教育王國
標題: 申請插班 [打印本頁]
作者: yuenwa 時間: 11-11-23 12:44 標題: 申請插班
我個女在傳統學校讀P3, 花在測考的時間實在太多, 沒有時間看書, 沒有時間發白日夢天馬行空, 更沒時間睇電視 (我個女最鐘意睇旅遊節目).
我怕佢對學習失去興趣, 所以痛定思痛, 想轉她到一些不把考測看重的學校。
我在朋友/BK中搜集了幾間直資學校的資料, 再作分析後, 覺得港大同學會小學會都配合到我心目到的教學理念, 亞女的性格, 可負擔的學費和地點。 我想在approach學校之前, 再請教一下各位家長以下問題:
1) 我在學校的website內得知學校的理念是淡化考試。請問何謂淡化考試? 考試範圍會否很大? 考試模式與傳統學校有否分別?
2) 聽朋友說學校最近換了校長, 教學有些催向傳統, 我不怕傳統模式, 但就真係怕左考試 (我產力比亞女大), 所以新校長冇有在考試改變方向?
3) 我知道很多功課都是project, 但我相信一定有一些像傳統學校的功課, 如作業/工作紙之類。請問這類功課每天大既幾多樣?
4) Project 的功課通常是小朋友獨自做, 還是要和其他小朋友分工一齊做? 家長又是否要參與?
5) 一些成功轉校的小朋友家長可以分享一下申請的過程, 我要注意/準備甚麼?
謝謝!
作者: Charlotte_mom 時間: 11-11-24 16:49
1) 我在學校的website內得知學校的理念是淡化考試。請問何謂淡化考試? 考試範圍會否很大? 考試模式與傳統學校有否分別?
小1,2無考試, 不過其實一路都有持續評估, 意思就係上課表現, 小組討論, 工作紙等, 老師全部都會留意, 亦會有類似POP QUIZ, 事先唔會通知家長, 就係要求小朋友上課留心, 學左野, 就即場TEST喇
小3,4一年考2次試, TERM 1 & 3, 只考中英數, 範圍都係果個TERM教左既課, 好正常的
其他科係持續評估, 或可能有一次大評估, 不過好"輕量"的, 家長唔留意分分鐘考完都唔知
(如果女女入左黎讀, 你都要學識調節自己心態, 如果唔係, 突然好似咩都甩晒咁, 都幾驚嚇架
)
2) 聽朋友說學校最近換了校長, 教學有些催向傳統, 我不怕傳統模式, 但就真係怕左考試 (我產力比亞女大), 所以新校長冇有在考試改變方向?
校長講過, 小朋友係有咁既能力, 不過唔識EXAM TECHNIQUE, 臨場發揮會蝕底, 例如TIME KEEPING, 答題技巧等, 呢樣我讚同, 話傳統左咩..........嗯........我又唔會話1%都無, 不過比較起傳統學校都仲係好輕鬆, 至少我仔P2, 連TSA個樣都未見過, 更唔駛講操練或補課了
3) 我知道很多功課都是project, 但我相信一定有一些像傳統學校的功課, 如作業/工作紙之類。請問這類功課每天大既幾多樣?
唔會好多功課都係PROJECT....一D啦, 日常工作都係工作紙多, 亦有校本練習同坊間練習, 尋日我仔(P2)攪得最耐既一份功課係看圖作文, 4個PART, 每部分無話特別要求幾多字, 不過要寫好個故事, 每PART都要有20-30字掛.....另外就係常識, 港同學常識唔同外面, 係單元形式的, 的確比較多PROJECT, P2今年第一個PROJECT係幫助我們的人, 要安排INTERVIEW一個"服務大眾"既人, 有STANDRD QUESTIONNAIRE的, 然後老師帶領完成整份工作, 今期係人物榜樣, 都要睇幾多野都思考完寫幾多字, 係要父母幫手的, 讀港同同傳統學校唔同, 功課好多時無標準答案, 答多多又得, 答少少又得, 呢樣又係會令新手父母R頭的
(有無小3,4家長答呀??!!)
4) Project 的功課通常是小朋友獨自做, 還是要和其他小朋友分工一齊做? 家長又是否要參與?
低年班多數係自己做, 如上面講, 都好多生字架, 尢其上網搵既資料係俾大人睇的, 而小朋友自己想表達既事, 亦未必識自己寫, 所以家長都要幫佢架(唔係傳聞既成份幫佢做晒拎高分, 無意思的), 或者點整理資料, 點搵點PRINT, 家長總要落手做吧!
5) 一些成功轉校的小朋友家長可以分享一下申請的過程, 我要注意/準備甚麼?
我只聽過考中英數, 有FREE WRITING, 最樣係傳統學校學生覺得比較難入手的(摸不著頭腦唔知點開始)
作者: yuenwa 時間: 11-11-24 21:35
多謝Charlotte媽的分享，你搞到我真係想聽日就想轉
好！一於馬上行動
作者: Charlotte_mom 時間: 11-11-25 09:44
先祝你成功, 好似會o係4月左右有消息掛? 不過今年學校10週年, 時間表上樣樣都有d調整, 可以早d問定, 舊年聽過有家長話一早問, 學校叫留聯絡資料, 到時會提醒家長報名
作者: ebby 時間: 12-4-30 08:19
想幫小兒申請2012-13的3年級, 但入學試考成2小時, 會唔會考好多嘢呢? 我驚阿仔會好攰。
又要考普通話口試, 唔知考得深唔深同点考呢(小組/個別)? 因小兒現在不是普教中,( 雖然他中文成績很好) ,我驚佢見人講得咁好,自己唔敢講咁。
仲有冇其化事我應該注意?
