教育王國

標題: 要他開心過三年放棄谷功課會後悔嗎？ [打印本頁]

作者: jaca 時間: 11-11-17 16:15 標題: 要他開心過三年放棄谷功課會後悔嗎？

想給他過三年開心快活的幼稚園生活！著重啓發教育的蒙特梭利幼稚園。但放棄了名校學席，不要谷功課死讀書，將來上小學，會追不上而怪責我嗎？
怎樣選擇好呢？比自己㨂工作更難！

作者: jaca 時間: 11-11-17 16:19

為什麼有學券就一定要功課淺？選擇有學券的一定上不了好小學，考到也追不上嗎？

作者: Cutemom0808 時間: 11-11-17 16:24

原帖由 jaca 於 11-11-17 16:19 發表
為什麼有學券就一定要功課淺？選擇有學券的一定上不了好小學，考到也追不上嗎？

為什麼有學券的一定上不了好小學？TT、真光、聖瑪加利大等都有學卷wor

[ 本帖最後由 Cutemom0808 於 11-11-17 17:21 編輯 ]

作者: LUCUSMaMa 時間: 11-11-17 16:29

提示: 作者被禁止或刪除內容自動屏蔽

作者: gwlam 時間: 11-11-17 16:39

有學券doesn't mean功課淺, just some contraints must follow pre-primary education system.

作者: Cutemom0808 時間: 11-11-17 16:51

原帖由 jaca 於 11-11-17 16:15 發表
想給他過三年開心快活的幼稚園生活！著重啓發教育的蒙特梭利幼稚園。但放棄了名校學席，不要谷功課死讀書，將來上小學，會追不上而怪責我嗎？
怎樣選擇好呢？比自己㨂工作更難！ ...

建議你要看看小朋友性格，如果是不喜探索既性格，你叫佢上蒙未必開心，如果係受教小朋友，上谷既學校不代表佢唔開心

作者: ngpun 時間: 11-11-17 16:58

原帖由 Cutemom0808 於 11-11-17 04:51 PM 發表

建議你要看看小朋友性格，如果是不喜探索既性格，你叫佢上蒙未必開心，如果係受教小朋友，上谷既學校不代表佢唔開心

好同意!

作者: sumaggie101 時間: 11-11-17 17:11 標題: 回覆 4# LUCUSMaMa 的文章

提示: 作者被禁止或刪除內容自動屏蔽

作者: Cutemom0808 時間: 11-11-17 17:20

原帖由 sumaggie101 於 11-11-17 17:11 發表
無錯，係政府gei錯，因為好多人心中都標籤左 - 有學券中文係無咁好的學校

其實學券唔學券........政府多鬼餘..............咩叫9年免費教育?????????? 總之係3歲的小朋友，一年比家長claim一次，e.g. 1年每人可claim學費的 ...

重有標籤左Kln Tong高人一等

作者: sumaggie101 時間: 11-11-17 17:26 標題: 回復 1# Cutemom0808 的帖子

提示: 作者被禁止或刪除內容自動屏蔽

作者: 0506mama 時間: 11-11-17 18:06 標題: 回復 9# jaca 的帖子

好同意. 之前民生, 宣道, St. Paul都收學券. 咁有冇人話佢地淺呀??? 大家都話E幾間學校好好. 所以根本就唔關有冇學券事. 不過有D家長比咗錢去D唔收學券的學校就會講D嘢去justify比咗錢係會好D攞番多嘢啫.

作者: Charlotte_mom 時間: 11-11-17 19:06

我2個小朋友都讀緊所謂新思維直資小學, 愉快學習果d, 今年女女p6, 打算直上一條龍中學, 死少好多細胞
作為一個小學家長, 我會咁答: 你想開心, ok, 但你要plan清楚條路點行, 唔好講傳統名校, 就算想入間開心既一條龍小學都要過5關斬6將的, fyi, 我小朋友間學校, 今年1600人考, 120個位, 唔好以為簡簡單單唔駛裝備開心完至算, 除非你真係抱住"抽到邊間就讀邊間lor, 無所謂"既心態; 到時入唔到龍校/直屬學校, 小3開始你又要開始為升中而煩惱
我會咁建議: 識上bk既家長, 揀學校時都一定精挑細選, 無一間學校係完美的, 邊樣唔夠, 自己補足佢, 你揀蒙仔幼稚園, ok呀, 但就要留意下有咩其他方面需要為考小一而裝備, 包括睇多d書, 認多d字, phonics我都好建議學, 對小朋友學英文好有幫助, 中文唔夠就學中文, 英文唔夠就學英文, 操fit小朋友, 到k3時考到間心儀學校, 傳統又好活動又好, 到時放下心頭大石, 至決定放唔放鬆都唔遲:)
有呢個認知, 你會對自己決定有信心d

