教育王國

標題: 唔like間學校又要讀... [打印本頁]

作者: 恩林 時間: 11-11-30 00:02 標題: 唔like間學校又要讀...

真係唔明, 有人唔like自己選擇嘅學校, 咪轉去第二間囉~~
選校前唔係做晒research, 收晒風至報名的嗎?
in完覺得唔like, 就算收都可以唔讀架!
就算讀讀吓至知道有問題咪轉校囉~~~
唔好係到左彈右彈, 上至學校, 下至一支筆都彈到咁, 唔好話個大人吖, 個小朋友係家長dd情報影響下, 番學又點會開心吖~~
我當年發覺間幼稚園唔合適我小朋友, 咪轉校囉~
k3我都照轉, 唔好晒時間, 晒個位吖, 你唔like, 大把人like吖~~~!

作者: MiniCooperS 時間: 11-11-30 00:17

Agree~

作者: skygirl0311 時間: 11-11-30 10:02 標題: 回復 1# 恩林的帖子

你地講緊邊間呀？

作者: 開心小花 時間: 11-11-30 10:13

好多人都係百彈齋主. 間間學校都有好同埋有不足之處, 最主要睇間學校有無愛心同有無熱誠教好小朋友. 如果真係覺得間學校咁差, 咁不適合自己小朋友就轉校唔好係小朋友面前’彈’間學校.

作者: vnghk0001 時間: 11-11-30 10:20

而家好多人都係咁架，又話要仔女好、入名校、唔報又話唔比機會自己仔女，但報之前真係只知道多人報實無錯，完全冇諗過交通、課程、理念、教學模式是否認同/配合，要一個2、3歲嘅小朋友每日搭2、3個鐘車，咁叫為佢地好，返到學校咁累，又點會有精神上堂吸收智識？返到屋企咁累又點玩？乜野先係小朋友最重要？大人搵工都唔會啦。

換個角度睇，媽媽為左唔想miss左小朋友嘅快樂童年所以做FTM, 但個小朋友有冇快樂嘅童年比FTM miss 呢？

作者: ILOVEBEAN 時間: 11-11-30 10:32 標題: 回復 1# 恩林的帖子

Agreed with what you said. I started to read through the posts in BK recently & found some of the parents attended the interview of several schools & shared with their comments some are even quite nasty. Just feel sorry for those schools & hope the schools just leave tbe seats to the proper person who have the faith with them.

作者: yanduckduck 時間: 11-11-30 10:39

原帖由 vnghk0001 於 11-11-30 02:20 發表
而家好多人都係咁架，又話要仔女好、入名校、唔報又話唔比機會自己仔女，但報之前真係只知道多人報實無錯，完全冇諗過交通、課程、理念、教學模式是否認同/配合，要一個2、3歲嘅小朋友每日搭2、3個鐘車，咁叫為佢地好，返到學校 ...

講得好

我地返工都唔想去咁遠,而職位亦係自己能力範圍,明明做開文員,叫我去紮鐵,一定做唔到,一定唔開心,日後做乜都冇信心!!!將小朋友返學代入去,你諗下佢地童年會係點??點解E+咁多心理問題??

最緊要搵間O岩佢地性格,O岩程度,老師有愛心,有心機教,就足夠,何必迫小朋友跟大人追名逐利呢??

作者: kmmum 時間: 11-11-30 10:45

樓主,唔好勞好.太多太多家長係咁. 報完間學卷K收左.又話課程淺,怕上小一辛苦. 講到入左間學卷K,後果會變得很慘. 既然係咁. 就唔好讀.

