表, 總平均分有83.xx, 差1.xx分就係A, 本來我同老公都幾滿意, 但當睇左佢喺全級既名次之後就...
全級有134人應考, 仔仔竟然係第89名!!!你話冇壓力就假! ...

我地學校出的成績表係無名次,都5G考第幾添
咁...即係要自己同自己比較???

作者: dwklau 時間: 11-12-6 15:08

我個女平均分有90分以上, 我都驚家長日俾老師訓話.

作者: karenlyk 時間: 11-12-6 15:47

亞女學校要班內10名先有名次

作者: Whitesnow 時間: 11-12-6 16:35

有名次先好, 知己知彼, 百戰百勝:loveliness:

作者: kittypo 時間: 11-12-6 22:34

原帖由 Whitesnow 於 11-12-6 16:35 發表
有名次先好, 知己知彼, 百戰百勝:loveliness:

同意,等佢有目標丫麻

作者: lojo11 時間: 11-12-7 08:44

有名次，　咪可以更加清楚自己小朋友的水準．．．　不過就會有壓力．．．　

樓主，　加油．．．　

作者: qkhui 時間: 11-12-7 09:24

其實岩岩升小一不用太緊張. 小朋友可能未習慣. 我記起當時仔仔升小一第一次考試, 平均分都有差可多90分, 但名次都不是高, 因為有很多小朋友可以取很高分, 年頭跟年尾出生的巳差很遠, 所以不要太過大壓力, 比多o的信心小朋友.

作者: palmchristy 時間: 11-12-7 13:06

一般來說, 在學校小一時叻開的, 一直到小六都叻; 在小一時潛能未展的, 一直到小六分別都不大; 但在小一時中游的, 有機會因應家長的協助和用功, 趕上到前面. 所以, 樓主既然認清事實, 要加油為孩子打好基礎呀!

作者: 長生不老 時間: 11-12-8 00:10 標題: 回復 9# palmchristy 的帖子

提示: 作者被禁止或刪除內容自動屏蔽

作者: prettygirls 時間: 11-12-8 00:47

保持中游分子都吾容易

作者: lojo11 時間: 11-12-8 08:23

中游分子都唔錯了..

作者: qkhui 時間: 11-12-8 09:21

係, 中遊份子真係不易, 仲要加埋佢地超級不小心... 真係.....

作者: alice44 時間: 11-12-8 10:11

我覺得有好多小一生都係食緊老本, 如果幼稚園比較好的, 上小一時都會有幫忙, 真正讀唔讀到, 小三先知.
我眼見都有幾位前10-20名的學生或師弟, 到了小三四就開始滑落, 可能係家庭背景問題, 家長無能力教, 只好去補習, 但補習呢家嘢, 唔係個個都受, 所以導致成績滑落, 但如果家長可以幫到佢, 或者緊張d, 多數都會有進步.

作者: palmchristy 時間: 11-12-8 13:21

如果小一時叻開的, 就算真係開始滑落, 只要扶一扶, 好快又起返身.

個人認為小一小二, 對小朋友打好信心基礎都幾重要, 等佢地知道自己係掂, 只要努力就有得追.

或者簡單D講, 要俾佢地有成功的經驗. 成功唔一定係學術, 可以係其他方面, 要令佢地對自己有信心.

補習, 特別是功課輔導班那類, 給我的感覺是補底多於拔尖.

[ 本帖最後由 palmchristy 於 11-12-8 13:22 編輯 ]

作者: cornelius 時間: 11-12-8 13:46 標題: 回復 1# hotingmum 的帖子

我認為以下的方程式頗對罷：

努力 + 小心 = 成功的要素（共勉！)

另外，常常聽一到小三就不一樣（例如前一陣子在教會旅行聽一家長說為何小三的功課突然深了許多（他小朋友在九龍塘一著名私小讀書））。其實各位過來人，小三打後與初小有甚麼區別呢？

作者: 長生不老 時間: 11-12-8 14:50 標題: 回復 13# qkhui 的帖子

提示: 作者被禁止或刪除內容自動屏蔽

作者: smallfoothk 時間: 11-12-8 17:38 標題: 回復 1# hotingmum 的帖子

你還好有8x分,我的是滿光紅成績表,合格便很開心,一起出外興祝.

作者: anna59 時間: 11-12-8 18:52

小三真系多左好多功課,學校既要求高左好多.又要考tsa,又要向學校補習.其實功課多系有好負面影響,會令小朋友唔想讀書,因為每日靜系做功課已經用盡晒時間,想同佢溫下書又或者睇下中英文書都唔得,好慘!
不過上面有人講得好岩,如果頭果十名既人,特別系頭3名果三個人,我唸佢地去到畢業都會咁既成績,11名之後就有好大差別,因為有d會上位,有d會下滑.
我唸,除左全級第一果個之外,其他人都冇乜好日子過喇,因為全級第一果個真系有拔占材料,其他既未必系,上都中學即刻知

作者: qkhui 時間: 11-12-9 10:39

你絕對講得岩. 分高下就係睇下邊個小心, 邊個唔小心. 所以多數女仔都會考得好O的. 好似我仔, 常識可以因為寫字唔小心, 巳比老師扣佐11分, 中文就係扣佐9分...
全份卷佢唔識O既問題, 都係1-2條ONLY. 所以真係好慘

原帖由 長生不老 於 11-12-8 14:50 發表
不要睇輕不小心, 不小心就係分別, 就係這些不小心嘅小朋友經常都落後小心嘅小朋友.

作者: mymelody2003 時間: 11-12-12 15:37

AGREED! 我諗係小學生的通病, 真係無佢乎:dizzy:

囝囝小三, 全級頭10名的人每次測考時都可以有一半係不同學生的, 所以我的覺得小三也未必到達了一個穩定既水平, 即係仍有進步既空間; 雖然囝囝也是全級頭10名, 但仍會提醒佢, 如果不努力下次掉出頭10名, 想保持名次就必須自己去努力, 並不是我呀.....!

原帖由 qkhui 於 11-12-9 10:39 發表
你絕對講得岩. 分高下就係睇下邊個小心, 邊個唔小心. ...

作者: miriam 時間: 11-12-12 16:27

原帖由 alice44 於 11-12-8 10:11 發表
我覺得有好多小一生都係食緊老本, 如果幼稚園比較好的, 上小一時都會有幫忙, 真正讀唔讀到, 小三先知.
我眼見都有幾位前10-20名的學生或師弟, 到了小三四就開始滑落, 可能係家庭背景問題, 家長無能力教, 只好去補習, ...

小一二真係好多食老本, 同埋家長極度緊張咁捉小朋友去溫習, 變左好多野都溫晒背晒.

去到小三開始見真章, 小三小朋友已經習慣考試模式, 同埋開始有自己意見應該點溫, 加上學校英數兩科會考埋已有知識, 即係小一二教過既野, 但呢 d 家長唔會再去執著咁溫, 只會溫返當前需要考既課業, 咁已有知識真係考小朋友記性, 變相亦都知道小朋友吸收左幾多, 所以我話見真章就係咁解.

歡迎光臨教育王國 (/)