教育王國

標題: 弱視 [打印本頁]

作者: Schoolbus26 時間: 11-12-1 09:12 標題: 弱視

好唔開心, 昨天個女驗到有弱視, 有無家長有經驗可以比些意見我??

作者: hingning 時間: 11-12-1 09:44

你個女幾多歲?
6歲之前有得醫

作者: olima 時間: 11-12-1 12:00

我朋友囝囝age3曾驗眼，最近到了age6，跟家姐一起到眼鏡店的視光師再驗，發現是弱視，佢老公話再check下，到眼科醫生那裡再驗，又說是弱視，後來無意中在家姐返開的一個中心遇到一個姑娘(是視光師)，再check，卻說是「假弱視」，原因是朋友的囝囝英文一般，缺乏信心，比d英文字遠距離佢睇，佢有些抗拒，不停話睇唔到，此心理障礙已形成，到了眼科醫生那裡又是這樣，故也說是弱視，但到了中心姑娘那裡，姑娘不停鼓勵他，又會叫佢抖下再看，結果她好肯定的說只是「假弱視」。

我建議你再同小朋友check check，以及會否出現朋友囝囝的情況。

作者: nakoko 時間: 11-12-1 15:51

原帖由 Schoolbus26 於 11-12-1 09:12 發表
好唔開心, 昨天個女驗到有弱視, 有無家長有經驗可以比些意見我??

小朋友幾多歲?如果8歲前,雙眼在發育完成前是有得醫的,我仔仔在3歲時,帶佢去檢查,發現其中一隻眼有弱視,2隻眼的度數相差150度,經過一年既治療,弱視好了,但中間會有反覆,試過隔幾個月又返轉頭,要再治療(即遮眼),現在7歲,弱視方面冇再出現,不過仍再每半年一次follow up

作者: Schoolbus26 時間: 11-12-1 16:37

我知八歲前有得醫, 我個女已經剛剛八歲半, 所以好擔心, 其實每年都有同佢去私家醫生驗眼, 今年換左個醫生, 因覺得以前的不太好, 點知就搞成咁! 好驚真係醫唔到.

作者: Schoolbus26 時間: 11-12-1 17:04

我知八歲前有得醫, 但我個女已是八歲半了, 其實我每年都有同佢去私家醫生到驗眼, 但今年轉左個醫生, 因覺得之前個個一般, 點知就搞成咁, 真係好擔心.

作者: nakoko 時間: 11-12-2 08:46

吓,年年chk住都chk唔到

不過8歲半係咪真係發育完成左係冇人知,始終只是一個數據,或者未呢?媽媽唔好放棄,只要有一分既機會都要挽救,得唔得試左先知,不如你試下去理大護眼chk啦,我仔都o係呢度做,去灣仔果間,果度d視光師好nice又專業

作者: Schoolbus26 時間: 11-12-2 09:39

nakoko,

唔該晒.

作者: Schoolbus26 時間: 11-12-2 09:41

nakoko,

你可否pm我, 理大的電話嗎??

作者: shirley73a 時間: 11-12-2 14:51

提示: 作者被禁止或刪除內容自動屏蔽

作者: nakoko 時間: 11-12-3 21:11

原帖由 shirley73a 於 11-12-2 14:51 發表
請問點知知道小朋友有弱視呢??

我地一般係發現唔到的,要帶去chk過至知.

作者: pandabonita 時間: 11-12-4 08:57

初初係因為用一隻眼而5太用另一隻(所以又叫lazy eye),有時會一隻眼望左去另一邊,好似少少斜視咁,不過5易察覺,好多兒科醫生都5會notice到,最好就驗眼.

原帖由 shirley73a 於 11-12-2 14:51 發表
請問點知知道小朋友有弱視呢??