作者: vnghk0001 時間: 11-11-30 11:12

好開心有人開呢個＂另類" topic, 不過又有幾多人會想得通？我相信名校出黎可能叻啲，但係咪個個都10A? 家長有冇諗過點解？有冇諗過大人係要出錢又出力？小朋友要幾咁配合？自己有冇體力、心力跟進？係咪冇10A 就搵唔到食？自己細個讀書同同學比有幾大壓力？同學有新款玩具、新款波鞋，自己有幾想要？

小朋友可能係幼稚園階段仲未識，上到小學就識，唔係話名校唔好，但真係為左小朋友好嘅，唔該先查下資料，作好心理準備，選擇一啲合適嘅，band 幾都會有成績好嘅學生，試下睇下校內公報嘅公開試成績作比較。

呢個topic 又會係兩日內沉底，冇乜人認同架啦。

作者: vnghk0001 時間: 11-11-30 11:16 標題: 回復 1# 恩林的帖子

仲有而家有學校開始問家長一啲好奇怪嘅問題，就係避免收左一啲叻嘅小朋友但係要面對無理取鬧嘅家長。

作者: tsangnamnam 時間: 11-11-30 11:17

真係講中晒我心聲呀!!

既然揀左, 不如欣賞下自己學校啦. 多啲包容. 多啲溝通. 冇一間學校係完美架~

作者: TwoBabies 時間: 11-11-30 11:22

講得好好呀,其實每間學校都有好或不好的事情,我唔相信有一個學校係100分的,所以作為家長要多包容,多諒解!

作者: wanabe 時間: 11-11-30 11:24

如果唔鍾意嘅, 點解仲要簡?? 唔明....

原帖由 tsangnamnam 於 11-11-30 11:17 發表
真係講中晒我心聲呀!!

既然揀左, 不如欣賞下自己學校啦. 多啲包容. 多啲溝通. 冇一間學校係完美架~

作者: 恩林 時間: 11-11-30 11:28

邊間都係咁講la~ 間間都有dd家長係到~!!!
個d家長實話自己冇係小朋友面前彈學校老師架, 但態度係冇得收埋, 小朋友實學到dd左彈右彈嘅態度, 家長本身對學校都不滿, 咁小朋友番學, 日日對住d老師, 又點會讀得開心~?!
有d家長會話自己小朋友係校外好勁, 但學校老師話佢剛好相反, 咁做家長嘅有冇真正了解小朋友有乜問題?? 好多小朋友都係咁架la, 係家中好文靜, 番到校又打人又多口...
有乜咁出奇~?!

作者: vnghk0001 時間: 11-11-30 11:37 標題: 回復 13# wanabe 的帖子

多人揀咪揀囉，冇死錯

所以咪就係冇做功課啦。

作者: renielo 時間: 11-11-30 11:38

每年interview前後嘅時間都會有人係BK突然勁彈間學校, 攪到間學校好似好差咁, 如果你唔讀, 佢味大咗機會入law, 大家真係要小心分析

[ 本帖最後由 renielo 於 11-11-30 12:05 編輯 ]

作者: 恩林 時間: 11-11-30 11:41

咁高張??

作者: gwlam 時間: 11-11-30 11:55

怪獸家長 + 攻心計

作者: renielo 時間: 11-11-30 12:07

原帖由 gwlam 於 11-11-30 11:55 發表
怪獸家長 + 攻心計

我只係好心提醒新手媽咪!

[ 本帖最後由 renielo 於 11-12-1 07:31 編輯 ]

作者: gwlam 時間: 11-11-30 12:12

I don't mean anything. I just agreed that there might be some parents giving some faked comments on their posts. You think too much la.

原帖由 renielo 於 11-11-30 12:07 發表

我只係好心提醒新手媽咪, 你好過份!

作者: LUCUSMaMa 時間: 11-11-30 12:16

提示: 作者被禁止或刪除內容自動屏蔽

作者: shirleylee_0514 時間: 11-11-30 12:18

人都無十全十美啦~~梗何況係學校...又要配合不同需要既家長...有時都唔知D家長想點....又想谷..又怕辛苦..又想活動教學...但仲怕唔夠人爭....會蝕底...不過又想慳$...

作者: stella816 時間: 11-11-30 12:18 標題: 回覆 6# ILOVEBEAN 的文章

Agree!

作者: yubaby 時間: 11-11-30 12:39

原帖由 shirleylee_0514 於 11-11-30 12:18 發表
人都無十全十美啦~~梗何況係學校...又要配合不同需要既家長...有時都唔知D家長想點....又想谷..又怕辛苦..又想活動教學...但仲怕唔夠人爭....會蝕底...不過又想慳$... ...