作者: lnp 時間: 11-11-17 19:08

但以”平均”來說，是事實

一齊也是缘份，信直學，之後睇際遇

作者: kennyklt 時間: 11-11-17 19:55

我諗大家要清楚一件事，學校只有分重視傳統學術教育或創新啟發教育，沒有分谷或快樂學習。學生讀傳統學校一樣可以好開心，讀新派學校亦不代表一定會愛上學習。就算KV的小朋友其實都十分喜歡上課，沒有讀到失去童真這會事。

作者: irene_the_pooh 時間: 11-11-17 20:09

老生常談就當然係話睇小朋友本身性格，但現今香港，其實係睇家長本身既性格 / 期望多D！

如果家長本身係怕孩子「輸在起跑點」既，就算小朋友本身鐘意探索，我估佢地都唔會比佢地蒙唔蒙！

我覺得應該要睇番小朋友既天性同埋每個發展階段，以大人既角度去衡量，其實對小朋友係唔公平！

不過我亦不得不承認一樣野：o係呢個已經變左型既香港教育制度下，家長真係好難取捨！

如果比我揀，我會希望小朋友有一個快樂既開始！

作者: vnghk0001 時間: 11-11-17 22:35

其實樓主唔應該擔心上到小學跟唔上課程，你比得佢讀蒙特梳利都應該會報其他興趣班。
不如你想下佢適唔適應一般小學仲好，如果考直資或私校，你可以幫佢揀比較冇咁嚴，但都要人地收先得，如果派位嘅學校，就要坐定定，教學方法完全唔同，我本來都好似你咁揀，但睇住身邊嘅朋友幫佢地仔女由k2轉返去普通學校讀，都係因為適應問題而轉。
其實想小朋友讀得開心都有唔少選擇，我阿女而家係北角民生到讀pn，佢地冇分國際班或本地班，全部每曰有英文、一星期有普通話兩堂，老師好有愛心，我見其他小朋友都讀得開心，我自己帶返學放學睇到嘅，佢地都係活動教學架，阿女每日都好開心架。

作者: vnghk0001 時間: 11-11-17 22:40

仲有呀，幼稚園有幾谷呀？又唔需要考試，谷係因為家長要小朋友學太多野考小學咋。

作者: careysum 時間: 11-11-18 09:21

唔係架,好多幼稚園好谷架,有學卷同無學卷確實在學術上有好大分別,並唔係有錢人去睇唔起學卷制,同埋睇下要小朋友上咩小學啦!好多直資都都係要考好多野,唔係輕鬆易事,有學卷太多講師生關愛,無學卷大多學術好,睇下你自己要D咩啦!九龍塘唔一定好,但大多好既學校都喺九龍塘,幼稚園輕鬆D都有好處架,但上到小學就好辛苦,係媽媽同小朋友一齊辛苦,要預左,如果心態係諗住大抽獎,去到邊間就邊間都無所謂,到小學既成績好唔好都無所謂,咁就真係無所謂,我大女細個時讀左青衣一間好好既小學,小一已經讀緊全英既化學,佢全級考三十幾,平均分係96.6,我朋友個仔係同級,全級考106名,平均分係96,差0.6分可以差得如此遠,但入到尼類小學,80幾個%都係入讀BAND ONE 中學,大女宜家已經預備考大學,成個讀書旅程係辛苦,最重要係英文同數學,幼稚園打底更緊要,所以細女宜家考幼稚園,我都係以英文同數學做主打,谷唔代表唔開心,同埋,香港既教育制度就係咁,死谷難谷,要進入香港既教育制度就係咁,當然,都要睇返經濟,如果自己經濟唔許可,都要自己辛苦D,在家自己買補充同小朋友做囉!以前我大女細個時我無錢,都係讀屋村果D架咋!但我自己在家又同佢上堂架咋,如果唔係咁, 入左好既小學都要做墊底果D,希望我細女都考到心儀既幼稚園啦!都希望你地小朋友都係啦

