教育王國

標題: 有沒有人已收到被取錄的電話??? [打印本頁]

作者: 冬菇仔 時間: 11-11-17 16:24 標題: 有沒有人已收到被取錄的電話???

好緊張呀!!!仲未收到電話！面見家長時，老師話如被取錄，最快會16號電話通知家長的。已經2日啦，仲未有電話。

有沒有人已收到被取錄的電話???

作者: baby-tung 時間: 11-11-17 18:05

吾係哦,係話 11月18日網上公佈哦,你有沒記錯?

作者: 冬菇仔 時間: 11-11-17 19:34

沒有記錯呀! 面試時老師話最快會16號先電話通知，最遲18號網上公佈。等了兩天都有收到電話.....

作者: 蝦膏媽 時間: 11-11-17 22:01

......我都無收過電話, 睇完學校張紙, 我諗住明天4:45就定晒格睇住學校個網架喎,,,,,,原來有打電話呢會事咩,,,,, 死死死, 完全無收過電話,,,, 好驚好驚, 我今晚實瞓唔著, 重要磨到明天5:00先有結果......

作者: helenli 時間: 11-11-18 01:10

已POST左上網嘞, 我仔收左了, YEAH.

原帖由 蝦膏媽 於 11-11-17 22:01 發表
......我都無收過電話, 睇完學校張紙, 我諗住明天4:45就定晒格睇住學校個網架喎,,,,,,原來有打電話呢會事咩,,,,, 死死死, 完全無收過電話,,,, 好驚好驚, 我今晚實瞓唔著, 重要磨到明天5:00先有結果...... ...

作者: chickenwing2006 時間: 11-11-18 02:01

恭喜恭喜

原帖由 helenli 於 11-11-18 01:10 發表
已POST左上網嘞, 我仔收左了, YEAH.

作者: giveupaguy 時間: 11-11-18 07:43 標題: 回復 1# chickenwing2006 的帖子

太太太開心，終於得咗！好想藉此機會多謝各位前輩家長的無私分享，亦感激一起努力及交流的每一位，我終於明白成功了會開心到喴的原因。已經唔知講什麼，要冷靜下，多謝多謝各位。

作者: 蝦膏媽 時間: 11-11-18 08:15

蝦膏仔入唔到呀, 請問各位家長重有冇其他方法呀, 佢連waiting list 都入唔到呢....

作者: 冬菇仔 時間: 11-11-18 09:32

我們都入唔到呀!

我都好想知件有冇其他辦法!!!

作者: bluefriend 時間: 11-11-18 09:35

好傷心呀!

作者: KimB 時間: 11-11-18 10:11

蝦膏媽, 冬菇仔, bluefriend,

唔好咁down啦, 仲有機會嫁! 我相信會有些人唔去註冊, 仲有位的, 可以等明年既第二次收生。阿仔有個同學就係1st time考唔到, 2nd time再試, 就得左!!

千萬不要放棄, 或者政府派到好學校, 又或有第二間dds or 私校收呢! 加油!!

作者: helenli 時間: 11-11-18 10:49

是的, 我覺得LMC真係好好, 25號先註冊, 21號自行放榜後應該會有人唔去LMC註冊的, dont' give up.

作者: 小妤兒 時間: 11-11-18 11:08

我個女收左!

不過煩梗校車....因為家住馬鞍山..要6:30am上車!
而且我個屋苑冇站....點算好呢!

作者: Nicole- 時間: 11-11-18 11:55

取錄左阿仔呀

真係好多謝各位前輩家長既提點同分享, 多謝。

小妤兒, 我都係住馬鞍山, 我係大水坑村上車 6:40am.

作者: bluefriend 時間: 11-11-18 12:55

其實你地係點train 阿仔/阿女d英文呢?

作者: baby-tung 時間: 11-11-18 13:01

我個囡都收左呀,yeah 好開心呀

係度多謝 KIMB (MAIL 俾左舊年份問卷俾我參考),同埋各位前輩家長既分享.

