教育王國

標題: 請問你地會比小朋友玩玩具手搶嗎 ? [打印本頁]

作者: 萬樂豬 時間: 11-11-24 22:52 標題: 請問你地會比小朋友玩玩具手搶嗎 ?

請問你地會比小朋友玩玩具手搶嗎 ?

之前一直無比開囝囝玩手槍, 之後有一次係公園, 見他和一小孩追逐, 大家都好開心, 自此, 每次去公園我都給他手槍

有時話當巴斯光年咁打怪獸, 有時就話佢警察捉壞人....
但今日公園的媽媽鬧佢個囝.....唔應該咁樣 "轟"人, 有意無意比說話我聽.......叫我個囝唔好亂用槍射人... ( 我囝得 2 歲, 只發聲手槍 )

聽到後有點不開心, 其實自己都有反醒既, 可能咁樣令囝囝變得暴力....

但, 因獨仔, 佢好悶...所以帶他去公園跑下, 又希望佢可以同 d 哥哥姐姐玩下.......由於太細個, 哥哥姐姐唔會斟佢玩, 但有槍的話....先會啋下佢.....

唉.....我係咪要收起手槍不給他呢 ??　如果去迪迪尼，係咪唔好比佢入巴斯光年個　ｇａｍｅｓ　到玩呢　？？

我真係唔識教.......

作者: cement 時間: 11-11-25 21:22

孩子第一次要求玩槍，就被我拒絕了，並告訴她：槍是武器，不是玩具。

作者: iodine 時間: 11-11-28 11:35

道不同不相為謀。

若果玩到覺得唔舒服，就唔好同個個人玩，又或者唔好用個個方式玩。

我自已除在安全原因外，唔會理小孩玩耍方法。

作者: 已刪除用戶 時間: 11-11-28 12:01

大人都會玩 RPG Game, 小朋友都會啵~~~

我囡囡有幾支槍, 其中一支係表哥送畀佢壞左既氣槍黎添, 我無阻止佢玩.

小朋友玩槍並唔一定代表會係咩壞事, 家長只要同佢解釋清楚槍既用途, 例如需要考試合格, 領有合法槍牌先可以擁有, 係危險情況先可以使用 (警察保護市民安全或危險案件), 咁小朋友知道左, 等於上左一課.

作者: 萬樂豬 時間: 11-11-28 23:10

嗯~~ 我依幾日都收埋起 d 手槍, 同佢講, 只有警察叔叔先可以用.....佢都明白...無扭計...

不過聽到...各家長的意見....我會正面同佢解釋清楚.....才比佢玩槍...

希望佢唔會變得暴力啦~~

作者: lauksuk 時間: 11-11-29 08:19

提示: 作者被禁止或刪除內容自動屏蔽

作者: QQee 時間: 11-11-29 08:59

亞囝細時, 老公對我說不要買玩具手槍給他玩, 因不想小孩指住人地的頭來咁玩. 所以成個童年佢都冇玩過槍.

作者: awah112 時間: 11-11-29 11:35

提示: 作者被禁止或刪除內容自動屏蔽

作者: 萬樂豬 時間: 11-11-29 22:38

多謝大家意見啊~~

作者: cement 時間: 11-11-30 23:36 標題: 回覆 6# lauksuk 的文章

好簡單，武器可以傷人甚至殺人，非常危險。刀、槍、炮、劍等等都唔應該當作玩具。

作者: Parisienne 時間: 11-12-1 00:37

只要支玩具槍安全，我覺得唔怕 lor。

越刻意迴避，越無私顯見私。如果真係要攻擊人，攞隻手扮搶都一樣得啫！唔通一直收埋玩具搶到十八歲先准玩咩。暴力傾向唔會因為玩玩具搶而培養出嚟lor。

可以話佢知，槍係用嚟打怪獸，唔係打人。就算police都唔應該用槍打人。

作者: HY412 時間: 11-12-1 10:20

呢個問題好有趣味和值得思考, 我小時候都愛玩玩具槍和膠劍, 與鄰居在走廊玩兵捉賊遊戲時, 兵會分配一枝玩具槍……

睇完超人之類的打怪獸片集後支膠劍就會出動…..