超正呀!!!

作者: gwlam 時間: 11-11-30 12:46

歸根究底係好多父母唔知自己想要d乜，目標唔明確

作者: 恩林 時間: 11-11-30 13:23

好agree~~!

我都明新手父母唔知自己要乜?
唔了解小朋友能力．．．
但我想講, 都係幼稚園姐~ 剛剛至起步, 唔洗一黎就match間學校嘅~
小問題咪合力解決囉~
唔work咪轉班, 再唔啱咪轉校, 唔洗死留爛留,
特別係講到自己小朋友幾勁幾叻個d, 出面世界好大的, 仲乜要難為小朋友同自己呢~~~

原帖由 shirleylee_0514 於 11-11-30 12:18 發表
人都無十全十美啦~~梗何況係學校...又要配合不同需要既家長...有時都唔知D家長想點....又想谷..又怕辛苦..又想活動教學...但仲怕唔夠人爭....會蝕底...不過又想慳$... ...

[ 本帖最後由恩林於 11-11-30 13:41 編輯 ]

作者: neko1234 時間: 11-11-30 13:44

原帖由恩林於 11-11-30 13:23 發表
好agree~~!
我都明新手父母唔知自己要乜?
唔了解小朋友能力．．．
但我想講, 都係幼稚園姐~ 剛剛至起步, 唔洗一黎就match間學校嘅~
小問題咪合力解決囉~
唔work咪轉班, 再唔啱咪轉校, 唔洗死留爛留,
特別係講到 ...

作者: lovelinda 時間: 11-11-30 13:51

agree both

作者: 日日見住你 時間: 11-11-30 14:25

最得意係揀英普班,用普通話in都話唔公平,揀得唔係預左架咩?

真係超奇怪!

作者: vnghk0001 時間: 11-11-30 14:31

原帖由 日日見住你 於 11-11-30 14:25 發表
最得意係揀英普班,用普通話in都話唔公平,揀得唔係預左架咩?

真係超奇怪!

同意！

作者: 恩林 時間: 11-11-30 14:48

keke....我都覺得好搞鬼~!
可能佢地搞錯左係"普通英文班 simple eng. class"
wakakakakaka

原帖由 日日見住你 於 11-11-30 14:25 發表
最得意係揀英普班,用普通話in都話唔公平,揀得唔係預左架咩?

真係超奇怪!

作者: accwingchan 時間: 11-11-30 14:56

after reading this thread, i know how to answer "the view on 怪獸家長" if being asked.

作者: josechan 時間: 11-11-30 15:09

嘩呢個topic 正! 揀直講晒我既心聲! 尤其是"用普通話in唔公平"...話說我victoria係揀英普班, 用普通話IN, 個女一舊夢, 我都只係怪自己 "唉吔, 點解冇諗到英普班會IN 普通話, 應該早d 同佢練定幾句..." (唔記得怪間學校唔公平添!)

作者: tsobaba 時間: 11-11-30 15:11

Exactly!

原帖由 renielo 於 11-11-30 11:38 發表
每年interview前後嘅時間都會有人係BK突然勁彈間學校, 攪到間學校好似好差咁, 如果你唔讀, 佢味大咗機會入law, 大家真係要小心分析

作者: ronniedad 時間: 11-11-30 15:19

真係好奇怪, 報得名點會唔LIKE間學校架, 係咪即係想話俾人知佢有幾蠢嗎? 有D唔直接收又話呢樣又話果樣, 有D又收到N間大家都心儀的學校的OFFER先黎問邊間好, 報之前真係無思考過的嗎? 可能係我怪獸啦, 我有心報果D真係會落埋學校視察架.

作者: hobby 時間: 11-11-30 15:27

haha, 不如叫佢哋自己開返間, 咁實諗心水la

作者: hobby 時間: 11-11-30 15:30 標題: 回覆 35# ronniedad 的文章

agree, 如果接受唔到的, 我一早都唔報la, 最多係in完同自己所想不同所以唔鐘意 ...