[ 本帖最後由 pandabonita 於 11-12-4 08:58 編輯 ]

作者: nc2000 時間: 11-12-7 00:42

原帖由 nakoko 於 11-12-1 15:51 發表

小朋友幾多歲?如果8歲前,雙眼在發育完成前是有得醫的,我仔仔在3歲時,帶佢去檢查,發現其中一隻眼有弱視,2隻眼的度數相差150度,經過一年既治療,弱視好了,但中間會有反覆,試過隔幾個月又返轉頭,要再治療(即遮眼),現在7 ...

弱視有得醫嗎? 我仔4歲時見過視光師, 一個就話佢唔多似有問題, 似唔專心讀英文字多過睇唔到, 一個就話佢係有唔專心讀字, 有時讀到有時又唔識讀咁, 係踩界CASE, 半年後再返去CHECK, 如果都係踩界咁就轉介去眼科醫生! 但個視光師話弱視係無得醫, 只可配眼鏡, 等佢清楚少少, 唔會成日蒙查查, 其實弱視究竟即係點呢? 我都好擔心!

作者: carchu12 時間: 11-12-7 13:39

小兒現F1, 小兒K3已知有弱視，一直由明愛跟進，每日要"蓋"眼，小兒既度數係要"蓋"4小時。其實都唔係太煩，不要太擔心。

用紗布蓋"4"小時，最好係佢做功課或睇電視既時候"蓋"，"蓋"是要"蓋"隻好眼，讓較"弱"的眼"出多d力"去睇番野，就係咁，一路去到P3，就 close file啦﹗

最重要係定時檢查隻眼，有無繼續"Lazy"，越早發現、越早改善，效果會越好。

作者: nakoko 時間: 11-12-7 16:08

原帖由 nc2000 於 11-12-7 00:42 發表

弱視有得醫嗎? 我仔4歲時見過視光師, 一個就話佢唔多似有問題, 似唔專心讀英文字多過睇唔到, 一個就話佢係有唔專心讀字, 有時讀到有時又唔識讀咁, 係踩界CASE, 半年後再返去CHECK, 如果都係踩界咁就轉介去眼科醫 ...

你囝囝2隻眼既度數相差幾遠??我見有人相差幾佰度都有得醫,不過你要明白,弱視好了,並唔等於對眼冇近/遠視/散光,弱視又名懶惰眼,例如一隻眼一百度,另一隻3百度咁,2眼相差2百,大腦就會令佢3百度果隻眼唔用,用左一百度果隻黎睇野,我地家長係察覺唔到的,因為佢睇野仍然好清楚,但只要你遮住佢好果隻眼,佢睇野就會懞查查,如果唔喚醒呢隻眼,同時錯過黃金治療期,到長大後,如果意外整親隻好眼,咁就大件事,因為弱視係帶眼鏡都冇用的,而治療弱視,就一定要遮蓋好果隻眼,迫令弱果隻去睇野,日子有功,是可以喚醒它的!!

作者: himmamme 時間: 11-12-8 14:18

原帖由 nc2000 於 11-12-7 00:42 發表

弱視有得醫嗎? 我仔4歲時見過視光師, 一個就話佢唔多似有問題, 似唔專心讀英文字多過睇唔到, 一個就話佢係有唔專心讀字, 有時讀到有時又唔識讀咁, 係踩界CASE, 半年後再返去CHECK, 如果都係踩界咁就轉介去眼科醫 ...

有!不過一定要早醫,你個視光師唔多掂,如果check時估佢唔識讀英文字母,咪轉讀數字,或者公仔,E...我阿仔果時都係咁. 咪踩界唔踩界啫,點解唔叫佢驗多次make sure冇問題,仲要等多半年?如果真係弱視,遲半年先開始train差好遠.

你試下揾呢間:
香港兒童視力檢驗中心(個名唔知有冇記錯电話就啱:29965800).視光師應該有幾個,係連埋一間眼科中心,有好多個眼科醫生backup.我姪仔3歲半時醫,到8歲好返哂,再冇弱視,但仍然有近視.

作者: iamfansma 時間: 12-5-17 23:51

Maybe you can try Polyvision or St Paul Hospital. Their checkups are quite good

歡迎光臨教育王國 (/)