教育王國

標題: 原來rdi真係咁少人識 [打印本頁]

作者: anan3388 時間: 11-11-22 15:48 標題: 原來rdi真係咁少人識

去左精神科見ot(報告仔進展only,唔係training), share 左俾姑娘聽因學了rdi，仔進步了，佢好有興趣，結果成程變左我報rdi料俾佢，好攪笑！佢話aba有聽父母做，但rdi就第一次勒！希望我報左料佢會認識下啦！不過我好老實同佢講，在香港治療師讀rdi未必搵到錢ga,haha. 希望香港多些有心人知多些不同既asd療法啦！

作者: kelvin_hmlau 時間: 11-11-22 16:12 標題: 回復 1# anan3388 的帖子

第一次見精神科仲爆笑, 個女醫生問我個仔有無做"統感"? 我問佢係唔係"感統"!? 佢話:係呀, 係呀.

BTW, 連最大個果間機構都不大推廣RDI, 有點可惜.

作者: anan3388 時間: 11-11-22 17:59

都有些家長course,可惜夜晚上唔到，標題無講rdi,內容就有寫

作者: kaka1128 時間: 11-11-22 22:01

請問點樣先可以學到rdi??? 係未評估完先可以上???

作者: anan3388 時間: 11-11-22 22:07

你去借or買本'解開人際關係之謎'看看先，或在youtube search 'rdi autism' 睇下片，若再有興趣，search下舊post 啦！

作者: Olympian 時間: 11-11-23 15:26

Hi anan338,

多謝你的介紹。

我已經睇完Floor time 個兩本書，家睇緊'解開人際關係之謎'。好有啟發性。尤其覺得RDI 個理念很好。若成功令A仔內化與人溝通的動機及能力，佢地將來的人生一定美滿好多。

我想我會去學。排左協康會，不過要等一年。可能搵下其他機構。不過真係好貴:;pppp:

作者: anan3388 時間: 11-11-23 21:16

最緊要岩大家又岩小朋友。剛在外國站中，看到有rdi-based的學校，那家長說，孩子找到朋友了，好羨慕呀！我都想有間咁既小學就好了！

作者: anan3388 時間: 11-11-23 21:17

大家若有興趣，我可找返些剛做rdi時的分享俾大家，不過希望唔好又俾人誤會賣廣告啦！

作者: overcomer 時間: 11-11-24 00:11 標題: 回復 8# anan3388 的帖子

我撐你呀! 好嘢緊係要分享。人地O既生意多到接唔晒, 駛乜要O係到賣廣告。 D人郁D就話人賣廣告, 唉!

作者: LPYdad1 時間: 11-11-24 10:56 標題: 回覆 2# anan3388 的文章

It actually comes to me a shock that even OT therapist from govt dont know the existence of RDI. I have heard it and read the book 2 yrs ago.

作者: Chaochao 時間: 11-11-24 11:11

提示: 作者被禁止或刪除內容自動屏蔽

作者: kelvin_hmlau 時間: 11-11-24 11:30

Anan, 多得你呢個超級 RDI fans, 久不久提起. 我之前都PM 左比幾十個網友邊度學, 希望幫到手啦!

多口問句, 上次 overnight camp 仔仔有無去?

作者: why-me 時間: 11-11-24 12:12

Olympian:
"Floor time 個兩本書"
可以告知我書名嗎?
我都想睇睇

作者: anan3388 時間: 11-11-24 13:31

梗有！
各位咁支持，等陣我在'箱底'找返篇文出黎先：)

作者: anan3388 時間: 11-11-24 14:06

找到了在8月寫的一篇分享中的一部份。有表達唔清楚唔明可問返我啦！

----

依家日常生活用 RDI 既 principle 更多, 例如:
以前成日命令佢:做呢樣，做那樣 (e.g. 掉垃圾）, 依家會用描述/comment, 及間接提醒, 例如:食完勒，個袋無用喎，係... (停一下等佢有無反應, 無就繼續講)垃圾，唔要勒, (停一停等佢睇佢有無反應), 可以掉去垃圾筒。經過一段時間, 由開始講到尾, 依家話食完勒, 咁佢就會自動掉去垃圾筒。個重點係:唔即時 order 佢做，而係俾少少空間佢思考一下應該有咩行動。

舉多一個例子：以前沖完涼，我就會叫佢”過黎吹頭啦”。依家，我會先拉佢隻手，摸下佢自己既頭，話”頭髮濕左”，然後停一停，”濕左可以用風筒吹乾佢喎”。咁做左一段時間，佢沖完涼就會話頭髮濕左，跟住自己行去等我吹風筒。有次佢仲自己話要吹風筒。

