教育王國
標題: 硬頸固執的幼兒(接近3歲)點教? [打印本頁]
作者: CCCM 時間: 11-11-28 14:40 標題: 硬頸固執的幼兒(接近3歲)點教?
小朋友自小都好硬頸, 硬又唔得, 軟又唔得, 要隔好耐都未必聽話, 試過朝早唔肯刷牙洗面著衫返學, 過晒鐘無校車搭, 有無家長教吓我點處理呢類韌皮仔?
作者: ahmo313 時間: 11-11-28 15:00
我家都有一個呀, 咁啱呀!! 我哋尤得佢大哭大喊囉, 跟本同佢講, 佢都聽唔入耳, 佢發洩完喊飽就會自己收聲!! 但原來佢係學校完全係兩個人呀, 係學校, 佢係一個又文靜, 說話細細聲的小朋友, 死未!!
作者: LL222 時間: 11-11-28 16:20
呢個方法, 係一個個女讀緊女拔萃嘅家長教嘅, 好work:
唔換校服就唔好換, 一野推佢上校巴, 經過半天响學校嘅奇異目光同老師嘅責備, 以後都唔唔敢換校服.
以上方法我只能用到一半, 因為去到屋企門口已乖乖就範.
作者: xowpooh 時間: 11-11-28 16:38
我屋企都有一個雙面小朋友呀, 老師話佢係一個好堅強的女仔, 但原來一返到屋企就兩回事, 喊住扭完一樣又一樣, 本來我都可以忍心由得佢喊, 但見到佢係咁捽眼, 又鼻涕又口水, 仲要係咁咳, 咳到嘔, 最終咪唯有就範囉!
[ 本帖最後由 xowpooh 於 11-11-28 16:39 編輯 ]
作者: tsangnamnam 時間: 11-11-28 18:09
無危險性 / 一次半次嘅我會由佢唔做, 唔會求佢做. 但會講清楚個後果俾佢聽.
唔刷牙, 就話佢知有虫咬. 佢唔刷由佢. 第朝起身同佢講見到佢個口好似有虫.
唔食飯, 由得佢, 餓到下一餐先准食. 餓唔死嘅.
佢硬頸, 我更硬. 考耐性, 放馬過來!
不過我唔會罵佢, 只會同佢講道理, 同埋行為上堅持我同佢講過嘅"後果".
我用左兩星期戒左阿女成日喊, 唔肯用言語表達自己要求嘅臭習慣. 依家知道喊解決唔到問題, 有咩要求, 即刻用咀講. 或者用腦諗. 真係解決唔到, 叫阿媽幫手.
我地狠心, 因為真心想佢好.
聽住佢喊, 個心痛到想死. 但知道真正幫到佢就係教佢點樣幫自己, 咩係正確途徑, 唯有忍心.
陰公, 對佢狠心, 同時又係對自己狠心.
加油呀! 爸爸媽媽們!
作者: j-mum 時間: 11-11-28 23:09
好方法！一定要佢知後果！不過實行嘅時候有好多阻滯！
例如：其他家人配唔配合、自己又可唔可以執行到底！實在小朋友在家都會比較唔聽話，因為家就係佢地地頭！唉！
原帖由 tsangnamnam 於 11-11-28 18:09 發表 
無危險性 / 一次半次嘅我會由佢唔做, 唔會求佢做. 但會講清楚個後果俾佢聽.
唔刷牙, 就話佢知有虫咬. 佢唔刷由佢. 第朝起身同佢講見到佢個口好似有虫.
唔食飯, 由得佢, 餓到下一餐先准食. 餓唔死嘅.
佢硬頸, 我更硬. ...
作者: CatEgg 時間: 11-11-30 15:10 標題: 回復 5# tsangnamnam 的帖子
唔食飯, 由得佢, 餓到下一餐先准食. 餓唔死嘅.
想問下佢半夜會唔會餓醒大喊?如果大喊,比唔比佢食?
作者: CCCM 時間: 11-12-5 16:48 標題: 回復 3# LL222 的帖子
都好, 比佢瘀吓
作者: CCCM 時間: 11-12-5 17:18 標題: 回復 5# tsangnamnam 的帖子
唔刷牙問題, 我試過比教育牙齒衛生的vcd佢睇, 又試過比書佢睇, 甚至比真的爛牙佢睇, 話比佢聽有牙虫, 初初係WORK的, 過兩次又唔WORK, 提佢有牙虫, 再睇vcd, 又係WORK吓唔WORK吓, 最煩係朝早唔知佢扭幾耐先肯就範, 趕住返學嘛, 我假日時同佢講唔刷牙唔比佢返學, 佢可以無問題的, 一於少理我, 晚晚都驚佢唔合作刷牙, 又扭一輪, 鬼咁夜訓, 救命! 食嘢, 我都狠心的, 不過家有99, 配合唔到, 煩
作者: licpd 時間: 11-12-5 23:41
for brushing teeth, i had headache with my daughter before too. one of friends taught me a method. I lie her down on the floor and put her hands under my legs and she would open her mouth and cried loud and thats perfect, i then put in the tooth brush and brush her teeth.. In first couple of times, she would cry really loud but i just ignored her. After couple of times, i told her its brush teeth time and i asked her, do you want to lie down? she said no and 乖乖地 let me brush her teeth. Once in a while she still doesn't want to brush her teeth, i would i lie her down to do it.
