教育王國

標題: 有兩個小朋友嘅, 係唔係多數選津校, 而放棄其他? [打印本頁]

作者: Amumof2 時間: 11-11-22 11:28 標題: 有兩個小朋友嘅, 係唔係多數選津校, 而放棄其他?

自行20分收咗哥哥, 馬鞍山主風, 勝在地區名校, 出名傳統, 多數上沙田Band 1中學. 妹妹跟住上.

哥哥語文能力好好, 私校offer有崇真, 禮賢, St Joseph (會放棄這三個offers). Second interview 入咗TSL (now waiting), Kowloon Tong School. 但最希望入一條龍如英華, Munsang. 男拔已經冇chance.

哥哥性格溫文, 妹妹好動, 完全相反, 放係同一間津校是否對小朋友最好?

如果哥哥唔讀津校, 妹妹考小一時只得15分, 一定凍過水,但其實妹妹好動的性格又未必適合讀傳統學校...

好煩惱, 哥哥點行會影響妹妹, 但是否一定要考慮妹妹? 可能到時她自己也考上私校／直資?

有冇媽媽同我情況類似? 妳點安排?

作者: 花仔媽咪 時間: 11-11-22 12:06

梗係先註冊主風啦,(最重要是主風都好勁) 之後先等英華, 但如有個妹又真係好煩,我都係,大仔是在直資男校,亞妹今年考學校,我壓力好大,因首輪無希望.祈望大抽獎,幸好有私校在手,不過條數好大,亞仔要交學費,如果亞女又要交學費,再加補習同學樂器,好多錢

作者: 我是一個爸 時間: 11-11-22 12:11

其實妳鍾意民生嘅話，點解幼稚園唔讀民生呢，民生又係男女校。民生到六月時唔會有太多位，因先收自己的民幼。
英華真係比較難，但妳囝囝入到最後350，都係要出result先決定到。
本人覺得除英華外，沒有一間值得放棄自行收左嘅學校，因可方便照顧和返學嘅時間小些。
再者好動唔代表不適合傳統，小朋友在班上的表現和在家的表現可能差很遠的，知道在班上要怎樣，因有朋輩壓力，佢地唔會想比人笑便好點，再加上可能因好動在體育上有優勢，加入校隊加強自信心。

作者: Amumof2 時間: 11-11-22 12:24

花仔媽咪 -
其實, 兩個讀直資/私校條數真好"金".

我是一個爸 -
你提出一個好好的point - "再者好動唔代表不適合傳統，小朋友在班上的表現和在家的表現可能差很遠的，知道在班上要怎樣，因有朋輩壓力，佢地唔會想比人笑便好點，再加上可能因好動在體育上有優勢，加入校隊加強自信心。"

多謝分享!

作者: nnmama 時間: 11-11-22 12:29

原帖由 我是一個爸 於 11-11-22 12:11 發表
其實妳鍾意民生嘅話，點解幼稚園唔讀民生呢，民生又係男女校。民生到六月時唔會有太多位，因先收自己的民幼。
英華真係比較難，但妳囝囝入到最後350，都係要出result先決定到。
本人覺得除英華外，沒有一間值得放棄自行收左嘅學 ...

想問下點解你由呢個睇法？我也正在面對抉擇的難題，得15分居然可以獲派九龍塘官小，雖然難以與LS及其他一線學校相比，但放棄了覺得特別可惜。

而私校已經獲得高主教的取錄。煩惱中........

作者: 我是一個爸 時間: 11-11-22 12:38

原帖由 nnmama 於 11-11-22 12:29 發表

想問下點解你由呢個睇法？我也正在面對抉擇的難題，得15分居然可以獲派九龍塘官小，雖然難以與LS及其他一線學校相比，但放棄了覺得特別可惜。

而私校已經獲得高主教的取錄。煩惱中........ ...

英華強在一條龍，學費喺直資中算平，再加上我非常欣賞林校長的教學熱誠，我相信如有聽過林校長的簡介會的家長，十個有九個都想自己的孩子有幸入讀。
P.S.我兒不是英華仔，當年唯一考唔到的小學，所以不用強求。

作者: 我是一個爸 時間: 11-11-22 12:41

港島那邊的學校不太熟悉，不便評論，但九龍塘官小是一間幾好的小學。

作者: nnmama 時間: 11-11-22 12:56 標題: 回覆 7# 我是一個爸的文章

Sent to you a pm. Could you please check. Thanks!