阿 sir 話呢種叫　”經驗分享”，即係要仔仔自己發現同諗一諗再去做，而唔係只係跟住做。初頭係好難，又花時間，所以要先調整自己既心態，唔好咁急為左做哂 d 野而做，寧願做少 d 做慢d,但佢將來自己會自動自覺，並且係明白背後原因，而去做。

依家我唔敢講我好得（咁實有趕時間／心情唔好／佢扭計既時候既，我地都係人黎者～），但 at least 都有部份時間可以做到，而當自己堅持去做，仔仔都見到有個成效。所以我都會繼續用多 d 腦汁黎同佢”經驗分享”勒!

另外，佢依家多左情緒多左自己意見，其實係多左衡突。前一排我就為此而煩惱，我話行東，佢話行西。EQ 高時就可以捱過，EQ 低時都出左兩下手，拍左佢幾下，大聲鬧佢都會啦! 但久而久之，覺得都唔係辦法，大家情緒都變得唔好，搞到我都無心機理佢，有段時間真係咩都唔想同佢做，由得佢砌積木．．．

後來我改變左個諗法：在 stop 佢之前，係咪應該教左佢點樣恰當咁表達自己先呢? 起碼，佢唔會只係講”無得行勒，下次行勒”，而係講”我想行 o個邊”。於是我試下叫自己停下來，先幫佢表達左先，例如佢扭計係咁拉我行另一邊時，我就停下，望住佢（要佢都望住我），然後同佢講，你想點可以講俾媽咪聽，又或者直接幫佢講：好想行o個邊，好想好想行o個邊。然後，我會叫佢睇下我想唔想行 (RDI 之前功課有依表情嬲／笑估我想要乜，佢於是知道要睇我表情）。咁開始我有時會笑多 d, 陪佢行。後來，就有時會嬲／唔開心，然後解釋佢聽：媽媽想行呢邊喎。有時佢會再堅持，咁我就再重覆幫佢表達：好想好想行o個邊。然後再重覆。到左一兩次後，佢都會跟我行。以前，佢就算跟我行，都係喊住口。依家就無咁扭。

若果佢仲喊，我就會話：好可惜呀，無得行o個邊，下次再行過啦。又或者教佢，呢種心情就叫”可惜”．

我覺得自從咁做之後，大家既 conflict 係少左。當然唔係次次我都咁好心機，所以都週不時會直接就話”唔得，要行呢邊”。但我發覺若可以 calm down 同到佢做以上既野，佢係多左表達自己。以前佢唔會指住一邊同我講話行邊，依家，佢會指住，就話”行o個邊”，偶然都會望一望我係咪俾佢行。其實佢一向係好被動，表面係好乖好聽話，實質係好少表達自己，分享自己。依家努力左一陣之後，又係有少少成果，自己都好開心好開心。

漫漫長路，有時見到其他小朋友，有些可能都係 a, 但就可以主動好多去表達自己，都好唔明點解仔仔唔能夠自動咁做到，連食野／飲水咁基本既需要，都係唔提就唔會自己提出呢? 始終我都唔可以成世跟住佢提佢 ga!!! 而以往既方法：迫佢，夾住佢做，話佢，都唔能夠在”自發性”呢個死穴上突破到。幸好，找到一個方向可以幫到佢，希望佢可以一步一步咁從新學習返以前無自然學懂既野啦!

其實，呢段時間同主流既治療思想都有一番鬥爭，大家可以想像到，叫佢要”講早晨”，的住佢塊面要佢望住，一定快過你同佢講”留意下，姨姨在前面喎，你可以同佢打招呼喎”。呢一段堅持 RDI 既時間，只係打招呼已經係好大挑戰。要堅持唔 order 佢，就要受得住面 mung, 淨係樓下阿姨叫一日唔叫一日，自己都要抵得住! 依家，仔仔終於在十次中，有4 次左右會主動望人，同人打招呼。相對以前可能 order 佢十次有九次做（我唔 order 佢就唔做）；我寧願佢可以自發性咁，諗過後，在恰當既情況下同人打招呼。我聽過一些年長既自閉症家長分享，佢仔仔係咪都走去同人 hello, 週圍同人 hello。其實，都係以前種落既果，個個都要話教佢同人 hello, 到佢做到，原來咁係好 odd 好怪，仲怪過佢唔出聲。所以我覺得，就算無人明我做緊乜，我都要堅持落去。既然我知道佢好有可能變左不識變通亂黎，就更加要及早要令佢明白打招呼背後既潛規則，令佢真係懂人際關係係咩。

當然，佢仲未真係做得到，我唔敢話呢個方法真係好 work,但 at least, 我見到唔 work 既方法，我可以抵擋唔去用呀!