而報得, 我自己就己經排好個list, in 完先adjust, 其實得自己先知點間學校最啱自己個小朋友, 講真其他人點俾到答案

作者: kma0206 時間: 11-11-30 15:39

--edited--

[ 本帖最後由 kma0206 於 11-11-30 22:57 編輯 ]

作者: 恩林 時間: 11-11-30 15:55

IN個時唔發覺學校唔啱小朋友,
到k1都唔發覺有問題....
dd case一d都唔出奇,
最出奇係到k3先話不滿左學校2年
=____=

咁搞野!

最嬲係乜呀~
話我地dd同校嘅家長都唔係想入d間學校學到d高水平嘅野架la.....
吹帳~

作者: richwong 時間: 11-11-30 15:58

hi 恩林

Pls check PM, thx!

作者: sllau 時間: 11-11-30 16:20

總要係突然多左d新國民出來圍插添.....呢樣情況適用於好多熱門學校既...

原帖由 tsobaba 於 11-11-30 15:11 發表
Exactly!

作者: sllau 時間: 11-11-30 16:21 標題: 回復 39# 恩林的帖子

恩林,個topic 係邊, 我都想8下...

作者: 嵐嵐雲妮 時間: 11-11-30 16:25 標題: 回復 14# 恩林的帖子

同意呀! 係我囝囝而家讀緊既PN, 有個同學既嫲嫲日日都係湊放學時話依家讀緊間學校幾唔好, D老師唔知教嘜. 老師問佢講個孫上堂咁靜, 平時係屋企係咪咁. 佢就話老師話佢個孫係白痴. 因為佢平時屋企周圍走走跳跳.
咁唔鐘意咪轉校囉, N班隨時可以轉啦.

作者: 恩林 時間: 11-11-30 16:39 標題: 回復 42# sllau 的帖子

特登指名度話人地個topic又唔係咁好~, 不過都係d個forum group......

作者: ronniedad 時間: 11-11-30 16:57

原帖由 sllau 於 11-11-30 16:20 發表
總要係突然多左d新國民出來圍插添.....呢樣情況適用於好多熱門學校既...

哈哈, 係呀我都留意到呀!

作者: shirleylee_0514 時間: 11-11-30 17:46 標題: 回復 17# 日日見住你的帖子

好同意.....同TT一樣啦~~我自己報IK1就要預左用普通話OR英文考架啦~~人地係講座都講定比家長知....就算PC唔講...自己都心裡有數啦~~無預到用另一種語言黎考...就校學校唔好, 老師又點點點...又話咁樣安排係特別比新國民既人讀....遊戲規則人家定... 如果收左又讀唔讀....唔收就鬧爆....收左就1516...自己攞黎煩 !!!

作者: shirleylee_0514 時間: 11-11-30 17:57

多謝大家咁同意 ! 希望大家都為子女既學業而努力!
奸爸嘇~~

不做直升機家長、怪獸家長 !
我要做有貢獻既家長 !!!

作者: gwlam 時間: 11-11-30 18:00

作者: eebabyma 時間: 11-11-30 18:16

原帖由 shirleylee_0514 於 11-11-30 17:46 發表
好同意.....同TT一樣啦~~我自己報IK1就要預左用普通話OR英文考架啦~~人地係講座都講定比家長知....就算PC唔講...自己都心裡有數啦~~無預到用另一種語言黎考...就校學校唔好, 老師又點點點...又話咁樣安排係特別比新 ...

激讚, 近來上BK真係大開眼界, INTERVIEW不嬲都係天時, 地利, 人和, 樣樣野都嘈嘈嘈, 人地學校有D規距, 又話人唔識變通, 老師無愛心........., 無話可說!

唔怪得人地要IN埋家長!

作者: eebabyma 時間: 11-11-30 18:19

原帖由 sllau 於 11-11-30 16:20 發表
總要係突然多左d新國民出來圍插添.....呢樣情況適用於好多熱門學校既...

