教育王國

標題: 好多升小都有結果.. [打印本頁]

作者: kmmum 時間: 11-11-21 11:42 標題: 好多升小都有結果..

身邊有朋友中左, 有d唔中. 真係萬般感慨. 雖然阿囡現在是k1. 但我無宗教無舊校. 真係好蝕底. 考私小競選大到不能想像.
朋友星期六帶小朋友in kts . 佢仔仔已經有兩間offer ,音樂表演+award. 但去到in 家長,朋友已經汗顏(爸爸媽媽一齊in) . 前兩年都唔係. 點解搞成咁?!.... 唉,無辦法越來越多家長好努力好勤力培育小朋友. 個個都叻仔叻囡 ~~

作者: bee918 時間: 11-11-21 12:49

唉, 吾想小朋友學咁多野, 夾硬谷佢去比賽D咩野攞D獎, 幼稚園應該hea下架. 但吾通吾係咁做, 隻bee就會變做籮底orange?

作者: kmmum 時間: 11-11-21 22:30 標題: 回復 2# bee918 的帖子

其實好多事兩睇,朋友原本只安排仔仔上ENOPI 英文 + SWIM +香兒唱歌 , 後來試下彈琴. 仔仔又愛上.
於是星期六四種活動. 而星期日FAMILY DAY.
幾個朋友報告左最近IN P 的情況.一年比一年難, 三級琴已經不再重視.証書還要看看是什麼比賽. 反之, 最重要的是小朋友及家長面試.

作者: siujanjan 時間: 11-11-22 09:31

我唔會特別去學d嘢for將來面試, 睇番佢興趣啦, 會比佢試, 不過冇得迫
我諗總會有書讀嘅, 以前我都唔會讀band 1學校, 咪又係人一個, 學校校風唔太差就ok喇

作者: kmmum 時間: 11-11-22 10:06

前年,我都淡淡定.但舊年,見有朋友大抽獎.抽到尾十幾. 朋友好徬徨,係幼稚園喊左出來.然後,校長寫信. 她和仔仔落雨的日子撲來撲去.終於第N日.成功叩回第一志願. 看見她在FB 描述這幾天的情景.自己都很擔心. 還有一兩個朋友抽了不知名的小學. 無好好準備 .叩門不成功. 今年1stround, 已有朋友落空,不是抽名校, 只是荃灣普通小學. 現在她很無奈地等明年6月. 所以我頗為擔心.

作者: siujanjan 時間: 11-11-22 10:19

自行收生階段唔得係正常, 聽聞好少位, 我都係諗住等統一派位, 點都會有一間收嘅
抽獎呢d嘢冇得控制, 唔諗咁多住啦

[ 本帖最後由 siujanjan 於 11-11-22 10:20 編輯 ]

歡迎光臨教育王國 (/)