一點分享，多口提一句：大家既小朋友狀況不同，只是個人心得分享，謝謝

作者: anan3388 時間: 11-11-24 14:14

回看這篇文，驚覺仔在主動自發上，又躍進了一大步。現在識拖我去ok 7-11 買野飲了，在佢無分手情況下，次次有望住座頭ee打招呼。近來日日做的就是要佢懂得準備落車，要自己去背書包。近兩日當我說：下個站落車了，佢就自己背好書包等落車。係花好長時間，但值得！繼續努力中！共勉之！

作者: Capricorn2521 時間: 11-11-24 15:54

從你的文章中，看得出你好有恆心同誠意去用RDI。我是從kelvin_hmlau網友文章中首次認識RDI，亦嘗試使用一段時間，主要係用非語言溝通，因為當時我小朋友開始發展語言，所以我希望先訓練好語言溝通，有了一定基礎後再著墨於非語言溝通，所以後來放棄了。但睇完你這篇文章後，我才發覺原來暗示性的說話也是RDI的方法之一，而平日學校老師也就是教我用暗示法去跟孩子溝通，所以原來我也一直使用RDI的原素跟我的孩子溝通。實在多謝你的分享。請不必擔心別人會誤會你是賣廣告，賣廣告通常都是一些新戶口，而且內容寫得很神化。

原帖由 anan3388 於 11-11-24 14:06 發表
找到了在8月寫的一篇分享中的一部份。有表達唔清楚唔明可問返我啦！

----

依家日常生活用 RDI 既 principle 更多, 例如:
以前成日命令佢:做呢樣，做那樣 (e.g. 掉垃圾）, 依家會用描述/comment, 及間接提醒, 例如:食完 ...

作者: autunmbb 時間: 11-11-24 23:53

原帖由 anan3388 於 11-11-24 14:14 發表
回看這篇文，驚覺仔在主動自發上，又躍進了一大步。現在識拖我去ok 7-11 買野飲了，在佢無分手情況下，次次有望住座頭ee打招呼。近來日日做的就是要佢懂得準備落車，要自己去背書包。近兩日當我說：下個站落車了，佢就自己背好書包 ...

我個仔成日都係想行邊就行邊，自己一支箭咁走左去，你有冇做過呢方面的RDI訓練？可唔可以指教下呢～～～

作者: ktv 時間: 11-11-25 00:18

RDI 的家長學堂有講如何教小朋友出街時行在你側邊: 帶小朋友去超市買雪糕(或其他他鍾意的食物), 在安全地方(如商場)時就放手, 叫他行在你側邊。示範給他看, 如他行太前或太後都不對, 要在側邊。如果他不在你側邊, 就打交义給他(真要帶紙筆, 畫交义給他看)。儲夠3個交义就立刻回家, 冇得買。試過這方法, 我仔真係以後出街都唔會一枝箭走咗去。行前咗會回頭望我, 主動停低等埋我。以前佢會衝走, 要我跑著追他。

作者: ktv 時間: 11-11-25 00:32

anan3388: 你話同仔講"媽媽想行呢邊喎。" 如果係我, 我唔只講我鍾意行這邊, 我會解釋埋原因, 例: 我要去那邊買東西, / 這一邊近些 / 那邊整路, 所以唔行那邊。(唔係講大話)。我仔好講道理, 我解釋咗, 佢覺得合理就會聽。你都試吓講埋原因, 否則佢都唔明點解媽咪鍾意行這邊, 冇咁願意聽。

RDI姑娘都有講, 我們係教他們生活的智慧, 而唔係行為而已。要解釋埋原因。例如在遊戲室, 只除鞋就行, 不用除襪, 為何呢, 為何不是兩樣都除, 或是除襪唔除鞋呢? 唔解釋給他們聽, 他們就只是照做, 不明所以, 又怎會主動做呢, 變成大人叫就做, 不叫就不做。

作者: ktv 時間: 11-11-25 01:28

RDI 的簡單分享　（時間有限，　現簡單講吓）:　

