教育王國

標題: 是交表和升中面試的時候...好灰! [打印本頁]

作者: honeysara 時間: 11-12-2 07:32 標題: 是交表和升中面試的時候...好灰!

大囡終於捱到六年級, 交表和升中面試的壓力令家庭好緊張. 加埋發現妹妹都有讀障問題, 但佢好硬頸唔肯合作... 真係好灰心

好想問點解成班friend只有我一個衰到貼地??? 其實我同大囡都有見心理醫生, 囡囡好似有效但我一d用都冇...好怕去面試!!! 好唔想見人

作者: smallmama 時間: 11-12-2 11:23

明白你既感受, 但係可以講黎聽下ma, 如真要找人傾, 你不妨pm聯絡我, 雖然我仔今年小五, 細你大囡一年, 但可以大家傾下, 有個同路人傾下會好d, 加油, 做媽媽的要頂硬上.

作者: 貓大姐 時間: 11-12-4 23:55

其實可考慮唔去面試

作者: honeysara 時間: 11-12-6 09:05 標題: 回復 1# 貓大姐的帖子

貓大姐
妳提議唔去面試即是放棄自行選校果2間?

作者: honeysara 時間: 11-12-6 09:09

原帖由 smallmama 於 11-12-2 11:23 發表
明白你既感受, 但係可以講黎聽下ma, 如真要找人傾, 你不妨pm聯絡我, 雖然我仔今年小五, 細你大囡一年, 但可以大家傾下, 有個同路人傾下會好d, 加油, 做媽媽的要頂硬上. ...

smallmama
我都唔知自己點樣捱到今天, 好似測,考,測,考又一年...年年都好怕見家長日! 每次測, 考後都好怕派卷的時候

以為捱過家姐會好過一點! 但發現妹妹同樣有障礙...好灰呀!

作者: yuki123lam 時間: 11-12-6 17:18

我情況同妳一樣, 身邊個個報直資, 擇學校, 而我睇晒所有直資中學, 都搵唔到一間可以去報名, 依家搵中學我重點係睇....學校有冇要求中,英,數合格先可以繼續升班, 因為我唔想小朋友入讀之後年年都重讀中一, 真係好可悲.......

原帖由 honeysara 於 11-12-2 07:32 發表
大囡終於捱到六年級, 交表和升中面試的壓力令家庭好緊張. 加埋發現妹妹都有讀障問題, 但佢好硬頸唔肯合作... 真係好灰心好想問點解成班friend只有我一個衰到貼地??? 其實我同大囡都有見心理醫生, 囡囡好似有 ...

作者: honeysara 時間: 11-12-7 11:52

直資中學連面試的機會都冇

唔係出名的brand1直資都要中,英,數達'良'級或以上!

作者: honeysara 時間: 11-12-7 11:56

普通的直資中學都冇面試機會, 因為中,英,數的4-6年級成績都要達'良'以上級別.

作者: 貓大姐 時間: 11-12-9 00:30 標題: 回復 5# honeysara 的帖子

係啊, 如果晌自行選校 LEE 一 part 冇信心, 禁不如唔好比壓力大家, 等搞珠, 不過你都要去睇下邊D學校岩小朋友的進度

作者: 貓大姐 時間: 11-12-9 00:34

唔好同人比較, 讀書唔得, 唔代表做咩野都唔得, 佢地一定有另一方面比別人好....

依家LEE個年代, 讀書叻唔代表成功, 仲要好多方面配合

不如你發掘下佢地有咩強項, 晌果方面發揮

作者: heihonmum 時間: 11-12-11 22:59 標題: 回復 7# honeysara 的帖子

加油, 相信有很多這樣的小朋友都要面對升中問題. You are not alone. 小朋友只是讀書較弱吧, 他們總有自己的優點,不用和別人比較.

作者: smallmama 時間: 11-12-14 11:44

剛聽完學校升中講座, 校長叫我哋唔好放棄自行既機會, 所以我決定會留意下邊d band 3但校風比較好, 起碼冇咁易學壞先, 好過等大抽獎唔知派去邊d成績又差校風又唔好既學校ma, 加油.

作者: honeysara 時間: 11-12-14 14:23

我都有留意d 3A的學校, 但好想佢入倒brand2C或2B的學校. 有d怕佢入brand3的學校易學壞.

歡迎光臨教育王國 (/)