係, 仲要無理取鬧地插, 家長自己真係要好好分析, 最好問問讀緊的家長先最實際!

作者: vnghk0001 時間: 11-11-30 18:31

所以係之前就做定功課，冇咁多無謂人搞事。

作者: gskw 時間: 11-11-30 18:56

Sigh... 無論人同學校，邊有完美架...大家平常心啦! 冇謂為咗依啲小事放係心，繼續努力吧！

作者: 恩林 時間: 11-11-30 19:57

有d家長硬係鍾意否定其他人嘅努力, 台高自己小朋友嘅能力, 真係吃不到的葡萄是酸的....

我小朋友唔係好叻, 亦唔係好差, 就係宜加間學校老師同我講小朋友有乜問題, 有乜優點, 我至發覺真係咁, 佢係屋企唔係咁架播,
但有d家長會覺得小朋友被埋沒, 老師冇跟住家長心目中的理念而行, 所以個d老師會被稱為"冇能", "平庸"....

hahaha....姐係同自己唔夾嘅朋友就會話佢地白痴,
咁咪去搵同自己夾嘅人做朋友囉~
仲乜係都要同自己唔夾嘅人一齊姐~~

作者: vnghk0001 時間: 11-11-30 20:23

其實學校in埋啲家長都係需要嘅，起碼問幾條問題，做個初步了解，睇下啲家長嘅教學同培育子女嘅理念係咪大致相同，先可以學校同家庭教育相互配合，先對小朋友有更好嘅幫助....之前聽過一個家長話個仔入左間出名嘅K,點知佢竟然話點解學校會教聖經嘅呢，因為個仔返屋企同佢講感謝主，阿爸俾飯佢食都冇感謝，人地天主教幼稚園嚟家嗎，乜佢連自己報左乜幼稚園都唔知，剩係知佢出名囉......

作者: vnghk0001 時間: 11-11-30 20:52

重有啲家長都好有問題，in完收到通知有offer,先喺度問唔知有冇校車由佢屋企去學校，如果冇就唔知讀唔讀好，因為自己帶返學要轉車成個幾鐘.....其實報名之前已經要考慮清楚啦，再唔係去交表、去interview都有兩次機會俾佢地清楚了解到返學放學嘅交通時間啦，唔想做孟母三遷，就千萬唔好浪費左子女嘅寶貴童年時間喺返學放學車程度囉，可能用嗰每日兩、三句鐘時間嚟學啲課餘活動，可能啲子女有機會將來成為出色嘅鋼琴家、小提琴家、畫家、書法家、芭蕾舞家etc.....呢，再唔係啲時間俾小朋友瞓多啲都健康啲啦，好過日日坐幾個鐘車唔通第時學揸車會叻啲咩，不喜勿插！

作者: ronniedad 時間: 11-11-30 21:02

咪同有D收左先黎問間學校有無NET? 點解無校車? 點解我唔知點解............D最基本問題. 睇完我都O哂咀.

作者: lau47 時間: 11-11-30 21:15 標題: Totally Agree!

原帖由 日日見住你 於 11-11-30 14:25 發表
最得意係揀英普班,用普通話in都話唔公平,揀得唔係預左架咩?

真係超奇怪!

Totally agree

作者: 叮噹媽媽 時間: 11-11-30 22:36 標題: 回復 26# 恩林的帖子

同意！佢地咁細個要揀一間啱自己嘅K已經好難，我成日問自己究竟乜野先係啱呢？回想報學校嗰輪大家你報我又報驚執書所以間間學校overbook, 其實我地有冇真正諗其實係未啱自己小朋友呢？定還是有好多學校收就可以showoff?
有朋友問我target乜嘢小學，佢已經揀咗只選灣仔區。救命呀大姐洗唔洗咁快呀！即時O咀冇嘢講＞.＜

作者: 麥兜MaMa 時間: 11-11-30 22:46

原帖由 shirleylee_0514 於 11-11-30 12:18 發表
人都無十全十美啦~~梗何況係學校...又要配合不同需要既家長...有時都唔知D家長想點....又想谷..又怕辛苦..又想活動教學...但仲怕唔夠人爭....會蝕底...不過又想慳$... ...