作者: giveupaguy 時間: 11-11-18 14:02 標題: 回復 3# Nicole- 的帖子

恭喜晒呀!
我搵到校車資料. 原來都要6:30 上車, 可能有些難度

[ 本帖最後由 giveupaguy 於 11-11-18 14:07 編輯 ]

作者: 蝦膏媽 時間: 11-11-18 14:06

KimB,

已重組能量, 多謝你們一直幫忙, 唯有繼續努力, 爭取明年學校第二輪收生,,,,

Tks all, & 祝福各位考到的小朋友&家長^.^

原帖由 KimB 於 11-11-18 10:11 發表
蝦膏媽, 冬菇仔, bluefriend,

唔好咁down啦, 仲有機會嫁! 我相信會有些人唔去註冊, 仲有位的, 可以等明年既第二次收生。阿仔有個同學就係1st time考唔到, 2nd time再試, 就得左!!

千萬不要放棄, 或者政府派到好學 ...

作者: giveupaguy 時間: 11-11-18 14:09 標題: 回復 1# 蝦膏媽的帖子

加油呀! 在次輪再嘗試呢! 唔好咁快灰心呀!!

作者: Nicole- 時間: 11-11-18 16:49 標題: 回復 17# giveupaguy 的帖子

恭喜!恭喜!

你邊到上車呀? 我 6:40上車, 覺得都有小小早, 唔知可唔可以自組車呢?

[ 本帖最後由 Nicole- 於 11-11-18 17:05 編輯 ]

作者: Nicole- 時間: 11-11-18 17:09 標題: 回復 18# 蝦膏媽的帖子

加油!!加油!!

作者: yeewaibb 時間: 11-11-18 17:37

請問那裏找到校車資料?

作者: bchi 時間: 11-11-18 19:48

蝦膏媽, 冬菇仔及其他暫未錄取的家長,

唔洗氣餒架. 其實出年六月仲有一次 2nd round, 到時你地仲可以去試, 若學校見到你地咁有心, 印象分都高好多啦right ?!

加上其實一定有家長hold 住d 位, 到時先放出黎, 你地都仲有機會, 不過替你地心急, 有如熱鍋上螞蟻...哎...... 真係... :;pppp:

另外, 有冇家長都有in tsl 呢 ? 傳聞, 若tsl 取錄左小朋友, lmc 就唔會入選架. 希望在tomolo ))))) 大家要努力 ))))))
yeah

作者: 冬菇仔 時間: 11-11-18 21:42

多謝大家的鼓勵！我們會收拾心情六月份再爭取的。同時，想請教下入咗的家長，你們係點樣訓練小朋友的英文呢? 第二輪的面試，是否同第一輪一樣?

作者: giveupaguy 時間: 11-11-18 21:48 標題: 回復 5# Nicole- 的帖子

:) 我在烏溪沙村(上車為綿龍苑)呀! 如果可以自組校車就好啦!

我有留意去年的家長前輩曾經試過組車, 都想問問意見, 要組車, 要有一定人數. 今年唔知多唔多小朋友係沙田/馬安山/大圍呢個範圍?

作者: giveupaguy 時間: 11-11-18 21:49 標題: 回復 8# 蝦膏媽的帖子

今天真係唔好意思. 因返左新工. 比之前忙好好好多, 日日ot 到7-8點先收工......所以都唔可以及時回你. 你唔好灰心. 為下年第2輪作準備. 加油加油呀!!!!

作者: JackyBaBa 時間: 11-11-18 21:58

原帖由 蝦膏媽 於 11-11-18 08:15 發表
蝦膏仔入唔到呀, 請問各位家長重有冇其他方法呀, 佢連waiting list 都入唔到呢....

真係恭喜哂Helen 同鴨仔順利過關，歡迎你地加入我地大家庭，蝦膏媽bluefriend冬菇etc，其實唔好灰心住，之前都講過仲有2nd phase同叩門時候都可能仲有機會有少量位放出埋，未到最後都唔知結果係點,祝各位有心既家長順利入哂泥。
同埋馬鞍山既唔駛太擔心冇上落點，因校車每年開學時都會統計一下有幾多家長搭車，然後會度條最快行車線，不過因為好多因素佢會車好遠路程，所以6:30咁早上車都係冇辨法，但我都見到有GH 同APS 既都早過我小朋友上車，所以我諗都係差唔多。

