教育王國

標題: 愈來愈討厭面試 [打印本頁]

作者: Xylitol12 時間: 11-11-17 18:35 標題: 愈來愈討厭面試

今日下午同阿仔去維記（HMT)見，阿仔一見到條電梯已經開始扭計。於是帶佢去樓下超市買益多多氹佢，上到去，又扭住要抱，唔肯落地，我真係滴唒汗，直頭想擰轉頭走人。好唔容易入到房，佢先肯坐定玩玩具。
每次面試對我都係一個挑戰，俾定糖先？之後先俾？就算之前講好去同老師玩，小朋友玩，佢之前話好，去到又另一回事。
呢個係第四場，來緊仲有三場！

最衰就係自己同c6都覺阿仔有天份，學野好快，不過自己唔識教，但係唔想浪費左佢。而家食完點心，佢會自動自覺將隻碗俾工人姐姐，係屋企地下執到垃圾，就算係好細既一粒，佢都會自動執起去廚房垃圾桶掉。
佢係細仔0910，不過我真係擔心最後一個offer都無，因為表現唔穩定，而我報果的全部係最多人爭果的，阿仔既優點我諗佢地睇唔到囉。

作者: siden 時間: 11-11-17 18:40

Many children are like this.

That's why you must apply less popular kinder as backup.

How brilliant is your kid at home does not count.

Unless your son is already studying in PN.

作者: Xylitol12 時間: 11-11-17 18:49

He did.... But just 2weeks as it only allow him to start school after 24 months old....
講開又講，佢讀緊果間，已經講只有一半多的可以直上k1,不過今日因為早退，俾我見到一樣野，令我覺得就算佢收，我都要考慮.
話說係校務處，我竟然聽到對面班房有老師好惡好大聲咁鬧一個小朋友，「你做緊咩呀，油啦，你係咪人來嫁？」我唔知係邊班，可能係k2,k3,不過老師好似有躁狂症咁，好得人驚⋯

作者: 史科菲 時間: 11-11-17 19:17

AGREE, 細細個人仔就要搞咁多野
我個小朋友IN完5間之後病咗
唔會再咁緊張

作者: winghinlau 時間: 11-11-17 19:17 標題: 回覆 1# Xylitol12 的文章

路人甲
多口問請問讀邊間？

作者: Xylitol12 時間: 11-11-17 20:09

我怕俾版主話違規啊！！:;pppp:

作者: lukimama 時間: 11-11-17 21:14

間學校咁都得?

作者: Xylitol12 時間: 11-11-17 21:39

間學校有的名氣

作者: ronniedad 時間: 11-11-17 21:46

咁即係..................

作者: whychan777 時間: 11-11-17 21:52

PM話我知...........可以嗎?

好擔心係自己架學校........

THANKS

作者: kartimmi 時間: 11-11-17 22:00

樓主,我都同小朋友搵緊PN,可否pm話我知? 好驚係我會in的學校呀

作者: Xylitol12 時間: 11-11-17 22:01

唔係村校，有好幾間分校⋯不過幼稚園老師係咪應該有耐性的呢？我以為我去左果的出名惡既補習社。叫小朋友油顏色啫，駛唔駛咁惡？！

作者: Xylitol12 時間: 11-11-17 22:08

你地講到咁驚，我咪應該即刻轉校？不過我諗每一間學校，老師質素一定有好有壞⋯或者係撞正老師一個月唔舒服果幾日？！所以咁燥？不過校長當時都係我附近，應該都聽到，可能呢個老師一向都係燥底！唯一我聽唔到有小朋友喊，所以我估小朋友都俾人鬧慣哂。

作者: bopui0607 時間: 11-11-17 22:13

乜唔係多數直升k1咩？邊間啊？比d提示，唔出全名咪得羅。

原帖由 Xylitol12 於 11-11-17 22:08 發表
你地講到咁驚，我咪應該即刻轉校？不過我諗每一間學校，老師質素一定有好有壞⋯或者係撞正老師一個月唔舒服果幾日？！所以咁燥？不過校長當時都係我附近，應該都聽到，可能呢個老師一向都係燥底！唯一我聽唔到有小朋友喊，所以我估小朋友 ...