Agree....而且呢個世界都唔會有100%所謂公平, 大家既想法都唔會一樣.
既然玩得呢個遊戲咪依照個遊戲規規則玩.

作者: Ryan_baba 時間: 11-11-30 23:28

仲成日見到d post講自己個小朋友interview幾好幾好，但間kg都唔收，就斷定間kg一定係揀d有背景嘅小朋友。點解佢地又唔會諗下天外有天，人上有人呢？沒剎晒其他人嘅努力。

作者: ronniedad 時間: 11-11-30 23:52

呢樣可能歸咎於只得一個家長入去IN, 如某D家長驚揹黑鍋, 可能出黎會同另一半講D不盡不實的面試過程. (純粹個人諗法, 不喜勿插. 但我絕對相信大有人在.) 另外又會有D要面子的又會同D朋輩"講"IN得點好點掂, 不想子女被比下去. 我起初都覺得我自己的小朋友都"幾"OK, 真係幾咋, 但因我每個面試都有份參與, 與其他小朋友比較(純觀察, 因我一向唔鍾意人比人.)佢頂多真係算中規中舉罷了. 要知道係面試內, 年齡同男女的差異真係對表現有好大分別. 仲有一點是, 咁多面試中我個人覺得只係一兩間D問題比較獨特外, 大部份其實都係問D現今大部份小朋友都會識答的問題. 因此會給予家長們一個錯覺自己的小朋友在是次面試中表現很好.

[ 本帖最後由 ronniedad 於 11-12-1 00:02 編輯 ]

作者: 恩林 時間: 11-12-1 00:00

又有個怪獸家長係其他forum話:
佢小朋友想去廁所, 老師叫佢去出面個果公用廁所, 唔俾佢小朋友去課室內的廁所, 話d老師冇人情味, 黑心!!
人地interview緊, 唔俾你去係正常過正常!!!

又話有家長個小朋友到食奶時間, 老師叫佢去對面公園食, 好話唔俾人係校內食奶~~
你唔係in之前準備好晒至黎in嘅咩~
咁如果撞正午睡時間, 咁係咪要等你個仔瞓醒至in得....

學校收唔收小朋友都好睇家長點準備interview嘅準備, interview都冇準備, 咁番到學吓吓又話冇帶書, 要你準備嘅野又冇準備, 咁仲洗上堂?? 唔好影響其他學生la~!

我覺得好似番左10幾年前, d大6阿媽當街拿高件衫喂人奶咁....仲要大大聲話"B仔肚餓, 係咪想餓死我個仔先~~"

救命呀~!!

[ 本帖最後由恩林於 11-12-1 00:06 編輯 ]

作者: jlbb1 時間: 11-12-1 00:22

提示: 作者被禁止或刪除內容自動屏蔽

作者: eebabyma 時間: 11-12-1 00:30

原帖由恩林於 11-12-1 00:00 發表
又有個怪獸家長係其他forum話:
佢小朋友想去廁所, 老師叫佢去出面個果公用廁所, 唔俾佢小朋友去課室內的廁所, 話d老師冇人情味, 黑心!!
人地interview緊, 唔俾你去係正常過正常!!!

又話有家長個小朋友到食奶時間, ...

我睇到都o晒嘴，仲俾佢問我係咪人媽咪咁無愛心，我只知我有愛心，仲有體諒人的心。要知道，世界唔係圍住你走，任何人順唔到自己，就話人衰人，唔識變通，咁人地定d規距有咩用？怪獸家長表表者。

作者: 恩林 時間: 11-12-1 00:31

真係好嬲呵~~~
將自己嘅責任推左係自己唔啱心水嘅人同學校身上....

作者: eebabyma 時間: 11-12-1 00:47

原帖由恩林於 11-12-1 00:31 發表
真係好嬲呵~~~
將自己嘅責任推左係自己唔啱心水嘅人同學校身上....

