教育王國

標題: 幼稚園的決擇，請幫忙俾d意見 [打印本頁]

作者: BKVIP 時間: 11-11-28 12:59 標題: 幼稚園的決擇，請幫忙俾d意見

小兒已快3歲，剛剛才派到E位，仍排緊S位，而S位好可能要到下年4月大派位先有份，到2012年9月先可以正式返S位。

由於佢係超大仔，到下年9月應要入K1(到時快4歲了)，所以我幫佢報左出面主流K1。我好矛盾，一方面希望仔仔有INTENSIVE 既訓練，另一方面又唔想佢錯過左正常入學既機會，但又怕佢跟唔到，最終都要入S位但又錯過左。

有無過來人可以分享下你地小朋友當初係如何選擇學校？或可以俾D意見我，感激。

作者: kelvin_hmlau 時間: 11-11-28 14:22 標題: 回復 1# BKVIP 的帖子

我個A仔讀左4年主流幼稚園, 無穿無爛課程跟到. 回頭再看, N and K1 讀私人S位也不錯.

作者: BKVIP 時間: 11-11-28 14:24 標題: 回復 2# kelvin_hmlau 的帖子

kelvin 你囝囝下年升小一啦？想問下你囝囝細個會唔會有repeat 同埋跟人講嘢？要點樣教佢同你用左几耐先可以另佢有正常對答？thanks.

作者: BKVIP 時間: 11-11-28 14:25 標題: 回復 2# kelvin_hmlau 的帖子

另外，請問你囝囝係讀2年私人s位n+k1嗎？有無其他服務一齊用架？

作者: kelvin_hmlau 時間: 11-11-28 15:12 標題: 回覆 2# BKVIP 的文章

細個做評估時有鸚鵡學舌, 比個姑娘話:呢d 係叫做識講野咩! 大約3歲. 到左5歲大致可以溝通, 你我他大致不會混亂.

A仔彷彿天生係一個copy 高手, 叫佢地串字背書就very good! 要佢地回應同表達就no good! 有時都要接受佢地d不足, 感恩佢地的強項, 相信佢地長大後都會有進步的.

可以用一d RDI 建議, declarative language, slow down等, 鼓勵佢地表達同經驗分享.

實際上只在暑假讀了2個月私人S位, 估計讀返1,2年私人S位行為上會無咁"神".

作者: BKVIP 時間: 11-11-28 15:30

原帖由 kelvin_hmlau 於 11-11-28 15:12 發表
細個做評估時有鸚鵡學舌, 比個姑娘話:呢d 係叫做識講野咩! 大約3歲. 到左5歲大致可以溝通, 你我他大致不會混亂.

A仔彷彿天生係一個copy 高手, 叫佢地串字背書就very good! 要佢地回應同表達就no good! 有時都要接受 ...

請問你小朋友係咪無讀過s位？那是因為佢狀況輕微？
講嘢係咪隨住年紀會自然"正常"返？定或是一定要做語言治療呢？我仔又係認字好叻，記性都好，仲音樂感強，但對答就....

除左佢瞓覺，如果唔係，無時無刻都聽都佢不停講嘢或哼歌，仲會將佢識既有限詞語自己哼成一首歌

呢排聽到電視廣告，係咁講6千蚊，仲哼左一首6千蚊歌

作者: kelvin_hmlau 時間: 11-11-28 16:28 標題: 回復 1# BKVIP 的帖子

我個仔A的特徵明顯, 被評自閉症(not 自傾). 唔讀S位只係因為派比我時已經係K2. S位校長亦解釋社交同專心幫唔到手.

其實如果你負擔得起, 可以考慮下宜家開始上午讀私人S位, 取代N班. 將E位的時間表編到下午. 或上下午調轉.

E位半年評估一次, 到時睇返進度, 再決定讀S位定主流.

作者: BKVIP 時間: 11-11-28 16:41 標題: 回復 7# kelvin_hmlau 的帖子

多謝你的建議。可惜私人s位十分遙遠，我仲有個細bb，無人手可以送佢出去。

另e位佢地每個t 每月只係俾到1堂我，真係好唔夠，係咪可以request 増加多點？

社交同專心幫唔到？咁s位可幫邊方面？自閉唔係只係呢2範唔得，我仔仲有大小肌都唔太好，有時跑跑下都pk。亦只有2歲的語言能力

作者: kelvin_hmlau 時間: 11-11-28 17:17 標題: 回覆 1# BKVIP 的文章

oic. 其實新界區真係要開返d私人training school.

E位服務夠唔夠!? 真係多多都唔夠咯!

社交同專心可以話係A仔死症, 有改善個仔就無咁A啦!

S位應該係認知概念, 安坐同流程上幫到忙的.

作者: overcomer 時間: 11-11-28 20:20

S位都可以幫到小朋友專心O既。D專訓力訓練其實就係俾一D嘢佢地坐定專心做一段時間，如分開紅豆綠豆。S位有個別訓練時間, 小朋友遊魂時吸引佢聽返。主流幼稚園多人, 老師都未必有時間叫佢, 小朋友可能成日遊魂, 如果老師成日叫住佢, 老師都唔駛教書。如果佢唔專心, 就好似曾有個媽咪講, 係租張椅俾佢坐。黃金時間攞來遊魂, 唔花算。且小朋友仲有大小肌問題, 緊係入S位。社交就多D帶佢出去。

作者: kelvin_hmlau 時間: 11-11-29 11:43

A仔的分別太大了, 相信部分家長會選讀S位, 進步良多, 得益不淺. 不過真正挑戰在小學.

小兒無讀過S位, 不宜作評論了. 反正只有合適與不合適, 沒有對錯. 認識的家長對S位都係有彈有讚吧.

自己就覺得小時候讀1/2年S位(私人或政府)也不錯.

作者: BKVIP 時間: 11-11-29 14:11

不想錯過阿仔既黃金期，只係怕佢讀左1-2年s位再出返黎repeat 1-2年主流，年紀太大。驚會選錯路，而爸爸好似仲未完全接受個仔到時要返特殊幼稚園，所以依家都在主流留左個位先。

作者: apple~y 時間: 11-11-29 15:06

如果有足夠財力可以搵間包容幼稚園,再加私人訓練

其實唔好著眼"特殊"呢兩個字,咪當小班教學
我都0甘同自己講,係s位努力兩年再回到主流讀k3
呢個係我目標

作者: BKVIP 時間: 11-11-29 16:36

原帖由 apple~y 於 11-11-29 15:06 發表
如果有足夠財力可以搵間包容幼稚園,再加私人訓練

其實唔好著眼"特殊"呢兩個字,咪當小班教學
我都0甘同自己講,係s位努力兩年再回到主流讀k3
呢個係我目標 ...

請問你會選有i 位的主流學校嗎？

歡迎光臨教育王國 (/)