作者: Xylitol12 時間: 11-11-17 22:23

X南。whampoa

作者: cclemon2009 時間: 11-11-17 23:06

上次同囝囝去睇醫生，坐隔離c奶同我講佢個孫在x南(whampoa）讀pn ，佢話老師吾比小朋友小便，要忍住，直至排洗時間先可去，現在轉校k1,我以為c奶老作tim. 似乎真架

作者: bopui0607 時間: 11-11-18 08:44

估唔到！可能係個別老師既問題！

原帖由 Xylitol12 於 11-11-17 22:23 發表
X南。whampoa

作者: LUCUSMaMa 時間: 11-11-18 09:35

提示: 作者被禁止或刪除內容自動屏蔽

作者: shanshan16 時間: 11-11-18 10:13

呢間幼稚園我帶阿女面試時，佢地已經講明唔係全部都可以直上K1架啦！所以佢之後收左阿女am班我都無比佢讀，因為我唔想第二年又要搵學校.........

我諗應該個別老師係咁啫，其他老師應該都唔會係咁樣卦？

作者: tsangnamnam 時間: 11-11-18 10:31

無論係邊間, 無論個老師有咩個人情緒問題, 都唔可以咁罵小朋友喎.
人要互相尊重, 不論對大人或小朋友, 我地都唔會咁罵老師, 老師都唔應該咁罵小朋友!!!
如果係個別老師問題, 要同學校傾下喎~

作者: Xylitol12 時間: 11-11-18 10:43

但係當時我望入去,老師係背住我坐...我望個門口水牌,又睇唔明係咩班...(只得英文,無顯示123)...我剩係知唔係阿仔果班.....如果同校長反映...會唔會好多事?

作者: fc1111 時間: 11-11-18 11:00

有些話確實無論如何也不應該出自老師之口！！。。。好彩，當時那裡PN收我個女，已經給了2000塊，最後都沒去讀。。。錢銀事小，BB事大。

作者: lukimama 時間: 11-11-18 14:03

唉呀, 我都差D會報呢間, 真係要諗清楚, 好多謝有關既資料提供. 唔知窩打路道個間又點呢, 我有報呀.

作者: kufubaby 時間: 11-11-18 16:08

唔好話做老師, 成年人用"你係唔係人來"話人都唔應該啦, 何況對象只係一個細路.
小朋友唔識, 又用返相同的說話去跟大人講野, 社會問題由此而來, 其實是一個循環!

作者: BBSG 時間: 11-11-18 17:19

同意！為何要小朋友贏在起跑線上？為什麼一定要贏？人生難道就是一場比賽嗎？難道就只有贏的人才受到尊重嗎？人生難道不能活得更精彩更豐盛嗎？無言！

作者: Xylitol12 時間: 11-11-18 17:29

好嬲呀!!!!

剛剛接到pn阿仔班主任電話,4:50,問我點解無人接佢放學? (阿仔4:15放學)..我話阿仔搭校車嫁...老師即刻慌失失話係喎...咁我轉頭再打俾你....

我即刻打俾校車司機,發覺佢4:49分打過俾我,我miss左....打通左,佢話俾我知佢接漏左阿仔!!!而家會番轉頭接....:

跟手老師又打番來話自己一時唔醒起我個仔係搭校車.....(阿仔11月1日開學,16號開始坐校車)...佢仲話可能因為16同17號放學都因為阿仔早退無坐校車...所以司機攪亂左..我話我今朝同司機講兩次電話,都有提佢,點可能會發生咁既事..老師話哦...夫顯地話會反映下...只係話阿仔剛剛上左車..

其實開學到而家,除左頭三日可以有家長陪同,阿仔番呢兩個星期,我地從未收到老師電話,話我知阿仔番學情形...只係接放學時,老師會順口講兩句...我見到bk的家長話有的kg日日打電話報到小朋友情況....

可能真係要轉學..不過挿pn班,機會好渺茫...

點算呀...已經無哂信心啦!

作者: cclemon2009 時間: 11-11-18 17:47

要轉校啦，差到無人有，你住邊度，等大家幫你唸唸

作者: jojodic 時間: 11-11-18 18:05

我頭先排隊接放學聽到類似故事，說話的是麻麻，內容大致係佢個孫唔知係插班定咩，未適應，老師剛同佢去完小便一轉頭坐低又話要再去，於是老師覺得佢只係緊張，唔係真正有需要，叫佢排洗時先去，唔知係唔係同一故事呢？

原帖由 cclemon2009 於 11-11-17 23:06 發表
上次同囝囝去睇醫生，坐隔離c奶同我講佢個孫在x南(whampoa）讀pn ，佢話老師吾比小朋友小便，要忍住，直至排洗時間先可去，現在轉校k1,我以為c奶老作tim. 似乎真架 ...