我覺得只要灌輸正確意識, 問題不會太大. 玩時唔好指住別人的頭部, 以免傷及他人身體.

我囡囡小時候就不愛玩玩具槍和膠劍, 可能電視片集進化到用魔棒/魔仗.... 所以家中好多呢類玩具.

[ 本帖最後由 HY412 於 11-12-1 10:29 編輯 ]

作者: iodine 時間: 11-12-1 10:55

http://www.scotsman.com/news/boy ... m_toy_guns_1_710610

作者: bbJP 時間: 11-12-2 11:59

有趣!!
我仔細時,我是絕對不會比佢玩手槍, 只可以玩bubbles gun一類意識上是一種彈d野出黎玩既,大dd,buzz類打怪獸都可以,但不能玩用槍射人遊戲.
個人覺得槍械文化是暴戾的,當小朋友年幼無知時讓他玩這種玩意是一種潛移默化的灌輸和教育,遊戲和現實對幼兒是不能分割的.不能用'玩下啫',唔係真既'.的角度看.
到小朋友大些,懂性些,有得9,10歲,問題就不太大.

作者: 小貓baby 時間: 11-12-2 23:24

xxxxxxxxxxxxxxxxxxxxxxxxxxxxxxxx

作者: 萬樂豬 時間: 11-12-2 23:26

多謝各位覺得依個 post 係有趣...因為我見之前無人回覆...

跟進下我囝囝情況吖....其實我都停左比佢玩槍, 亦同佢解釋了, 只有警察叔叔先可以用槍架......

但因為每星期我都帶他去迪士尼 (買了年飛 ), 而佢每次玩巴斯光年最少 5, 6 次.......佢簡直當左係偶像....

由於我解釋了巴斯光年係玩具, 唔會有人受傷, 但你用槍射人會受傷架, 令人唔開心喊架...

佢無強求玩槍.........但轉變了...用手指當作槍, 有時公公撩他玩激他, 佢居然用手指話 "轟" 佢......

我開始後悔了....一開始不應給他接觸....還是.....我仍未講解得夠呢 ??

我是否不應再去迪士尼呢 ?? 唉....

作者: samuel89 時間: 11-12-6 14:31 標題: 回復 16# 萬樂豬的帖子

囝得 2 歲, 只發聲手槍<-----佢點明白到你甘多理論呢????

聽到後有點不開心, 其實自己都有反醒既, 可能咁樣令囝囝變得暴力....<----小朋友玩下玩具槍都"可能"變得暴力.....呢d心理理論唔使讀我都"作"得出.....

作者: annie40 時間: 11-12-6 17:39

孩子得两岁人仔, 妈妈觉得不安和confused是很正常的. 凡事平常心待之便可. 紧张腾鸡的妈妈, 容意有个懦弱膽小的孩子. 切记!

换个角度, 喜获弄刀舞槍的孩子, 可以:
1) 当神槍手, 拿取奥运会金牌
2) 专心追求槍器武器等知识, 长大可以当inter - police
3) 多看有关书籍, 知识无穷.训练concentration.
4) 走来走去, 练得一身好体格.

哎! 拿支手槍就变得變得暴力? 原全不合逻辑的.

原帖由 萬樂豬 於 11-12-2 23:26 發表
多謝各位覺得依個 post 係有趣...因為我見之前無人回覆...

跟進下我囝囝情況吖....其實我都停左比佢玩槍, 亦同佢解釋了, 只有警察叔叔先可以用槍架......

但因為每星期我都帶他去迪士尼 (買了年飛 ), 而佢每次玩巴 ...

歡迎光臨教育王國 (/)