多謝賜教!
作者: Charlotte_mom 時間: 12-5-1 17:35 標題: 回覆：申請插班
我相信吾會2小時不停寫喇，平時考試都未駛啦，小朋友頂吾順呀！至於普通話，我吾知佢點考，不過肯定聽說讀寫都有，升小3，小朋友應該有能力用拼音記低聽到嘅讀音，亦會見到拼音會識謮，如果拼音未掌握好，考試前要加油了
作者: Charlotte_mom 時間: 12-5-1 17:39 標題: 回覆：申請插班
中文科小二教材（有拼音版）
[attach]803[/attach]
作者: Charlotte_mom 時間: 12-5-1 17:39 標題: 回覆：申請插班
中文科小二教材（有拼音版）
[attach]805[/attach]
作者: Charlotte_mom 時間: 12-5-1 17:42 標題: 回覆：申請插班
小二課文無拼音版（我叫我仔讀，佢識）
[attach]807[/attach]
作者: Old_Cake 時間: 12-5-1 18:02
今年插班申請5月5日便截止。如仍未申請的話要趕快行動！
入學須知（請留意下方才是插班生資料）
作者: Charlotte_mom 時間: 12-5-1 18:15 標題: 回覆：申請插班
我以為15／5 tim!
作者: ebby 時間: 12-5-2 08:18
唔該哂Charlotte_mom & Old Cake
阿仔讀仲可以, 但叫佢寫番個併音出黎就C, 谷都谷唔切,(我個仔係唔谷得個種,所以我喜歡港同) 我唔想佢考入學試感到有壓力, 唯有提佢可能會考併音, 平時閱讀多D留意, 始終都不能同讀開普教中的學生比。唯有用暑假時間來追 (入唔入到都追)!
如果好彩考到, 仲有好多野要請教, thank you very much!
ebby
作者: Charlotte_mom 時間: 12-5-2 13:50
盡力而為吧, 記住提醒仔仔, 唔識唔緊要, 考得插班, 題目一般都會深d, 盡試啦, 唔識都要自信十足地去試, 起碼留個好印象呢
作者: ebby 時間: 12-5-3 08:14
我都會提醒佢, 十分感謝!
作者: YUENYUEN23 時間: 12-5-11 17:50
下,,,插班5/5截了....... 點算,,,我上網好似睇唔到學校的插班申請表&申請時間...
作者: Charlotte_mom 時間: 12-5-11 22:24 標題: 引用：下,,,插班5/5截了.......+點算,,,我上網好
原帖由 YUENYUEN23 於 12-05-11 發表
下,,,插班5/5截了....... 點算,,,我上網好似睇唔到學校的插班申請表&申請時間... ...
作者: PacoMum 時間: 12-5-16 23:27
小兒下星期五考插班試(小三)，不知有甚麽要準備呢？沒有範圍，很擔心呀！
作者: mercysheep 時間: 12-9-22 23:34
想問下考插班試的數學是用中文數還是用英文數? 還有中作和英作大約考幾多字? 想考插下年的P3, 因想早點做準備.....謝謝!!
作者: mercysheep 時間: 12-9-22 23:53
還有國語大約會考D咩, eg, 讀一篇文章, 比詞語你再寫返d拼音, 定還是要聽完再窯拼音? 還有沒有其他? 因為我仔而家間學校唔係教太多國語, 同埋完全無普教, 都係自己搵私人補習, 所以想知道點考再同呀仔跟進得好d. 希望出年可達標.......謝謝晒!
作者: mercysheep 時間: 12-9-25 22:36
請問可否幫幫我, 千萬個唔該!!! 
作者: evaken 時間: 12-9-26 10:49
本帖最後由 evaken 於 12-9-26 10:51 編輯
mercysheep 發表於 12-9-22 23:34
想問下考插班試的數學是用中文數還是用英文數? 還有中作和英作大約考幾多字? 想考插下年的P3, 因想早點做準 ...
數學
應該係用中文數, 因為學校係中文小學。數學都唔淺, d功課似奧數。
至於普通話方面小三真係唔清楚, 小一已經學哂拼音, 課文如有拼音, 小女而家二年級已經可以自己睇拼音讀課文出來。小一時平時評估都要朗讀文章, 考聆聽(老師讀之後學生選答案), 老師比張圖叫學生用PTH形容一下(即考口頭作文)。 如之前唔係普教中, 要下點功夫了~
英作而家小二剛開始只係最少作兩行, 鼓勵作一段, 唔洗理grammer, 隨心所寫。
學校重視多看書, 對中作&英作也有幫助!
作者: mercysheep 時間: 12-9-27 22:05
evaken,
謝謝你, 我都係最驚國語唔夠, 真係要加把勁!!!
| 歡迎光臨 教育王國 (/) |
Powered by Discuz! X1.5 |