[ 本帖最後由 JackyBaBa 於 11-11-19 00:27 編輯 ]

作者: 蝦膏媽 時間: 11-11-18 22:53

嘩,,,,,到了呢個時候,,,, hahaha, 能量恢復很多了, 很喜歡Bchi的"希望在明天", 我會keep 住鬥志, 希望最終成功~~

鴨仔,
我之前都估你係忙於新工, 明的, 不用 Say Sorry Ar....謝謝你一路支持就真...(講多樣野你知, 我隻蝦利女in 唔成帝堡城個間, 又IN 唔成馬鞍山個啲, wah gagaga, 一天入面收咁多壞消息, 我會成為不折不扣瘋婦,

)

馬鞍山家長們, 暫時成為唔到你哋一份子添, 等我加多幾倍油俾蝦膏仔, 希望在2ND round趕得到成為你哋一份子先, hahaha

作者: chickenwing2006 時間: 11-11-19 03:48

希望下一轉 2nd round 真係會成功啦, 尋晚上網一睇個 result 真係想喊出黎呀

原帖由 KimB 於 11-11-18 10:11 發表
蝦膏媽, 冬菇仔, bluefriend,

唔好咁down啦, 仲有機會嫁! 我相信會有些人唔去註冊, 仲有位的, 可以等明年既第二次收生。阿仔有個同學就係1st time考唔到, 2nd time再試, 就得左!!

千萬不要放棄, 或者政府派到好學 ...

作者: cherry_bb 時間: 11-11-19 04:44

首先多謝各LMC 家長提供意見及問卷
女兒及朋友仔一起取錄,但會放棄學位留返俾有需要的家長, 各位未取錄的努力寫信不要灰心.

題外話我諗LMC 真係對能講流利英語一定會取錄 (因為阿女英文好過中文),如果問我點train我只答因為係KG 每日3HRS 都係英+普通話所以真係浸回來.

各家長加油,希望好快收CALL

作者: Brendazt75 時間: 11-11-19 10:38

我個女都入左,好開心^^
多謝各位的交流同埋鼓勵~~

作者: c1234 時間: 11-11-19 12:41 標題: 回復 2# cherry_bb 的帖子

Hi Cherry,
Congradulation to your child! Do u mind sharing which kinder your child is studying?

作者: Bear2004 時間: 11-11-19 18:50

我囝都收到offer, 但決定give up!
希望未取錄既同學仔, 早日有想要的學位.

加油~~~

作者: giveupaguy 時間: 11-11-20 12:26 標題: 回復 6# 蝦膏媽的帖子

可以想像得到一天幾個壞消息的感受... 但收拾心情重新再戰要緊. 人生漫漫長路. 每個經歷也是一小段. 我們都要學會面對.
我都in左好幾間, 也嘗了不少落敗, 可能本身都唔太寄望. 所以好快都沒有唔開心感覺. 我總相信. 小朋友在岩的學校一樣可以吸收到智識! 共勉之.

作者: giveupaguy 時間: 11-11-20 20:04 標題: 回復 20# bluefriend 的帖子

好坦白的說. 沒有train 過, 我覺得最大原因係亞囝出世至今都要工人湊. 工人平時同佢都係全英. 他只是唔抗拒英文. 好多都GRAMMER 唔岩.. 加埋口水多過茶的個性. 可能有得著 (唔怕羞)

作者: giveupaguy 時間: 11-11-20 20:13

原帖由 JackyBaBa 於 11-11-18 21:58 發表

真係恭喜哂Helen 同鴨仔順利過關，歡迎你地加入我地大家庭，蝦膏媽bluefriend冬菇etc，其實唔好灰心住，之前都講過仲有2nd phase同叩門時候都可能仲有機會有少量位放出埋，未到最後都唔知結果係點,祝各位有心既家長順利入哂泥 ...

多謝多謝. 其實真的很慶幸過關, 校車方面要留意開學時可以點安排. 希望開得成順道的行車線. 因為6:30 真係好早. 都有擔心車程太長令精神不足.

作者: Nicole- 時間: 11-11-21 09:36 標題: 回覆 36# giveupaguy 的文章

係啦, 希望開得成順道的行車線啦!

歡迎光臨教育王國 (/)