作者: yeyo1216 時間: 11-12-6 00:09 標題: 回復 5# tsangnamnam 的帖子
Hi Tsangnamnam,
My 3 yr old son has the same problem as yours. He will cry for whatever problem he encounters, 乜野都係喊晒咀,永遠都唔識用語言去表逹, 例如
唔想起身返學, 喊 (兼踢腳)
唔想刷牙,喊
唔想食飯, 想玩多一陣, 喊
每次我都問佢你想點, 可以講出嚟, 但係佢每次都係要大喊幾聲,fing晒手腳, 等我問佢你想點, 佢至收聲開口講.
可唔可以詳細講吓你點用2星期改好佢?方法係點?
仲有點樣可以控制到自己唔惡佢?我成日都會失控..真没用!
作者: CCCM 時間: 11-12-6 12:42 標題: 回覆 10# licpd 的文章
我個係仔, 超大力, 食藥3個大人按住都食唔到一半, 勁扭勁反抗, 加上佢超硬頸, 強力對抗會有反效果, 以後唔刷牙都似
作者: tsangnamnam 時間: 11-12-6 14:31 標題: 回復 2# yeyo1216 的帖子
佢喊我就由佢喊. 唔抱唔tum, 行到老遠唔理佢.
唔使同佢勞氣, 行去老遠前, 平心靜氣同佢講:"你喊完想同我講就講啦." 令佢知道佢影響唔到你情緒.
喊到攰, 佢會過來, 有時會講, 講的話就即刻攬實讚佢叻. 仲要勁讚嗰隻. "叻叻喎, 識用咀仔講喎" 一唔喊就有人讚, 有鼓勵性.
喊一輪後, 有時行埋黎, 又唔講, 又繼續大喊, 我就走開又自己做自己野.
等到佢肯講為止.
佢喊時, 如果耳仔係開嘅, 聽緊野, 我就同佢講: "媽咪好錫你, 好想幫你, 但你唔講, 我唔知道點幫你. 我見你喊, 好心痛, 又幫唔到你. 如果你可以講俾我聽, 我就可以幫到你."
唔好喺喊到癲左時講, 因為當時佢地對耳係收埋左架.
作者: 雪豆 時間: 11-12-9 14:17
Thanks for sharing.
我個女都係咁，響學校同屋企係2個人。
響學校學長同我講佢好有禮貌，除o左食飯食得奇慢之外，其他都算合作~
不過響屋企就…
依幾晚我都因為佢食o野食成個幾鐘，食食下仲要"lure"番d食物出o黎(陰公，世界上有咁多小朋友無o野食，而佢就…我同我先生都唔會咁樣嘥o野食，唔知個女點解會咁)。
琴晚佢都幾過份，又用對腳o黎踩我，叫我"讓開"。佢見我無走開佢就響sofa度賴尿。我見到佢咁，我真係好失望。
作者: ms_maggie 時間: 12-2-23 13:46
我個仔又係好硬頸..
作者: jvcfamily 時間: 12-2-24 12:12
回復 yeyo1216 的帖子
I'm doing the same thing. 尋晚至黎了, 叫佢brush teeth, 大喊, 姐姐去"tum"佢, 佢重要推開佢自己行去書台個邊企係度再喊得淒涼的... 我叫姐姐做自己野, 唔好理佢, 由佢喊, 我重叫佢面向書台企好的至喊, 喊清楚至同我講點解唔brush teeth. 自己做自己野唔理, 過左分幾鐘, 佢開始發現無人理, 炸炸帝帝邊行邊擦眼淚, 行去攞玩具, 重要睇下我咩反應, 我見佢無喊, 叫佢行過黎, 搭住佢膊頭, 蹲低同佢講" 唔brush teeth 會壞teeth, 以後食唔到 candies, cake, ice-cream, 婆婆唔同你去McDonalds 食ice-cream, 老師唔俾你食餅餅做茶點..etc..你以後都唔食甘就可以唔擦, 你諗下..." 佢話我要食糖糖. 我話甘你而家即刻去brush your teeth, you can still have candies tomorrow. 佢唯有死死地氣唔多願甘去...佢硬我會硬過佢, 佢playgroup 老師成日同的"樓"計小朋友講: Mamma always win... if you want to play, you have to listen to mamma..It's no use to cry...
作者: jvcfamily 時間: 12-2-24 12:15
回錯左, 回俾tsangnamnam..
