教育王國

標題: 有無小一的小朋友試過冒充miss 簽名同講大話？ [打印本頁]

作者: kinkiqh413 時間: 11-11-22 12:36 標題: 有無小一的小朋友試過冒充miss 簽名同講大話？

早幾日我係手冊度寫左滴野問miss，當晚返到屋企睇本手冊有miss簽名，但就無回答我的問題，我再睇真滴，原黎個簽名係仔仔自己簽的，跟住我問佢點解要咁做，佢話唔記得卑手冊miss睇，所以自己簽名。(但我覺得他係專登唔卑手冊miss睇，因爲平時我習慣講:你有咩做得唔岩，媽咪都會寫落手冊同miss講的，所以你要乖滴)，我諗佢以爲我寫落手冊係投訴佢，所以唔卑miss睇。跟住當晚我再寫多次手冊卑miss,叫佢一定要卑miss睇，結果miss話我知他無拎本手冊卑佢睇，後黎仲得知原黎阿仔平時係學校做錯野都係怕被罰，經常做滴小動作去掩飾自己的錯。仲講左個事例卑我聽，話有一次派中文簿作業，miss派左隔離位小朋友的去左佢度，佢明知唔係佢的，佢都唔卑返人，收埋落自己書包度，個小朋友發現問佢要返，他唔理人，跟住小朋友同miss講，miss問佢先肯卑返人。大家有無遇到咁的問題，另外阿仔仲會經常講大話，唔知點算，好煩惱

作者: TwoBabies 時間: 11-11-22 13:10

可能你曾經同佢講,若果唔乖就會寫佢手冊,所以今次就以為你告發佢,所以要冒簽名,但要事後要讚賞佢誠實.至於佢有講大話的習慣,可能佢怕被罰,所以要用大話去掩飾佢的錯處.

由於唔太清楚你們平時相處的方法,但若佢再有犯錯的話,一定唔可以用教訓佢的形式同佢傾,因為佢哋可能唔受話,鼓勵佢講事實的全部,並講:"媽咪係會欣賞你的誠實,但若做錯事的話,就當然要改!"當小朋友知道媽咪唔會罰佢,佢可能會漸漸地改了這個壞習慣!

作者: idy926 時間: 11-11-22 13:50

小女小一時都係有咁嘅問題，會講大話去掩飾，有次佢返屋企發現吾知點解有人地嘅簿，可能佢驚吾知係咪自己攞錯，又係索性吾比返人，叫佢比返又話比左，結果隔一排我又發現佢收埋左，仲要如是者重覆三次，當中駡又駡過，企又罰過，嬲到差d破戎打咁滯，我問佢點解佢就一味話因為驚驚，驚老師駡，驚媽咪駡（當時我當然好惡啦

）...

我吾知你仔仔性格係點，但我女係學校係真係比較驚青，老師就話佢太注重自己係學校所建立嘅好形象...跟住我發覺駡同罰都無用，同女女講要佢做一個勇敢同負責任嘅人，而我會幫佢寫字條請老師幫忙，轉堂帶佢比番本書同學&道歉，我想佢自己勇敢面對自己嘅錯，而且要佢知媽咪一定會家校合作，佢係無得閃的

。結果解決左後佢出奇地好開心；

對於講大話，我而家會盡量心平氣和解釋，盡量吾好駡，仲要讚佢誠實，咁會好d，如果我話：「吾駡你，講啦！」佢一定講實話，可見小朋友好多時真係因為怕駡而講大話㗎！我記得自己細個都係咁啦！家長唯有繼續耐心教啦！

[ 本帖最後由 idy926 於 11-11-22 13:54 編輯 ]

作者: TSEHANG 時間: 11-11-22 13:56

亞仔有個同學(小二)測驗卷得95分,走去改番正確答案,同MISS講你改錯卷!

作者: idy926 時間: 11-11-22 14:16

老師點處理？罰？

原帖由 TSEHANG 於 11-11-22 13:56 發表
亞仔有個同學(小二)測驗卷得95分,走去改番正確答案,同MISS講你改錯卷!

作者: idy926 時間: 11-11-22 14:33 標題: 回復 1# kinkiqh413 的帖子

幼稚園時，我同女講如果佢有野曵，我會寫手冊話比老師知------>
亞女：吾好呀，我吾曵啦！

小一再用相同方法----->
亞女：咁我咪吾比手冊老師睇囉~.~
我：咁我咪直接打比老師囉 =.=
亞女：吾好呀，我吾曵啦！-.-"

作者: 長生不老 時間: 11-11-22 15:10

提示: 作者被禁止或刪除內容自動屏蔽

作者: kinkiqh413 時間: 11-11-22 15:32

唔該曬大家呀，今日已經同學校社工傾過，都係勸我地唔可以用打同鬧的方式，仲話小朋友講大話的動機都係因爲驚，所以要令到小朋友覺得唔驚,他就唔會再講大話。我個仔都係好驚青果類，成日都驚呢樣驚果樣，社工話咁細個小朋友聽唔明講道理，所以只能用鼓勵同讚揚，希望可以改變啦。

作者: idy926 時間: 11-11-22 16:03

一齊努力啦！

原帖由 kinkiqh413 於 11-11-22 15:32 發表
唔該曬大家呀，今日已經同學校社工傾過，都係勸我地唔可以用打同鬧的方式，仲話小朋友講大話的動機都係因爲驚，所以要令到小朋友覺得唔驚,他就唔會再講大話。我個仔都係好驚青果類，成日都驚呢樣驚果樣，社工話咁細個小朋友聽唔 ...

作者: 小雄維尼 時間: 11-11-27 01:09

小一冒家長簽名算5算?

歡迎光臨教育王國 (/)