作者: Xylitol12 時間: 11-11-18 18:20

你地都覺得好差，即係唔係我自己太緊張啦。
我住係土瓜灣區，所以黃埔同九龍塘都近既。我而家真後悔上年只係同阿仔見一間pn，一收左就疊埋心水，又唔識上BK攞料，以為果間都唔錯。今年先識幫阿仔報多幾間九龍塘kg,但面試佢又唔穩定，唔收就大獲。
阿仔，阿媽對你唔住。

作者: cclemon2009 時間: 11-11-18 18:26

你會吾會試吓問其他kg有冇位呢?九龍東可能有

作者: lukimama 時間: 11-11-18 21:34

太差了, 一定唔讀! 你有冇報啟思小學附屬幼稚園?

作者: alibabah 時間: 11-11-18 22:01

我情願那老師是跟油漆工人說話
“油啦, 你人來左油油架麻”(會唔會o岩個場景呢?)

其實樓主間幼稚園更激發妳離開, 走去 interview 既決心, 住土瓜灣希望妳去到民生啦!近呀!

作者: himuimui 時間: 11-11-18 22:31

提示: 作者被禁止或刪除內容自動屏蔽

作者: himuimui 時間: 11-11-18 22:32

提示: 作者被禁止或刪除內容自動屏蔽

作者: gigi_wong20 時間: 11-11-23 10:52

我個仔都係返緊x 南(黃埔), 我個仔日日都話返學唔開心, 唔想返學, 返到學校門口又想喊.

作者: gigi_wong20 時間: 11-11-23 11:07

入學前聽校長講解每日返學情形,
本人本來覺得校長都好nice,
當我每日送仔返學, 就發現呢個校長需要自我檢討, 我見到當小朋友入學校的時侯, 有部份小朋友都會喊, 我就會見到校長同家長講, 是否需要老師抱小朋友入校內, 當時我好清楚見到校長的眼神&面容, 顯得很不耐煩&不滿意眼神.

並且有部份家長想同門口的主任, 副校長講述小朋友今日少少不人舒服, 希望麻煩轉達給班主任留意, 我們幾個家長都覺得校長顯得不耐煩的樣子.

你們接送小朋友返學的時候, 可以留意一下.

[ 本帖最後由 gigi_wong20 於 11-11-23 11:46 編輯 ]

作者: gigi_wong20 時間: 11-11-23 11:27

x 南 (黃埔) 仲有一個問題是本人有參與頭3日的學前適應班, 小朋友會一起排隊去洗手, 小朋友要經過一條樓梯才可以到洗手地方, 在樓梯位置會有一至二名姨姨協助小朋友落樓梯, 本人同幾位家長都留意到一名很高&短髮的姨姨很差的行為, 就是當小朋友落最後一級樓梯的時侯, 小朋友都未企定在地上, 個位姨姨已經扯住幾個小朋友行, 令到幾位小朋友跌倒在地上, 此行為令到小朋友好容易整傷腳.

作者: gigi_wong20 時間: 11-11-23 11:28

我現在都周圍搵緊有那一間幼稚園有插班生.
煩惱中.

作者: Xylitol12 時間: 11-11-23 12:12

你留意得好細緻啊....我個仔有時話鍾意,有時話唔鍾意番學,不過每次著校服都會掹...

不過直到而家,佢班主任依然無搵過我講小朋友番學情況...

作者: sumaggie101 時間: 11-11-23 12:26 標題: 回復 5# gigi_wong20 的帖子

提示: 作者被禁止或刪除內容自動屏蔽

作者: sumaggie101 時間: 11-11-23 12:32 標題: 回覆 15# Xylitol12 的文章

提示: 作者被禁止或刪除內容自動屏蔽

作者: gigi_wong20 時間: 11-11-23 16:08

sumaggie101,
你仔仔個班主任都好負責任, 我個仔班主任都係我留言給學校先打來.

我最近幾日見到校長同家長講野時, 個樣都好不耐煩, 你送仔仔返學時留意下. 就明我所講.

作者: gigi_wong20 時間: 11-11-23 16:23

唔好意思各位家長, 我仲留意到一件事.

我仔仔都係讀 PN 班, 其實真係好細,
我每日送佢返學, 仔仔揹住個書包排隊入學校, 經過副校長 OR 李主任噴消毒洗手液後,
仔仔就自己直入學校, 佢自己都唔知行去邊,
都無老師拖入去, 多數行到校務處個附近, 先有老師拖佢回班房.

我見到呢個情形, 我都好唔開心,
仔仔只係返左學好短時間, 而且只係得2歲左右, 真係好細, 個書包都好重, 跟本又唔識路, 點可以自己周圍行, 無老師拖.