作者: jvcfamily 時間: 12-2-24 12:21
佢有次mimi mor mor 唔換出街衫返興趣班, 我都話"好呀, 你就甘著返件jacket and put on your shoes lor..你鐘意著睡衣出街我唔反對, 不過人地笑你時你唔好叫我返屋企...好啦快的著鞋行啦...".... "你返學個度有無小朋友著睡衣, 你諗下先.." 佢企左係度一陣跟住行返入房攞返的衫出黎叫姐姐幫佢換...
作者: JuliaCKL 時間: 12-2-26 22:49 標題: 回覆：硬頸固執的幼兒(接近3歲)點教?
我個仔而家先兩歲，但一樣咩都喊，我想問各位媽媽，你哋從小朋友幾大開始用呢啲絕招呢？
作者: Happysmalleyes 時間: 12-2-29 10:20
我個囡都係超硬頸, 我每次見到佢喊到D 眼淚不停同高8度大叫, 我個心真係好痛, 但我同自已講一定要硬起心腸先得.
作者: 麥兜MaMa 時間: 12-2-29 11:13
我個都係快3yr, 超硬頸. 佢知道自己錯果d, 仲會好d. 佢唔認為自己錯果d,直撐到行, 打手手都唔怕. 好唔岩果d, 我地都係要封殺埋姐姐, 要鬧完佢, 連姐姐都唔睬佢, 冇左大靠山先得.
作者: Chong0417 時間: 12-3-2 11:31
我個仔三歲啦! 初初都唔肯刷牙, 後來俾個新杯仔同牙刷仔, 每次臨訓俾佢同DADDY MUMMY一齊刷, 咁就成日好開心願意一齊刷, 但廁所企三個人會窄D....HAHA
返學就唔多願啦~ 唉!
最後一唔乖就出動 "5 MINUTES CORNER" (即係一個無玩具無人理的角落, 較定閙鐘, 任佢喊五分鐘, 千祈唔好望佢), 就會乖乖就範, 萬試萬靈, 係教院既朋友教, 好好的方法, 可以一試!
作者: melonfans 時間: 12-3-5 15:16
CCCM 發表於 11-11-28 14:40 
小朋友自小都好硬頸, 硬又唔得, 軟又唔得, 要隔好耐都未必聽話, 試過朝早唔肯刷牙洗面著衫返學, 過晒鐘無校 ...
我個仔都係咁! 原來佢係學校超乖, 我叫老師同佢講, 要換衫返學, 同埋讃佢好叻, 係學校咩都識做! 依家掂哂!
總之佢吾乖, 就話畀老師聽!
作者: blowater 時間: 12-3-6 10:07
tsangnamnam 發表於 11-11-28 18:09
無危險性 / 一次半次嘅我會由佢唔做, 唔會求佢做. 但會講清楚個後果俾佢聽.
唔刷牙, 就話佢知有虫咬. 佢唔 ...
佢硬頸, 我更硬..........
totally agreed~~
依家, 我仲開始 set 左 d 規則,
寫出來...唔准硬頸係第一樣...
再慢慢將每一條規則解釋一次/多次....
佢明白左之後, 大部份時間都係 work 的....
作者: ManPL 時間: 12-3-20 14:27
agree 佢硬頸, 我要更硬頸!
同佢鬥耐性!!!
作者: brittleiris 時間: 12-3-21 11:14
唉..我個女又係咁.....返N1喊足咁多個月.成日唔肯換校服,唔返學;呀婆呀公太就佢,我的說話唔聽,又唔跟我!今個星期決定全職湊返佢...老師叫我試下慢慢來,老公就叫我狠心D一刀切唔比呀婆湊.....見佢每次返學都好杻計...我都唔知應該點好~~~請大家多比意見,,,,佢個性格又係好硬頸, 喺學校老師發現佢"受軟唔受硬"""但係有時氹都唔得....點算
作者: VaVaBaby 時間: 12-3-21 12:13 標題: 引用：我屋企都有一個雙面小朋友呀,+老師話佢係一
原帖由 xowpooh 於 11-11-28 發表
我屋企都有一個雙面小朋友呀, 老師話佢係一個好堅強的女仔, 但原來一返到屋企就兩回事, 喊住扭完一樣又一樣 ...
作者: bigmacq88 時間: 12-3-22 14:06
我會堅持+耐力+冷靜,
如果唔擦牙冇早餐食(仔3歲, 好為食),
唔會因為怕返學遲到, 而唔駛擦牙....
試過...佢真係唔肯擦牙,
結果冇得食早餐,
之後返咗學都冇茶點食 (同老師夾定)
最後佢12:30放學返到屋企(太肚餓了),
佢自己走去擦牙, 跟住先有得食 Lunch.
作者: bigmacq88 時間: 12-3-22 14:10
而家亞仔好咗, 但有時又會再試下我的底線.
不過, 我堅持"唔擦牙,冇得食野"
我唔信佢食少一餐會餓親... ... 
| 歡迎光臨 教育王國 (/) |
Powered by Discuz! X1.5 |