作者: Bonnie 時間: 11-11-22 12:56

原帖由 Amumof2 於 11-11-22 11:28 發表
自行20分收咗哥哥, 馬鞍山主風, 勝在地區名校, 出名傳統, 多數上沙田Band 1中學. 妹妹跟住上.

哥哥語文能力好好, 私校offer有崇真, 禮賢, St Joseph (會放棄這三個offers). Second interview 入咗TSL (now waiting ...

又再講一次....民生唔係一條龍架...

作者: Amumof2 時間: 11-11-22 13:04

Bonnie - 民生唔係一條龍?

係唔係要考試? 民幼上有冇多D分?

民小上中學要考試?

多謝指點.

作者: Bonnie 時間: 11-11-22 13:13

原帖由 Amumof2 於 11-11-22 13:04 發表
Bonnie - 民生唔係一條龍?

係唔係要考試? 民幼上有冇多D分?

民小上中學要考試?

多謝指點.

民幼上民小 ..係學校按平日表現..
派位前已通知你民小收唔收...
等你預先知道..搵定後路
(民小係私校 , 要交學費, 每3千多)

民中只係民小嘅直屬中學..
中學係津校.. (唔駛交學費)
按政府規定..收回 85% 民小生
但 85% 又唔係代化表全中學位嘅85% 喎
佢都會收外來生(自行/叩門)..
同樣..民小學生校內/呈分成績..都係重要因素..

作者: 我是一個爸 時間: 11-11-22 13:20

原帖由 nnmama 於 11-11-22 12:56 發表
Sent to you a pm. Could you please check. Thanks!

唔知點解ipad覆唔到pm，係到講啦。
其實好簡單，我自己選校係睇地區和環境，之後再睇師資。校內有好多附近幼稚園畢業生，如St.cat ，KV等等，所以學習風氣很好。九龍塘官小係派九龍城區的中學，比較佔優，放學時見啲學生都係有禮貌的，如果當年唔係有私小backup，我都唔會大膽抽喇沙，宜去九龍塘官小。（最後緊係抽唔到啦）

[ 本帖最後由我是一個爸於 11-11-22 13:33 編輯 ]

作者: chanwendy 時間: 11-11-22 13:47

我都有兩個小朋友, 我自行 20 分入咗, 但唔會去註冊, 因為有另一間直資收咗. 將來細佬會試其他龍校, 家姐考唔到, 希望細佬考得到, 到家姐升中時可以有機會考得返. 如果真係唔成功, 咪讀返家姐的直資囉, 如果都考唔到, 或者到時覺得唔適合細佬, 都仲可以繼續以 20分入返自己母校.

作者: nnmama 時間: 11-11-22 13:56

原帖由 我是一個爸 於 11-11-22 13:20 發表

唔知點解ipad覆唔到pm，係到講啦。
其實好簡單，我自己選校係睇地區和環境，之後再睇師資。校內有好多附近幼稚園畢業生，如St.cat ，KV等等，所以學習風氣很好。九龍塘官小係派九龍城區的中學，比較佔優，放學時見啲學生都係有禮貌 ...

唔好意思呀樓主，借個位嚟講少少離題的内容。

唔該曬我是一個爸。我依然在掙扎中，反正最後的註冊日期在24日，還有1日多D去考慮........

作者: TwoBabies 時間: 11-11-22 14:00

其實樓主你都好清楚自己兩個小朋友的性格適合那類型的小學,不如唔好諗咁多,試吓用小學的適合性來比較,會否容易一點解決到你的問題呢?

作者: ChristieMing 時間: 11-11-22 14:07

其實錢係一個主因, 如果哥哥讀直資/私小, 妹妹再考到好o既津校機會又會低好多, 到時妹妹讀直資/私小, 條數真係會好熔, 除非你地負擔得到, 否則我覺得呢個反而係主要考慮因素。

既然哥哥入到一間地區好津校, 我就唔會放棄, 考小學係一件好痛苦o既事, 哥哥生性乖巧, 咁當然會得到好多學校垂青, 但你話妹妹係活潑好動的, 我會較擔心妹妹考小學時, 情況未必會好似哥哥咁, 有咁多學校收, 到時你就會好頭痛了!!!!