同d強國人在mtr小便沒分別，因為佢小朋友有需要，只係我地唔體諒同配合佢小朋友的需要。

作者: 恩林 時間: 11-12-1 00:50

HAHAHA.....比喻一流!!!

原帖由 eebabyma 於 11-12-1 00:47 發表

同d強國人在mtr小便沒分別，因為佢小朋友有需要，只係我地唔體諒同配合佢小朋友的需要。

作者: 駿熙媽媽 時間: 11-12-1 03:13

提示: 作者被禁止或刪除內容自動屏蔽

作者: chunyatmama 時間: 11-12-1 09:33

Can't agree more to this topic. That's why the school needs to interview the parents. If the parents just know complain, there is no benefit to the child and the school.

I know some cases, the younger in the family cannot be accepted by the school to follow the elder child. We guess this is one of the reason. Parents do share some responsibility.

作者: chunyatmama 時間: 11-12-1 09:34

原帖由恩林於 11-11-30 19:57 發表
有d家長硬係鍾意否定其他人嘅努力, 台高自己小朋友嘅能力, 真係吃不到的葡萄是酸的....

我小朋友唔係好叻, 亦唔係好差, 就係宜加間學校老師同我講小朋友有乜問題, 有乜優點, 我至發覺真係咁, 佢係屋企唔係咁架播,
...

well said!

作者: ballmui 時間: 11-12-1 22:32

樓主,我係你FANS 呀!由上集睇到下集. 簡直愛死你.完全十卜你

作者: 恩林 時間: 11-12-1 23:56

好彩都有好多家長同我有同一個諗法.....
好感動呵~~~

作者: dakkilee 時間: 11-12-2 00:10 標題: 回覆 4# 開心小花的文章

agree

作者: vnghk0001 時間: 11-12-2 09:55

係呀，原來仲有好多家長冇比沖昏頭腦。

作者: chelchel0126 時間: 11-12-8 17:06 標題: 回復 19# ronniedad 的帖子

好認同你呢點,我同呀囝考k嗰陣,周圍睇人地點講,又去唔同嘅blog睇d人嘅第一身感受,到而家讀呢間,我都覺得係好適合呀囝囉,留意,係好適合,對我嚟講,適合,比單純一個"好"字,更重要..
早個零月,學校開始面試,有個家長喺我層樓copy一堆問題搵人答,留意,係copy,因為係好多其他學校嘅樓層,佢推出同一堆問題,我覆佢,出面或者早幾層都有答案,你有冇睇呀??,佢問返我喺邊,比返提示佢,唔怕得罪講句,幫你交埋表好冇??先唔好理d問題係咪你交表之前應該要知,淨係個態度已經no good啦,乜都唔想做就比晒料你??話我小家自私都係咁話,自己冇出過力,點過到自己架

作者: iluvchun 時間: 11-12-8 18:49

小學中學揀名校, 人知常情

連幼稚園都咁"揀擇", 係為左乜野呢?

而家既名人專訪, 最多都只係講下佢地讀邊間中學, 我真係未聽過會強調d叻人細個讀邊間幼稚園囉

全個幼稚園生涯只得3年, 而呢3年對一個人既成長, 價值觀, 性格形成係好重要

外國既幼稚園只係返去玩, 學下群體生活

當然有不少父母會話香港教育水平高, 香港學生既ranking好高, 但亦有不少research指香港學生係好唔開心, 壓力好大

都係果句, 讀到10A返黎係咪一定出人頭地? 就算俾你個仔女出人頭地, 又係咪代表佢既人生就係開心?

大家仲記得之前有個不孝醫生點對自己父母? 雖然我唔係局內人, 唔知誰是誰非. 但父子都搞成咁, 我寧願我既仔女平平凡凡, 一家人可以安樂地過日子

作者: yuengooluk 時間: 11-12-8 22:39

可以舉例嗎...........好奇怪嘅問題?

原帖由 vnghk0001 於 11-11-30 11:16 發表
仲有而家有學校開始問家長一啲好奇怪嘅問題，就係避免收左一啲叻嘅小朋友但係要面對無理取鬧嘅家長。

歡迎光臨教育王國 (/)