作者: gigi_wong20 時間: 11-11-23 16:30

學校可以改變返學程序, 小朋友排隊入學校後, 集齊5-6個小朋友先由一位老師OR姨姨帶小朋友入不同課室, 學校大堂絕對有空間可以給小朋友等侯一齊入課室. 本人真係好希望此校的校長 & 老師睇到本人的意見, 因而改善.

作者: sumaggie101 時間: 11-11-23 16:31 標題: 回復 1# gigi_wong20 的帖子

提示: 作者被禁止或刪除內容自動屏蔽

作者: Himmi 時間: 11-11-23 17:29 標題: 回復 21# Xylitol12 的帖子

請問呢你見個門口寫住咩英文字﹖ 我仔讀呢間K1﹐我驚系拒個班

作者: ytwmama 時間: 11-11-23 17:54

睇到大家d post, 即係由校長至老師到校工都無咩爱心,冇耐性.真係要"速逃"wor

作者: ie_swy 時間: 11-11-23 18:01 標題: 回覆 32# alibabah 的文章

搞笑D想，當時老師會唔會係話緊小朋友畫的畫唔似人，而唔係話緊個小朋友呢？

作者: sumaggie101 時間: 11-11-23 18:44

提示: 作者被禁止或刪除內容自動屏蔽

作者: chubbychu 時間: 11-11-25 02:25

我係路人甲...

兩歲人仔咁細, 點解D老師/校工唔可以細心D, 有愛心去照顧吓小朋友架? 要佢哋自己行入學校, 佢哋咁細個會好迷茫架.
睇完你寫的嘢, 我個心好酸呢! 都一樣唔開心.

原帖由 gigi_wong20 於 11-11-23 16:23 發表
唔好意思各位家長, 我仲留意到一件事.

我仔仔都係讀 PN 班, 其實真係好細,
我每日送佢返學, 仔仔揹住個書包排隊入學校, 經過副校長 OR 李主任噴消毒洗手液後,
仔仔就自己直入學校, 佢自己都唔知行去邊,
都無老師 ...

作者: LUCUSMaMa 時間: 11-11-25 10:00

提示: 作者被禁止或刪除內容自動屏蔽

作者: sumaggie101 時間: 11-11-25 10:20 標題: 回復 1# LUCUSMaMa 的帖子

提示: 作者被禁止或刪除內容自動屏蔽

作者: Xylitol12 時間: 11-11-25 10:40 標題: 回復 41# sumaggie101 的帖子

係啊,係下午班生果組...你點知嫁.....

作者: Xylitol12 時間: 11-11-25 10:43 標題: 回復 46# Himmi 的帖子

唔好意思,我真係唔記得咩英文字,不過個課室係正校務處對面.....

作者: Xylitol12 時間: 11-11-25 10:46

我企係校務處既時候聽到.....課室門口同校務處係超級近.....聽老師語氣就真係想像唔到係講緊小朋友畫的畫唔似人......因為係超級惡...

作者: Xylitol12 時間: 11-11-25 10:52 標題: 回復 40# sumaggie101 的帖子

點解我依然無接到老師電話....??同一間學校咁唔同既?
今日下午家長會,我都無打算反映的咩....只係會問下佢平時上課情形,我完全唔知我個仔點行入班,因為佢係搭校車既......講真...反映有用嗎...?

作者: sumaggie101 時間: 11-11-25 11:11

提示: 作者被禁止或刪除內容自動屏蔽

作者: sumaggie101 時間: 11-11-25 11:12

提示: 作者被禁止或刪除內容自動屏蔽

作者: Xylitol12 時間: 11-11-25 11:17 標題: 回覆 57# sumaggie101 的文章

just pm you....

作者: Xylitol12 時間: 11-11-25 11:23 標題: 回復 58# sumaggie101 的帖子

但問題係我從開學到而家都無接到老師一個電話講阿仔番學情形..除左果次放學學校漏左送阿仔搭校車,同另一次約家長會時間.....

作者: sumaggie101 時間: 11-11-25 11:45 標題: 回復 1# Xylitol12 的帖子

提示: 作者被禁止或刪除內容自動屏蔽

作者: gigi_wong20 時間: 11-11-25 14:14

各位媽媽,
再經過我呢幾日送仔返學觀察, 我都仍然發現所有小朋友入到學校內, 自己行到校務處再入少少, 才有老師or 姨姨拖住個小朋友.

我仲有見到幾個小朋友自己都唔知自己行去邊, 係大堂內行來行去, 見到佢地甘樣, 都唔知好嬲定好笑, 真可憐.