純屬個人見解~

作者: lasymom 時間: 11-11-22 14:56

我主要都係以阿女性格為先而考宜資, 都無特別諗跟住的細佬同阿妹會點, 不過, 到時睇下佢地性格先決定再為佢地選校. 最緊要佢地可以愉快學習.

作者: Karlie 時間: 11-11-22 15:58

提示: 作者被禁止或刪除內容自動屏蔽

作者: Amumof2 時間: 11-11-22 17:39

Karlie - 伴隨一仔一女的不完美就係呢個麻煩.

Bonnie - 多謝你對民生嘅解答.

各位, 如果我加埋話, 其實將來係想俾兩個小朋友去外國讀大學, 咁我應該將錢"留前鬥後"? 依家讀津校?

作者: 花仔媽咪 時間: 11-11-22 18:22 標題: 回復 4# ChristieMing 的帖子

如果哥哥啱讀主風，就一定唔使諗其他，因為妹妹將來唔使煩，一定有主風offer.然後又可以去考其他學校，進可攻退可守！再加上今年已勁爭咁大，你想想出生率越來越高，勁爭會越來越大，如你大仔不要津位，到時細女首輪一定冇望，如果又考唔到私校／直資，仲派埋間你唔like的小學，你話點算！

作者: TheWiseMom 時間: 11-11-22 18:34

My situation is similar to you. I have a son & a daughter. My son got offers from schools like St. Jo. and is on waiting lists such as TSL. If I were offered a good co-ed. gov't school, I'd opt for that, so that I wouldn't have to worry about my younger daughter again in a few years. However, I didn't apply for a discretionary place of a good co-ed. gov't school in my neighborhood because it doesn't have a through-train secondary school. To me, whether a school is through-train is more important than whether is a co-ed. and/or gov't school. It's because I can handle P1 admission twice, but not secondary admission twice. It drives me crazy by imagining that after handling my son's secondary admission, I would have to handle my daughter's sec. school admission.

For the money issue, of course, it would be better to save money for the more useful credentials like a good university cert.

作者: myac 時間: 11-11-22 19:14

原帖由 nnmama 於 11-11-22 12:29 發表

想問下點解你由呢個睇法？我也正在面對抉擇的難題，得15分居然可以獲派九龍塘官小，雖然難以與LS及其他一線學校相比，但放棄了覺得特別可惜。

而私校已經獲得高主教的取錄。煩惱中........ ...

可等到明年6月才决定嗎?

作者: olimo 時間: 11-11-22 21:00

我都有一仔一女，有一間c小 offer，剛剛 20分入左九龍塘一間 2線小學。
決定會讀津校，我覺得2個小朋友讀同一間學校，感情會好d

我們無法預知小朋友6年後讀成點，萬一成績唔夠好，無法直上中學呢？2個小朋友給你的壓力，你頂得順嗎？不同學校的行政，活動，你招架得著嗎？

除非好勁的直資，我覺得津校是辦得比較好的，尤其是中學。 top的中學是否大部份都是津校呢？

其實叻的話，讀任何一間都咁叻

作者: nnmama 時間: 11-11-22 21:32

原帖由 myac 於 11-11-22 19:14 發表

可等到明年6月才决定嗎?

我也希望可以，但九官最遲24號要註冊，高主教的註冊日則是26號。2者只能選其一。

作者: Amumof2 時間: 11-11-22 21:56 標題: 回復 2# olimo 的帖子

佢哋兩個依家一個K3一個N班, 同一間幼稚園, 見佢哋又真係好開心一齊返學, 妹妹第一日返嘅時候, 全部老師都認到佢叫XXX嘅妺妹.

Top中學又真係多數係津校, 不過6年後唔知啦.

依家選擇唔煩妹妹K1, 但6年後和9年後便煩兩次升中...

作者: palmchristy 時間: 11-11-22 22:34

大女當年入私小, 但學校講明未必收弟妹. 而家細女又要考私小. 呢條係不歸路.

作者: Amumof2 時間: 11-11-22 22:43 標題: 回覆 1# palmchristy 的文章

俾你揀多一次, 是否一樣選擇?

作者: palmchristy 時間: 11-11-22 22:55 標題: 回復 27# Amumof2 的帖子

要睇策略同運氣. 當年因為考四間私校都收, 所以大抽獎時跨區選心儀校, 當然失敗. 便疊埋心女讀私校. 讀得都算幾好.