１。　如ａｎａｎ３３８８所講，　停一停，　小朋友不做才給間接提示。如玩音樂傳波遊戲時，　如小朋友沒意欲去接住波，　等一等先，　唔好立刻出聲，　再不接才說，　“波波來了”，　而非立即說　：”傳波呀！”　可惜，　幾乎所有學校都會立即叫他們傳，或說，　“到你呀”，　不給他們時間思考（我都知趕時間冇法，家長自己努力啦）　所以不少ｓｅｎ學生連音樂傳球都不識，　大人叫就傳，　不叫就不傳。

２。　如何ｔｒａｉｎ　他們經驗分享？　首先唔好一連串問題係咁問，　在生活中要戒掉問問題。更唔好明知故問，　否則他們只懂答問題，　你唔問他們就不說。　不問小朋友問題的話咁講乜嘢？　改為描述。如：　“我覺得這幅相裏的老伯很惡。“　跟著就不出聲，　等他回應。唔好跟著就立刻問他問題如”係唔係呀?  / 你覺得呢?”，　要等。　他不說就教他描述一下，　講講小朋友自己的感覺等，或換相。　係不容易，　但要試。　好多家長唔抵得小朋友唔出聲，　又問他問題，　還明知故問，　“佢係男仔定女仔呀？” “呢d係乜嘢來呀?”  明知小朋友識都問,  小朋友有回應就安心了。但咁佢就唔會自己主動講應受/經驗。例: 最近我同我老公講, “我唔鍾意食餃子。” 我小朋友聽到後就主動說,  “我都唔鍾意食餃子o架” 如果我平時成日用一堆問題轟炸佢, 我要問佢, 佢先識答我, 點會主動講。

3. 我們常同小朋友用好bossy的語氣說話, “ 你去洗手” “你坐好!” 直接接示,  又冇解釋原因, 冇思考空間。應教他生活智慧, 解釋原因,。佢唔知點解要做,  就不會主動做了。  如果家長說話常很大聲,  很誇張, 語調經常異於常人,  咁小朋友對一般人普通的語調有冇反應呢?  而那種bossy , 異放平常的溝通方式, 如果小朋友學了, 他用這種方式和其他人溝通, 變成怎樣的人?  “你去煮飯!” “呢d係乜嘢來?” 有怎樣的input, 就output怎樣的溝通方式。

4. 想佢望人,  不是用手擋住他的兩眼旁, 常人不會這檥做, 而係當佢不望你時, 你就立刻停止說話, 到佢望你才繼續講。佢一唔望就唔講。

以上係好難做但要試。

作者: Olympian 時間: 11-11-26 14:39 標題: 回覆 13# why-me 的文章

關於Floor time 的2本書:特殊兒教養寶典上、下冊

作者: Olympian 時間: 11-11-26 14:58

Anna 和 ktv 的sharing 好正呀，好實用。我要好好練習下。

作者: 淇淇0223 時間: 11-11-27 00:45

其實我不太清楚RDI是什麼...?但如果我小朋友快兩歲..自閉...沒有言語單字也沒有..RDI對他有幫助嗎???

作者: anan3388 時間: 11-11-27 08:12

要視乎孩子理解力。理解力強些家長做起來容易些。細仔我通常建議家長除左上3t之外，自學floor time 都很適合。你可找olympian說的書來看看！

作者: BB頭maimimi 時間: 11-12-1 10:39 標題: 回復 1# anan3388 的帖子

多謝anan3388 同ktv的分享,我都好有興趣瞭解多些rdi,希望你哋多些同我們分享。

作者: anan3388 時間: 11-12-2 20:37

謝謝鼓勵！希望之後可再分享多些啦！

另，呢篇文有講ABA 和RDI 的分別，個作者是支持RDI的
http://www.rdi4autism.com/4873.html

作者: Chaochao 時間: 11-12-5 17:12

提示: 作者被禁止或刪除內容自動屏蔽

作者: anan3388 時間: 12-6-4 08:42

因為又有家長問rdi, 想想都係唔好又開個post講, 就貼埋落呢度啦.

