教育王國

標題: 請問一條龍的直資小學是否可以不參與TSA及呈分試？ [打印本頁]

作者: chinglongmama 時間: 11-11-21 11:26 標題: 請問一條龍的直資小學是否可以不參與TSA及呈分試？

請問一條龍的直資小學是否可以不參與TSA及呈分試？謝謝。

作者: 人地既阿媽 時間: 11-11-21 11:37

我所知係無須要參加呈分試，但TSA就唔肯定。

作者: Charlotte_mom 時間: 11-11-21 12:01

家長要攪清楚:
TSA=全港系統性評估, 基本上係EDB俾分(((學校)))既一個試, 睇下間學校既學生中英數去到咩水平, 同學生本身升中無關, 學校想操都只係為左自己學校榮耀姐 (所以學校谷唔谷TSA, 同有無一條龍中學無關)
呈分試=小5同小6考既試(共3次), 用校內成績呈俾EDB決定個別學生BANDING, 真係同個人升中有關
PRE S1=升中分班試, 小六畢業生升中前考既, 又係要將成績交俾EDB, 今次成績會直接影響將來同校學弟學妹既BANDING

FYI我女讀既就係一條龍直資, 以上3樣試都會考, 不過唔會操
有D直資唔會呈分, 咁學生就變相失左政府中一派位既機會(第一輪只可以俾校內成績人地睇, 而第2輪大抽獎無BANDING, 所以無得玩, 選校前應了解清楚)

作者: chinglongmama 時間: 11-11-21 12:26 標題: 回復 1# Charlotte_mom 的帖子

謝謝妳的解釋。
我希望找一些不要操練公開試的一條龍學校。這樣學校可以花更多時間在其他方面。

作者: Charlotte_mom 時間: 11-11-21 13:06

其他一條龍直資會唔會操, 我又真係答你唔到, 或者你可以向學校家長了解一下做TSA練習/補課情況就會布個預算

作者: chinglongmama 時間: 11-11-21 15:02 標題: 回覆 1# Charlotte_mom 的文章

是否可以這樣説：
TSA:所有官津及直資都要考。一條龍直資因有中學backup,可選擇谷與不谷。EDB會否公報TSA結果？
呈分試：乃校內試。如一條龍直資選擇不參與升中派位，可不呈報EDB。
中一分班試：是否所有直資包括一條龍都須要考？
多謝賜教，因為這些對選擇小學是很重要的考慮。

作者: Charlotte_mom 時間: 11-11-21 15:24

TSA:所有官津及直資都要考。一條龍直資因有中學backup,可選擇谷與不谷。EDB會否公報TSA結果？
我真係唔知EDB對直資係咪一定規定要考, 不過考又好唔考又好, 谷唔谷係學校自己決定(FYI我個女第一次見到TSA份模擬卷係P3聖誕), EDB會向學校公佈詳細結果, 不過學校好似又只可以講"大路"結果, 唔可以透露得太詳細

呈分試：乃校內試。如一條龍直資選擇不參與升中派位，可不呈報EDB。
可以咁講, 如果學校唔呈分, 學生無得自己呈的 (呢樣比較緊要, 如果家長將來未必直升一條龍中學, 就要唸下點取捨)

中一分班試：是否所有直資包括一條龍都須要考？
同上, 我唔清楚係咪硬性規定, 但我女果間要考

作者: Carelesswhisper 時間: 11-11-21 15:27

GH都要做TSA Exercise books, 有時D worksheets 都出到好似TSA甘形式(答案都係無寧兩可), 我都吾知算吾算谷TSA....

有D懷念以前既學能測驗(D答案係就係, 吾係就吾係)...

作者: chinglongmama 時間: 11-11-21 15:49 標題: 回復 2# Charlotte_mom 的帖子

謝謝妳的答覆。
請問有冇其他高人可以指點迷津。先謝過。

作者: palmchristy 時間: 11-12-7 18:03

Charlotte_mom已經答得好詳盡.

個人覺得小三的TSA是中性的. 只是學校對TSA的取態才值得關注.

如果是傳統學校, 學生照理唔需要怕TSA, 因為都係平日學開的東西.

對於標榜活動教學的學校, 如果校方平衡到活動教學同學生中英數的水平, 咁學生應付TSA應該沒有問題.

但如果校方未有為學生在小一小二打好底, 二年愉快學習後, 為要應付小三TSA, 個別學校在一年內要學生做三年的事情, 希望追回頭兩年的進度, 學生和家長便會有被谷的感覺.

女兒就讀傳統學校, 小三時無谷TSA, 最多間中會有TSA形式的功課. 至於個別學校是否谷TSA, 真係要間間問人先得.

作者: talknwrite 時間: 11-12-7 23:31

所有政府資助的中小學都一定要參加, 除咗有特權的ESF, 成績是不能公開, 只有講比學校校長知, 不能對其他人透露. 不過應該可以同老師講的, 可以要嚟炒人.

歡迎光臨教育王國 (/)