作者: LittlePanda101 時間: 11-11-18 09:31

其實在小朋友6歲前這個年紀，是不會覺得學嘢是辛苦，在他們眼中，所有事物都是新奇，如果從小就習慣上課的模式，到佢上小學便不需再重新再適應一次，所以，真的要看看家長想給他讀什麼小學，如果係傳統政府學校，就算是普通的，小朋友上小一時都會跟得很辛苦，如英文默書，小一很快便要默10個生字，5句句子，如果整個幼稚園都冇串過字，真的會追得很辛苦，到10月已經要測驗，真係會追到怕，先苦後甜？先甜後苦？真係要3思，個人分享

[ 本帖最後由 LittlePanda101 於 11-11-18 09:33 編輯 ]

作者: ccssww22 時間: 11-11-18 10:00

提示: 作者被禁止或刪除內容自動屏蔽

作者: vnghk0001 時間: 11-11-18 10:06

所以唔係學校谷，係家長谷。

作者: mamay 時間: 11-11-18 10:12

to share my experience :
I planned to give my elder son a happy school life, thus, my elder son studied at a very happy kinder, no dictation, no journal, very simply hand-writing....he was the top student at kinder.

He was so lucky that accepted by a dragon school. His academic level is average to below average. Those who got higher academic result are those came from KV, St Cat....etc. It really took him some time to pick up, but he is still very happy as he likes the primary school very much.

I talked to some KV parents, their kids are happy and like to go to school.

For my younger son who apply for K1 this year, I plan to apply some kinder with higher academic level.

作者: shirleylee_0514 時間: 11-11-18 10:13 標題: 回覆 2# ccssww22 的文章

K1日日四版功課請問係邊間幼稚園, 四版功課要寫中文字嗎?

作者: isis_dad 時間: 11-11-18 10:18

點解成日聽到讀傳統幼稚園就等於過不開心的三年 ???

我想你要做多d資料好d呢?

作者: ccssww22 時間: 11-11-18 10:48

提示: 作者被禁止或刪除內容自動屏蔽

作者: zoesychan 時間: 11-11-18 11:22

真人真事 - 舊同事2個小朋友都讀創x, 大既小學派左去馬頭涌, 喊足成年小一, 日日喊唔返學唔做功課, 細既跟大既上到小一. 一模一樣, 喊到cc下. 最c係話唔like返學.

我小朋友唔係今年考k1, 只係分享下知道既野

各位家長真係要認真考慮....

作者: Charlotte_mom 時間: 11-11-18 12:03

所以咪話要唸清楚條路點行LOR! 你揀得間幼稚園, 一定有野你覺得係好至會揀, 但同時亦一定有不足, 呢樣係要自己去補, 尢其是如果你打算去間多功課既小學
如果只想幼稚園開開心心, 但同時唸住上到小學"船到橋頭自然直"(先唔好講考小學果關), 太天真了

原帖由 zoesychan 於 11-11-18 11:22 AM 發表
真人真事 - 舊同事2個小朋友都讀創x, 大既小學派左去馬頭涌, 喊足成年小一, 日日喊唔返學唔做功課, 細既跟大既上到小一. 一模一樣, 喊到cc下. 最c係話唔like返學.

我小朋友唔係今年考k1, 只係分享下知道既野

各位 ...

作者: shirleylee_0514 時間: 11-11-18 12:27 標題: 回覆 1# Charlotte_mom 的文章

版主, 你講得好岩...

我姨生女讀YORK畢業, 以我所知, YORK中文都唔係差, 睇功課D字都幾深...英文都好好..成績差年年都差不多係1-4名內。今年小一去左一間唔錯及自己叩門既津校讀...都一樣日日好多功課, 一星期2次讀書/背默...直到依家已經完成TEST, EXAM....但日日無時間,趕頭趕命....以前讀幼稚園已經好多功課...3年既訓練...都抵不住小一排山倒海既功課等....

作者: y3y 時間: 11-11-18 14:30 標題: 回覆 18# careysum 的文章

想問下你個女以前讀邊間青衣學校？你宜家又會幫你細女報邊間幼稚園？
Thanks

作者: Cutemom0808 時間: 11-11-18 14:40

原帖由 shirleylee_0514 於 11-11-18 12:27 發表
版主, 你講得好岩...

我姨生女讀YORK畢業, 以我所知, YORK中文都唔係差, 睇功課D字都幾深...英文都好好..成績差年年都差不多係1-4名內。今年小一去左一間唔錯及自己叩門既津校讀...都一樣日日好多功課, 一星期2次讀 ...