以下係一些rdi既活動, 我唔記得有無post過, 俾有興趣既家長參考一下。不過活動既設計係要針對孩子既能力, 所以寫出黎既未必一定岩你既小朋友做, 同埋, 我既經驗係, 過程中點教係要不斷練習, 家長先學到點教佢

一些上課介紹過既 RDI 家居訓練：
1. 要孩子發現對方無留心，然後用方法叫返對方留心。例如：一齊推波，大人推俾仔仔，仔仔又推返俾大人，大人開始時表現得好留心，好開心；然後逐漸扮無心機（但一邊無心機一邊要繼續推波），睇下仔仔會唔會發現同埋叫返大人返黎(用咩方法都得，可以出聲／手勢）。其實一開始應該係會自顧自繼續玩唔會注意到既。所以一開始可以先解釋清楚 (e.g. 一陣媽咪會同你一齊玩，若果媽咪玩玩下無留心，你可以叫返媽咪，媽咪就會留心返），同埋，最好有另一大人在旁幫手，當大人扮無心機無留心時，另一大人可以口頭提示小朋友(你睇下，媽咪無心機無留心喎，你可以叫返媽咪)，或觸體提示(e.g. 捉住小朋友手去叫返媽咪留心）

2. 一齊講述/描述事物。例如：一人拿一個桃，然後同小朋友講：我地今日一齊講下個桃，講完呢我地就一齊食左佢(or, 會俾什麼獎勵小朋友之類，提高佢既動機)。大人：我個桃大。小孩：我個桃好細。大人：我個桃粉紅色。小孩：我個桃青色。如此類推。
用意是：其實一般人溝通未必一定要用問／答形式，反而很多時會用平衡式咁講野。

3. 由觀看大人神色選出大人心目中想要既物件。例如：桌上放五件物件，然後告訴小孩: 媽咪心中想要一樣物件，但我唔講俾你聽，你要睇下媽咪表情，如果媽咪係咁樣(做出開心表情）即係想要，咁你就俾媽咪；若咁樣(做出厭惡表情）即係唔想要，咁你就放返低。
用意是：要孩子習慣觀察人既表情來判斷人地鍾唔鍾意

4. 眼神取物: 只用眼神示意, 為大人取物件。例如: 桌上放二件物件，眼神望向左邊，就取左邊物件；望向右，就取右。若小朋友能力弱的，可以放得離眼睛水平較近，而兩物距離較遠。若再不明可以由另一大人用手指指出視線。到能力提升，可以把物件放遠／增加物件。留意盡量不要用頭部動作，而是用眼神，做不到用動作，之後慢慢減少動作，只用眼神。

以上只係少部份者, 同埋唔同stage既練習係唔同既

作者: psv 時間: 12-6-5 01:03

請問點樣用RDI取代"唔好",如成日叫阿仔唔好多手攪、唔好跳、唔好.....叫到自己都覺得煩！
另外，我試用RDI方法去叫阿仔tidy up, 平時只會order式叫，要叫幾次至肯做，今日我唔用order式，改為同佢講"地下好亂呀",阿仔真係回應我"執番佢",於是我勁讚佢，點知佢跟著話"no tidy up, 我唔鍾意收玩具＂，結果都係答一套、做一套，請問如果係RDI，我下一步應該係點做呢？

作者: kicks_collector 時間: 12-6-5 08:07

請問可否pm關於RDI家長課程？我有興趣去學thx!

作者: anan3388 時間: 12-6-5 08:26

http://www.edu-kingdom.com/forum ... ead&tid=2319345

作者: anan3388 時間: 12-6-5 08:27

另外岩岩見到育智中心都有talk
http://www.yukchi.org.hk/download.html
下載七至九月的

作者: kicks_collector 時間: 12-6-6 22:31

回復 anan3388 的帖子

Thank you

作者: bbpigbb 時間: 12-6-8 09:22 標題: 回覆：anan3388 的帖子

Hi anan3388
請問RDI對情緒和行為有沒有幫助？
thanks!

作者: anan3388 時間: 12-6-8 18:40

如情緒行為係同溝通表達大關係，咁rdi會幫到。但，我不肯定你所講係邊方面，如係感統引起，就要感統先幫到。

作者: bbpigbb 時間: 12-6-9 09:57 標題: 回覆：anan3388 的帖子

Hi anan3388
我小孩是個心急人及很自我，每次想要架嘢就要得到手，若做不到佢個要求就扭計大發脾氣，對這種情況RDI會否有大幫助。
同時我應該怎樣處理呢！
Thanks!

作者: anan3388 時間: 12-6-10 08:40

有呢方面訓練, 係幫佢明白自己的東西和別人的東西是不同的。但不要諗住rdi係萬靈丹, 同埋, 係要長時間去做既.

作者: joanthony 時間: 12-8-17 10:28

提示: 作者被禁止或刪除內容自動屏蔽

作者: djlove 時間: 12-12-2 00:02

去那裏rdi 學.?大約要幾錢

作者: anan3388 時間: 12-12-3 09:15

http://www.edu-kingdom.com/forum ... ead&tid=2319345

歡迎光臨教育王國 (/)