問題係唔知今年競爭咁大. 細女報三間, In 左兩間, 未有offer前都心慌慌.

如果當年考到好的津校, 當然唔會行呢條路.

作者: 786 時間: 11-11-22 23:03 標題: 回復 1# palmchristy 的帖子

你當年同今年選的跨區心儀校, 是否九龍塘那所紅磚仔?

我有一仔一女, 大女幸運地是津小女校, 細仔沒有那麼好運, 只能抽到二線學校. 但我們都讓他唸津校, 因為這幾年家中的經濟差了. 人生真不知何時經濟好或差. 不敢承擔那麼長短的教育經費.

作者: palmchristy 時間: 11-11-22 23:09 標題: 回覆 29# 786 的文章

當年抽協恩失敗. 今年細女選本區一間基督教小學, 15分入唔到. 後來先知四百幾人報.

不過協恩下年轉直資, 會同中學脫鈎. 未決定今年會唔會幫細女試.

作者: hoihoima 時間: 11-11-22 23:15 標題: 回覆 1# palmchristy 的文章

I have two kids and have decided to let them go to DSS / private school from the beginning. Did not enrol for government school at all.

作者: marcuscyrus 時間: 11-11-22 23:20

我兩個都是仔，如有得選我都想選津校，但得15分，自行冇行之余，本區的學校又不太好，所以只好考直資/私小，但選擇的只限學費不超個人負擔能力的學校

作者: 786 時間: 11-11-22 23:32

請CHECK PM.

原帖由 palmchristy 於 11-11-22 23:09 發表
當年抽協恩失敗. 今年細女選本區一間基督教小學, 15分入唔到. 後來先知四百幾人報.

不過協恩下年轉直資, 會同中學脫鈎. 未決定今年會唔會幫細女試. ...

作者: palmchristy 時間: 11-11-22 23:50 標題: 回覆 33# 786 的文章

786,

作者: palmchristy 時間: 11-11-22 23:52

原帖由 hoihoima 於 11-11-22 23:15 發表
I have two kids and have decided to let them go to DSS / private school from the beginning. Did not enrol for government school at all.

咁而家讀得好嗎? 學校有乜特色?

作者: chengvenus 時間: 11-11-22 23:59

我都認同"Olimo"的看法

我有2個女，大女已有私小backup，20分入了心儀小學，而且準備明天去註冊。
雖然細女也是較適合活動教學，但考慮到明年競爭更大，而且細女是年尾出世，本身資質也較家姐弱，怕連私小也不收。再者，如同一間學校，已知課程、功課量...到細女入學時更易掌握

作者: 青青河邊草 時間: 11-11-23 00:07

原帖由 marcuscyrus 於 11-11-22 23:20 發表
我兩個都是仔，如有得選我都想選津校，但得15分，自行冇行之余，本區的學校又不太好，所以只好考直資/私小，但選擇的只限學費不超個人負擔能力的學校 ...

me too!

依家大仔入了一間直資,
細仔第二時要再考過...
但無法, 我還是傾向直資,
覺得啱我仔多D
無理由為左細佬而唔俾佢讀.
當然, 自己計過係兩個仔都讀呢間, 自己都負擔得起才去考.

作者: 青青河邊草 時間: 11-11-23 00:14

原帖由 Amumof2 於 11-11-22 11:28 發表
自行20分收咗哥哥, 馬鞍山主風, 勝在地區名校, 出名傳統, 多數上沙田Band 1中學. 妹妹跟住上.

哥哥語文能力好好, 私校offer有崇真, 禮賢, St Joseph (會放棄這三個offers). Second interview 入咗TSL (now waiting ...

阿樓主, 我其實幾替你D小朋友覺得累....係咁IN, 係咁IN....

作者: 786 時間: 11-11-23 00:17

你唸那一所? 可否PM. 因我也是.

原帖由 olimo 於 11-11-22 21:00 發表
我都有一仔一女，有一間c小 offer，剛剛 20分入左九龍塘一間 2線小學。
決定會讀津校，我覺得2個小朋友讀同一間學校，感情會好d

我們無法預知小朋友6年後讀成點，萬一成績唔夠好，無法直上中學呢？2個小朋友給你的壓力，你頂得順嗎 ...