作者: chubbychu 時間: 11-11-25 16:44

Poor kids!!! 你哋要係家長會同學校反映吓先得呀。

原帖由 gigi_wong20 於 11-11-25 14:14 發表
各位媽媽,
再經過我呢幾日送仔返學觀察, 我都仍然發現所有小朋友入到學校內, 自己行到校務處再入少少, 才有老師or 姨姨拖住個小朋友.

我仲有見到幾個小朋友自己都唔知自己行去邊, 係大堂內行來行去, 見到佢地甘樣, ...

作者: Xylitol12 時間: 11-11-28 17:41

上星期五家長日,我終於留意到鬧人個班房門口好似係...LKA
老師話阿仔比較文靜,唔喊,算適應得快...我估呢個係佢唔打俾我既原因?!因為無特別野.
不過我都暗示前幾日,阿仔番屋企無著under,會唔會係賴濕左....因為一樣無人打俾我..老師話係呀,所以下次可以拎多條褲係書包....我估佢都係feel唔到我既暗示...:(

作者: xanax1mg 時間: 11-11-30 15:36

我囡由PN讀到而家UK, 唔覺有大問題.
PN係適應期, 當年我都有擔心去洗手間條樓梯同囡囡自己返課室呢個問題, 但小朋友係須要學習既, 小女好快已經適應左學校既生活.
至於老師鬧小朋友呢件事, 我真係有興趣知係邊位.......

作者: bopui0607 時間: 11-11-30 17:13

o下, 唔問都唔叫你帶多條褲 ?

原帖由 Xylitol12 於 11-11-28 17:41 發表
上星期五家長日,我終於留意到鬧人個班房門口好似係...LKA
老師話阿仔比較文靜,唔喊,算適應得快...我估呢個係佢唔打俾我既原因?!因為無特別野.
不過我都暗示前幾日,阿仔番屋企無著under,會唔會係賴濕左....因為一樣無 ...

作者: shea9999 時間: 11-11-30 17:27

唔知閙人個班係上午定下午班?我都覺個校長個樣係幾兇, 不過d老師都好好, 我個女係pn班, 由8月到宜家, 個班主任都打左好多次電話俾我, 而個女都好鍾意返學, 阿仔就係k2班, 個老師仲好呀, 阿仔同其他同學都好鍾意佢.

作者: sumaggie101 時間: 11-11-30 17:39

提示: 作者被禁止或刪除內容自動屏蔽

作者: shea9999 時間: 11-11-30 18:51

我個女都係am呀

原帖由 sumaggie101 於 11-11-30 17:39 發表
my son is also am pn class. how abt ur girl? am or pm?

作者: sumaggie101 時間: 11-11-30 19:10 標題: 回復 1# shea9999 的帖子

提示: 作者被禁止或刪除內容自動屏蔽

作者: noeltsui 時間: 11-11-30 22:35

甘金馬倫迦南會唔會都係甘架

作者: griffinma 時間: 11-12-1 00:40

我報3間考左2間已經唔想考,好煩...

作者: Xylitol12 時間: 11-12-1 08:20

鬧人既老師係下午，亦同樣係上午，因照我所知，佢大部分老師上下午都係

作者: LUCUSMaMa 時間: 11-12-1 09:24

提示: 作者被禁止或刪除內容自動屏蔽

作者: LUCUSMaMa 時間: 11-12-1 09:34

提示: 作者被禁止或刪除內容自動屏蔽

作者: bbJP 時間: 11-12-1 09:35

原帖由 LUCUSMaMa 於 11-12-1 09:24 發表

唔見左邊個負責呀

係lor!!

仲有,咁鬧法,d小朋友真係影响自信&學習興趣ga,不過佢地未必好易表達到出黎.
到小朋友大個d,就睇到分別,愉快的幼兒園經驗那些,傾向樂觀自信.

作者: sumaggie101 時間: 11-12-1 09:55 標題: 回復 2# LUCUSMaMa 的帖子

提示: 作者被禁止或刪除內容自動屏蔽

作者: shea9999 時間: 11-12-1 11:28 標題: 回復 8# sumaggie101 的帖子

what color is your group?

作者: sumaggie101 時間: 11-12-1 11:59 標題: 回覆 1# shea9999 的文章

提示: 作者被禁止或刪除內容自動屏蔽

作者: shea9999 時間: 11-12-7 00:18 標題: 回復 1# sumaggie101 的帖子

不同呀。

歡迎光臨教育王國 (/)