聽到都心酸

唔怪得小朋友會為家課壓力反叛或自殺，到底有乜樂趣可言

[ 本帖最後由 Cutemom0808 於 11-11-18 14:43 編輯 ]

作者: ronniedad 時間: 11-11-18 14:47

但香港教育最大的問題是, 無人話到俾我地知小學會去到邊間度讀, 部署只係我地自己單方面的安排, 所以點解咁多人除龍校外, 都希望小朋友可以去到D能夠打好基礎的名校. 唉!!!

作者: 貝拉 時間: 11-11-21 21:47

我囡囡今年小一, 係沙田區一間唔錯的小學就讀. 囡囡好快就適應, 而且暫時成績都唔錯. 而佢係一間出名活動教學, 好開心又課程淺的幼稚園讀書.幼稚園係有net, 不過每星期兩次, 每次20分鐘; 普通話一星期也是兩次, 每次20分鐘. 如果只靠學校教, 升小一絕對有好大問題. 因為我想囡囡的幼稚園生活可接觸不同的事物, 從不同的角度學習, 學校著重啟發等等. 但係囡囡在外跟外籍人士學英文, 單對單學phonics, 所以囡囡英文升小一後跟得上. 中文方面, 我同佢睇課外書, 最近在外補習中文.
我想講的係如果揀活動教學的學校, 家長自己要在家做好升小一的準備, 不能單靠學校.

作者: yame 時間: 11-11-22 10:20 標題: 回復 32# 貝拉的帖子

你講得好好,家長唔可以靠晒學校,教育係要由屋企做起.

作者: CatEgg 時間: 11-11-22 11:24 標題: 回復 32# 貝拉的帖子

贊好!
老師對住十幾個可能個個程度都唔同的細路好吃力架
如果家長有能力,單對單教就好好

作者: TOKIN 時間: 11-11-22 12:48

原帖由貝拉於 11-11-21 21:47 發表
我囡囡今年小一, 係沙田區一間唔錯的小學就讀. 囡囡好快就適應, 而且暫時成績都唔錯. 而佢係一間出名活動教學, 好開心又課程淺的幼稚園讀書.幼稚園係有net, 不過每星期兩次, 每次20分鐘; 普通話一星期也是兩次, 每 ...

Hi Belle,

Your daughter English is really very good, please check pm.

TOKIN

作者: licpd 時間: 11-11-22 15:52 標題: 回復 12# Charlotte_mom 的帖子

你实在讲的太好!

作者: Charlotte_mom 時間: 11-11-22 17:02

EXACTLY!
有時唔好唸到咁衰, 好似迫個小朋友, 喂, 佢唔識既, 你迫佢都唔上啦! 我就係想小朋友開心, 至揀間開開心心既學校, 然後再用開開心心既辦法(例如PLAYGROUP或者自己就住黎教)去補足姐(揀開心學校唔等於唔理佢啊!)
最近都聽到有準小一家長概嘆, 點解D標榜愉快學習既小學, 小1面試D野都咁深, 又要睇書又要講故事又要創作又要計數仲有中英文普通話對答........係啊, 邊間學校唔想收D精靈易教既學生呢, 活動教學唔等於淺, 呢樣係要記住的, 佢地會要求小朋友自學, 睇多D書, 所以基本語文能力係必需的 (上堂係教基本知識, 再學到幾多就睇學生自己有幾主動)
更何況果D擺明"小一就教下學期, 小2就讀小3書"果D, 就預左小朋友底子更好了

都係果句, 唸清楚條路點行, 操FIT左先, 考完小一睇下有咩OPTION至調節啦, 不過真係唔好掉以輕心

原帖由貝拉於 11-11-21 09:47 PM 發表
我想講的係如果揀活動教學的學校, 家長自己要在家做好升小一的準備, 不能單靠學校.

作者: shirleylee_0514 時間: 11-11-22 17:53 標題: 回復 1# Charlotte_mom 的帖子

無錯...絕對同意...

咁請問如啟思小學附屬幼稚園, 都係活動教學, 兩文三語, 有phonics, 不過就無DICT./TEST/EXAM....但我會安排K2出去上堂再加強中文同數學, 而我一定唔會讀啟小/直資/私校...如到比較好少少既政府學校(當然唔係ST. MARY等等), 會否跟不上及好辛苦嗎 ? 新手媽媽...敬請賜教...Thanks !

歡迎光臨教育王國 (/)