作者: 786 時間: 11-11-23 00:25 標題: 回復 39# Amumof2 的帖子

我是主風校友. 主風當然好. 沙田聖公會頂尖中學有曾肇添同林裘謀, 主風考生有優先的. 曾肇添是全港TOP 10, 排位大約在瑪利諾後面, 雖然唔係全香港都識.

作者: chickenwing2006 時間: 11-11-23 03:56

100% 同意, 今年大囡玩完呢個 interview game 真係怕怕, 由 8 月到而家 11 月幾個月

答案係心儀既入唔到

其實有 2 個小朋友既, 如果津校既唔太差為保細佬有
著落, 我都係揀津校穩陣 d !!

因為 3 年後細既去 in c 小/直資一定比而家更激烈 ..... 當留定張入場卷, 佢到時靠自己考到好既, 再唔要津校一件事
lor

原帖由 花仔媽咪 於 11-11-22 18:22 發表
如果哥哥啱讀主風，就一定唔使諗其他，因為妹妹將來唔使煩，一定有主風offer.然後又可以去考其他學校，進可攻退可守！再加上今年已勁爭咁大，你想想出生率越來越高，勁爭會越來越大，如你大仔不要津位，到時細女首輪一定冇望，如果又考唔 ...

作者: lasymom 時間: 11-11-23 11:52 標題: 回復 37# 青青河邊草的帖子

我同你一樣, 同阿女選了間直資, 因為唔想六年後要擔心, 我覺得中學比小學更重要, 如果到時派得唔好就好煩, 到時中學要考的和要求的會更多, 起碼而家已知道將會升讀的中學係點, 就唔會咁擔心, 跟住阿女的仲有細佬同細妹, 雖然吃力, 但我都會比佢地同家姐一樣.

作者: Amumof2 時間: 11-11-23 14:30

原帖由 786 於 11-11-23 00:25 發表
我是主風校友. 主風當然好. 沙田聖公會頂尖中學有曾肇添同林裘謀, 主風考生有優先的. 曾肇添是全港TOP 10, 排位大約在瑪利諾後面, 雖然唔係全香港都識. ...

我只知道主風容易d上曾肇添同林裘謀, 但唔知"曾肇添是全港TOP 10, 排位大約在瑪利諾後面" !!!

作者: Amumof2 時間: 11-11-23 14:32

原帖由 青青河邊草 於 11-11-23 00:14 發表

阿樓主, 我其實幾替你D小朋友覺得累....係咁IN, 係咁IN....

其實我小朋友唔累, 只係我累!

佢嘅面試經我精心佈署下冇撞一日!!

作者: lasymom 時間: 11-11-23 16:26

原帖由 Amumof2 於 11-11-23 06:32 發表

其實我小朋友唔累, 只係我累!

佢嘅面試經我精心佈署下冇撞一日!!

作者: chenyoyo 時間: 11-11-23 16:49

我相信考小一的競爭一年比一年大, 除了直資私校爭餐死, 連好的官津都爭崩頭, 冇20分, 甚至25分都入唔到! 所以係自行階段咁lucky抽到津校, 死都拿住唔放了, 我真係好怕兩年後再玩呢個遊戲! 而家有入場劵在手, 到時真係可以放心去博啲一條龍嘅直資私校!

不過, 我好同意上面有些家長講, 兩個讀埋同一間對父母同對子女都有好處, 尤其是現今的學校期望家長高度參與, 如果兩個唔同學校, 點分身呢?

其實冇一間學校可以保証啲乜, 反而我覺得家長投放幾多時間比小朋友來得更重要!
Good luck to you all!

作者: Amumof2 時間: 11-11-23 17:50

原帖由 chenyoyo 於 11-11-23 16:49 發表
我相信考小一的競爭一年比一年大, 除了直資私校爭餐死, 連好的官津都爭崩頭, 冇20分, 甚至25分都入唔到! 所以係自行階段咁lucky抽到津校, 死都拿住唔放了, 我真係好怕兩年後再玩呢個遊戲! 而家有入場劵在手, 到時真 ...

LIKE!

作者: TOKIN 時間: 11-11-25 14:18

原帖由 chenyoyo 於 11-11-23 16:49 發表

"其實冇一間學校可以保証啲乜, 反而我覺得家長投放幾多時間比小朋友來得更重要! "

AGREE !

歡迎光臨教育王國 (/)